ما هي سلبيات و مشاكل الفرار بشكل عام !!!!!

[يريور عيمان]

السلام عليكم

ان شاء الله ناوي اركب لي فرار على موتري الباترول 2009
و بحث في الموضوع بشكل مكثف في الشبكة و المنتدى و استفدت كثير
من الايجابيات و الانواع

و طبعا انا من النوع اللي ما يركب قطع اضافية على موتره :D
و اذا اضطريت اركب قطعة حتى لو كانت بسيطة ابحث كثيرا و أسأل مليون سؤال :p


و سؤالي هو ما هي سلبيات الفرار بشكل عام ؟
و هل هناك مشاكل او اعطال تصيب الفرار ؟
و هل تعرضت او سمعت عن عطل من اعطال الفرار سواء تعرضت لها انت او سمعتها من احد ما ؟

[ريثان القصيم]

السلام عليكم

وعليكم السلام ورحمة الله وبركاته

و سؤالي هو ما هي سلبيات الفرار بشكل عام ؟

لااعلم



و هل هناك مشاكل او اعطال تصيب الفرار ؟

لااعلم

و هل تعرضت او سمعت عن عطل من اعطال الفرار سواء تعرضت لها انت او سمعتها من احد ما ؟

لا بس اذا الباترول قير اوتو ما يركب له الا فرار الكترونيه



______________________________

ريثان القصيم

[يريور عيمان]

اشكرك اخوي ريثان القصيم على الرد
و الباترول عندي قيره عادي
ننتظر ردود من اهل الخبرة

[صقار كويتي]

السلام عليكم"
أخوي انصحك وما انصحك!
انصحك: هو زين يعطي عزم وسرعة ويقلل صرف البانزين
ما انصحك:اذا ركبت الفرار ماتقدر تمشي علىة القار وهو شغال واذا شغلت واحد ونسيت الثاني ينكسر الدبل,
واصلآ لة عمر افتراضي ثم يخرب ويطقطق وينكسر,
واذا تبي تركب ركب الفرار الاسترالي AVM لانة افضل شي "

[مواسي الطعوس]

الفرار ممتاز جدا ........لكن ركب الاصلي وريح نفسك واذا بغيت تيبع الموتر مثلا فكه وتلقى له زبون..او تركبه على سفاري غيره .

** الغير اصلي يمكن ينكسر مع ((التل القوي ))ورح ركب بداله ..... 90%من العالم ماشيه على اللي ماهو اصلي .
** قد لايشبك اذا كثر الشحم فيه .

** يسبب حره مع الوقت والسبب فصله مع البر ((الجلد))لكن اذا طلعت عن الازفلت اشبكه ولو لم تشغل الدبل.لكن الحره هذه اذا فصلت الدبل مع الخط تروح كليا .

**ميزته يخف الموتر وتقل صرفيته وتقل الاصوات .

[باترول 4500]

جربت الفرارات مده وفكيتهن
والسبب ما فيه فرق بالصرفية و مافيه فرق بالعزم و إذا كنت راعي تطعيس وجلد ماتصلح لأنه تنفرط

[راعي المجهم]

أفضل شئ حق تويوتا اسمه (اسين) لونه ذهبي أصلي 100%

قيمته فوق 900 ريال يعييييييييييييييش مع سنييييييييييييييييين

[قناص خلاوي]

تبي رايي اخوي
ريح راسك ولا تركبه
ركبناه على اكثر من موتر ولا فرق لا عزم ولا صرف بنزين ولا شي
بس يغثك انزل اشبك وانزل فك
ولا تأمن انه يفرط معك
فرط معنا كم فرار لنيسان وتويوتا فيهن الاصلي وفيهن التجاري بالربع الخالي والدهنا
ولولا ستر الله وان معنا حقات الوكالة كان صارت علوم

انصح بالفرار في حالة وحدة
اذا كان العمود فيه مشكلة رجة او غيرها ولا ودك تغيره
اما غيره ماشوف له داعي ابد ( وجهة نظر) من تجربة قديمة

[يريور عيمان]

كلامك خلاني اصرف النظر عنه
اشكر الجميع على الردود و المشاركة

[عاشق السيل]

تبي رايي اخوي
ريح راسك ولا تركبه
ركبناه على اكثر من موتر ولا فرق لا عزم ولا صرف بنزين ولا شي
بس يغثك انزل اشبك وانزل فك
ولا تأمن انه يفرط معك
فرط معنا كم فرار لنيسان وتويوتا فيهن الاصلي وفيهن التجاري بالربع الخالي والدهنا
ولولا ستر الله وان معنا حقات الوكالة كان صارت علوم

انصح بالفرار في حالة وحدة
اذا كان العمود فيه مشكلة رجة او غيرها ولا ودك تغيره
اما غيره ماشوف له داعي ابد ( وجهة نظر) من تجربة قديمة

نفس الكلام اللي بقوله بالحرف الواحد ،،

سيارتك جديدة ما أنصحك أبدا إنك تركب فرارات لأنك ماراح تشوف فررررررررررق !!!!!

[هاوي موتري96]

الفرارات يركبونها الي مواترهم فيها رجه وعزم ضعيف لكن

موترك جديد وشوله الغرابيل والبهذله وانا اخوك تبي النصيحه خله لين شفت فيه عيب يستدعي انك تركبه ركبه

[الربذي]

وعليكم السلام

ملاحظة احد الاخوة فوق قال انه مايركب على القير اوتوا الا اوتو انا قيره توب ترونك ومركب عايدي الي قالك شكله يسمع عن السيارات ولا يعرف عنهن شي
ولا اذكر ان دفرنس القير الاوتو يختلف عن المنوال العايدي
ياهلا يويور صح اسمك كذا ولا لا !! انا تجربتي طويله مع الفرار البرازيلي ومااني راعي سرعات عاليه من150 وجاي ونفود قليل جربت على سيارات كثيرة اذا قديمه نعم يفرق بالصوت والرجه الخفيفه على سرعات عاليه وايضا الاصوات اما اذا جديده ماتلاحظ اي فرق جربته على سيارات جديدة لم الاحظ اي فرق نهائيا لكنه يريح عليك العكوس الاماميه مع عمل الدبل تاقف ماتدور ويطيل عمرها
شوف اخوي انا معي فتك 2004 ركبت فيه فرار برازيلي وطبعا مالاحظت اي فرق نهائيا لاخفه ولا غيره طبعا مع الاستعمال بعد مثلا 40الف اول اقل قليلا واحيانا تاصل 50الف كم تطلع صوت والحل الشحم فكها وشحمها واذا مسافر اشبكها وخلاص يروح الصوت على على وضع 4*4 حتى ترجع
ايضا لازم كل فتره تشبكها 16 كم بناء على الكتالوج الي يجي من شركة نيسان لانه برا يجي بعضهن من المصنع فيه فرارات
طبعا رفيقي زعل على وقال ليش تركب للفتك فرارات ماهو بحاجه لها وايضا تشوه المنظر لكن الحمد لله ركبت الغطاء الامامي وركب فوق الفرار
عيوبها انك لازم تنزل تشبكها توافق برد وسيل وطين ومطر الخ فيه نوع رهييب اذا شبكت الدبل يشبك بس معدومه من السوق غير متوفره الي اعرفه يمكن برا ماادري
لكن انت اذا تبي تركبها لاجل الخفه ماراح تلاحظ اي شي عن تجارب
اذا عشان الصوت والنعومه لن تلاحظ اي شي لان 2009 يعتبر جديد

اذا تقول ابي عشان احافظ على الجلد والعكوس وايضا العمود بل الدبل كله فنعم ركب وترا ايضا الغطاء حق الكفر يركب فوق التحضيره على موديل 2004 اما 2005 وفوق ماادري
ركبتها ب50 ريال انت وحظك البعض قالي 80
سعرها قبل فتره ب550 اعرفه وجدع 50 ريال ماشتري فرارا ت الا من عنده من اكثر من عشر سنوات بعدة سيارات

فيه نوع بالوكاله سعره اذكره ب2000 ريال قبل خمس سنوات الان مااعرف نوعه ياباني

البرازيلي زين
الا انه مايتحمل الرحلات بالنفود والشد على السيارات مثلا صيد او رحله طويله عبر النفود لم اوجه مشكله لكن اسمع انه مايتحمل ومعي جربته كذا مره ماشفت منه اي عيوب

[الربذي]

الفرارات يركبونها الي مواترهم فيها رجه وعزم ضعيف لكن




موترك جديد وشوله الغرابيل والبهذله وانا اخوك تبي النصيحه خله لين شفت فيه عيب يستدعي انك تركبه ركبه

صدق اخوي هاوي اذا تبحث عن
الخفه
وصرفية البانزين فقط

فلا تتعب حالك لم الاحظ شي من اللي ذكرت .
فقط انك اشبكهن فكهن وانا ماعندي مانع لاني ابي اريح العكوس وعمود الدبل بل الدبل كله كانك فاكه وجادعه بالحوش :D وايضا اذا طلعت للنفود وانا انزل الهواء افرهن وانا طالع اعبي هواء افرهن ماكوا مشكله
اتعقد بس من الطين والماء والبرد الشديد اذا تمطر ولا عليك فرة :p

[يريور عيمان]

ما قصرتوا على الردود
بما نا موتري جديد
و لاني و لله الحمد ما اسمع اصوات بالموتر و لا احس برجه
فتم صرف النظر عن الفكرة