داخل على الله ثم عليكم

[طخيمان]

يالربع أنا داخل على الله ثم عليكم عندي ماطور هواء من نوعية الجمل ودعسته بالسيارة وما جاه شيء
الحمد لله :eek:
لكن بعد كم مرة من الاستعمال انكسرت الماصورة حقت الهواء ورحت لمخرطة وولفت له ماصورة بس المشكلة
اني اذا ربطت اللي الأصفر في الكفر يبدأ يسحب الهواء اللي في الكفر و بصراحة دخت من كثر ما رحت للغرابي و الصناعية بس ما عرفوله :الخلاصة:
أبي ورشة أو محل أو انشاء الله عشة المهم يعرفون يصلحونه , والله حرام شاريه بـ280 ولا لقيت محل يصلحة.

[عاشق الجبل]

أبشر والله بعزك

أبشرك بماطور هواء أبوبعير قصدي أبوجمل مخبط :)

في أخر روحة للصمان شبكته بالكفر ونسيته نص ساعة وخبط ( من كثر ترصيع الدخل نسيت ) :)

واعدني وأنا أخوك وخذ منه اللي تبي ( إلا اللي الأصفر ) وتراه يفدى مواطيك :)

[طخيمان]

الله يسلمك هذا والله من طيبك بس أنا حقي ما فيه شيء بس أبي ورشة تعرف تصلحة أو متخصصة بالمواطير.

[عاشق الجبل]

والله ودي أفزع لكن هذا اللي عندي طال عمرك :)

[طخيمان]

الله يسلمك مشكور وما قصرت.

[طخيمان]

معقولة يا شباب كلكم طيور بر ولا أحد يعرف محل يصلح مواطير الهواء
شكلكم اذا طلعتوا للبر ما تنسمون . :mad:

[اسيزو 4x4]

السلام عليكم ورحمة الله وبركاته

الغالي أبو الطواري وراك معصب يا بعدي :D ;) هدي الأعصاب وشرب سنتوب بارد .. ;)

يا ما شرينا من هالمواطير وراحت في خبر كانا :D راحت بواخر محملة مواطير هواء يالنشمي ;) :D

ولكن أنا سمعت أن ماطور الهواء إذا خرب خلاص بدلة بواحد ثاني الله يعينك ... وأبشر باللي يرضيك ....

أخوك أبو حمود .... :good:

.

[طخيمان]

والله مهيب بشارة يا أبو حمود أجل يلعبون علينا في الغرابي و أي محل تدخله تلقى عنده أشكال وألوان وآخرتها مافيه أحد يصلحة
ماينفع ذا الكلام لازم يحطون لهم ورشة تصلح المواطير
أجل شارينه بهاك العدة واذا جاه أي خراب معد يتصلح هذي والله البلشة.

[بو عبدالكريم]

شف يا ابو الطواري انا اعرف ورشة مرة زييييييييينة والي يشتغلون فيها اسمهم عصام وماهر و.... هذولي ازين ناس يصلحون وهم اكثر ناس ينصبون وشرايك؟؟؟؟؟؟؟؟؟؟

[طخيمان]

ما يخالف المهم يصلحونه على راي المثل
وأنتم بكرامة اذا صارت حاجتك عند الكلب قله يا سيدي.

[طخيمان]

الله لا يهينك يا يو عبدالكريم عطني وصفهم أو رقم تلفونهم. :(

[النداوي HZ2AF]

واعدني وأنا أخوك وخذ منه اللي تبي ( إلا اللي الأصفر ) وتراه يفدى مواطيك

ما اقول الا الله يبيض وجهك ويكثر من امثالك

[anas]

انا مثلك بعد اكسرت علي الابرة في اللي حق الماطور وسرت كل ما اجي اعبي الكفر لازم اشيل الابرة من الكفر بعدين اركب اللي مباشرة واذا شلت اللي ادخل الابرة في الكفر بسرعة قبل ما ينسم كثير ... جربها اذا كانت نفس مشكلتي . :confused:

[طخيمان]

يعني ما أحد يعرف يصلحة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[anas]

حسبي الله على وزارة التجارة ..اين حماية المستهلك من هذا اللعب بفلوس المواطنين أصبح أي شيء تشريه يخرب بسرعة خلال اشهر ( حسبي الله على المرتشي والظالم فيهم ) :mad:

[LAND CRUSER]

يااحليلك متحسف على واحد قيمته ميتين وثمللنين انا عندى خمسة مدرى ستة كلهن خرباانات وشى يشتغل ولا ينفخ لاكن سمعت انهم يصلحوونهن بالريااض 0 بس تبى نصيحتى ترى له عمر افتراضى يعنى اشتر جديد ابرك وريح ملايكك0 :confused:

[طخيمان]

أنا شاريه مالي 6 شهور ما أمداه يخرب .

[nahham]

ابو الطواري مساء الخير

فهمت من كلامك ان مشكلتك ان الهواء ينسم من الكفر

يعني يلزمك رداد هواء

تلقاه عند حقين التكييف والعدد في شارع الريل او شارع الظهران جنوب ملعب الملز

مع اني افضل تغييره بالكامل

بالتوفيق

[طخيمان]

مشكور يا nahham على الرد
الهواء اللي يطلع من الكفر ما يطلع اللا اذا شبكته في الماطور وشبكته في الكفر
لكن الرداد اللي تقول وين أشبكه فيه ؟؟
تراني غشييييييم

[عاشق الجبل]

لاهنت أخوي النداوي .... ونفتخر بأمثالك هنا