المساعد الشخصي الرقمي

مشاهدة النسخة كاملة : ماهو افضل تانكي مويه سواء في ( الصندوق او تحت السياره ) ؟


غيانا24
10/12/2010, 01:44 AM
بسم الله الرحمن الرحيم

السلام عليكم ورحمة الله وبركاته ... وبعد


مع كثرة المعروض وكثرة توانك المويه يحتار الشخص في تركيب تانكي المويه وخاصة لاصارة السياره فيها حوض كبير مثل سيارات الفورد او الهايلكس الغماره او الددسن الغمارة .. وهل ينصح بالتانكي الفيبر ...
والسيارات الاخرى الي يركب فيها التانكي تحت السياره وش افضل شي لها ...
والسيارات الي يركب فيها التانكي داخل السياره مثل الجيوب واليوكن هل ينصح بان يكون التانكي مسدوح في الشنطه بعرض وطول الشنطه او يكون خلف المرتبه الاخيره أو أو ....

هناك خيارات كثيرة والمعروض في السوق اكثر ... لكن افيدونا جزاكم الله كل خير وليستفيد الجميع ....
البرتقالي
10/12/2010, 05:22 AM
عليكم السلام ورحمة الله وبركاته

اخوي والعهدة على الراوي يمدحون ورشة المواهب بالصناعية القديمة
واذا تبي معلومات اكثر عندك اعلى الصفحة باحث قوقل لمكشات اكتب افضل تانكي مويه
وتطلع لك مواضيع مشابهه وان شاء الله تحصل مرادك
غيانا24
10/12/2010, 09:59 AM
الله يعطيك العافيه .. لكن هل الفيبر عملي او الستيل افضل ... ياليت نشوف رد الزوار ... والمجربين ...
خالد77
10/12/2010, 02:18 PM
أنا مركب من ورشة اليحيى غرب مقبرة النسيم من عام 1427 وإلى الان مثل الحلاوة ..
بس ملاحظة : مايركبون تانكي إلا لسيارات لا ندكروزر بجميع موديلاتها فقط والظاهر انه ستيل لأنهم يلبسونه ويربطونه بسبت [ جمع سبته ] ..
غيانا24
11/12/2010, 11:18 AM
الله يعطيك العافيه اخي خالد ...

لكن سمعت ان التانكي الفيبر الي يحط في الصندوق ذو اربع طبقات وضمان عشر سنوات يباع عند المهيدب للخزانات سعته عاليه و قيمته رخيصه وسمعت انه يخدمك كثير من ناحية فكله وتركيبه وجودته ...
K.S.A.A
12/12/2010, 08:48 AM
انا أنصح اللي بيشتري او بيفصل وهو مثلا ناوي يستخدمه وقت طويل والموتر اللي معه ناوي يكده مثلا على الأقل 5 سنوات , يشتري او يفصل تانكي ستيل 2ملم وأفضل يكون في التانكي قواطع .
أولا : أقوى ويتحمل.
ثانيا : الستيل مايصدي أبد .
ثالثا : لو بغيت تحطه في سيارة صندوق عااااادي تحطه وانت قلبك مطمئن.
رابعا : الفيبر لو انكسر او جاه شي خلاص ماينفع لازم تغيره . أما الستيل لا تلحمه وتوكل ع الله .
خامسا : القواطع مهمه جدا انه لما يكون في التانكي نصفه تقريبا مايخظ الماء ويهز الموتر
يعني يكون الموتر ثابت ولاتسمع صوت الماء أبد بالنسبة للي يهتم بالأصوات .

هذا من وجهة نظري
الواحد لما يشتري يشتري شي يسوى عشان مايضيع قلوسه
لأن الكل يبي الزين مهما كلف الثمن ..

أشتر ستيل او فصل ان كان أمورك الماديه تسمح وتوكل على الله ..
غيانا24
13/12/2010, 11:27 PM
جزاك الله خير اخي الكريم على المعلومات الممتازة ....

وفعلا التوانكي يطلع لها اصوات وتخض الموتر إذا كان فيه النص مثلا ً ... ومعلومه حلوه الله يعطيك العافيه .... وماقصرت
حزوبر
13/12/2010, 11:36 PM
انا أنصح اللي بيشتري او بيفصل وهو مثلا ناوي يستخدمه وقت طويل والموتر اللي معه ناوي يكده مثلا على الأقل 5 سنوات , يشتري او يفصل تانكي ستيل 2ملم وأفضل يكون في التانكي قواطع .

أولا : أقوى ويتحمل.
ثانيا : الستيل مايصدي أبد .
ثالثا : لو بغيت تحطه في سيارة صندوق عااااادي تحطه وانت قلبك مطمئن.
رابعا : الفيبر لو انكسر او جاه شي خلاص ماينفع لازم تغيره . أما الستيل لا تلحمه وتوكل ع الله .
خامسا : القواطع مهمه جدا انه لما يكون في التانكي نصفه تقريبا مايخظ الماء ويهز الموتر
يعني يكون الموتر ثابت ولاتسمع صوت الماء أبد بالنسبة للي يهتم بالأصوات .


هذا من وجهة نظري
الواحد لما يشتري يشتري شي يسوى عشان مايضيع قلوسه
لأن الكل يبي الزين مهما كلف الثمن ..



أشتر ستيل او فصل ان كان أمورك الماديه تسمح وتوكل على الله ..


هذا الراي السديد
أنا عندي مثله ومركبه على الهايلكس :good2:
جمس z71
13/12/2010, 11:42 PM
حبيبي غيانا24..
انا نفسك ودي اركب تانكي ومحتار وقالو ركب استيل ويوم صملت جاء واحد وقال الستيل غالي ولا عاد يجي الحين اصلي 100% بعد هالكلام قابلتلي راعي شاص مركب تانكي حديد يباني ابونجمة 2ملم يقول له معي 6 سنين وتمام لا يتغير لون ولا طعم الماء يقول مفصله في ورشة الاخلاص في بريدة والصراحة اقنعني الرجال وقريبا إن شاء الله بفصله...

اسف على الاطالة وان شاء الله اني افدتك,,,,,
عاشق السيل
14/12/2010, 09:36 AM
وعليكم السلام ورحمة الله وبركاته ،،

الألومنيوم أرخص ومضمون ضد الريحة والطعم وقوي ومناسب للحوض أو داخل السيارة ،، اما تحت السيارة أنصحك بالاستيل لأنه أقوى ويتحمل ضربات الحصى أو أي صدمات !!

بالنسبة للواقف أقل سعة ويضيق على الشنطة ويحتاج تثبيت لكن دفعه أقوى من المنسدح وأهدأ بالصوت !!

وبالتوفيق يالغالي ....
عاشق السيل
14/12/2010, 09:39 AM
أنا مركب من ورشة اليحيى غرب مقبرة النسيم من عام 1427 وإلى الان مثل الحلاوة ..
بس ملاحظة : مايركبون تانكي إلا لسيارات لا ندكروزر بجميع موديلاتها فقط والظاهر انه ستيل لأنهم يلبسونه ويربطونه بسبت [ جمع سبته ] ..

ممكن إذا كان التركيب تحت السيارة لكن إذا كان التانكي داخلي يركبون لأي سيارة وأنا معي باترول وفصلت عندهم داخلي !!!!

وعلى فكرة شغلهم كله ألومنيوم وماعندهم استيل إلا إذا كانوا من قريب جدا جابوا الاستيل !!!
((ابو عبدالله الدوسري))
14/12/2010, 08:05 PM
الستيل افضل المعادن تتحمل المويه ويعييش معك سنين لكن سعره غالي جدا وعند التركيب السمك يكفيه 2 ملي

يجي في المرتبه الثانيه الالومينيوم مشكلة الالومينيوم انه مايمسك اللحام يعني اذا حطيت سمك الالومينيوم 2 بيتقطع اللحام يعني لازم تحط 3 ملي علشان يعيش معك اما سعره ارخص من الستيل