عندي استفسار وش رايكم في اطارات ماكسس العادية مهي بالون؟

[صقار كويتي]

:lالسلام عليكم:
عندي استفسار وش رايكم في اطارات ماكسس العادية مهي بالون
حجم 17/65/275 مع العلم انة في صناعة تايلندية وماليزية
احد جربهن ونصحني بهن وسعرهن 36 دينار اي468 ريال

[YOU1]

حياك الله اخوي...
انا راح اعطيك رايي الشخصي بالماكسس... سلمك الله انا قبل ثلاث سنين تقريبا ركبت طقم ماكسس لمرسيدس شبح 98 رنق 16 من البابطين اللي بالري شارع المكاتب. ودوختني السياره بالرجفه ورحت لهم مرتين وكل مره يبدلون لي التواير ويسوون ميزان وماتضبط ... اخر شي قلت لهم خلاص ما ابي الماكسس ركبولي دنلوب وادفع الفرق.. اول شي مارضو يبدلونهم قالو نبدلهم بنفس النوع وانا وياهم اخذ وعطا لما ركبولي دنلوب ودفعت الفرق وراحت الرجفه من اول ميزان....هذي تجربتي ويمكن صدفت معاي؟؟؟!!!وتقبل مروري.

[راعي الأشهب]

شوف اخوي الماكسس ماتنفع حق سيارات صغيره وسرعات عاليه ينفع حق جيوب ونيتات يعني رجه خفيفه يطوفونها والسعر الي ذكرت مقارب لأسعار الشركات المعروفه

[ماشي الحال 3]

وش السيارة لا هنت ..

[باترول 4500]

وعليكم السلام

جربت الماكسس جنط 16 لمدة سنتين ومارقعت الكفر إلا مره وحده

الكفرات زينه بالديره والسفر لاكن بالنفود مايمشن أبد

[بن نويشر]

اسمع مني (والله على ما اقوله شهيد)

الإطارات هذه ثاني مره أركبها ، سيارتي فورنتشر والحقيقة ممتازه وخاصة بالنفود
. واحيانا امشي بدون دبل

وعليه انصحك بتركيبها وانت مطمئن ..

موفق خير ،،

[قناص خلاوي]

الماكسس زينة
لكن سعرها عندكم مبالغ فيه
عندنا بالسعودية أقل بـ 100 ريال

[الستانس]

اشتر ولا تشاور ان كانك تبي الرخص

انا شاري طقمين منها لسيارتين مختلفتين

الرجه ما شفت منها شي بس اهم شي تكون تايلنديه مهوب امراتيه

لانه يجي منها نوعين الإمارات سيء جدا ً

والتايلندي ممتاز

وعلى موتري نفس مقاس كفرك

وهو يركب على البرادو والبليزر واكس بلور وباث فاندر

وانا ماخذه من سنه او اقل بـ390

ولكن دايمن اقول احسبها صح

ميشلان بـ700 خمس سنين ولا كفرين جدد خلال هالخمس سنين بنص السعر

اكيد الجديد افضل


موفق

[صقار كويتي]

وش السيارة لا هنت ..
سفاري فتك"

[ذئب المراقيب]

والله انا مجربها في سيارتي
ولله الحمد كفرات ممتازة التايلنديه مقاس235/70/15
سعرها بالرياض280قبل رمضان

[matar]

عندي استفسار من الخبراء سلمهم الله

عندي تاهو جنط 20 هل تنفع الماكسس ؟؟

[صقار كويتي]

اشكر الاخوان على تفاعلهم معي وافادتي"

[التعـ King ـديل]

فيه نوع من الماكسس اسمه برافو ماجربته لكن كثير يمدحونه

[قف وناظر]

الله ييعطيكم العافية على هالموضوع انا توي مركبها على سوزو ديماكس مقاس 255/16/70 مقاسها جدا حلوا وصاير الموتر زره في البلد ماشفت رجه ومطبها مريح وخاصة مع عيون القطط مقارنة مع البرجستون شد البلد لكن في النفود ما جربتها والشباب يمدحونها لانها خفيفه لكن راعي الشعبان والحصى لابد يكون حذر وبالله التوفيق

[HENNO]

جربتها على سيارتي الفورد وما لاحظت عيوب واضحة لها


لكن الرجاء تأخذ راي راعين البر والنفود أفضل



الله يرزقك الكفرات الزينة والعلوم الطيبة


تحياتي



هاني كريم
:good2:

[زمزم 100]

مقاس 235- 75- 16 ماكسس برافو تايلندي

لها معي سنتين

مريحة

بس المشكلة الكبرى أنها ( تزحف بسرعة )

[سلكي نت]

الله ييعطيكم العافية على هالموضوع انا توي مركبها على سوزو ديماكس مقاس 255/16/70 مقاسها جدا حلوا وصاير الموتر زره في البلد ماشفت رجه ومطبها مريح وخاصة مع عيون القطط مقارنة مع البرجستون شد البلد لكن في النفود ما جربتها والشباب يمدحونها لانها خفيفه لكن راعي الشعبان والحصى لابد يكون حذر وبالله التوفيق

بكم ركبتها لا هنت

[بدوي جنوبي]

الماكسس ممتازة الى الان سوقها ماشي
ومحتفضه بسمعتها