هل يوجد حل لصرفية البنزين للسفاري البخاخ . تكفووووون ..

[K.S.A.A]

السلام عليكم ورحمة الله وبركاته
انا معي جيب سفاري موديل 99 بخاخ طبعا
وأنتم تعرفون السفاري وشربه للبنزين .
فهل يوجد حل بدون مايأثر على الموتر (( العزم والسرعه ))..

تكفووووووووووون يالربع ..

[ضيغم تميم]

اللي اعرفه يقولون
تحط إبر صني
أو إبر مكسيما

بس مدري عن موترك 99

[عميد سامودة]

اذا كان صرفية البنزين طبيعيه من بلاده فمالك حل الا عدم السرعه بالحيل والبنزيم الاحمر يصبر فالموتر بيفرق معك فالتعبيه 10 ولا حولها لكن لو ما تدعس على الموتر يمشيك فوق 500 كيلو بالراحه >> مجربه بالددسن وتانكي الددسن اصغر من الجيب افلله احمر ب 35 ويمشيني فوق 500 كيلو
,,,, اما اذا الصرفيه من خلل فالموتر فلازم تشيك على كل ما يتعلق بالبنزيم
مثل // صفاية البنزيم ,, البخاخات .. طرمبة البنزيم ,,, الخ

[K.S.A.A]

الله يعطيكم العافيه على المرور والمشاركة
أخوي ضيغم تميم كلامه ممكن يفيد
اما الصرفية ياأخوي عميد ساموده فهي صرفية بلاده
والموتر أعبيه بنزين أخضر (91) ويمشيني فوق ال500 بالراحه ولله الحمد , ومكشور على النصيحة ..


لكم مني جزيل الشكر ..

[يريور عيمان]

يمشيك 500
ما شاء الله الصرفية حلوة على السفاري

[باترول 4500]

والموتر أعبيه بنزين أخضر (91) ويمشيني فوق ال500 بالراحه ولله الحمد

ماشاء الله
إذا تانكي واحد يمشيك فوق 500 كيلو فالصرفية ممتازة جدا

[ابو سلطان س]

صرفيه البنزين تفرق معك في الكفر اذا كان حجمه صغير حاول لاتستعمل كفرات البر والكشتات للسفريات

[K.S.A.A]

أخوي باترول 4500 فهمت خطأ
انا قصدي التانكيين تمشيني 500 .. وأنا أبي حل يخلي التانكي الواحد يمشيني 500 .
مشكورين على مروركم ومشاركتم ونصايحكم ..