المساعد الشخصي الرقمي

مشاهدة النسخة كاملة : وش احسن انوار الزنون ؟


مرقاب الشرق
29/09/2005, 10:43 PM
السلام عليكم
انوار الزنون حصلتها اشكال والوان وش احسن شي وبكم سعره ؟

الفزعه ياهل الخبره .
ناصح
29/09/2005, 11:21 PM
أهم شيء ابتعد عن الانواع الرديئة لأنها ربما تتلف نظام الكهرب في السيارة
مرقاب الشرق
29/09/2005, 11:53 PM
مشكور ناصح اشوف كل الناس تركب صيني وشغال تمام .
عاشق الجبل
30/09/2005, 01:23 AM
وعليكم السلام ورحمة الله وبركاته



نصيحتي ركب أنوار ومحولات ألماني

ركبت على الــ Vxr قبل سنه زينون ( النور الواطي ) وحتى الأن بدون مشاكل والحمدلله وضمانها 6 أشهر .

التركيب تم عند العليان بالغرابي ... الرياض ..... السعر 1800 ريال
غيّام
30/09/2005, 02:53 AM
تبي رايي ابعد عن الزنون وركب انوار غاز رح لمحل اسمه شاهين في حي الريان مقابل مدراس التربيه النموذجيه وركبها عنده ان كانك تبي نور اما اكنت تبي منظر فهذا شئ ثاني
عاشق الجبل
30/09/2005, 10:19 AM
عفوآ أخوي الغالي أبوعبدالكريم ( غيام )


المفهوم من كلامك أن الأنوار الغاز أفضل من الزينون

أمل الإيضاح لكي نستفيد ولا نخسر مبالغ لاداعي لها ، وهل المحل الذي ذكرت يحتاج شغله بالتعديل على الظفيره

أو يقوم بمد تسليك خارجي من البطارية الى الأنوار مع وضع كتاوت مناسبة ؟
ناصح
30/09/2005, 01:59 PM
الذي حصل انه فيه ناس ركبوا انوار زينون غير اصلية وسببت مشاكل كبيرة واحرقت عليهم اشياء كثبرة في نظام الكهرب ومنهم قريب لي معه كامري .
ماجد الشمري
30/09/2005, 08:26 PM
اخوي نجم الحق ...
نصيحة في نوعية ممتازة الا وهي انك تركب اجهزة هيلا الاصلية مع لمبات اللاندكروزر جاي المطور ... ولمباته نوع 8000 كلفن واضحه وانا مركبه بسيارتي مكسيما بالعالي وركبتها ب 1250 ريال واتوقع الان تكون ارخص ... في محل بجدة عندنا معروف جدا هو اللي يجيبها ..
ونصيحة ترى لي الان سنة مركبه وكارفه كرف وهو من احلى ما يكون ورحت بالاجازة للقصيم بسيارتي وماشاء الله الانارة بالليل من احلى مايكون ...








اخوكم ماجد الشمري
مرقاب الشرق
30/09/2005, 09:44 PM
مشكور اخوي ناصح .
وين اهل الخبره؟؟؟؟؟؟؟؟؟؟؟؟؟؟
مرقاب الشرق
30/09/2005, 09:50 PM
الاخ ماجد الشمري حايك الله بس

هيلا ؟؟؟؟؟؟ 8000 كلفن ؟؟؟؟؟؟ اول مره اسمعها اشرح هي زنون ازرق او ابيض تراني برحه وهل هي موجوده الشرقيه .
ماجد الشمري
01/10/2005, 10:22 AM
والله ما عندي علم ان كانت موجودة بالشرقية ...
ممكن تكون موجودة لكن تقليد وصراحة انا ما اعرف افرق بينها ...
الانوار سلمك الله يقاس لونها بالكلفن فكلما زاد الرقم زادت زراق اللون وزاد وضوحه ...
فالمكسيما مثلا نورها 4300 كلفن والفي اكس ار 6000 كلفن و اللاند كروزر المطور 8000 وعشان كذا طالع لونه حلو ...
طبعا فيه 10000 كلفن ولكن هذا لونه يصير لونه ماصخ ويقلب احمر وبعد عنه ..
بس ما قلت لنا نوع موترك ؟؟ عشان ننصحك بالافضل ..







اخوكم ماجد الشمري
مشغول
01/10/2005, 02:30 PM
الحقيقة أنا مركبة في سيارتي لاندكروزر 2002 على الواطي والنور قوي .. والحقيقة ما انصح به ..

لكن اذا كنت معزم تركب فيه محل في الغرابي اسمه الكثيري وكيل لشركة كورية ممتاز .. والله يعينك
مرقاب الشرق
02/10/2005, 12:27 AM
الاخوان عاشق الجبل غيام كلام جميل ومشكورين . وننتظر رد الاخ غيام على سؤال عاشق الجبل .

الاخ ماجد الشمري مشكور على المعلومات المفيده وسيارتي Gxr2001