مطلوب ؟؟؟؟؟؟؟؟؟؟؟؟؟؟؟؟؟؟؟

[الذهبي]

بسم الله الرحمن الرحيم
السلام عليكم ورحمة الله وبركاته
كل عام وانتم بخير والله يبلغنا رمضان و يتقبل منا ومنكم الصيام والدعاء
يا الغاليين انا ابي اسئلكم كم سؤال وياليت القى الفائدة عندكم من خلال خبرتكم
1-انا معاي جيب لاندكروزرموديل 94هو نظام GXR
ابي اركب له خزان ماء بس ما ادري كم الحجم الزين اللي ماينشاف من الخارج قابلت راعي ورشة وقال لي ان اللي سعته 80 هذا راح يكون مضبوط وسمعت فية ورشة با الزلفي يقولون اسمها ورشة العضيب
2-الموتر عندي يطلع منه دخان اسود ويتفتف في بعض المرات وديته لورشة وقال هواء وفرالكبليتر بمسمار واخذت يمكن حوالي شهر ورجع نفس السالفه المشكلة يا اخوان ان الكبليتر شكلة جديد وانا ما ابي احد يتعلم في من ها الورشات ابي لو تكرمتوا ورشة متخصصة وفاهمه وقريبة مني وانا من سكان الزلفي ونصحوني بسواداني با المجمعه يقولون فاهم
3-ابي شوركم لاهنتم

[ع.ف.الدرويش]

السلام عليكم ورحمة الله وبركاته

هلا بولد الزلفي.. :d يا حبي لها
الذهبي.. تناكي المــــاء مالي فيه علم.. فانتظر الرد من الإخوة الأعضاء يفيدونك أكثر.. بالذات اللي مجرب منهم.. ولكن تعليقاً على قولتك Gxr كلبليتر.. وأنا أخوك الكروزر من موديل 92 بخاخ بكل فئاته.. لذلك أعتقد والله أعلم بأنك لو تفحصها عند متخصص ياباني أو الوكالة أفضـل.. ويمكن المشكلة تكون من البواجي وأسلاكها بحكم إن الموديل 94 يعني ما غيرت من قبل.. :).. أما إن كنت تبغى ورشة وبشكل عاجل ففيــه ورشة لعمي هناك ولا أدري إلى الآن موجوده أو لا.. لأني مبطي عن الديرة وأهلها.. لكن إسأل عن ورشة ابو عوجان.. يمكن يدلونك عليها ويمكن يفيدونك بمشكلتك.. ;)
طبعاً الكلام اللي فوق كله رأي ووجهة نظر.. ومازلنــا بإنتظــار ردود البقية.. من المختصين

أبو فهد..

[طخيمان]

أنا عندي في اكس آر 97 ومركب له تانكي ماء ستيل 70 لتر ومركبه في الرياض وتمااااام وله بزبوز من الجنب اللي على اليسار ومشينا كشتتنا يومين اذا كنا اقتصاديين
بس اللي عندي الاستبنة نظام علاقة .