استشاره من خبراء التطعيس

[aljassas]

ياشباب وش رايكم في Bmw X5 في التطعيس عندي واحد وخايف اطعس فيه ويغرز فيه احد جربه في الطعوس

[بو خليفه]

يا عزيزي aljassas تحية طيبة و بعد
أخبرك أن x5 جداً ممتاز لأن التقنية هي لاندروفر و معروف لاندروفر كجيب في دول مجلس التعاون و هذا x5
دفع رباعي دائم لا ينفصل مهما كانت السرعة فقط يدخل فيها عملية النسبة
- يوجد حبة تستخدم في الرمال إذا الكفر لم يفتر تشغل الحبة كي الكفر يدور
- في نظام TC هذا النظام يجعل الكفر يدور أربعة يفيد عند التعليق الجانبي يعني في الهواء يوقف و في الأرض يدور طبعاً هذا الصفة لا توجد في الياباني و الأمريكي فقط في الأوروبي
و يوجد لديه قوة عزم عالية
أهم شئ تحمل معك اشتراك - واير سحب - ماطور هواء
و لكم تحياتي و تقديري

[anas]

واحد من الزملاء معه بنز جيب Ml 320 موديل 2003 كنت راكب معه اعلمه بعض امور التطعيس ( كأني شايف نفسي ؟؟؟ ) يطعس على خفيف لكن الدبل مشبوك على طول اما الدبل الثقيل فهو زر عنده وكننا نشغله لما تغرز السيارة ... وزميلي هذا عليمي مررررررة حتى ان زر الدبل الثقيل ما علمه إلا انا واعوذ بالله من كلمة انا .... وتبي الصراحة المواتر اللي مثل هذه مصممة على المكان الذي اتت منه .. يعني مناطق فيها وحل وطين أو تعبر وادي صغير او مناطق صخرية ... ما يوجد عندهم مثل ما عندنا صحراء وكثبان رملية تخلي ظهرك يعرق ما رقيتها .

[غضنفر]

مره من المرارير ونا بالثمامة شفنا Bmw X5 مغرز بالثمامة في طريق الكامري تمشي معه وقفنا وحاولنا ندف معه
بس كان الجيب ثقيل مره والدبل مهب شغال (زر) لأنه فيه حساسات دخل بها تراب وعيا يشتغل .
الخلاصة المواتر ذي مواتر ديرة (Bmw X5,Ml 320,الهمر الجديد)ولا تنفع بالبر لأنها تخونك

[بو خليفه]

يا شباب أبغي تنبيه كل منطقة لها سياراتها و قناعتهم أهم المالك يكون يقنع بسيارته مثلاً المنطقة الوسطى في السعودية جداً يرغبون التويوتا و النيسان و يعتقدون أن هي السيارة الأولى و الشرقية يعتقدون أن الجمس والدوج والفورد هي أفضل جيب كل مكان له قناعة أو مثلاُ في دبي عندهم اللاند روفر هو أفضل جيب
يبغى المالك هو الذي يقتنع بسيارته و يجرب بنفسه كي يطلع على التقنية و العيوب و الميزات أما شخص يقول بي أم دبليو مغرز هذا من السواق وليس من الجيب و آنا دائماً أشاهد لاندكروزر مغرز بكثرة لا واحد و لااثنين وأيضاً الشاص بس السبب هو ليس في السيارة العيب في السائق لا يعرف يتعامل معها
حبت فقط للتوضيح
ولكم تحياتي و تقديري

[الشقردي]

ما يمنع انك تجرب اذا ودك ومهتوي بس لازم تنقص هواء الكفرات الى 20 او 15 ولا تنسى تعبيها أول ما تطلع على القار
والشئ الثاني أعرف وشلون تشغل الدبل الخفيف وكيف تشغل الدبل الثقيل, ويستحسن يعلمك واحد مجرب في المنتدى
ولا تروح مكان بعيد ما حولك احد وخذ معك الامور الضرورية (واير سحب, ماطور هواء, حبل اشتراك, ...

والأحسن من ذاك كله تروح معك سيارة ثانية

[aljassas]

شكركم على ردودكم والله انا حاولت اطعس فيه شوي وبعدها ما طاوعني قلبي بس بالنسبة للكفر يااخوان مااقدر انقص من ضغط الهواء فيه لأن ارتفاع الطفر جدا صغير واخاف يطلع الكفر من الجنط وقيمة الكفر الواحد 2000 ريال اهي اهي اهي صارت معاي وانا على زفلت مو على رمل وحرمت بعدها امشي علية ناقص هواء


لكم تحياتي وشكلي ببيعه وبشتري شاص :)

[مزاااجي300]

ياخوي لالا تزعل عمرك اذا تبي تطعس تعال اعطيك طير شلوى الباترول

روح طعس وانا ابي اخذ موترك ادور فيه بالتحليه !! حتى ترجع

قولووول تم تم تم ههههههههه

[ذيب الجبال]

مساكم الله بالخير
اخوي انا انصحك انك تسوي مثلي انا في البدايه كنت ((الى الآن توني عليمي :D ) استاجر سيارة ( لاتقولوا فيه صاحب محل تأجير :j الله يستر ) استاجر هايلكس واروح للنفود واقطعها تقطيع واذا غرزت مافيه احد ينقد عليك لانك على هايكس مانت على جيب ولا غيره

[الوشاح]

للأسف يا aljassas كفرات موترك ماتساعدك!! الكفرات هذي (سبورت) ...........إرتفاعه قليل جدا .... لاكن نزل الهوا إلى15 وجرب....... ممكن يمشي

[ع.ف.الدرويش]

ياخوي لالا تزعل عمرك اذا تبي تطعس تعال اعطيك طير شلوى الباترول

روح طعس وانا ابي اخذ موترك ادور فيه بالتحليه !! حتى ترجع

قولووول تم تم تم ههههههههه

مزاجي.. الله يرجك رجاً مبرحاً
لكن وبصدق.. عرض حلو جداً.. ومغري..
وش قلت يا aljassas..؟
.
.
aljassas.. الشتوية الماضية شفت الـX5 بالنفود وشفت بورش الكايين بعد.. ممشاهن ومراقاهن حلو إلى أبعد حد.. و الواضح على اللي يسوقون الهداوة والركادة بعد.. من هنا أنصحك إن كنت عازم على سواقته بالرمل فتوكل على الله وعليك بالركادة لأن الموتر ما شاء الله تبارك الله كمبيوتر في كمبيوتر فأي خلل يتعطل.. أما الصيانة فأعتقد مكلفة ومؤلمة بعد..!
.
.
أخوك.. أبو فهـــد..

[aljassas]

اخوي ذيب الجبال فداك والله الموتر انت بس اشأر واعتبره تحت امرك هههههههههههههههههه دورني الليله تلاقيني في التحلية سابقك

الوشاح اشكرك على تفاعلك وبجرب لكن اذا انعدم الكفر بدفعك قيمته هههههههههههههههههههههههههه

ع.ف. الدرويش

ياخوي اسمك يذكرني بتوصيف بيتنا ههههههههههههههههههههههههههههههههههههههههه

والله ياخوي انا بتوكل على الله وبجرب الموتر وفعلا الموتر حساس الى ابعد حد كله حساسات وارخص حساس فيه بـ 500 ريال بس :( لكن يالله ابجرب وعلى الله