هل صحيح هذا القول

[كرويف]

السلام عليكم
يقال ان السياره اذا تعدى ممشاها 500 الف
تكون على وشك تخبيط
لاني سمعت الكثير يقولون هذا الكلام
ورأيت العديد من الناس يحجم عن شراء السياره اذا رئ الكيلوات تعدت 500 الف

[كنق عفيف]

يجي من يفيدك

[التعـ King ـديل]

على حسب الاستخدام كان عندنا كابرس 89 مشينا عليه فوق 700 الف

وبعناه تشليح اثر حادث ومافيه شي سليم غير مكينته ودفرنسه واللي شراه صلحه ولحد الان يستخدمه

ولا توظب الى الان

[بواردي الدلم]

طبيعي جدا وزين إذا وصلت ال500 مابعد خبطت

لكن فيه سيارات وصلت 700 ومكاينها مازالت صالحه إلا أن عليها بعض الملاحظات مثل جلب البلوف وشنبر وشغلات بسيطه

[ونش]

كلام سليم وش ترجي بعد ال 500

[ولد وايل..]

لا يا عزيزي غير صحيح...

الموتر 500 في عز شبابه هع...


شف يا عزيزي...اولا تعتمد ع الإستخدام وثانيه على حسب نوع المكاين


الامريكي الالماني يعمر ولا يخالف معه

الياباني وطقته يمكن يكون كذا خاصه غن الكامري الحين عقب الـــ200 يجيم الله لا يبلانا....

[HW80]

على حسب الاستخدام والمكينه بعضها يصبر وبعضهالا

[البرتقالي]

التوفيق من الله ثم الاستخدام
وماكان الرفق في شيء الا زانه
صدق المصطفى عليه افضل الصلاة والتسليم

[عبدالله27]

سبق لي وان استخدمت كامري موديل 94 وكان استخدامي لها عنيف جدآ لدرجه اني مرنتها من الصفر في نفود الثويرات
الي يعرف نفود الثويرات وقشارتها
عاشت معي مايقارب 10 سنوات قولوا ماشاءالله
وصل العداد الى 470الف
وبعد مابعتها استخدمها شخص ثاني ولازال يمدح فيها
وماشيه معا تمام التمام والحين يقول ماشي العداد حوالي 800الف
بس يوم كانت تتصنع باليابان لاكن الحين تتصنع بالصين

[ابراهيم الضيو]

حسب صاحبها اذا تغيير الزيت بانتضام ولا يتعرض الموتر الي حراره يمشي معك لمدة طويله ولاكن الموتر الذي يمشي عليه سرعات عاليه بستمرار يكون اقل عمر من160 ومافوق

[راعي المجهم]

كان معنا جيب 89 مكينته 3f

مشى 760 الف كيلو بعدها خرب العداد وبعناه

زي الفل يشتغل من أول نقره وصاحبه أسأله عنه يقول ماشي ماشاء الله عليه

[ملك الفكتوريا]

تختلف حسب الاستخدام ونوع السياره


مثلا كراسيدا مشت 800 الف وبعناها واللي اشتراها سوداني صفر العداد ولا زال يمدح


وكذلك جمس 88 من أحب السيارات لي اشتريناه ماشي 400 الف ومشى إلى 700 الف ووقف العداد وجلس معنى فترة تقديريا مشى 50الف وبعناه ولا زال لليوم لكن خرابته شوي واجد


وواحد من الجماعه معاه فكتوريا 96 ماشي 900 الف ووضب القير فقط لإنه غير الزيت بعد ممشى 400 الف وخبط

وواضب على تغييره كل 50 الف




المهم حسب الاستخدام يعني واحد من الشباب معه ماركيز2005 افضل موديل ماشي 140 الف موضب قير ميكنه ليه ما يهتم

[بدوي جنوبي]

كان معى فكتورى موديل 98 بعته وكان عداده ماشي 580 الف تقريبا
اللى شراه فحص المحرك وطلعت نسبة ضغط البساتم كلها 100%
عدا 3 يساتم طلعت 96 و 94 % بسبب البواجى او الكويلات
وما كان ينقص زيت .

اعرف واحد من الزملاء باع فورد فكتورى ماشي اكثر من 700 الف
ولم يوضب المحرك .

طبعا كل ما كان المحرك اكثر اسطوانات كل ما كان عمره اطول
محركات الامريكي 8 اسطوانات يتحمل كثير
و200 الف كلم اعتقد انها فترة تمرين للمحرك .:)

ومثل ما ذكروا الاخوان الممشي ما يأثر كثيرا اذا كانت السياره نظيفه وخاصة محركاتها


بالتوفيق

[يريور عيمان]

ما اتوقع الكلام هذا صحيح
شاص 91 بمحرك 3F كلبيتر
مشنيناه فوق 600 الف و المكينة ما وضبناها و لا فتحنها و لا كان يحرق زيت
و كنا نستخدمه استخدام تحميل و نقل و في اجواء حارة و الى الان لا تزال تعمل و لله الحمد
لكن اهم شي تغير الزيت بشكل دوري

[عاشق السيل]

أبدا ياخوي الكلام غير صحيح إطلاقا !!!

مثل ماقالوا الشباب فيه عوامل مهمة تخلي المكينة تخبط بأقل من مية ألف أو تعيش فوق المليون :

الاهتمام والمراعاة والصيانة الدورية ،، صناعة المكينة ،، حجم المكينة ،، طريقة استخدام السيارة ،،،،، إلخ !!

ولا تنس إذا ركبت مع ليموزين سيارته تحت الـ 2006 قله كم مشت سيارتك ؟؟؟؟؟

[راعي المجهم]

ركبت كابرس 2008 مستورد

جاي من الإمارات ماشي 600 الف كيلو

وبعد فترة لقيته مع واحد شريطي عداده 60 ألف كيلو !!!!

حسبي الله عليه

[ابو سلطان س]

اذكر واحد عداد سيارته عد من جديد والسيارة تايوتا موديل 85 مكينه f3 ولا نقصت زيت