مشكله في سيارتي ( سوبربان 2007 ) لاهل الخبره افيدوني الله يجزاكم خير

[abofahd55]

السلام عليكم

اسعد الله اوقاتكم بكل خير

معي سوبربان 2007 السياره كانت معي تمام والحمدلله المهم طلعت بالعيد لدوله خليجيه

وعبيت بنزين من عندهم يوم طلعت من الحدود عبيت من البنزين حقنا طفيت السياره

وجيت اشغلها مره ثانيه بالحسر تشتغل اللي انا حسيته ان السياره بطاريته خربت المهم

وصلت الرياض قلت بجرب بطاريه جديده نفس المشكله ماتغيرت مريت اكثر من ورشه

قالو لي طرمبه البنزين لازم تغيرها وانتم عارفين الطرمبه ميب رخيصه

قلت مالي الا الله ثم رجال مكشات



ملاحظه / البنزين اللي اعبي 95
افيدوني الله يجزاكم ويوفقكم

[يوكن 2009]

اخوي لو تطرح مشكلتك على الاخوان بالرابطه في نفس المنتدى باذن الله رح يفيدوك ويستفيد غيرك اذا واجهتهم نفس المشكله
http://www.mekshat.com/vb/showthread.php?t=171953

[abofahd55]

يوكن 2009 الله يجزاك خير وما قصرت

سدحت المشكله في الرابطه والله ييسر امرنا وامركم وامر كل مسلم

[.أبوعبدالرحمن]

إذا كانت المشكلة من الطرمبة واعتقد انها منها والله اعلم لا تركب حقت الوكالة ركب حقت ( vxrلاندكروزر من 98 الى 2007 او شبح مقاس 500 ) مع العلم انها مجربة ومريحة جداجداجدا

خصوصا ان المشكلة هذي بجميع موديلات الجموس


اتمنى اني افدتك

[abofahd55]

إذا كانت المشكلة من الطرمبة واعتقد انها منها والله اعلم لا تركب حقت الوكالة ركب حقت ( vxrلاندكروزر من 98 الى 2007 او شبح مقاس 500 ) مع العلم انها مجربة ومريحة جداجداجدا

خصوصا ان المشكلة هذي بجميع موديلات الجموس


اتمنى اني افدتك


ابو عبد الرحمن الله يجزاك خير

بس ما قلت لي تخبر لي ورشه مضبوطه مجربها وكم سعر طرمبه الفي كس ار

وشاكر لك مرورك وتعقيبك

[ولد وايل..]

تأكد قبل ولا تستعجل وأنا اخوك....


افحص ضغط الطرنمبه وإذا فيه شي نزلها وخلهم يفكونها وينظفون الصفاي وشف النتيجه

لا تلجأ للتغيير بسرعه..

خاصه وان الموديلات الجديده ما ذكر خراب الطرنمبه الا قلييييييييل

[gmc envoy]

اخوي هذي المشكلة صارت معي سافرت على السعودية ورجعت على الاردن وبعد اسبوع صار معي كذا رحت على ورشة صاحب لي ونضفت خزان البنزين وغيرت العوامة حق الخزان .... مع العلم السيارة الي كانت معي لما صارت هذي الحادثة جمس انفوي ...

[K.S.A.A]

أخوي أبو فهد في فرق لما يكون الضعف في البطارية او غيرها ..
يعني لما يكون الموتر مايدق سلف نهاشيا او دقه ضعيفة فهذي أكيد البطارية او السلف .
وأن كان الموتر يدق سلف يعني ( يلعلع ) بالعربي . ومايشتغل فهذي مشكلة أما بنزين او كهرب
بس الواضح عندك انه بنزين , بعدين البنزين لو تغير مايأثر ضرر كبير لدرجة ان الموتر مايشتغل
خصوصا ان الموتر ماشاء الله تبارك جديد الله يعطيك من خيره ويكفيك شره .
وطرنمة البنزين أذا تعطلت تعطلت مره وحدة . أحياننا تضعف بس نادرا ماتحصل .
المهم لو كان الموتر يلعلع ويبطي مايشتغل فهذي ممكن البواجي .
المهم انت شيك على الصفاية والبواجي وتوكل على الله ..

آسف ع الإطالة ..

[abofahd55]

السلام عليكم

اخواني ولد وايل وجمس انفوي ماقصرتوا

اخوي ksaa الجمس يلعلع ع قولتك ويبطي مايشتغل وجربت وحطيت بطاريه جديد نفس المشكله ماتغيرت

انتضر ردك الله واذا تخبر لي مركز مضبوط لاني رحت للعضيب قالوا مانزينها لا تبخل علينا

[لاندكروزر11]

صارت المشكله لواحد لاكن جمس 2006

[لحظةوداع]

السلام عليكم

اخواني ولد وايل وجمس انفوي ماقصرتوا

اخوي ksaa الجمس يلعلع ع قولتك ويبطي مايشتغل وجربت وحطيت بطاريه جديد نفس المشكله ماتغيرت

انتضر ردك الله واذا تخبر لي مركز مضبوط لاني رحت للعضيب قالوا مانزينها لا تبخل علينا
أنا معي أفلانش 2007 صارت معي اللعلعة وهي أن السلف يدور ولايشتغل الموتر على طول . لا تتعب نفسك الحل عندي
أولا رح لواحد خله يقيس لك ضغط الطرمبة والأكيد أنه بيطلع منها
ثانيا طرمبة الجيوب ماتركب على الجموس 2007 ومافوق فقط 2006 وماتحت
ثالثا الله يعينك تشري طرمبة من الوكالة بسعر 1400 ريال والتركيب 400 ريال
رابعا الله يعوض عليك وباين أن موترك أمريكي مستورد

[abofahd55]

السلام عليكم

اشكر جميع الذين تفاعلو معي ومشكورين

اخوي لحضه وداع نعم الجمس مستورد

يعني افهم من كلامك انه مالي الا اغير الطرمبه جديده ؟؟؟

[aboeyade]

للمعلومية الموديلات الجديدة طرمبتها كويسة مو مثل الموديلات السابقة .

يعني لو لا سمح الله بتغير الطرمبة لا تغير إلأ شد البلد , وأنصحك تمر أوتوستار أو ac delco ترى عندهم نفس قطع الوكالة وأحيانا تكون بنصف السعر .

وأنا أنصحك لا تستعجل تغير الطرمبة أول شي رحل لمركز صيانه ومثل ما قالوا الإخوان قيس ضغط الطرمبة , وبعدها سو فحص كمبيوتر , يمكن يكون الخلل بسيط . وبالتوفيق

[moooj]

الفكسار-ما-تصلح-دائما
جربها-واحد-من-الشباب-
النتيجة-تطيح-عزم-الموتر-وتخرب-خلال-سنة