أنا أبشتري شاااااااااااااص وش تنصحوني فيه

[الشــ 44 ــاص]

أنا أبشتري شاااااااااااااص وش تنصحوني فيه

أأأأخوكم القناصة GX

[الدبل الثقيل]

شاص عماني فل كامل 2006 بيج ب 118الف من الرياض.

[Mohammad]

جميل سعره 90 الف؟ ما هو الفرق؟

[الفشق المتوووسع]

السلام عليكم ورحمة الله وبركاته
اخوي الشــاص44
واعذرني على عدم كتابة اسمك على الوجه المطلوب لاني ما اعرف للكمبيوتر زين
خذ نصيحة مجرب شاص بليا دف لوك مايصلح والونش زين بعد لكن الدف لوك اهم شي
والبيج افضل الالوان اما السست فانكانك راعي ابل او راعي تحميل الحدعش سسته يصلح لك لو ان مطبه اقشرن بالحيل وهو البريمي
واما ان كانك تبيه (رزه مثل بعض الناس) فخذلك ابو سبع ريش بس. وهو يجي رفارف وبدون رفارف وبونش ولوك وبدونهن وترا ابو سبع فيه ميزه ماهيب في ابو حدعش وهي ان القاعده اللي تحت تمسك السست مرتفعه عن الارض ماتحكحك بالارض واجد وهذي مهمه
كان عندي شاص 2004 بريمي ونش ودف لوك حدعش سسته كان يحك واجد فالحصا وفالرمل اذا غرزت والافضل انك تدور شاص بيج ونش ودف لوك وسبع ريش وهذا قد شفته في النسيم في معرض تويوتا اللي عن معرض الصقر جنوبن للغرب خذ مثله سواء جديد اومستعمل
وزد السست ريشه او ريشتين كذا تصير جمعت كل المواصفات.
واما انكانك تبي تشتري وتبيع بعد فتره قصيره مثلي فخذ مستعمل احسن لك عشان ماتخسر فيه واجد اوتكسب فيه انشاالله.مع تمنياتي لك باتوفيق وعذرا على الاطاله.
وصلى الله على نبينا محمد.

[هاوي قصيده]

طيب اخوي المتوسع وشلون اعرف سبع ريش او احدعش اذا انا شفته بمعرف وانا اخوك

افدنا

وانا لقيت لي جيب حوض اشهب فوول كامل دفلووك وونش موديل 2005 ماشي 18 الف حاده ساحبه بـ104 شراايك؟؟؟

[الشــ 44 ــاص]

مشكور أخي الدبل الثقيل على الرد

مشكور أخي mohammad على الرد

مشكور أخي المتوسع على الرد والتفصيل الموفيد

مشكور أخي هاوي قصيدة على الرد

[a.الخثلان]

أنا سمعت ان نظام القير للشاص تغير وصار مثل نظام السوزو يعني الزيت الي تحط فيه زي زيت المكينة وليس زي الزيت الأول الأحمر ولازم تغيره كل 30000 كيلو أو مدري 60000 كيلو وبعض الناس يروح ويحط الزيت الأحمر القديم ويخبط عليه مثل ما صار لحقين السوزو

مدري معلومتي صحيحة ولا صححوا لي يا جماعة الربع وان كانه على كذا أدور لي قديم شوي مستعمل ونظيف جدا وما يفرق إلا الخط أحسن لي من الغالي التعبان

[الفشق المتوووسع]

السلام عليكم ورحمة الله وبركاته
اخوي هاوي قصيده بالنسبه للريش (السست) تلقاهن ورا الكفر الخلفي مباشره تحت الدفرنس بامكانك تعدهن سبع او حدعش لكن بعضهم ينزل من الحدعش (يسحب منهن) لين يصيرن سبع ، وشلون تعرف انهن حدعش ومنزله لسبع هذا يبغاله انتباه شوي(لان الشاص الحدعش سسته قاعدة السست فيه طامنه للارض اكثر من ابو سبع شد بلاده )
اما بالنسبه للاسعار فمامن زود خبره لاكن انا شريت 2004 فل كامل عقب ماطلع 2005 ب100500 من معرض الشيباني في الشفا
وبعته بعد ثلاث شهور ماشي 11000 ب 93500 لمعرض العدل في بريده. وحدوه من يوم طلعت من عندهم ب99000 وهو جديد قراطيسه عليه ماجاه شي فاعتقد ان اللي محدود عليك ب104 غالي شوي والله اعلم.

[شاص&نص]

السلام عليكم ورحمة الله وبركاته

نصيحتي لك إشترلك 2006 جديد و ريح راسك و شفه عند معرض اليحيى يبي ينزلونه خلال أسبوع و سعر الفل في حدود 110000 يزود ألف أو ينقصها
و ترى محاكيك شاري منهم إن شاء الله بس أحتريهم ينزلونه

و السلام عليكم ورحمة الله وبركاته

[nahham]

اخوي ان كانك راعي استعمال بس فلا يفوتك الجديد

الجديد لذيذ

وان كانك راعي بيع دور مستعمل اقل خساره

ومقدما الله يعطيك خيره ويكفيك شره

[الشــ 44 ــاص]

أشكركم على الرد جميعاً وعافاكم الله كفيتم وووووفيتم

[الشــ 44 ــاص]

أشكركم على الرد جميعاً وعافاكم الله كفيتوا وووووفيتم

[عاشق البدائع]

السلام عليكم اخوي اذا كنت ملزم تشتري شاص لايفوتك 2006 خليجي واحذرك من السعودي والعوماني لانهن
مهب موضه والله الموضه الخليجي وجنوط لكزس مكحله الله ياعيني




تقبل تحيات اخوك في الله الناصح : ahzqq :)

[الدبل الثقيل]

ياخوي شاص & نص كيف شاص 2006 ب 110 ....بالرياض العماني ب 118... اللي عند اليحيى عماني ولى قطري و وش الفرق... جزاك الله خير وكل عام وانتم بخير.

[شاص&نص]

السلام عليكم و رحمة الله و بركاته
الشهر عليكم مبارك
بالنسبة لسؤلك أخوي الدبل عن الشاص فهو سينزل عندهم خلال أسبوع و موصفاتهم مثل العماني
11 ريشه -ونش - ديف لوك (ريموت وتخشيبه ماني متأكد منها)

و السعر لايزيد عن 111000

و إذا تبغى تلفونهم أرسلته لك في رسالة خاصة

و السلام عليكم و رحمة الله و بركاته