الرجاء من أصحاب الخبرة بالجيوب لاندكروزر الرد

[أبوسااامر]

السلام عليكم ورحمة الله وبركاتة
عندي إستفسار لو سمحتوا
جيب لاندكروزر 2001الباب الخلفي شنطة
والسبير تحت,
السؤال هل أقدر أخلي السبير علاق؟
اللي عنده خبرة لايبخل
الرجاء الرد بأقرب وقت.
تحياتي........

[ابوراكان تبوك]

نعم تستطيع بس لازم تحصل سمكري شغله زين لأن فيه تخريم بالزوايا ولا ادري كم يكلف

فيه شباب غيرو بابين شنطة اكيد تحصل احد يغيرها لك

[ماجد1234]

ياخوي ليش بتخرب منظر سيارتك
اذا كان موترك خلفيه لكزس اسطبات كبيره وركبت عليه اسبير علاق
بيخرب عليك منظر السياره
بيطلع منظره سيء للغايه
الاسبير العلاق يصلح على الجيوب اللي مايجي اسطبها في نفس ابواب الشنطه
الا اذا كنت بتغير ابواب الشنطه فهذا شي ثاني وبينقص من قيمه سيارتك
اما مسأله التركيب فهي سهله رح لاقرب تشليح واخذ من عنده شيال اسبير
وركبه عند سمكري يكون ممتاز عشان يوزنه عن الميلان

[الزعيم222]

يالحبيب خذ العلم الوكاد ولايهونون باقي الشباب

مايزبطططططططط 00

لانك راح تخزق بالدريل بيبان الشنطة وزاوية الغمارة من جنب الباب العلوي

ومع المطبات رايح يتشعر معك مكان الخزوق 00

الا في حالة انها مخزوقة من الوكالة ومحطوط فيها حدايد يد ( طبعا هذا الجسر اللي بجنب الباب على اليمين)

والله اعلم 0 ونصيحتي انك لاتلعب بالموتر خلة على شكلة 00 صدقني خلفية الكزز احلاااااااااا بواجد

[أبوسااامر]

مشكوووورين ع المرور
طيب وش الحل؟
أنا أبي أخليه سبير علاق
علشان مايغرس بالرمل
وأخاف يضربه حجر وينسم لأنه نازل كما تعرفون
وهل ينفع أغير جنط السبير حتى يدخل يرتفع الكفر فوق؟
إذا فيه حلول لاتبخلون علي؟؟؟
للرفع

[ashaleell]

ركب جنط وكفر نحيف للسبير حتى تقلل من نزوله

[مطنوخ قطر]

مشكوووورين ع المرور
طيب وش الحل؟
أنا أبي أخليه سبير علاق
علشان مايغرس بالرمل
وأخاف يضربه حجر وينسم لأنه نازل كما تعرفون
وهل ينفع أغير جنط السبير حتى يدخل يرتفع الكفر فوق؟
إذا فيه حلول لاتبخلون علي؟؟؟
للرفع
يا رجال خوفك ماله داعي,,,حنا نقنص فيها وندخل اماكن تغريس مايدخلها الجن ولايكون للسبير دور في التغريس, صحيح يحك في الرمل شوي بس مايضر ولايمسك الموتر,,اما مسألة ان السبير يضربه شي وينسم فمن باب اولى ينسم الكفر اللي يمشي ماهو السبير.......تحياتي

[شاص]

انتبه تغيره .. أولاً لأنه ما يضبط في الغالب وبعدين يطيح عند البيع بشكل كبير

[صقر نجد99]

اذكر مرة كنت في البر وكان فية جيب خلفية لكسز مغرس وطلع وجيت على طريقة و حصلت الاستبنة طايحة

واخذتها ولحقتة واضرب بواري وحدحده لين وقف الا الرجال قافلة معة قلتلة سلامات يالحبيب ترى استبنت

موترك طايحة قال ياخوي جنني ذا الجيب كل مرة اغرس والسبب الاستبنة اذا رجعت بعتة وشريت استبنة علاقي

[سعود الحربي]

معي اخوا موترك وكانت الاستبنه جايبه لي الصمرقع اي موقع غراز تدقر فيه غرست مره في نفود الحجره بين النفود واحجره في وادي ماهو بهين ودقرت في السياره وسببت لي خراب في امور كثيره في السياره


المهم رحت وغيرت جنط 6 انش صيني ب140ريال وكفره نحيفه يقول انها حقت جيب ربع وركبتها اسبير
والحمد لله تجي خلف السياره ماتشوفها الدفرنس باين من وراء يعني ماتشوف الاسبير ابد


المهم ان الاسبير اللي في سيارتي الاول رميته هو وجنطه من الزعل والكفره جديده شد بلده


يعني تراك مارايح تحتاج الاسبير الا وقت قليل
ركب الجنط اللي قلت لك وكفرته ومالك ومال التخريم والتشويه

[وليد الجريدي]

انا مع اخواني اللي يقوولوو ركب جنط حديد اللي يجي على الهدد نفس الصورة اللي بالعرض

الجنط ممكن تحصل الصيني بـ 120 ريال

بس ابي ارد على مطنووخ قطر واقوله والله اذا عندكم وديان مايدخلها الجن

انا اقووولك بعد عندنا شعيب ماتحوم حولها العفاااريت وانا اخوووك
والاسبير اول نكبه للسيارة في التغريز لا وبعد مايعدم السيارة الا الاستبنه الكبيره
لانك لو تطمر الموتر اول ماراح يستقبل الاستبنه

[أبوسااامر]

للررررررفع

[الشيخ البدراني]

اظن انه مايزبط

[أبوسااامر]

يعني أركب جنط ربع صيني
والله إذا يزبط راح يريحني من التفكير
اللي عندة جيب مركب له سبير ربع ياليت ينزل صورتة حتى أشوفة

ويعطيكم العافية على البحث معي عن الحل
تقديري وإحترامي للجميع

[عرهب]

أنا مركب اسبير شاص خمس مسامير من 4 سنوات وزي الحلاوة سيارتي في اكس آر 2005 أنصحك فيها

[abo_basil]

انا اشوف بعض الاخوان يبدل الدرفه السفليه للشنطه ويركبها عند احد الورش الي شغلهم مزبوط ومضمون ويستخدم الاسبيرين
ولم الاحظ شقوق مع العلم اعرف الطريقه ومطبقها على جيب GX 95 بس بدون تغيير الباب ( طريقه حلوه ومفيده )
الاشياء الي تكلفك
الدرفه السفلية + قاعدة السبير العلاق الي تجي متحركه لفتح الشنطه
وشغل الورشه من فك وتركيب ورش لدرفة الباب والتخريم

فائدتها
- ازالة الكفر لانه مزعج لما يضرب بحجر او بعض الشجر او بالطرق الي ممشية يسبب تعليق السياره عند عدم انتباه السائق
- اضافة اسبير اخر حمايه من البناشر
- ممكن اضافة تانكي ماء مكانه ( ملاحظه وارجوا انها متحصل معكم انا كنت مركب تانكي وضربه حجر وفك لحامه وبغى يسبب لي الانقلاب والحمد لله ستر الله وقدرت اوقف وتركته مكانه هو وماه )
والي مركب تانكي افضل شيئ يتاكد من اللحام اذا متاكل او لا لتفادي المشاكل.
ارجوا اني افدتك وعذراً على الاطاله:)