أقلط ...وأكتب ..السبب...عن الكفرات

[طحنون]

السلام عليكم ورحمة الله وبركاته
اخواني احييكم
وودي تنورونا بأقتراحاتكم عن ضغط الهواء المناسب
للكفرات
مثلا سيارتي سفاري والكفرات نوعها بيرجستون من الوكاله
صحيح انها قاسيه ولا تصلح للطعوس والرمله الناعمه
ومن ناحيتي الكفرات الخلفيه يكون ضغطها 27 والاماميه 32
اوجميع الكفرات تكون 30
علشان تمشيني على المسفلت والجلدوالطعوس لان في اغلب الاحيان مانت فاضي انك كل شوي تنسم
انا اقول ان ظغط 30 هو انسب شي
ولاتبخلون علينا بالنصايح الزينه ومن اصحاب الخبر

[غيّام]

اولا :شكرا على الموضوع
ثانيا : على حسب الجو اذا كان براد تنقيص الهواء عادي لكن اذا كان الجو حار اتوقع لابد من زيادتها
كلما زاد عرض الكفرات زادت صرفية البنزين ومعروف ان ضغط الهواء كلما نقص ازداد عرض الكفرات

[الكابتن]

السيارهgxr نوعيه دنلوب

فى الشتاء 30

فى الصيف 35

فى السفر 40 خصوصا اذ فيه عفش (ولى ملاحضه اخوى طحنون اذا زاد الضغط قلت صرفية البنزين) ضغط الكفر طبعا ههههههه تحياتى

[عاشق الجبل]

وعليكم السلام ورحمة الله وبركاته


يا أخ طحنون عيار الهواء ( 30 ) مناسب للأسفلت وليس مناسب للرمال والأرض الوعرة .

ومقياس الهواء يعتمد على نوعية الكفر مثل البالون لابد أن يكون الهواء فيه من 30 الى 35 في الأرض الوعرة ولكن على

الخطوط السريعة من الــ 45 الى الــ 50 و20 وتحت للرمال .

الكفر القاسي لابد من تنسيمه في الرمل من الــ 18 وحتى الــ 10 إلا بالمطاعس والصعود فلابد يكون الهواء من 10 الى 5

والأرض الوعرة لايقل عن الــ 40 .

[أبو يوسف]

اخوي أنت على هالسيرة بتكسر موترك
30 بالرمل !!! الله يعينك
اتعب شوي علشان ترتاح من الطقطقة والأصوات المزعجة الناتجة من خلخلة الموتر
20 ممتازة للرمل
30 - 35 للأسفلت

مع التحية

[اسيزو 4x4]

أقدر أحط الهواء 40 وأمشي بالرمل 100% وبالصيف بعد !!! ولكن الموتر بيتكسر وبأجور علية وبيتعب الدفرنسات والكرونة والمكينة وبترتفع درجة الحرارة ...ولهذا :

أنا أشوف 25 ممتازة للرمل ومريحة للموتر وللسواق

و40 في السفلت ممتاز وستقلل في صرفية البنزين ...


.

[بواسامه]

انتبه وخصوصا ان يبارتك سفاري
اياني واياك تعبي هواء فوق 33 في الديره

اما في البر فلك الى 20 اذا رمله
واذا حزوم وحشرفه عليك بالهواء لا يجيك سكين من هالحصيات وتبنشر طبعا السياره اقصد

[الكونترولCONTROL]

في الشتاء الأمامية 32 و الخلفية 36
=====================
في الصيف الامامية 35 و الخلفية 40
=========================
و عند التحميل الزائد .... الخلفية بين 40 و 50 حسب الوزن و خاصة في الصيف ..
========
اسيارة في اكس ار - الكفرات دنلوب شد البلد ...
========================
و الله يحفظك و يبلغنا و اياك شهر الخيرات و الغفران ..

[al-nashmi]

بعد اذنك ابو هبال
..............................................
..............................................
في الرمل المامية 25 والخلفية 30
في الشتاء الأمامية 32 و الخلفية 36
=====================
في الصيف الامامية 35 و الخلفية 40
=========================
و عند التحميل الزائد .... الخلفية بين 40 و 45 حسب الوزن و خاصة في الصيف ..
========
اسيارة في اكس ار - الكفرات ميشلان 4%4... اللي قيمتهن 520 عند وكالة مشيلان
========================
و الله يحفظك و يبلغنا و اياك شهر الخيرات و الغفران ......................
.................................................. ............................................


المشلان كفر جيد جدا بس عيبة سعره عالي..

وسلامتكم

[حرباش]

بالنسبه للكفرات عندي بالون سيم تاير

في الديره والخطوط السريعه 45- 50

اما في البر 20


وبالنسبه للبالون كل ماتزيد هواه في الصيف يطول بعمر الكفر من المسح والتسحيت


تحياتي لكم ;)

[طحنون]

أشكرالجميع على الردوحسن التفاعل
اخواني
غيام
الكابتن
عاشق الجبل
أبويوسف
أسيزو
ابو اسامه
ابو هبال
النشمي
حرباش
ماقصرتو
ولايهونون باقي الربع
لاكن سؤالي هو وش احسن معيار للهواء اللي يمشيك على الخط والطعوس في نفس الوقت واعلى سرعه انك تمشي بالكفر على سرعه 120
ولايتأثرالكفر بالطريق
وشاكرمروركم الكريم ونشوف باقي الاعضاء

[al-nashmi]

أشكرالجميع على الردوحسن التفاعل
لاكن سؤالي هو وش احسن معيار للهواء اللي يمشيك على الخط والطعوس في نفس الوقت واعلى سرعه انك تمشي بالكفر على سرعه 120
ولايتأثرالكفر بالطريق
وشاكرمروركم الكريم ونشوف باقي الاعضاء



اخي طحنون.. اعتقد ان ظغط 25 مناسب الرمل وتقدر تمشي عليه في الزفلت 120كم

ولكم تحياتي