كيف نخففف من ثقل الددسن الدبل

[حر اليدين]

السلام عليكم
قدر الله علينا وشرينا ددسن دبل كبليتر
ولكنها ثقيله ونصحونا الشباب بتركيب مفصلات حقت عكوس وفصل المروحة وتركيب مروحة الكترونية
عاد نريد منكم افضل انواع المفصلات ورايكم في تركيب المروحة

واله يحفظكم

اخوكم بو الطواري

[أبو يوسف]

اخوي كان فيه موضوع عن الفرارات وانواعها وطريقة تركيبها لعلك تبحث وبتحصله ان شاء الله
انا سويت بحث وما طلع معي شي
لعلك تحاول والا دور في صفحات منتدى السيارات وتجهيزاتها


مع التحية

[حـاتـم]

هلا اخوي ابو الطواري اجل اخذت كربليتر الله يهيدك بس

المهم الفصالات للدددسن مادري عنها لان ماركبنابها شي


بس انا مركب بالباترول فصالات Avm وومتازه وكل الي اعرفهم مركبينها وتمام وفيمتها 450 ريال مع التركيب

وشكرا

اخوك / حاتم

[حر اليدين]

السلام عليكم
اخوي ابو يوسف الله لايهينك على المرور لكن مالقيت الموضوع لي ساعتين في المنتدى ولاحصلته


اخوي حاتم شاكرين لك تفاعلك لكن هل تركب في الددسن لانها ليست نفس الحجم بالنسبة للعكوووس


ابغى النوع الافضل ولايهم السعر لان يذكر نوع يعدم العكس والله اعلم

شاكرين لكم مرووركم

اخوكم ابو ابو الطواري مع العلم انه به ابو الطواري ثاني لكن على حرف الالف همزة انا سياحي هههه

[(الأشهب)]

هلا والله أخوي أبو الطواري اولاً على البركه الددسن

وبالنسبه للفرارات انا مركبها على ددسني الفين وثلاثه

حلوه مره تخفف الثقل على المكينه وتقلل من صرفية البنزين

وتخليك تجيب طبلون الددسن على العموم انا مركبها في الغرابي

عن السليماني ب550 ترا فيه نوعين برازيلي وامريكي هذا على

خبري يوم اركبها عندهم اظاهر اني انا مركب البرازيلي وجربته

زي الحلاوه ويريح الموتر وغير كذا ترا الفرارات لازم لددسن

الدفرنسين .

إذا بغيت شي عن الددسن علمني

تحياتي.......

[اسيزو 4x4]

ما شاء الله تبارك الله مبروك يا الغالي ابو الطواري

الفرارات ( الفصالات ) ممتازة ولا تفوتك

أنا ودي اركب للموتر ولكن ما أدري وش اللي يركب للسيزو ؟؟؟ أذا أحد عندة علم يالغاليين يعطينا خبر الله لا يهينكم ...


.

[حر اليدين]

السلام عليكم ورحمة الله وبركاته

اخوي الاشهب الله يبارك فيك ويعطيك العافية على الاجابة المفيدة لكن بودي اسالك بما انها كبليتر وش رايك بفصل المروحة وتركيب مروحة تماتيك لتخفيف الحنة للددسن







اخوي ايسوزو 4*4 الله يبارك فيك ويطول عمرك يالغالي لكن ان شالله ان نندور ونلقالك
بس ياخي تكفى حف الشنب تراك روعت الامنين من الاعضاء هههه


الله يعطيكم العافية على كل حال
اخوكم ابو الطواري <<-----للمعلومية ترى ابو الطواري فيه مستخدمين اثنين واحد بهمزة وهذا عضو قديم
وانا ابو =بدون همزة مالي الا اسبوعين عضو للمعلومية

[(الأشهب)]

والله وش اقولك في المراوح انا ركبتها في ددسني حلوه ماتسمع الحنه ابد

بس المشكله انها بتبهذلك خراباتها واجد يعني اذا جاها مويه يمكن تلتمس

وهاذي صارة معي ويبيلك تخلي مروحه شغاله دايم ووحده بحساس اذا

ارتفعت الحراره وغير كذا تشبك وحده مع المكيف عشان اذا شغلت المكيف

ماترتفع الحراره بس انا اقدر استغني عنها لان موتري بخاخ بس انت تقول

ان ددسنك كلبليتر شف ركبها عند واحد فاهم يظبط الاسلاك عشان ماتجيها مويه

ولا سو زيي لان مافيه سعودي يظبط الشي 100% انا ركبتها عند واحد سعودي

كانت الاسلاك مخربطه ومحيوسه بعدين وديتها لم كهربائي فلبيني فاهم اعرفه وظبطها لي

وتررا اسعارها من 400 إلى 450 مراوح سوبارو

تحياتي.....

[هاوي البر 999]

السلام عليكم اخوي الاشهب
معيش اخوك عنده 88 Vx وصراحة محتار موتري نظيف نظيف جديد بالاصح ومحافظ عليه ولا نيب راعي تطعيس ونحصل نومة على طعس يأدي الغرض .
ابي شورك صراحه المروحه مزعجة شوي والموتر بالاصل ثقيل شوي ولكن مانيب راعي سرعة امشي على راحتي بس افكر في الصوت والبنزين إذا فيه توفير تراك بسوي خير خير خير ارجو الرد بسرعة

[(الأشهب)]

هلا أخوي هاوي البر والله شف اذا كانك منتب راعي تطعيس

وتسوق بركاده ركبها انشاء الله ماتخرب معك بس انتبه اذا

صار فيه مويه وقت الامطار يعني اذا بغيت تقطع شعيب

لازم تهدي وتنتبهلها وغير كذا المطامر بعدين ترا اهم شي

الي بتركبها عنده فيه ناس يركبونها لك احسن من الوكاله

ولا ركبها عند اي احد ورح لم كهربائي يظبط لك الاسلاك

ويرتبها صح وتراها وتوخر الحنه مره يعني ماتسمع صوت

حنه ابد وركب انت فاصل عشان اذا بغيت تطفيها يعني خل

الفاصل على مروحه وحده والثانيه شغاله دايم عشان اذا ارتفعت

الحراره تشغلها بنفسك وبالنسبه للبنزين اظاهر انها تقلل الصرفيه

بنسبه بسيطه.

تحياتي....

[هاوي البر 999]

السلام عليكم اخوي الاشهب جعلك في الجنة انشا الله
ادري ابغثك شوي لاني ابي اشبع من الموضوع علشان اقتنع
*وش نوع المروحة الجيد قليلة التعطل لأني صراحة ادخل بر بعيد
* وش الورشة التي تركبها
وبي تشرح الموضوع مرة ثانية بس كثر تفاصيل من المرة الاولى وبعلاقتك تقدر تجيب نسبة تقليل البنزين إذا ركبنا المروحة
تكفى تراه تهز الرجاجيل والله يوفقك

[اسيزو 4x4]

السلام عليكم ورحمة الله وبركاته

هلا بك يا ابو الطواري بدون همزة :D

هذا شنباوي راعي الفزعات ( أبعد عنة ) :D تراة راعي مشاكل :director: :D

وهذا هو اللي مريحني أي واحد بالمنتدى مهو عاجبني أفلت علية شنباوي :D شوي إلا هو طالع له من الشاشة وواقف له على الكيبورد وهاتك من هالتلطيش والطق :D

تراي أمزح هذا بريئ وأليف أنا معدلة ومركب لة شنبات وصار مثل اللي تشوف :D

وتقبل خالص تحيايت يابعدي ...:good2:

....
...
..
.

[(الأشهب)]

أخوي هاوي انا ركبت المراوح عند واحد قصيمي في حي الشفاء بالرياض افضل مراوح في اعتقادي حتى الان هي مراوح السوبارو وفيه بعد مراوح الصني نيسان بس مراوح الصني تجي مروحه وحده يعني الرديتر حق الددسن مايكفي الامروحه وحده بس انا ماجربتها بعدين المراوح تخفف من حنه المكينه وتقلل الجهد الي تسويه المكينه على شان تشغل مراوح الوكاله يعني تصير المكينه مرتاحه للاّخر وبالنسبه لصرفيه البنزين تقلل الصرفيه لان المكينه مرتحاه ميب زي منول على مروحة الوكاله لان المراوح على الكهرب يعني الي يشغلها الكهرب
ولذالك تقل الصرفيه ولكن ماتقل بنسبه كبيره يعني تقلل على خفيف وغير كذا يزيد عزم الموتر لان الموتر يصير مرتاح ولا فيه حنه وهي اسعارها من 400 إلى500 وهذا اغلى سعرلها 500 والمراوح تقدر تشتريها من الصناعيه القديمه في محلات القطع المستعمله يجربها لك بس أهم شي اذا خذيت مروحة السوبارو خله يعطيك المروحه الي فيها سرعتين يعني المروحه نفسها فيها اربع اسلاك اذا شبكت سلكين سرعه عاديه واذا شبكت السلكين الثانيات او الاربعه جميعا تعطيك سرعه اكثر بكثير ولكن المشكله في التركيب يبيلك قاعده تثبيت لرديتر وهاذي القاعده مكونه من كم حديده على شكل مسطره يعني اربع حدايد كل وحده ملحمه مع جهه وتلحمها مع قاعدة المراوح بعدين تجيب مسامير طوال وحديدتين ثانيات على نفس شكل الحدايد الثانيه وتخليها من عند جهة الشبك حق الموتر وحده فوق ووحده تحت والمسامير الاربعه تثبتبها الحدايد مع بعض وغير كذا لو تقدر او يقدر الي بركبها لك يحط ربل او لستك مدبل بين الحدايد وبين الرديتر عشان ماتضر الرديتر وتر فيه واحد يركب في الصناعيه القديمه بس ماركبت عنده يعني ما اعرف شغله ولا رح لم الملز تلقى محل قصمان يركبونلك المراوح وبالنسبه للمحل اذا بغيت وصفه الي في الملز دق علي بس ياليت ترسل رساله قبل عشان اعرفك اوكيه هاذا رقمي0504238358

واتمنى اني ما اخطيت في شي

تحياتي....

الأشهب

[حر اليدين]

اخوي الاشهب الله يعطيك الف عافية على هالمعلومية الشافية باذن الله ساوافيك باخر الاخبار


اخوي ايسوزو <<--السوزو ندلعها وزوز

والله الشكل مايدل على الالفة لكن سبحان الله الناس معادن <<-----وش دخل المثل ذا لاتسالوني

مبروك عليكم الشهر الاشهب وايسوزو وهاوي بر
الله يجعلنا من صوامه ومن قوامه

اخوكم ابو الطواري

[هاوي البر 999]

السلام عليكم ورحمة الله وبركاته الشهر مبارك
اخوي الاشهب
الله يعطيك الف عافية والله يبارك في المعلومات الطيبة والوافيه
اخوي الجوال خزنته في جوالي بعد اذنك من المحبة في الله واشكر بو الطواري واشكر اسوزو وكل من شارك معنا او قراء الموضوع
والله الموفق . والسلام عليكم .

[nahham]

هلا شباب

معي باثفندر قديم اتعبني بالثقل وصرف البنزين

وترا الباثفندر اخو النيسان دبل

اربع سلندر ودبل وثقيل وصرف بنزين

المهم ركبت مراوح كهربا بعد شور من اخونا ابو اسامه قال ابعد عن مراوح السوبارو

المهم ركبت مراوح سني وماهو مثل ماقال اخونا الاشهب مروحه وحده

مروحتين واحده تشتغل مع السلف على طول والثانيه مع المكيف

لكن احذر تسوي لها فاصل لا يسوقها احد غيرك وتروح عليك الماكينه

الصراحه راح الصوت بالمره وقوي العزم وخف مصروف البنزين

افلل 60 ريال يمشيني في المتوسط 550 كم وهذا ممتاز بالنسبه للنيسان

مبارك عليكم الشهر ومبروك السياره ابو الطواري والله يعطيك خيرها ويكفيك شرها

[حر اليدين]

اخوي Nahham صدقت اصلا الفرق بينهن البدي ولا كلش نفس الشي
وبالنسبة للمروحة توقعاتك كم تكلف لان انا غشيم فيها واذا اخذتها من التشليح هل تجي مروحة الحالها اما معها مرفقات اسلاك حديد او حول الكلام هذا

بالنسبة للموتر الله يبارك فيك ويطولي عمرك الله يجزاك خير
ولكم خالص تحاياي اخوكم ابو الطواري

[(الأشهب)]

اخوي نهام كيف الحال والشهر عليكم جميعا بخير

انا لما تكلمت عن الفاصل اقصد نفس الي بيركبه مع المكيف

يسويله فاصل لانه اذا كان يطعس او في البر مااتوقع يشغل المكيف

عشان كذا يمديه يشغل المروحه بدون مايكون مجبور على تشغيل

المكيف!!!

يعني افهم كلامي صح

وبالنسبه لاخوي هاوي خذ راحتك يحبيبي سجل الجوال ولو تبينا نطلع سوا عادي
اخوان ولو.
وفيه شي ثاني ترا مراوح الصني فيها نوعين الكبير والصغير انا اقصد في كلامي

الكبير لاني ما جربت الصغير والكبير ماتقدر تركب على الددسن الامروحه وحده

لانها تجي تقريبا على نفس مقاس الرديتر.

اخوي هاووي على العموم تراي انا مركب ثلاث مراوح منول بس الحين مركب

مروحتين مروحة الوكاله ومروحة كهرب واذا بغيت تركب ثلاث مرواح علمني اعلمك

يركبها لك واحد في الشفاء يعني اذا ركبتت المروحتين يركبلك الثالثه هاذا الي في الشفاء

تحياتي

[هاوي البر 999]

السلام عليكم
خوي الاشهب
طيب وسالفت الشعيب لاصار فيه مويه أو مثلاً جاها الماء وش يصير التماس حراق
تخبر احب ملاحق السحاب والسيول ما ابي اتوهق اشرحلي علشان اقتنع .
وشكراً ومن ناحية الجوال حتري الوقت المناسب وسأجري الاتصال عليك اخر جوالي 7393
والله ويفقك وسمح امرك . وصلى الله على نبينا محمد صلى الله عليه وسلم .

[(الأشهب)]

انا اقصد اذا صار السلك مكشوف او في نفس منطقة تشبيك السلكين يعني لازم تشيك عليها

وتتأكد انه لو جته مويه ماياصل السلك

تحياتي

[راع الونيت]

أخوي أيسوزوحسب علمي القاصر ان سيارتك ماتحتاج للفرارات لأني شفت سيارة زميلي موديل 2003 فيها بجانب الفريول قريب من الدفرنس الأمامي جهاز صغير على شكل بستم وموصله كهرب وهذا وظيفته اذا عشقت الدبل يشبك العكوس والعكس صحيح
واذا بغيت تتأكد افصل الفيش اللي موصل له وعشق الدبل تلقاه ما يشتغل
أنا كان معي ونيت جمس قطع 10 حوض وفيه نفس الجهاز وهذي وظيفته
أما اذا مصر تركب فهي موجودة وكلها تؤدي نفس الغرض والبرازيلي جيد وسعره 450
ولك خالص تحياتي

[راع الونيت]

أخوي ابو الطواري
الله يعطيك من خير الددسن ويكفيك شره بالنسبة للفرارات البرازيلي ممتاز لكن ترى الددسن أكبر عكس من الباثفندر بمعنى ان اللي يركب على الباثفندر ما يركب على الددسن أما الشكل واحد وبالنسبة لي شريته من الرس وأنا ركبته عل بال ما يظبط الشاهي
على سيارتي ددسن 2005
وبالنسبة للثقل ماني شايف داعي لتغيير المراوح وكل ها اللخبطة سيارتي بخاخ وأسمع ان البخاخ أثقل من الكلبليتر والله لا صوت ولا حنة وبالنسبة للمشي أنا ما أحب السرعة لكن من باب الكشف مشيت 180 وعيت تجيب غيرها أما يوم انطحتني الهوى عيت تجيب الا 140 لكن بالصحرى والله ياهي دوى
وأي استفسار هذا جوالي 0553140947

[اسيزو 4x4]

بارك الله فيك يالنشمي (راعي الونيت ) ماقصرت يا بعدي

والله يكتب اللي بة الخير لنا ولكم ....


..

[nahham]

اخوي الاشهب

لاتزعل يالغالي كلامك على العين والراس والله

اخوي ابو الطواري

الرجل اللي يقول عنه اخونا الاشهب سمعت عنه ويمدحونه

بالنسبه لي انصحك تروح الصناعيه القديمه بعد الدوار اللي في كوبري الحديد ( دوار الخرج ) تروح مع شارع الامير سلمان المتجه شرقا يجيك البنك البريطاني على اليمين لف بعده يمين ورح جنوب يجيك شارع الجمعيه ( هو الشارع الواسع الوحيد ) تعده شف ثاني محل على اليمين يماني متخصص مراوح كهربائيه وكهربائي انا ركبت عنده وهو اللي جاب المراوح على مسؤليته والكتاوت والاسلاك وكل شي مع تلحيم الاديتر لانه بيلحم فيه مسامير تمسك المراوح كل هذا مائتين وخمسين ريال

المراوح السني حسب ما فهمت مقاسين عموما الكهربائي ابخص

وفيه بعد هذا المحل بثلاثة او اربع محلات باكستاني متخصص مراوح كهرباء وموجود عنده الكثير من المراوح وكل الانواع

اتمنى لك التوفيق

ومره ثانيه لا تزعل مني اخوي الاشهب مجرد اراء لاغير

[nahham]

وبالنسبة للمشي أنا ما أحب السرعة لكن من باب الكشف مشيت 180 وعيت تجيب غيرها أما يوم انطحتني الهوى عيت تجيب الا 140

اخوي راعي الونيت

لو انت مركب مراوح كهرباء ما سوا لك الهواء شي

المروحه الميكانيكيه اللي اصلا راكبه في النيسان تتعب الماكينه خاصه اذا ناطحك الهواء وياسرح ما يخرب اتوماتيك المروحه في النيسان وتبدى تصيح

ومبروك عليك الشهر

[(الأشهب)]

وش دعوه أخوي نهام مابينا شي انا بعد ابين كلامي لاني توقعت انك مافهمتني

اخوان ولو .

إذا بغيت شي انا في الخدمه

تحياتي.......

[الوشاح]

ياهل الدداسنافضل مروحة كهرب لددسن مروحة المكسيما ... وانا مجربه .. تركب صح كأنه شد بلد لأن أديتر المكسيما قريب من اديتر الددسن .. والسوبارو تجي بعد المكسيما .... اما التركيب فالصراحة بالرياض ما عرف احد لاكن بالقصيم واجد الي يركب مراوح وشغلهم :good:

اخوكم .. ابو صالح

[nahham]

هلا اخوي الاشهب اكيد اخوان واكثر

اخوي عريفجان يقولون مروحة المكسيما فيها صوت وانا ما جربت

شكرا

[حر اليدين]

السلام عليكم
الى الاخوة الاشهب وايسوزو وراعي الونيت وعريفجان ساحوق والاخ نهام

جزاكم الله خير على كل المعلومات الثمينة التي ادليتوا بها وان شالله نوافيكم باخر التطورات

علما بان ددسني موديل 97 قولوا رايكم فيها تخيلوها وعطونا رايكم وان شا الله انزل صورتها بالمنتدى


اخوكم ابو الطواري

[(الأشهب)]

ما يحتاج راينا اهم شي انها جايزلتلك بعدين انت شريتها

لاتشاور احد خلاص وعلى العموم الله يعطيك خيره ويكفيك شره

وتحلله بالعافيه

تحياتي

[الوشاح]

nahham
ابداً.....الي ركبت مافيها اي صوت وشغله تمام

[حر اليدين]

السلام عليكم
عند الاشارة ونرجو اعلامكم بانه وبموجب تقرير ص/م125 بتاريخ 8/9/1426هـ
تم تغيير اسم معرف صاحب الموضوع من ابو الطواري الى المعرف حر اليدين ولذلك جرى التنويه
نشكر جميع من مرر من هنا وشارك في الموضوع وان شا اله نوافيكم باخر التفاصيل
اخوم حر اليدين