ايش الفرق بين المحركات 4500 -4700 -4800 والدورة/ دقيقة

[مفخرة فورد]

السلام عليكم
** ودي أعرف الفرق بين هالمكاين :
4500 - 4700 - 4800
من ناحية : الفرق في قطع الميكانيكا - التحمل - الصيانة

** عدد الدورات في الدقيقة :
كيف يعني ؟ وايش يصير اذا تعديت الرقم اللي بالاحمر :)
وهل هي نفس الشيء في المحركات السابقة ؟

كانت عندي مشكلة في ضعف الكهرباء vxr 98 :
قالي الفني ان الدورة على 5 وهذا طبيعي يستهلك كهرباء :confused:
أحد يشرح لي هالكلام وهل كل السيارات كذا ؟

ارجو المشاركة للفائدة وللعلم بالشيء

وجزاكم الله خير

[المنيعي1]

السلام عليكم
** ودي أعرف الفرق بين هالمكاين :
4500 - 4700 - 4800
من ناحية : الفرق في قطع الميكانيكا - التحمل - الصيانة

ارجو المشاركة للفائدة وللعلم بالشيء

وجزاكم الله خير


انا راح اقولك عن خبرتي البسيطه في ألاحجام
الـ 4500 يعني حجم البستم 4,5 سم
الـ 4700 يعني حجم البستم 4,7 سم
الـ 4800 يعني حجم البستم 4,8 سم

القاعدة كل ما كان البستم أكبر يكون تحمله أفضل ولايعني ذلك ان يكون أسرع أستجابه فهذا يعتمد على شحن الكهرب ولكن يبقى ألأقوأ في السحب وفي السرعات الطويلة,
ولكن من سلبياته أنه يولد حرارة أكثر .
الفرق في قطع الغيار قد يكون فارق كلي بين المحركين وقد يكون فارق جزئي مثل الفارق بين محرك الباترول الـ 4200 و الـ 4500 الفاق في البستم وطرمبة البنزين فقط.

الصيانة حسب المصنع وتوفر قطع الغيار .

[مفخرة فورد]

عشت يالمنيعي1
معلومة قيّمة وفقك الله

[التعـ King ـديل]

مااقدر اضيف على كلام اخوي المنيعي

الا كلمه يالبيه يهالرقم 4800

[العنابي 616]

الأرقام هذي تعبر عن السعة اللي يستوعبها المحرك من خليط البنزين و الهواء
4500 سعته 4500 سنتيمتر مكعب و هكذا
طبعا كل محرك يختلف عن الثاني كليا و هذي الأرقام ما تدل على قوة التحمل للمحرك
أما بالنسبة لعدد الدورات فهي عدد دورات عمود المرفق(الكرنك) في الدقيقة الواحدة
و الخط الأحمر هو حد الأمان للمحرك يجب أن لا تتجاوزه
و في محركات البخاخ يكون هناك فاصل إلكتروني إذا وصلت إلى الخط الأحمر

[مفخرة فورد]

حياك اخوي الكينق

اخوي العنابي 616

هل فيه فرق في باقي أجزاء الماكينة غير البستم ؟ البلوف مثلاً ؟

الدورة لكل دقيقة هل لها دخل بالكهرباء ؟؟ وهل تختلف في الماكين السابقة ؟

وياليت تذكروا لنا قوة المحركات بالاحصنة

[ابوألياس يوسف]

اسلام عليكم اخوي بنسبه للارقام هذي 4800 هي سعة غرف الاحتراق للمكينه وليس طول البستم اي 4,8لتر للست بساتم ككل بنسبه للفتك وليس لها دخل بدورات المكينه او4800 مللتر مكعب اما بنسبه للكهرب عند 5 يقصد ان المكينه مهديه اكثر من الازم للدوره المفروض 750 دوره للدقيقه وليس 500 لزيادة انتاجيت الدنمو الكهرباء

[مفخرة فورد]

ابوألياس مافهمت عليك
اللي أقصده عداد rmp
عندي بعد الرقم 5 خطوط حمراء :confused:
وفقك الله

[مفخرة فورد]

ليش الموضوع في الصفحة الثالثة :mad:
ودنا العلم يارجال

[يريور عيمان]

الفتك 4800 اقصى دورة يوصل لها 5500 دورة في الدقيقة
و بعدها يفصل و يحدث ما يسمى بالكت اوف CUT off و يسمى بالمحلية بالتفة
و هي لحماية الكرنك حتى لا يتجاوز الحد النهائي من عدد الدورات
و لازم ما تخلي rpm على الخطوط الحمراء لانها تظر المكينة

[مفخرة فورد]

حياك اخوي يريور عيمان
معلومة قيمة - حركة ال cut off
اقصى دورة في الفتك 4800 عند 5500
وجزاك الله خير

نفسي واحد يشرح فروق اجزاء المحرك بين الثلاث انواع
والله الموفق

[مفخرة فورد]

للرفع
يمكن يمر احد الخبراء منا والا منا :)

[بومهاوش]

الشباب افادوا الله يجزاهم خير

4500 هي سعةغرفة الاحتراق في سلندرات المحرك يعني لو تخرط و تركب بساتم اكبر تصير سعة محركك اكبر و 4500 ليست بالضرورة المساحة الحرفية ممكن تكون اكبر او اصغر شوي بس تقريبا كتبوها 4500

و بالنسبة لعدد دورات عمود الكرنك 5000 أغلب السيارات اللي اعرفها بعد الـ5000 مخططة باحمر

بعدين مو كافيك دورة العمود على نفسه 5000 مرة في الدقيقة !!! سرعة دورانه العالية اهم اسباب خرابه بعد نقص الزيت و حركات الشباب التعبانة يجلس يدور بمسيرة و سيارته دعسته طول الوقت للصاجة و يسفت ما يدري انه اخس تخبيطة مكينة حقت العمود ان خبط العمود و الله لتوضب المكينة بدبل السعر و انت ما تشوف الدرب

يعني مثلا نيسان باترول توضيبه كامل تقريبا يكلف 3500 إلى 4000 بينما عمود الكرنك لحاله يسوى له حول الـ3000 يعني صارت السالفة 65000 -7000 بعد ما كانت 3500 شفت الفرق؟!!

أما بالنسبة للكهرب فأنت تقول كان عندي مشكلة كهرب أفهم من كلامك انها راحت ؟!!

[مواسي الطعوس]

** هذه سعة المحرك ...وقد يكون 6 سلندر او 8 سلندر . وهذا رقم يدل على سعة المحرك باللتر .

4800 يعني 4 لتر و800 جزء بقي قليل ويصل الى 5لتر .
** وهذا رقم مقرب ل cc وتحصله مكتوب في كبوت السياره وهو دقيق 100% اظن 4800 الرقم الدقيق 4759 لكن يقرب الى اقرب 100 . الرقم يختلف من سياره لسياره لكن cc هو الدقيق.
** الصيانه والتحمل : حسب الشركه المصنعه .

** الرقم الاحمر : في اغلب سيارات نيسان تحصله مرتفع الاحمر عند 6500 ...مثل الفاندر الاكستيرا النافارا....الددسن ... .لذا تجد ماكينة النيسان 4000 اقوى من التويوتا 4000 بشكل واضح ...لكم تويوتا يجيك النمر حقت القير قصيره تعوض بعض الضعف فيها .

** تقدر ترفع rbmلكنه مكلف الا في المكائن الامريكيه يرفع الى تقريبا 7000 دوره في الدقيقه ...تغير طرمبة زيت وبرمجه وشغلات ......

** اذا كان الرقم مقارب لبعض 4800 6سلندر و 4700 8 سلندر يكون الست سلندر اوسع خانه لانه 6 خانات وهذاك 8 خانات .

**ارجوانك فهمت كلامي .

[ايدي باور 4x4]

السلام عليكم ورحمة الله وبركاته

قدر الله وما شاء فعل والحمدلله على كل حال

يوم السبت الماضي تعرضت لحادث واحد طلع في وجهي وخبطته والحمدلله سلمنا وموتري يبيله شغل واجد لان الايرباقات طلعت والوجهيه كامله راحت وتقدير قطع الغيار اللازمه مكلفه جدا بحدود 37000 ريال غير شغل اليد حوالي 10000 ريال وننتظر نخلص اجراءات المرور ونشوف التأمين وش يقولوا .

المهم انا ودي اشتري سياره واشوف الفتك الناس تمدحه ولقيت واحد مع جاري يبي يبيعه لونه لؤلؤي 2004 قير عادي ممشى 277000 وشوي بدون فتحة سقف والموتر مافيه سمكره بودي بلد والداخليه زينه والرجال حاده بــ 65000 ريال وابي مشورتكم يالربع والله يعينا على قروض هالبنوك

[المنيعي1]

السلام عليكم ورحمة الله وبركاته



قدر الله وما شاء فعل والحمدلله على كل حال


يوم السبت الماضي تعرضت لحادث واحد طلع في وجهي وخبطته والحمدلله سلمنا وموتري يبيله شغل واجد لان الايرباقات طلعت والوجهيه كامله راحت وتقدير قطع الغيار اللازمه مكلفه جدا بحدود 37000 ريال غير شغل اليد حوالي 10000 ريال وننتظر نخلص اجراءات المرور ونشوف التأمين وش يقولوا .



المهم انا ودي اشتري سياره واشوف الفتك الناس تمدحه ولقيت واحد مع جاري يبي يبيعه لونه لؤلؤي 2004 قير عادي ممشى 277000 وشوي بدون فتحة سقف والموتر مافيه سمكره بودي بلد والداخليه زينه والرجال حاده بــ 65000 ريال وابي مشورتكم يالربع والله يعينا على قروض هالبنوك

ترك مضيع الله يجزاك خير
حط موضوع مستقل ويشيرون عليك الشباب
وحدد النوع هل هو SGL أو سفاري أو سوبر