اخواني اهل الحسا والمناطق القريبة منها

[nalloo]

السلام عليكم ورحمة الله وبركاتة

ودي اعمل رحلة لمنطقة الحسا والمناطق القريبة منها بس ما ادل فيها ولا عمري رحتلها واتمني من اخواني اهل الحسا او الناس الي راحولها ان يدلوني عن احلي الاماكن فيها
انا ابحث عن المناظر الطبيعية (الصحراوية او الزراعية) والأسواق والأماكن التراثية

شاكر لكم

[تشتاق]

انا اسمع بمناطق العقير وجبل القارة وبحيرة الاصفر في الاحساء


يفيدونك الاخوان،،

[nalloo]

ماقصرت ياخوي مشكور علي الاماكن الي ذكرتها
ومثل ماقلت الشباب انشاءالله مايقصرون

[تناهيت]

نعم اخوي

العقير شاطئ جميل وبكر ويبعد 50 كيلو تقريبا عن الحسا على طريق العيون على ما اعتقد مريته قبل سنه وهو في مراحل التطوير من البلديه فيه جلسات وحراسات امنيه

عندك
سوق القيصيريه ..من اقدم الأسواق وجاري العمل على تجديده من البلديه بعد الحريق
قصر ابراهيم متحف بحد ذاته انصحك بزيراته قريب جدا من القيصيرية ومقابله محلات تبيع ادوات تراثيه قديمة جدا

الشقق المفروشه متوفره بكثره واسعارها مناسبه

فيه سوق البشوت الحساوية

هذا ما يحضرني واذا بغيت معلومات أكثر ممكن ازودك برقم شخص من سكان الحسا راح يخدمك باللي يقدر عليه .

تحياتي

[nalloo]

تناهيت مشكور وايد ياخوي علي هذي الاماكن
وعجبني القصر والسوق شكلهم بيطلعون حلوين
ماقصرت طال عمرك

[رفيق الأمل]

السلام عليك :

هلا بك ياخوي nalloo (http://www.mekshat.com/vb/member.php?u=18781) لك رسالة منى على الخاص

وحياك الله مليون مرة




أخوك بوعبدالله999

[هوايتي مكشات]

شي جميل بس لاتنسانا بالتقرير

[escape_man]

لا تنسى تمر على قهوة السيد تاخذ لك استكانة شاهي وبليلة

قهوة ذات طابع تراثي قديم

طبعا انا اعارض الشيشة وشواكلها لكن الجلسة هناك فيها شوي من عبق التاريخ القديم للاحساء

واذا خلصت منها بتلاقي على مقربة منها تنور يبيع خبر مصنوع من البر والتمر والتنور يستخدم

فيه كرب النخل كوقود ..

[تناهيت]

تناهيت مشكور وايد ياخوي علي هذي الاماكن
وعجبني القصر والسوق شكلهم بيطلعون حلوين
ماقصرت طال عمرك


الله الله كانك تعشق التراث راح يعجبك بكل تأكيد وفيه معالم تراثيه كثير طبعا الحسا من المناطق اللي مرت عليها حروب كثيرة ايام الدولة السعوديه الأولى والثاية وهذا يجعل لها تاريخ عريق متمثل بمباني واثار لا تعد ولا تحصى لاكن للأسف تاريخها لم يحالفه نصيب اعلامي كبير كباقي المدن (اقراء عن معركة كنزان وتعرف الكثير ) طبعا لا يفوتك جبل كنزان :f

لا تنسى تمر على قهوة السيد تاخذ لك استكانة شاهي وبليلة

قهوة ذات طابع تراثي قديم

طبعا انا اعارض الشيشة وشواكلها لكن الجلسة هناك فيها شوي من عبق التاريخ القديم للاحساء

واذا خلصت منها بتلاقي على مقربة منها تنور يبيع خبر مصنوع من البر والتمر والتنور يستخدم

فيه كرب النخل كوقود ..


الله عليك يابو المثنى قلبت المواجع .....>فعلا قهوة السيد معلم بحد ذاته لاكن مشكلتها ماذكرت اعلاه:mad:

وخبز التنور هذا اوصي اي شخص يمر الحسا يشتري منه
ياليت البريد السعودي يسوي خدمه توصيل خبز كان ما افطر الا عليه

بر وتمر وكرب .......طعم لا يقاوم

فوق هذا كله شغل نساء الحسا المخضرمات في هذا المجال

تحياتي وبالتوفيق

[nalloo]

ماقصرت ياخوي بوعبدالله
وانا رديت علي رسالتك

[nalloo]

هوايتي مكشات ماطلبت شي بس ارجع بأذن الله راح اسوي موظوع مع الصور

[nalloo]

بن غيثات ماقصرت طال عمرك والله شوقتني اروحلهم
انشاءالله احاول امرهم بس عسي ما يزيد وزني ماصدقنا اني انزل هالكم كيلو والله شكلي بعد هالرحلة بيرجعون

[nalloo]

تناهيت اشكرك علي هذي المعلومات
وشي حلو انة الواحد يصير عندة معلومات عن المكان الي بيروحلة
جزاك الله خير