,, وصف الطير ,,

[مرزوق الرمالي]

اضع بين ايديكم هذه المتواضعه اتمنى ان تلامس الذائقة الشعريه ,,




حرّكت مدفوق القلم فوق الاوراق=وعندي على تشكيل الاحرف جلاده


احب وصف الطير واتوق واشتاق=واخذ من العلم المشربك وكاده
اشهد لطير(ن) ميزته لمس الاذواق=مني ومنكم يستحق الشهاده
اللي كشافه يجذبك واقطم الساق=والكحف من فوق العيون وسواده
كن العداوه بين ساقيه وفراق=لولا الكفوف الوافيه وامتداده
كبير ضبة بوز واقطم واذا تاق=يلفت نظرك بعاتقه والزياده
وان قابلك ماهو مسلفع ولا دقاق=سبع وعشر عرضه والاخر قصاده
ملموم با الجنحان به في واشراق=ومن الرها فوق الحماس العناده
عذروبه الاقشر سبوق(ن) ولحّاق=وزود(ن) على الثنتين طلع وركاده
بعيد طلع وتنتهي كل الاخلاق=لا شاف برقا الريش خلف الكتاده
مرفوع هام وحي وطبوع سراق=ولا يرتخي با الجو حزّة هداده
رهاه يعطيه التفوق والاغراق=ولاله بتفريط المهاريب عاده
زيزوم جو ويختفي وقت الاطلاق=وشق الهوا المنطوح غاية مراده
ولا يصيد الاّ بتعليق الاعناق=مقطوع رحمه والطغى في هجاده
هذا هو اللي ناقله دوم مشتاق=ويخشى عليه من العيون ونفاده
وهذا هو اللي لا شلع كل برّاق=يدفعك لخياله خوي السعاده

[يوسف الخليفة1]

حياك الله أخي العزيز مرزوق الرمالي

[ذراع الذيب]

السلام عليكم ورحمة الله وبركاته,,
مسيت بالخير يامرزوق الرمالي,,

صح لسانك ملايين على هالجزله الطيبه والله يرزقك بطيرن هذي وصوفه,,
وبأنتظار جديدك الطيب لاهنت تحياتي لك,,

[صدوق المخاييل]

صح السانك ويستاهل الطير

[المكترب 2000]

صح لسان الجميع

[ابوناصر السهلي]

صح السانك وبارك الله فيك

[مرقاب الشرق]

صح لسانك وحالك ومشكور