ابي نصيحتكم قبل ما اركب !!!

[S4500]

سلام عليكم ورحمة الله و بركاتة

اخواني اعضاء و مشرفين منتدى مكشات

انا ان شاء الله بركب مساعدات خلفية لان بصراحة عندي مساعدات الوكالة يا انها خربانة او ان مطبها قاسي بزيادة لدرجة اني امشي على عيون القطط او حفر صغيرة ترج سيارة رج



انا بصراحة فلوسي ماهي واجدة علشان اركب مساعدات حقت الرماية ( طالب في الجامعة شي طبيعي يكون طفران :D )

ابي نصيحتكم اليوم لان بكرة ان شاء الله بركب مساعد

وش تنصحوني فية اركب مساعدات وكالة ولا مورنو ؟؟ مع العلم ان الموتر باترول 99 صالون

اهم شي يكون لين مثل الجمس ( والله اني ابطي مثل الجمس ماء شاء الله :D )

والي يخبرلي مساعدات مستعملة و نظيفة تراي شراي

واسف على الاطالة :)

http://www.mekshat.com/vb/images/misc/progress.gif

[التعـ King ـديل]

ركب حقت شاص 2000 الطقم ب 140 ريال

[أبوجهاد التبوكي]

أهل الخبرة يفيدونك...

[عاشق السيل]

منت مضطر لحقة الرماية ولا تكلف نفسك وتشتريها ،، حقة الوكالة ممتازة جدا جدا وعملية وتمسك الموتر صح وأذكر مرة غيرت الاثنين الخلفية للباترول 98 وكان سعرها رخيص جدا لكن بالضبط والله ما أذكر !!!

[nahham]

لا تتعدى مساعدات بلده
شد البلد مامثله

[هايبر]

عندي لك نصيحه : اذا المشكله جديده عليك الافضل انك تشيك على مساعد الدركسون او عمود التوازن ما ني متاكد من اسمه احتمال كبير ان المشكله منه ما هي من المساعدات قبل ما تخسر فلوسك على الفاضي شيك عليه و تاكد من المشكله.

[مواسي الطعوس]

مساعدات البلد مافيه اريح منها ....انت يمكن الليونه الزئده هي اللي مؤثره عليك ...لكن ماعرفت تشرح الوضع .

**مساعدات الشاص تمسك الموتر عند الارتفاع لكن عند النزول ضعيفه ...لان الشاص ماينزل لانه سست لكن يرتفع وقد يخل التوازن .