فزعتكم يالمكشاتية ......... الموتر ( مكتّم ) ؟؟؟!!!

[Abu Mryea]

بسم الله الرحمن الرحيم










السلام عليكم ورحمة الله وبركاته ....


مساكم الله بالخير


لاحظت مشكلة في موتري ... وكل مارحت ورشة


ألّفولي تأليف ........... أنواع المشاكل ...



المشكلة مافيه اثنين اتفقوا على رأي واحد ......... مما جعلني في حيرة من أمري




قلت ( وعند مكشات الخبر اليقين ):f


وهي في الحقيقة مشكلتين ... واعتقد والعلم عند الله أنها بسبب واحد
المشكلة الأولى /لا حظت أن الموتر ( مكتّم ) ... يعني اذا دعست للموتر على الأخر


مايغير القير ( بغض النظر عن النمرة اللي يكون فيها )


يعني احيانا في الأول واحيانا في الثاني ... يوصل الضغط 5 ولا 6 واالمكينة شوي وتنفجر


والقير مايغير الين اخفف الدعسة ثم يمشي طبيعي .


ملاحظة :( في حالة أني دعست للموتر دعسة عادية يغير الموتر طبيعي ولله الحمد ولا فيه


تكتيم )



المشكلة الثانية : اذا جيت اعبي بنزين اقعد عند المحطة تقريبا ربع ساعة



علشان اعبي بعشرة ريال ... التانكي يطلع منه هواء


مثل لو يكون التانكي فل ... وهو في الواقع مابقي فيه الا شئ بسيط



الموتر : جمس حوض 2006



ومشكورين مقدما اللي يرد واللي يسيّر :good2:

[Abu Mryea]

للرفع ........

[التعـ King ـديل]

مشكلتك من البنزين

اول شي تفرغ التانكي من الهواء وتشيك على دوره البنزين بالموتر ..

بالنسبه للقير شيك عليه يمكن فيه مشكله بكلتشاته مايعشق بسهوله..

[GS5]

وعليكم السلام ورحمة الله و بركاته

المشكله الأولى حسب مافهمت منك : انك إذا دعست لأخر شي يشد بالنمره ولا يغير إلا لاوصل الضغط لأخر شي او ترخي الدعسه ؟؟
هذا شي طبيعي < إذا فهمتك صح

او قصدك تدعس له و يبتل حان مايغير ابد ؟


الهوا اغلب شي الصبح يجي او اذا طول الموتر وهو واقف ؟

[يريور عيمان]

اعتقد عندك زيت القير ناقص او يحتاج تغير
و هذا علوم الزيت اذا كان ناقص او محتاج تغير تلاقي تاخر في التعشيق و تطول النمرة

[مكرم الضيف]

ياخوك حصلت معي المشكلة بالجمس اول شئ غير طرمبة البنزين وحط طرمبة مرسيدس خارجيه. وغير الديلكو وصفاية البنزين والبواجي. وادع لي

[أخو جواهر]

السلام عليكم
اخي الكريم

بخصوص كتمة القير تفقد زيت القير وفلتره، متى آخر مره غيرته شكلك مبطي عنه، او احتمال يكون شغلة حساس ما حساس، والاحتمال الاخير وان شاء ما يكون منه وهي الكلتشات كما ذكرو الاخوان

وبخصوص الهوا في التانكي، تفقد الطرمبه واستبدل الصفاية

وعسى ربي يسمّح وييسّر امرك

تحياتي لك

[Abu Mryea]

مشكلتك من البنزين

اول شي تفرغ التانكي من الهواء وتشيك على دوره البنزين بالموتر ..

بالنسبه للقير شيك عليه يمكن فيه مشكله بكلتشاته مايعشق بسهوله..

بيض الله وجهك

وصراحة ... كلامك متطابق مع واحد من الميكانيكيين اللي مريتهم

قال : ( السبب من لي التهوية حق التانكي )

بس المشكلة قال لازم يفك التانكي كامل ...:eek:

[Abu Mryea]

وعليكم السلام ورحمة الله و بركاته

المشكله الأولى حسب مافهمت منك : انك إذا دعست لأخر شي يشد بالنمره ولا يغير إلا لاوصل الضغط لأخر شي او ترخي الدعسه ؟؟
هذا شي طبيعي < إذا فهمتك صح

اعتقد وأنا أخوك أنه ماهوب طبيعي

لأن عندي جمس ثاني ... ولا فيه نفس المشكلة

او قصدك تدعس له و يبتل حان مايغير ابد ؟

هذا الكلام مايغير أبد ... الين اخفف الدعسة


الهوا اغلب شي الصبح يجي او اذا طول الموتر وهو واقف ؟

أما من ناحية الوقفة ... الموتر كان واقف تقريبا ثلاث شهور


ومشكور على ابداء رأيك ومشاركتك

[Abu Mryea]

اعتقد عندك زيت القير ناقص او يحتاج تغير
و هذا علوم الزيت اذا كان ناقص او محتاج تغير تلاقي تاخر في التعشيق و تطول النمرة

هذا اللي خلاني أوسوس من كثر التفكير :(

الزيت غيرته مع الفلتر قبل اكتب الموضوع بـساعتين

ولا تغير من الأمر شئ

فأعتقد أن القير ماله علاقة في الموضوع

[Abu Mryea]

ياخوك حصلت معي المشكلة بالجمس اول شئ غير طرمبة البنزين وحط طرمبة مرسيدس خارجيه. وغير الديلكو وصفاية البنزين والبواجي. وادع لي

بالنسبة للطرمبة ... يمكن تكون الطرمبة ( لكن ماودنا نفك التانكي الا بعد ماأتاكد من الأمور البسيطة أنها سليمة ... يعني نبدأ خطوة خطوة )

أما الديلكو ... فاللي أعرفه أن الموديلات هذي مافيها ديلكو اعتقد استبدلوه بالأكويل

صفاية البنزين ... جيت باأغيرها قالوا الميكانيكيين ( ماحصلناها :( )

بعض الموديلات تجي داخل التانكي مع الطرمبة ( مثل اللي معي )


والله يجزاك خير ويرحم والديك وجميع من شارك برأيه أو قرأ الموضوع وطلع

[Abu Mryea]

السلام عليكم


اخي الكريم


بخصوص كتمة القير تفقد زيت القير وفلتره، متى آخر مره غيرته شكلك مبطي عنه، او احتمال يكون شغلة حساس ما حساس، والاحتمال الاخير وان شاء ما يكون منه وهي الكلتشات كما ذكرو الاخوان


وبخصوص الهوا في التانكي، تفقد الطرمبه واستبدل الصفاية


وعسى ربي يسمّح وييسّر امرك



تحياتي لك


بيض الله وجهك ورحم الله والديك


بالنسبة للزيت غيرته مع الفلتر قبل اكتب الموضوع بـساعتين

ولا تغير من الأمر شئ

فأعتقد أن القير ماله علاقة في الموضوع

[نواف503]

صباح (مساء)الخيرأخوي

انا عندي خبره بالجموس وان شاء الله اني اساعدك بس وضحلي أكثر ما فهمتك زين اذا دعست يحن ولا يغير النمره او ما يحن بس يكتم وهل يجي معه تقطيع وتفتفه يا ليت توضحلي كل شيىء بالتفصيل بالنتظارك

[أخو جواهر]

بيض الله وجهك ورحم الله والديك


بالنسبة للزيت غيرته مع الفلتر قبل اكتب الموضوع بـساعتين

ولا تغير من الأمر شئ

فأعتقد أن القير ماله علاقة في الموضوع

وجهك ابيض يا قلبي

اجل خذ العلم
بخصوص الكتمه اللي تقول (يبطي ما يعشق) تأكد من وزنيَّة سلك القير (له وزنية مثل وزنية سلك دعسة البنزين) كل ما شديته كل ما ابطى القير لين يعشق، وبإذن الله ان السبب منها. واذا مهوب منها فأحتمال يكون من طرمبة زيت القير
وبخصوص الديلكو الموديلات الجديده ما عاد فيها لا ديلكو ولا اسلاك على طول كويلات (كويل لك بوجي) وغير كذا وش علاقة الاشياء هذي بالقير؟؟؟ هذي علاقتها بالمكينه مهوب القير
وبخصوص مكان صفاية البنزين للجموس مثل اللي معك، اجل يقول لك الميكانيكي مالقاها؟؟!!.... :) حبيبي ودز (طل) حدر الموتر تحت باب السواق وشفها متوزيه في الشاصي، لونها فضي وجايه على شكل اسطوانه (دبه)

اما بالنسبة للهوا في التانكي عذرا انا آسف لما قلت الطرمبة، انا لخبطت معليش صار عندي لبس في الموضوع، الطرمبه مالها علاقه، سبب الهواء في التانكي غالبا ما يكون من غطاء التانكي يصير خربان عندك
ومن اسبابه، عدم خروج الهواء من التانكي ودخول ريحة البنزين داخل الغمارة
غطاء التانكي السليم تسمع صوت اندفاع الهواء قوي اول ما تفتحه
جرب غير الغطاء، لانه هو دائما يكون السبب في الهواء، وبرضو تأكد من لي تنسيم الهواء حق التانكي يمكن يكون متسدد.
قبل لا تشتري الغطاء الجديد جرب فك الغطاء اللي عندك ورح عليه مشوار والتانكي فيه الربع او اقل وبعدها وقف عند محطه وعب بنزين وشف ضبط معك والا لا، اذا ما ضبط معناته لي التنسيم فيه مشكله.
وعساي ان شاء الله اكون افدتك

الله يوفقك وييسر امرك

[Abo gssar]

شيك على الكويلات يمكن يبيلها تغيير

[الرويضة اون لاين]

بسم الله..

السلام عليكم...

اخووي والله انا معي جمس 932 وحصلت لي نفس مشكلتك ولا بقى شي الا غيرتة ولا فية فايدة , وفي الاخير صارت المشكلة من الصفاية , كانت مجيمة ونظفتها وجيمت مرة ثانية وغيرتها والى الان الحمد لله مايكتم...

وعلى فكرة كان اكثر مايكتم ايام المطر وادعس على اخر شي الصوت يزيد...

والله ييسر اموورك

[saleh4800]

هلا بك اخي
اعتقد مشكلتك بسيطه مادام انك غيرت الزيت والفلتر بقى عندك الوزنيه
رح ميكانيكي فاهم وقله يشوفلك وزنية التبديل واحيانا تكون من لي الهوا حق القير مسدود
وبالتوفيق لك

[Abu Mryea]

صباح (مساء)الخيرأخوي

انا عندي خبره بالجموس وان شاء الله اني اساعدك بس وضحلي أكثر ما فهمتك زين اذا دعست يحن ولا يغير النمره او ما يحن بس يكتم وهل يجي معه تقطيع وتفتفه يا ليت توضحلي كل شيىء بالتفصيل بالنتظارك

حياك الله أخوي نواف503

باأوضح لك الصورة أكثر ....

مثل الموتر القير العايدي اذا حطيت القير في الفاضي ودعست للأخر ( تفجير ):good2:

تحس المكينة بتطير من مكانها والضغط يوصل للأخر والموتر ماغيّر :mad:

الين اخف الدعسة اشوي ويمشي الموتر سلام سلام

[Abu Mryea]

بسم الله..

السلام عليكم...

اخووي والله انا معي جمس 932 وحصلت لي نفس مشكلتك ولا بقى شي الا غيرتة ولا فية فايدة , وفي الاخير صارت المشكلة من الصفاية , كانت مجيمة ونظفتها وجيمت مرة ثانية وغيرتها والى الان الحمد لله مايكتم...

وعلى فكرة كان اكثر مايكتم ايام المطر وادعس على اخر شي الصوت يزيد...




والله ييسر اموورك


المشكلة أن الصفاية عندي داخل التانكي :(

[Abu Mryea]

هلا بك اخي
اعتقد مشكلتك بسيطه مادام انك غيرت الزيت والفلتر بقى عندك الوزنيه
رح ميكانيكي فاهم وقله يشوفلك وزنية التبديل واحيانا تكون من لي الهوا حق القير مسدود
وبالتوفيق لك

بيض الله وجهك ... ولاهنت

[Abu Mryea]

وجهك ابيض يا قلبي

اجل خذ العلم
بخصوص الكتمه اللي تقول (يبطي ما يعشق) تأكد من وزنيَّة سلك القير (له وزنية مثل وزنية سلك دعسة البنزين) كل ما شديته كل ما ابطى القير لين يعشق، وبإذن الله ان السبب منها. واذا مهوب منها فأحتمال يكون من طرمبة زيت القير
وبخصوص الديلكو الموديلات الجديده ما عاد فيها لا ديلكو ولا اسلاك على طول كويلات (كويل لك بوجي) وغير كذا وش علاقة الاشياء هذي بالقير؟؟؟ هذي علاقتها بالمكينه مهوب القير
وبخصوص مكان صفاية البنزين للجموس مثل اللي معك، اجل يقول لك الميكانيكي مالقاها؟؟!!.... :) حبيبي ودز (طل) حدر الموتر تحت باب السواق وشفها متوزيه في الشاصي، لونها فضي وجايه على شكل اسطوانه (دبه)

اما بالنسبة للهوا في التانكي عذرا انا آسف لما قلت الطرمبة، انا لخبطت معليش صار عندي لبس في الموضوع، الطرمبه مالها علاقه، سبب الهواء في التانكي غالبا ما يكون من غطاء التانكي يصير خربان عندك
ومن اسبابه، عدم خروج الهواء من التانكي ودخول ريحة البنزين داخل الغمارة
غطاء التانكي السليم تسمع صوت اندفاع الهواء قوي اول ما تفتحه
جرب غير الغطاء، لانه هو دائما يكون السبب في الهواء، وبرضو تأكد من لي تنسيم الهواء حق التانكي يمكن يكون متسدد.
قبل لا تشتري الغطاء الجديد جرب فك الغطاء اللي عندك ورح عليه مشوار والتانكي فيه الربع او اقل وبعدها وقف عند محطه وعب بنزين وشف ضبط معك والا لا، اذا ما ضبط معناته لي التنسيم فيه مشكله.
وعساي ان شاء الله اكون افدتك

الله يوفقك وييسر امرك

حياك الله أخوي ( أخو جواهر )

اما من ناحية صفاية البنزين ... ماهي موجودة تحت باب السواق ابدا

ورحت تأكدت من محلات قطع الغيار برقم الشاصي

طلعت الصفاية داخل التانكي


باأروح أن شاء الله أفك التانكي اليوم وأغير الصفاية .. وأنظف الليات

وبعطيكم النتيجة

ولاهنت وبيض الله وجهك

[نواف503]

حياااااااك اخوي

لا تفك التانكي ولاشيىء المشكلة ما هو بالطرمبة ولا بالصفاية صدقني لو كان المشكلة فيهن كان يقطع ويتفتف وحتى الضغط ما يرتفع مشكلتك يالقير يا اما حساسات او كلتشات خذ العلم شفلك مكانيكي خاص بقيور الامريكي خله يفحصه موفق خير.