رغبتي في جي اكس آر 2011 تماتيك ديزل (رأيكم يهمني)

[أبو وليد 1]

السلام عليكم ورحمة الله


أحتاج رأي المجربين فقط


وهذه مواصفات الموتر


- محرك 8 إسطوانات سعة 4.5 لتر كامات علوية مزدوجة مع 32 صمام
- صافي الخرج الأقصى: 232حصان (لناقل الحركة الأتوماتيكي)
- صافي الخرج الأقصى: 217حصان (لناقل الحركة اليدوي)
- ناقل الحركة: خمس سرعات يدوية / ست سرعات اتوماتيكة
- جنوط المونيوم 8 J
- مقاس الكفرات: 285/65R17
- عدد8 مقاعد
- الشبك الأمامي: اسود مع كروم
- مقابض الابواب الخارجية: بلون السيارة
- المرايا الخارجية: بلون السيارة
- اشارات ضوئية على المرايات الخارجية
- مثبت سرعة .
- كشافات ضباب امامية
- حساسات خلفية
- راديو, كاسيت, مشغل 6 اسطوانات
- عدد 6 سماعات
- مكيف خلفي: يدوي
- مراية الرؤية الخلفية ذاتية التعتيم مع بوصلة.
- عتبة جانبية
- حامي صدام أمامي
- جناح خلفي
- تخشيب داخلي
- فرشة لصندوق الأمتعة.


أخترت الديزل لأن سفراتي كثيرة جدا وماني حق مطامر وتطعيس ابد


وش رايكم يالربع

[ابوراكان تبوك]

نصيحتي ديزل ابعد عنه صدقني رايح تتحسف وتطيح قيمته بسرعه من واقع تجربة شاص 2010 ماينفع نهائياً في الطلوع والطعوس وتقهرك القيمة اللي انت حاطها فيه

[ربيعة]

السيارة حلوة دامها جديدة بعد استخدام بسيط انواع الأصوات في المكينة وعقبها انواع الحسايف
اما اانكانك شريته الله يبارك لك به

[ذهب صافي]

راح تفرق معك في الطلوع والطرق المرتفعه

والسعر ايضاً راح يتغير بأقل من لو كان بنزين

[دورانقو]

عليك بالتيربو وماقالتلنا كم سعره

[ابو سلطان س]

اذا كانت هذه رغبتك اشتر والله يعطيك خيره ويكفيك شره ولا تفكر في بيعه مهما حصل من عيوب

[SIF]

البنزين أنا أخوك رخيص

وش حدك على الديزل

عله ثقل وبعد كم سنة أنواع التدخين وإذا خبط بع تشليح أزين لك التوضيب صعب وترى قطاع غيار سيارات الديزل أغلى من البنزين

وعليك بالأستخارة فما ندم من أستخار ولا خاب من أستشار

والشور عطيناك أياه

بالتوفيق

[سهم قيادي]

يحسب للديزل رخص الديزل اما الباقي من صالح البنزين تقريبا

[جومانشي]

يا رجال وش لك في الديزل

من رائي الشخصي ما انصحك

ولو فيه خير كان شفته منتشر عند الربع

ونادر اللي يستخدمونه

وعلله واجده

ومع مرور الوقت راح تتحسف في كل ريال حطيته فيه

[ن م ر]

من رخص البنزين منذ حوالي 5 سنوات وسيارات الديزل محد يلتفت لها

نصيحتي لك ابعد عن الديزل صيانته مكلفه ولا هنا جدوى

[MjNo0oN]

والله بعد تجربه لاحد شيوخ الدزل (اي سوزو دماكس) السياره بشكل عام حليله وتجامل مع راعيها

والتويوتا سامع ان مكاين الديزل حقته لك عليها وعكاساها (خرابها) كثير

ونصيحه لك الديزل دواه السوزو اما الباقي ما انصح به ابد

ودامك ماشاء الله عليك وصلت قيمة الاند اكيد منتب مستكثر قمة البنزيم خصوصاً انه رخيص واقوى عزم واقل اصوات وخراباته معروفه و اغلب الورش تشتغل عليه وقطع الغيار ارخص من الديزل على كلام الاعضاء

ونصيحه لك لاتشتري شي بذيك القيمه مايتم معك سنه الا وانت متحسف قد شعر راسك منه

[أبو وليد 1]

بيض الله وجوهكم جميعا


شبه إجماع على الابتعاد عن الديزل


رأيكم سديد


أهلا بالبنزين

[ابن البكيرية]

الله يوفقنا وإياك

[باوزير]

خذ الراي من المجربين على هذي الروابط

http://www.toyota4arab.com/forum/t160999.html

http://www.toyota4arab.com/forum/t163600.html

http://www.toyota4arab.com/forum/t142722.html

[خلان الاشده]

حسيت انك بالندن والبانزين الغالي ياخوي اظن البانزين ارخص من الديزل ولله الحمد وش يحدك تاخذ ديزل ان كانك خذيت جكسار ديزل والله انه يبيلك واحد يقرا عليك يعني لو سيزو يمكن لو ديهاتسو او ددسن ممكن بس جكسار مره وحده الله يعين

[sameer_1798]

والله ياخوي انا ماجربة الديزل ولكن من قرائتي عن الاند الجديد الديزل في المنتديات بدأت أقتنع فيه ولو الله رزقني ماراح أخذ إلا ديزل .
ياخوان ترى الديزل في الاند الجديد يختلف عن الاند القديم ركبوا عليها مكاين سابقاً ماكانت تنزل إلا في استرالي و اوربا وهي مكاين جداً قويه
( دبل تيربو ) ماعاد فيها اصوات ولا دخان وعزم وتسارع ممتاز يناطح البنزين .

الديزل يوصلك حول 1100كيلو ماهو مثل البنزين يالله حده 700 كلم
وبربع تكلفة البنزين ... ولاتستبعد ان تسافر بالسيارة للخارج

[دل البحار]

ديزل ما انصح فيه خصوصآ بالتويوتا والدليل باصات تويوتا في البيع ما احد يشريها وسعرها بالطييييييييييين في الحظيظ

[مخاوي دابذريع]

الظاهر الربع ما سعوا بالديزل الجديد تتوقعون كم يمشي ؟؟؟ 260 وعليه إثنين تيربو ومواصفات فكسار يعني خفه وقوة عزم وتلاقيه عند الجويسر بالبدائع بالقصيم واحب اوظح لاخواني ان محرك الديزل اقوى واصبر من البنزين فقط تفلل التوانك الاثنين بـ40 ريال وامش المملكه قطوعxقطوع...

[نوماس1]

يا اخي لا مقارنه الديزل الفضل بكثير
خذ الديزل ورايح تدعيلي

[خالد السباعي]

السلام عليكم ورحمة الله وبركاتة

من تكلم بغير فنة فقد اتى بالعجائب ..!

ولتكون على بينه يا اخي العزيز يمكنك تجربته من شركة عبداللطيف جميل بتقديم الطلب بتجربة لاندكروز ديزيل تيربو 8 سلندر سعة 5.7 موديل 2010 أو 2011 جي اكس آر مع طلب بيان بكافة التفاصيل عن الفروقات بين محرك الديزل والبنزين .... لإنك بعد قراءة هذه الفروقات ستندهش بميالان الكفه لصالح الديزل من حيث قوة عزم الدوران و أشياء اخرى مع بعض الفروقات القليلة والتي تميل لصالح البنزين وهي فروقات لا تهم لمحبي الدفع الرباعي
لإن ثقافة الديزل لم تفهم بالشكل الصحيح لدى عامة الناس

[أبو وليد 1]

يظهر لي والله أعلم


إن الذين لا يؤيدون سيارات الديزل ما شاهدوه في الموديلات القديمة


من ضعف العزم + الدخان + الاصوات المزعجة


لكن المؤيدون يؤكدون إن الموديلات الحديثة لا يوجد فيها ذلك


وخصوصا من سنة 2008


رأيكم

[بروق ساق]

الظاهر الربع ما سعوا بالديزل الجديد تتوقعون كم يمشي ؟؟؟ 260 وعليه إثنين تيربو ومواصفات فكسار يعني خفه وقوة عزم وتلاقيه عند الجويسر بالبدائع بالقصيم واحب اوظح لاخواني ان محرك الديزل اقوى واصبر من البنزين فقط تفلل التوانك الاثنين بـ40 ريال وامش المملكه قطوعxقطوع...


الجويسر طماع

[دل البحار]

الديزل غير ناجح لا بتويوتا ولا بنيسان
الديزل له شركه متقنه لمحركات الديزل وهي ميتسو بيشي وأيسوزو بعدها ولا يود فرق كبير اما تويوتا فبعيييييييييييد عن شوارب ابو من صنعه ينجح بالديزل مثل ميتسو بيشي وايسوزو والدليل الان أذا احنا فاهمين اجل اهل المعارض مالهم فهم وعارفين بالسيارات ما اعتقد ذلك
التويوتا ديزل مالها سوق
النيسان ماله سوق بالديزل
عكس الميتسو بيشي بالمحركات اكتب مو عن السياره عن المحرك وفشله من نجاحه
لا يقارن الديزل بتويوتا مع البانزين من نفس الشركه البانزين افضل خدمه وبيع عكس الديزل

[راعي الركيات]

نصيحتي لك ابعد عن الديزل صيانته مكلفه

[صقر أمه 506]

انا سمعت ان الاند الجديد الديزل منه ممتاز
ويختلف عزمه عن الاول بكثيير ...

[كريم الطباع]

خذ الراي من المجربين على هذي الروابط

http://www.toyota4arab.com/forum/t160999.html

http://www.toyota4arab.com/forum/t163600.html

http://www.toyota4arab.com/forum/t142722.html

من خلال هاذي الروابط أنا شخصيا اقتنعت

[حبل الوريد]

معليش يالغالي بس وا لله انك قهرتن لبروح اتوضاء يروح الغضب شوي ههههه

يعني يالغالي مشاء الله عليك طرحت سعر الجيب جديد عجز تفع بنزينه

ياخي البنزين اطول عمر واقل اعطال وارغب بالبيع وارسم وصيانته نار

والله ما عمره مر عندي جيب جديد ديزل

اضحك وبنفس الوقت ودي انزله من موتره