مطلوووب غرااب ؟؟؟؟؟

[الصقار111]

السلام عليكم


كيف حالكم جميع



عساكم طيبين


واحد من ربعي يبغى له غراب حي وشرط انه يطير

يبغي يعلم عليه طيره

عشان موقف حصله العام وها السنه مايبغاه يتكرر
وهو انه قانص في الربع الخالي
ويوم هد طيره على ارنب
جاته غربان وغدت على الطير
وقام يطرد الغربان ويرميها ولكن توعرت عليه القاع وعود والطير خالط النجوم والغربان وراه :D:D:D
وجلس يومين يدور الطير ومالقاه ويوم اقنع الرجال ونوى يرجع ومشى مسافه تقريبا 50 كيلو من مكان الطير يوم ضاع
الا وهو يشوف طيره يطرد السياره لانه معود الطير على طرد السياره
ويوقف ويوقع الطير على الغماره كنه يقول انا زبينك :D
ويقوم الرجال ويذبح له حمامه فرحة بالطير يوم استعقل

والحين الرجال يبغى له غراب عشان يعلم الطير عليه


مع العلم اني لقيت غراب ملتوي على رجله خيط وناشب في شمعه

قمت وذبحته ويوم درى زعل علي
وقلت له ابشر بالعوض واليوم يومكم يالنشامى

مع شكري وتقديري لكم / أخوكم الصقار111

[ابوناهض.]

ابد تلقاهن بالديار وبالمزارع وعلى المحرقه والوصخ يدورن ورح سوق الحمام بالرياض يمكن تلقا ..موفق

[الصقار111]

لاهنت يابو ناهض على كل حال

[ساحووق]

الله يرزقك مطلووبك

[الصقار111]

الله يجزاك خير ياساحوق

[قرناس شماالي]

الله يرزقكم

[yasser1389]

ما ادري كيف وده يعلمه على الغراب وش تقصد يبيهم ياكلون سوى الغراب شين وحاسد وفاسد لا شاف الطير لازم يبهدله

[مالك المصرى]

والله عندى بمصر بدل الغراب الف غراب
بس كيف اوصلك طلبك

[راعي الجمس200]

ان شاء الله تحصل مطلوبك

[غليص 101]

طق من الغراب ويرزقك الله

[قنيص غير]

الله يرزقك