أنتم سبب كثره الحوادث

[عاشق vip]

السلام عليكم ورحمه الله وبركاته

أهلاً وسهلاً بالجميع

موضوعي اليوم حول ( الحوادث المروريه ) .. والتي طغت علينا فكره بأن البنقاليه والأجانب هم سبب 90/100 من الحوادث .. فعلى قول الوالده الله يحفظها ( كل الديه بأبو عبيه ) .. فدعوني أستعرض لكم أخطاءنا الفادحه :ـ

1/ الأب إذا جاء يعلم ولده السواقه ياخذه يوم .. واليوم الثاني وهو معطيه السياره .
2/الأب إذا جاء بيعلم ولده يركز على كيف يقومها وكيف يغير نمر .. ولا يفكر كيف يحمي ولده وكيف يعلمه فنون القياده .
3/ جميعنا يعلم بأننا شعب لا يعترف بالأشارات ( غمازات ) .. ونادراً تلاقي أب يعلم ولده في بدايه القياده على الغمازات وربط حزام الأمان .
4/ الولد وهو عمره 16 سنه تلاقي معاه سيارات موديل 2011 .. ويوم يصدم تلاقي معاه 2012 .
5/ ما أحد يراكب عياله بين فتره وفتره ويشوف كيف سواقتهم .. هل فيها خطر على نفسه قبل الناس ... ولا الولد عاقل .
6/ نظام ساهر لابد أن يكشف للأب مستوى سواقه ولده في البلد .. من ناحيه تسجيل القسايم .. ويمكن هذا معيار حتى تشوف كيف قياده أبناءك .
7/ إذا الولد رسب في إختبار الرخصه .. اليوم الثاني أبوه مطلعها بالواسطه .

* أنا لا أنكر بأن العماله الأجنبيه تجي وتتعلم السواقه في بلدنا .. ولكن جميعناً لا ينكر بأن الحوادث تصدر منا ومنهم .. فلماذا نقر بطرف واحد .. ونخفي الطرف الأخر .

& ( ثقافه تخلفيه ) .. مع الأسف حنى ما نعترف بحزام الأمان .. ويوم نجي قريب من التفتيش نقوم نربطه .. نخاف يسكونا بقسيمه .. بس ما نخاف إن نطير من القزاز وقت الحادث << قوه قلب فينا ههههههههههههههههه .

$ ( الأنوار ) .. يجيك واحد داق النور العالي وراك .. ولا شمعه أقوى من شمعه .. ولا مركب لك زنون .. وتدق له فلشر يمين يسار الأثنين .. ماهو شايفك الرجال .. ويوم تخليه يتعداك وتدق له العالي .. يطلع يده ويقولك وش فيك ههههههههههه .. وفيه أمكانيه لحصول الحوادث من الأنوار العاليه بسبب تأثيرها على العين .

% يجيك واحد وماسك اليسار وتبدء تأشر له بالأنوار .. وهو مضلل القزاز ولا هو يمك .. وتطلع عن الخط شوي وتأشر له يوخر ولا أحد عندك .. ويوم تزله تلاقيه يضحك وغرقان بالسواليف مع أصحابه ولا عايلته .. ومعطل السير وراء .

# في المنطقه الغربيه .. لاحظت بإن الناس ما تعرف ( إن الأفضليه لمن بداخل الدوار ) .. فيجيك الواحد من بره الدوار ويسقط على الي بداخل الدوار .. وإذا لك الأفضليه وبتعدي يحاول يسبقك .. ولا يطالع فيك بنظره إستحقار << ما يبقى لهم إلا أبو عزيزه يأدبهم .

( أدري طولت عليكم بالأخطاء الي نرتكبها .. بس والله مقهور من الي أشوفه من الناس والغشامه الي فيهم .. )

تقبلوا شكري

[طفران بس بطران]

اليوم بغيت اقشع

[نديم القهوة]

^
^
الحمد لله على السلامة

[بريداوي اصليm]

الصراحه كلامك صحيح والنقطه الي لازم نحط تحته خطين
هي رقم 7/ إذا الولد رسب في إختبار الرخصه .. اليوم الثاني أبوه مطلعها بالواسطه
أهنيك ع موضوعك التوعوي

ــــــــــــــــــــــــــــــــــــــــــــــــــ ـــــ

طفران بس بطران

فكك الله أنت يمكن صاحي ومنتبه
بس المشكله لاجاك واحد مهب صاحي ومهب منتبه
ويصدمك الله يكفينا وياكم من شر الحديد

[ملك الفكتوريا]

ومع ذلك النسبة الأكبر من الأجانب


لو أحلف أن الشعب السعودي أفضل شعب يتعامل مع السيارة اذا فقدت سيطرتها وشوف سواقة صناع السيارات كيف ما هي شئ بجانب سواقة السعوديين رغم التهور والاشياء اللي قلتها

[عاشق vip]

اليوم بغيت اقشع


هلا وغلا

الحمدلله على السلامه

وإن شاء الله تكون لك خيره فيها .. وإن الله حماك من شر أعظم منه ..

وإن شاء الله تكون سبب لإنتباهك

بالتوفيق يا الغالي .. والله يحرصك ..

[عاشق vip]

الصراحه كلامك صحيح والنقطه الي لازم نحط تحته خطين

هي رقم 7/ إذا الولد رسب في إختبار الرخصه .. اليوم الثاني أبوه مطلعها بالواسطه
أهنيك ع موضوعك التوعوي

ــــــــــــــــــــــــــــــــــــــــــــــــــ ـــــ

طفران بس بطران

فكك الله أنت يمكن صاحي ومنتبه
بس المشكله لاجاك واحد مهب صاحي ومهب منتبه
ويصدمك الله يكفينا وياكم من شر الحديد


هلا فيك أخوي

الله على الي ما عنده واسطه .. والله يا يكرف في الكتيب حق الأشارات .. وتلاقيه في كل مخطط .. حط له أربع عواميد يتعلم على التلبيقه .. بس آخ لو الدنيا ما فيها حرف الواو .. كان الناس بخير للحين ..

والله يعطيك الف عافيه على المرور .. والف شكر لك ..

[عاشق vip]

ومع ذلك النسبة الأكبر من الأجانب


لو أحلف أن الشعب السعودي أفضل شعب يتعامل مع السيارة اذا فقدت سيطرتها وشوف سواقة صناع السيارات كيف ما هي شئ بجانب سواقة السعوديين رغم التهور والاشياء اللي قلتها

هلا فيك أخوي

* طيب ممكن ناخذ الموضوع بشكل واسع شوي .. وقولي رأيك :ـ

ـ الحين العماله الأجنبيه ذي الي جايه .. يجيك من بلده وحتى لو معه رخصه ما تفيده بالبلد .. لازم يطلع غيرها عندنا .. طيب ( الحين الموضوع صار بيدنا حنى ) :ـ

_ أول شيء كيف طلعوا له رخصه .. دامه ما يعرف يسوق !!!!

_ ثاني شيء .. كفيله وشلون يعطيه سياره وهو يعرف إنه أول مره يسوق !!!

_ ثالث شيء يوم يصدم بأي سياره .. تلاقي كفيله مطلعه ودافع فلوس التصليح ومسلمه السياره مره ثانيه !!!

_ إذا كانت نسبه الحوادث من العماله الأجنبيه .. ليش الإدارات المسؤوله ما تشدد على هذي النقطه .. ويوضعون قوانين ويعدلون الوضع !!!

& أخوي الموضوع الأول والأخير كله خارج من تحت يدنا .. حنى يا السعوديين .. يعني الأشياء الي ذكرتها لك فوق .. كلها لو كان في وعي وثقافه من الجهات المسؤوله ما كان قلنا إن أكثر الحوادث من العماله الأجنبيه ..

* أنا ما أنكر إنهم غشمان وإنهم يتعلمون السواقه في بلدنا .. وإن الشعب السعودي الأغلب سواقين .. بس برضوا ما ننكر إن الغلط بالأول والأخير هو حنى يا الشعب .

أتمنى أكون أقنعتك بكلامي .. وإختلاف الأراء لا يفسد للود قضيه ..

والله يعطيك الف عافيه على المرور .. والمشاركه الجميله ..

والف شكر لك

[abo_hoor]

وعليكم السلام ورحمة الله وبركاتة
يعطيك العافيه اخوي عاشق على هالموضوع المفيد
والمهم بكل كلمة كتبتها والله
انا طبعا بعلق على نقطه واحد من موضوعك المهم

& ( ثقافه تخلفيه ) .. مع الأسف حنى ما نعترف بحزام الأمان .. ويوم نجي قريب من التفتيش نقوم نربطه .. نخاف يسكونا بقسيمه .. بس ما نخاف إن نطير من القزاز وقت الحادث << قوه قلب فينا ههههههههههههههههه


أهمية حزام الامان والذي اثبتت الدراسات انه يقي الاصابات
بنسبة 80% في حال وقوع حادث للسائق و الركاب ايضا وعندنا بالخليج طيعا مابي اعمم
عبالهم حزام الامان عيب اذا حطه وهذا تخلف في وجة نظري
وحزام الامان وضع لكي يقي من اصابات خطيره جداااااا
وبارك الله فيك على هالموضوع

[عاشق vip]

وعليكم السلام ورحمة الله وبركاتة
يعطيك العافيه اخوي عاشق على هالموضوع المفيد
والمهم بكل كلمة كتبتها والله
انا طبعا بعلق على نقطه واحد من موضوعك المهم

& ( ثقافه تخلفيه ) .. مع الأسف حنى ما نعترف بحزام الأمان .. ويوم نجي قريب من التفتيش نقوم نربطه .. نخاف يسكونا بقسيمه .. بس ما نخاف إن نطير من القزاز وقت الحادث << قوه قلب فينا ههههههههههههههههه


أهمية حزام الامان والذي اثبتت الدراسات انه يقي الاصابات
بنسبة 80% في حال وقوع حادث للسائق و الركاب ايضا وعندنا بالخليج طيعا مابي اعمم
عبالهم حزام الامان عيب اذا حطه وهذا تخلف في وجة نظري
وحزام الامان وضع لكي يقي من اصابات خطيره جداااااا
وبارك الله فيك على هالموضوع


هلا فيك أخوي

والله يعطيك الف عافيه على الإشاده الطيبه .. من وجهٍ طيب ..

وإن شاء الله الكل يعي أهميه حزام الأمان .. ونكون شعب مثالي .. من هذي اللحظه ..

وأنا أستغرب على الناس الي تضحك من ربط حزام الأمان .. وتقول ( مسوي نظامي ) وما يدري إنه هو سبب حمايته من الموت بعد مشيئه الله عز وجل .

والله يقويك يارب .. ويحفظك من كل شر ..

والف شكر لك

[الهاجس 354]

موضوع جميل اهنيك عليه

تحياتي لك

[عاشق vip]

موضوع جميل اهنيك عليه




تحياتي لك



هلا وغلا

وهذا من طيب ذوقك يا الغلا

ومشكور على المرور الجميل

دمت بود

[دل البحار]

ومع ذلك النسبة الأكبر من الأجانب


لو أحلف أن الشعب السعودي أفضل شعب يتعامل مع السيارة اذا فقدت سيطرتها وشوف سواقة صناع السيارات كيف ما هي شئ بجانب سواقة السعوديين رغم التهور والاشياء اللي قلتها
العربي بصفه عامه ودول العالم الثالث اغبى من يقود السيارات
السبب الاستهتار وعدم اللا مبالاه الا (المثقفين فقطططططططط)

[ملك الفكتوريا]

هلا فيك أخوي


* طيب ممكن ناخذ الموضوع بشكل واسع شوي .. وقولي رأيك :ـ


ـ الحين العماله الأجنبيه ذي الي جايه .. يجيك من بلده وحتى لو معه رخصه ما تفيده بالبلد .. لازم يطلع غيرها عندنا .. طيب ( الحين الموضوع صار بيدنا حنى ) :ـ


_ أول شيء كيف طلعوا له رخصه .. دامه ما يعرف يسوق !!!!


_ ثاني شيء .. كفيله وشلون يعطيه سياره وهو يعرف إنه أول مره يسوق !!!


_ ثالث شيء يوم يصدم بأي سياره .. تلاقي كفيله مطلعه ودافع فلوس التصليح ومسلمه السياره مره ثانيه !!!


_ إذا كانت نسبه الحوادث من العماله الأجنبيه .. ليش الإدارات المسؤوله ما تشدد على هذي النقطه .. ويوضعون قوانين ويعدلون الوضع !!!


& أخوي الموضوع الأول والأخير كله خارج من تحت يدنا .. حنى يا السعوديين .. يعني الأشياء الي ذكرتها لك فوق .. كلها لو كان في وعي وثقافه من الجهات المسؤوله ما كان قلنا إن أكثر الحوادث من العماله الأجنبيه ..


* أنا ما أنكر إنهم غشمان وإنهم يتعلمون السواقه في بلدنا .. وإن الشعب السعودي الأغلب سواقين .. بس برضوا ما ننكر إن الغلط بالأول والأخير هو حنى يا الشعب .


أتمنى أكون أقنعتك بكلامي .. وإختلاف الأراء لا يفسد للود قضيه ..


والله يعطيك الف عافيه على المرور .. والمشاركه الجميله ..



والف شكر لك



وأنا معك يا صاحب الموضوع بعد التوضيح




صحيح احنااللي اعطينا الاجنبي مجال ولنا دور كبير بالحوادث



ربك يعين

[عاشق السيل]

السواقة خاصة بالرياض فيها عيوب كثيرة :

بالنسبة للعمالة : غباء وخوف زايد عن حده وعدم خبرة بالقيادة !!

بالنسبة للسعوديين : شوفة نفس وعناد ومااااااااااااااااااااافيه أمل يستخدم الإشارات وياويلك لو يخطي عليك وتقوله شي !!!!!!!!!

موضوع رائع وكلامك منطقي وصحيح بيض الله وجهك ولايهون باقي الإخوان ،، والله يصلح الحال ......

[عاشق vip]

العربي بصفه عامه ودول العالم الثالث اغبى من يقود السيارات
السبب الاستهتار وعدم اللا مبالاه الا (المثقفين فقطططططططط)


هلا وغلا

وجهه نظر مقبوله من ناحيه الأستهتار وعدم المبالاه .. وهذي كلها ترجع على حسب الدوله .. ونظامها .. والله يعطيك الف عافيه على المرور ..

[عاشق vip]

وأنا معك يا صاحب الموضوع بعد التوضيح




صحيح احنااللي اعطينا الاجنبي مجال ولنا دور كبير بالحوادث



ربك يعين


هلا وغلا

والحمدلله قدرت أوصل لك الفكره .. وأتمنى إنك تستفيد من موضوعي ..

والله يعطيك الف عافيه على تقبل الرأي .. والف شكر لك ..

[عاشق vip]

السواقة خاصة بالرياض فيها عيوب كثيرة :

بالنسبة للعمالة : غباء وخوف زايد عن حده وعدم خبرة بالقيادة !!

بالنسبة للسعوديين : شوفة نفس وعناد ومااااااااااااااااااااافيه أمل يستخدم الإشارات وياويلك لو يخطي عليك وتقوله شي !!!!!!!!!

موضوع رائع وكلامك منطقي وصحيح بيض الله وجهك ولايهون باقي الإخوان ،، والله يصلح الحال ......


هلا فيك أخوي

ووجهكـ أبيض يا الغالي

والله يا الغالي المملكه العربيه السعوديه بصفه عامه فيها عيوب بالسواقه .. ومثل ما قلت في موضوعي إن الواسطه وعدم التثقيف والتوعيه هم سر الحوادث الي نشوفها ..

والله يعطيك الف عافيه على تنويرك للموضوع .. والف شكر لك ..

دمت بصحه وعافيه

[هوايتي مكشات]

الله يستر ياغاااااااالي

[كريم الطباع]

أكثر ما اعجبني اول النقاط اللي تتكلم عن سواقة الابناء
>>> والله من جد مفرطين

[حبل الوريد]

الله يعطيك العافيه ,, كلام سليم

[أبوحمييد]

السواقه عندنا اعتبرها جيده جدا ولاخربها الاالشوارع الي كنها لعبة الكنز مره مسكر شارع مره محفور وماسار واحد واشرات كل وحده اسرع من الثانيه اخضر احمر كيف ماتبي احد يتنرفز وتخرب سواقته هذا غير الشوارع المكسره غير ساهر وبعدين العمال ياخذ رخصه وهو مايعرف يسوق غير كذا يعطونه موتر موديل 60...

[عاشق vip]

الله يستر ياغاااااااالي


هلا وغلا

اللهم آميــــــــــــــــــن

ومشكور على مرورك الراقي

[عاشق vip]

أكثر ما اعجبني اول النقاط اللي تتكلم عن سواقة الابناء
>>> والله من جد مفرطين


هلا وغلا

مشكور على الإطراء الجميل

والله يعطيك الف عافيه على المرور

والف شكر لك


:)

[عاشق vip]

الله يعطيك العافيه ,, كلام سليم


هلا وغلا

الله يعافيك يا الغـــــــــــــــلا

ومشكور على مرورك العطر

دمتـ بود وسعاده
:good2:

[عاشق vip]

السواقه عندنا اعتبرها جيده جدا ولاخربها الاالشوارع الي كنها لعبة الكنز مره مسكر شارع مره محفور وماسار واحد واشرات كل وحده اسرع من الثانيه اخضر احمر كيف ماتبي احد يتنرفز وتخرب سواقته هذا غير الشوارع المكسره غير ساهر وبعدين العمال ياخذ رخصه وهو مايعرف يسوق غير كذا يعطونه موتر موديل 60...

هلا وغلا


الشكوى لغير الله مذله
;)

والله يعدل الحال .. ونكون في صداره الدول المتقدمه ..
:p

والله يعطيك الف عافيه على المرور

والف شكر لك يا الغلا

دام نبضك بخير وعافيه

[.أبوعبدالرحمن]

الله يجزاك خير أخي الكريم

فعلا كلام منطقي وقائم إلى الان ولا أعتقد إنه راح يتغير مع الاسف

ومن ناحية التخلف في الشوارع شيء ثاني ، سبحان الله يوصل الواحد للدوام ونفسه في خشمة من ذا الخلف اللي يشوفه في الشوارع

وبالذات مع الشيبان والا الاجانب والا المبزرة


أمس كنت في الملز وجاني شايب من اخر اليسار يبي يلف يمين وضربت مرايته في الاشارة اللي في الرفرف وانكسرت ، التفت عليه يقول لي وش فيك ؟ ههههههههههههههههههههههههه (مع العلم إنه هو اللي غلطان لأني ماشي في طريقي وهو اللي لاف علي )

لكن شفته شايب وكبير سن قلت الله يبيحه ويحلله

[جبلاوي]

ومع ذلك النسبة الأكبر من الأجانب


لو أحلف أن الشعب السعودي أفضل شعب يتعامل مع السيارة اذا فقدت سيطرتها وشوف سواقة صناع السيارات كيف ما هي شئ بجانب سواقة السعوديين رغم التهور والاشياء اللي قلتها


كان في مؤتمر يبعد 350 كيلو عن مدينتنا في بريطانيا وتم احضار اوتوبيس 15 راكب وساقته الدكتورة اللي تدرسني

لم ارى قيادة في حياتي مثل قيادتها
ما شاء الله ما تحس ان السيارة تمشي تزيد السرعة وتنقصها بتدرج عجيب ولا تمايل بالسيارة ابد


الحمد لله ما قالتلي سوق انت والا كان حولت الاوتوبيس ملاهي

[famr55]

كلام سليم وجبتها ..

فيه نقطتين اشوفها بـإزدياد

الاولى : ماسك المسار الايسر ويجيك واحد من المراهقين ويربكك بالانوار والبواري يبيك تفتحله وانت يمينك سيارات .. بتله اقول بيني وبين نفسي اطير :D وين اروح

الثانيه : وذكرها الاخ صاحب الموضوع الانوار وما ادراك ما الانوار وخصوصاً بالطرق السريعه من يطلع الى ان يصل مراده وهو معمي عباد الله .. مايقول هذا اللي ماقابلينن فيهم كبار السن وفيهم الشباب اللي مايشوفن وفيهم المرهقين لا نفسي نفسي ؟



الله يهديهم هذا اللي انا اقول .



اشكرك على الطرح