رجة الباترول

[safari4x4ksa]

السلام عليكم ومبارك عليكم الشهر
عندي باترول سوبر سفاري موديل 2001 واذا وصل لسرعة 100 كم حتى 110 يرج الدركسون ما خليت شي الا سويته
يقولون عيب مصنعي
الله يرحم والديكم اللي يعرف ورشه او شنهو الحل يدلني عليه... بس ابي الورشه في منطقة الدمام او القطيف
تراني طالبنكم في هذا الشهر الكريم

تحياتي لكم

[حـاتـم]

السلام عليكم اخوي

انا كانت عندي هالمشكله وحليتها

بس الورشه بالرياض

والحل غير عامود مساعد الدركسون او غير ريلاته على الاقل وتاكد من مساعد الدركسون

وان شاء الله تنحل مشكلتك

وشكرا


اخوك / حاتم

[الشاطر]

اخوي تاكد من ان الجنوط اللي على الموتر هي شد بلد ...والمقاس مهم 16 او 17 مع ان معي باترل علية جنوط 16 ولا فيه اي رجه واعتقد ان السر في الجنوط

وسلامتك

[حرباش]

تمام عليك اخوي حاتم

ولكن لدي استفسار
يقال ان حتى رجه البالون تذهب عند تغيير مساعد الدركسون ومن باب تجربتك ودي تفيدي الله يجزاك خير
هل الكلام ذا صحيح ولا لا ؟؟؟؟ :confused:


انا موتري يرج عند 100- 110 :mad:


تحياتي لكم ;)

[حـاتـم]

نعم اخوي حرباش انا كانت ترج البالون معي وبعد ماغيره ربلات العامود وكبست الاذرعه راحت الرجه والحمدلله

وشكرا


اخوكم / حاتم

[حرباش]

بيض الله وجهك يا حاتم


يبي افضالها يوم وانفضها رغم ان الموتر باقي جديد ولا جاه عنف :d



يسلمووووووووووووووو يالذيب
تحياتي لك ;)

[safari4x4ksa]

الاخوه الاعزاء .. شكرا اولا على ردودكم السريعه
اخوي الشاطر... جنوط السياره شد بلادها ومن يوم شريتها من الوكاله هي على السالفه .. الوكاله ..... اللهم اني صايم

اخوي حاتم طيب اعتقد كلامك صح...... بس اذا الله كتب لنا زيارة الرياض نبي منك الفزعه

عموما في ورشه ميزان بالقطيف فلبيني يقول يسوي هالرجه .. ب 450 ريال وتستغرق الشغله يوم .. يقول يفك الدفرنش الامامي ويفك الرمانتين اللي في الكفرات اللي على شكل الركبه ويسوي فبهم شغلات ... ويقول عملها في سيارات باترول كثيره .. بس اللي مخليني ماروح... لانه يقول بس ما اظمنها ما ىترحع واحسه حرامي والله اعلم

تحياتي

[الكونترولCONTROL]

عموما في ورشه ميزان بالقطيف فلبيني يقول يسوي هالرجه .. ب 450 ريال وتستغرق الشغله يوم .. يقول يفك الدفرنش الامامي ويفك الرمانتين اللي في الكفرات اللي على شكل الركبه ويسوي فبهم شغلات ... ويقول عملها في سيارات باترول كثيره .. بس اللي مخليني ماروح... لانه يقول بس ما اظمنها ما ىترحع واحسه حرامي والله اعلم
================================================
نعم صحيح الكلام و لكن انا اعرف ماذا يعمل !!!
هناك وردة كبيرة واحدة . فوق الرمانة لكل عجلة امامية (( فقط العجلات الامامية )) - يشيلها و يحط وردتين انحف منها . و يرجع الوضع كما هو====================================
و يوجد محلات في الصناعية (( الامير سلمان )) من ضمنها ورشة البادية
و لا تأخذ العملية سوى ساعة الى ساعة و نصف .
========================================
كانت عندي نفس المشكلة في باترول 99 و هو مماثل تماما لسيارتك و عملت هذا الشيء و انتهت الرجة
تماما تماما تماما .... و السعر بحدود 350 ريال . وان كنت ارى العملية ما تستاهل حتى 150
و لكن الاجانب على كيفهم متروكين ... و الله يعين .

[safari4x4ksa]

اخوي ابو هبال ........ وين هالورشه ؟ في الرياض؟؟ يا خوي اذا هذا في الرياض .. ابي ورشه في الشرقيه
على كل حال ما قصرت ونورت الشغله ... الله يجزيكم الف خير

تحياتي

[ناصح]

السلام عليكم اخوي

انا كانت عندي هالمشكله وحليتها

بس الورشه بالرياض

والحل غير عامود مساعد الدركسون او غير ريلاته على الاقل وتاكد من مساعد الدركسون

وان شاء الله تنحل مشكلتك

وشكرا


اخوك / حاتم
نعم هذا هو الرأي الصحيح

وقد حصل لي معي ارحت نفسي بتغير عمود الدركسون الامامي كامل بالمساعد والربلات من الوكالة وانحلت المشكلة ولله الحمد

[حـاتـم]

اخوي سفاري ابشر بالفزعه واذا نويت انشاء الله نسق معي عل الخاص

وشكرا للجميع


اخوكم /حاتم

[safari4x4ksa]

تسلمون اخواني واشكركم من اعماق قلبي

[ابو نوره]

السلام عليكم ورحمة الله وبركاته
أخوي حاتم وين زينت موترك باي ورشه في الرياض
وكم كلفك
موتري يرج من 80 الى نهايته

[غيّام]

يا اخوان ولا هوب زود على علم الربع واحد من ربعي غير مساعد الدركسون وركب اولد مان الاسترالي Arb هو اللي ركبه وتركيبه مايبيله شئ ومحلات Arb موجوده في الدمام وقيمة المساعد 300 يقول طلع الموتر مرسيدس من رساوته لارجه ولاغيرها حتى احيانا يجي المسار الايمن اللي مخصص للشاحنات خربان من خف وزن التريلات يقول كنت اذا مشيت عليه قبل خطر ما تنقلب السياره يوم ركبتها يقول والله شي خيال لون المساعد اصفر وشكرا للجميع

[حرباش]

يا اخوان ولا هوب زود على علم الربع واحد من ربعي غير مساعد الدركسون وركب اولد مان الاسترالي Arb هو اللي ركبه وتركيبه مايبيله شئ ومحلات Arb موجوده في الدمام وقيمة المساعد 300 يقول طلع الموتر مرسيدس من رساوته لارجه ولاغيرها حتى احيانا يجي المسار الايمن اللي مخصص للشاحنات خربان من خف وزن التريلات يقول كنت اذا مشيت عليه قبل خطر ما تنقلب السياره يوم ركبتها يقول والله شي خيال لون المساعد اصفر وشكرا للجميع

كلامك ميه على ميه :good:

زارني بالأمس احد الزملاء من سكان الخبر ولديه باتروول ربع 2005 وكان يشكو من الرجه تبدأ من سرعه 100 الى 120 كم/س ، بعد ذلك قام بتغيير مساعد الدركسون بنوع استرالي لونه اصفر واسمه اولد مان واختفت الرجه تماما .وكلفه شراء المساعد 200 ريال من محل بالدمام لايحضرني اسمه ولكن سأستفسر من زميلي وابلغكم عن اسم المحل :cool: .

بارك الله فيكم جميع وجزاك الله خير اخوي غيام

تحياتي للجميع ;)

[دله وفنجال]

السلام عليكم...
اخوي سفاري والاخوان جميعن الحقيقة انكم ماقصرتو وبيض الله اوجيهكم لاكن عندي زيادة من المعلومات وهو ان الموتر الي معي 97 باترول ربع وكانت فية هذي المشكلة بس رجة الله لايوريك أتخلط ايدينك وما ارتحت لين غيرت جلب أذراع الدركسون ومساعد الركسون اولد مان من الرماية وربلات ثانية كثيرة ومن يومة والموتر مامثلة ...

[حرباش]

أخوي دله وفنجال

يعطيك العافيه على المعلومه الجيده
واتوقع ان مساعد الدركسون خلل مصنعي والتمادي فيه يزيد من الرجه مما يزيد الخساير على الشخص

اهيب بالجميع وخاصه اصحاب الباترولات الجديده ان يقوم بتغييرمساعد الدركسون حال صدور الرجه
ومع التساألات اللتي قمت بها مع اصحاب البترولات عموما ومن اقتباس الردود اتضح ان الرجه تحدث سواء قام صاحب السياره بغيير بعض اجزائها كالكفر والجنوط او لم يقوم بتغيير شي.

بالنسبه لسكان الشرقيه انصح بتغييره عند محل ( تجهيزات الدفع الرباعي ) في مخطط 91 بالدمام
حيث ان سعره مع التركيب في المحل لا يتعدى 250 ريال مقارنه بالمحلات الأخرى .




تحياتي للجميع ;)

[حـاتـم]

اخواني المحل الي مركبه عنده ورشه بالعروبه وهي اول ورشه قبل مدخل وكاله هوندا لقطع الغيار

اول ورشه على اليمين قولوا لليمني جايك من حاتم راعي الباترول الكحلي وبسويها لكم وبيراعيكم

وشكرا

اخوكم حاتم

[vdlhk1420]

إذا كنت تعاني من رجة الباترل فتصل علي 0553134333 أبو عبدالله

[الكونترولCONTROL]

!!!!!!!!!!!!!!!!!!!!!!!! يتبع ..... و موديلات 97 تختلف تماما في الميكانيكا عن 98 و ما بعده ..........
----------------------------------------------------------------------------------------------------------------------------

[الفحل 2003]

الاخوة الاعضاء

السلام عليكم ورحمة الله وبركاته

ولا يهون الاخوة الاعضاء على ردودهم

انا كان عندي باترول موديل 93 وكان فيه أنواع الرجة المهم رحت لورشة البادية بصناعية الرياض وشفت شغلتهم اللي مسوي فيها المهندس السوري ( ابوالعريف ) وعرضت عليه الموتر وقال اتركه وتعال بعد ساعتين وراح يكلفك 400 ريال وبعد المكاسر قال 350 ريال ، المهم تركته واخذت الموتر ورحت للبيت ( طبعا انا ميكانيكي ) قمت فكيت الكفرات الامامية ولقيت وراء الهوب الامامي رمانة كبيرة حقت الدفرنس وفوق الرمانه غطاء عليه اربع مسامير فكيت هالغطاء وطلعت الوجية ( وجية حديد ) كذلك فكيت الغطاء اسفل الرمانة وطلعت الوجية وسويت نفس الطريقة في الجهة الثانية من الدفرنس ، المهم رحت بالغطيان لمخرطة بالصناعية وقلت له اجلخ الغطيان بمقدار ( ملي ) فقط لكل غطاء وبعد الانتهاء رجعت وركبتها بدون تركيب الوجية الحديد وبهالطريقة الغطيان تضغط على الرمان بلي الصغير اللي موجود داخل العلبة ( يعني الغطاء يضغط الرمان بلي الصغير على رمانه الدفرنس الكبيرة ويمنعها من الرجة ) وبكذا راحت الرجة اللي مدوختني سنين ، والورش مسوين فيها انها يبغالها شغله وهي ما تستاهل ويقدر أي واحد يسويها ، طبعا هذا الموديلات 89 الى 99 اما الموديلات 2000 غما فوق اعتقد ان ذراع الدركسيون أو مساعد الدركسيون يبغاله تغيير ، لان شركة نيسان معروفا عالمياً تصلح شي وتخرب شي ، يعني تشوف عيوب الموديلات قديمة وتصلحها في الموديلات الجديدة بس لابد انها تخرب شي على حساب شي .

ادري اني طولت عليكم بس سامحوني

وسلامتكم

اخوكم

الفحل 2003

الرياض

[safari4x4ksa]

والله جتنه رجه من هالرجه اللي في الباترول ... الله يرج هالمصنع

اخوي .. بعد جبدي... وش اسم المحل اللي في الدمام ويبيع هالقطعه

تحياتي

[حرباش]

بالنسبه لمساعد الدركسون
(اولد مان) الأسترالي اصفر اللون

موجود بالدمام مخطط 91 واسم المحل ( تجهيزات الدفع الرباعي) بالقرب من محلات بيع الصقور


تحياتي لك ;)

[أبو يوسف]

يبدو هالمشكلة ليست في الباترول فقط

أنا سيارتي الشروكي كان فيها هالرجة بس اذا اخت مطب تجي شوي وتروح فوق سرعة 100
المهم غيرت مساعد الدركسون سعره 200 ريال من الوكالة والتركيب 80 ريال
لكن ما ادري مساعد اولد مان يركب على الشروكي ؟؟؟

مع التحية

[safari4x4ksa]

السلام عليكم ورحمة الله و بركاته وكل عام وانتم بخير مقدما وعساكم من عواده

الاخ حرباش قال بشوف لنا المحل اللي يبيع مساعد الدركسون من الدمام والا الحين ماشفنا رد عسى المانع خير

عموما انا بروح المحلات اللي في الدمام بس وش اقول لهم وكيف شكل هذا المساعد ياليت حد يصوره او يشرح شكله .. لاني بصراحه اخاف اقول لهم ابي مساعد دركسون للباترول ويعطوني شي ثاني وانا اصدق

المساعده لو سمحتوا
تحياتي للجميع

[السارب]

موتر الشايب نفس المشكله فكيت عامود التوازن مال الدركسون واخذت ربلات خدد والمخرطه والتكلفه كامله 140ريال

[safari4x4ksa]

الى الحين ابي اعرف شنهو شكل مساعد الدركسون هذا ا لان فيه شغلات وايد مانعرفها والاجانب يلعبون علينا مع الاسف
واحد من الشباب يقدر يصوره او يرسمه او يشرح شكله

عيكم سعيد

[القماري]

ولا يهونون الربع تفضل ياسفاري
هذه صور مساعد الدريكسيون وأعتقد انك تلقاها عند الرماية أو مثل ماتفضل الأخ حاتم

http://www.arb.com.au/Graphics/OME/Steering_Stabilisers/Steering_mainpic.jpg

وهذه تفاصيل لماص الصدمات (أعرف أنك تحب الأنجليزي)
http://www.rocky-road.com/media/omeshock.jpg

هنا موضوعه
http://www.rocky-road.com/omeshocks.html

ونصيحتى بدل الحوسة مع خويك الفلبيني أنك تروح مخطط 91 للشخص المذكور سابقا في مشاركة الشباب.
ولاتنسى تخبرنا بالنتيجة.

[Waleed1]

السلام عليكم

كان عندى ونيت أمريكى دفرنشين جاب فينى العيد بس كان يرج على سرعة 70 وأذا زودت السرعة بشكل سريع تختفى الرجة وعجزت احل المشكلة اللين شفت يوم سيارة أمريكى أجد من سيارتى مركب فيها مساعد، واللة وماصدقت وأنتهت المشكلة

زى ماتفضلوا الاخوان بفكرة تركيب أو تغيير الجنبين وشكراً

[safari4x4ksa]

اول شيء السلام عليكم ورحمة الله و بركاته
ثانيا احب اشكر كل من ساهم في هذا الموضوع المهم بالنسبة لي ولكثبرمن الاعضاء

في خلال عشر دقائق زكب لي الزول المحترم في ( تجهيزات الدفع الرباعي) بمخطط 91 في الدمام مساعد الدركسون بدلا من اللي شد بلادها
وقمت بالتجره لكن شوارعنا زحمه ومتكسره مع الاسف ... على اي حال الرجه شبه اختفت وليست كما كانت عليه في السايق كانت السياره ترج بين 100 و 110 والحين او حاليا اوكي .. اتمنى ان لا ترجع هذه الرجه التي سببت لنا ارتجاج في انفسنا

عموما تلفون الزول للي يحب من الشرقيه او دول الحليج المجاوره او من اي مكان من بلادي العزيزه يحب يروح للزول اللي اسمه نبيل يتصل عليه على جواله 0506832094

مرفق صوره للمساعد

ارجع واقول شكرا للجميع وتحياتي لكم ولهذا المنتدى الرائع

[safari4x4ksa]

( فيه خطا مطبعي في المشاركه وهو زكب --- ركب و الحليج ... اي الخليج ..

عندي لوحة المفاتيح بالانجلنزي ............. سوررررررري

[القماري]

الله يبشرك بالخير ياسفاري وودنا بالنتيجة بعد كم أسبوع من التجربة.
على فكرة كم المبلغ المدفوع لهذه العملية كاملا؟

[safari4x4ksa]

نسيت اقول لكم ان المبلغ المدفوع للورشه مع القطعه 300 ريال بدون مفاصله

[راعي الهـــدد]

بالنسبه لمساعد الدركسون
(اولد مان) الأسترالي اصفر اللون

موجود بالدمام مخطط 91 واسم المحل ( تجهيزات الدفع الرباعي) بالقرب من محلات بيع الصقور


تحياتي لك ;)




الله يجزاك الجنه يالي اثرت الموظوع

حقيقه موظوع يظم اخوان متكاتفين خدومين الله يجزاكم الف الف خير

اخوي حرباش هل يوجد فرع لهم في الرياض تجهيزات الدفع الرباعي اقصد

[shababi]

بالنسبه لمساعد الدركسون
(اولد مان) الأسترالي اصفر اللون

موجود بالدمام مخطط 91 واسم المحل ( تجهيزات الدفع الرباعي) بالقرب من محلات بيع الصقور



أنا ركبت المساعد الأصفر المذكور ولكن قعد كم أسبوع ورجعت الرجة أردى من أول والله خسرت خساير ع الفاضي

((( رجة الباترول ما لها حل أبددد )))

هذا زبدة تجربة طويلة وخساير وورش ريحوا بالكم

[ابو سوبر]

السلام عليكم

من خلال خبرتي في الباترول التي امتدت من موديل 1978الى 2005(واحد مغرور)
اقول لكم اني ما اشتري باترول الى ادبل مساعد الدلركسيون
وارتاح جدا
يكون بدال المساعد مساعدين
اي استفسار 0551141114

[Mr.Patrol]

ياشباب انا مجرب مساعد واحد(لاتفهمني غلط اخوي ابو سوبر) للدركسون من عند الرمايه وسعره 295 والتركيب سهل كله صامولتين وتخلص لاكن ياجماعة تاكدوا ان الكفر نفسه مايرج يعني ارفع الكفر كانك بتغييره ورجه بقوي اذا اهتز فكل الشغله يبيله شد وتنتهي المشكلة على العموم اليرموك فى الصناعيه القديمه يقدر يحل المشكله لاكن شغله غالي والله اعلم.

[راعي الهـــدد]

السلام عليكم

من خلال خبرتي في الباترول التي امتدت من موديل 1978الى 2005(واحد مغرور)
اقول لكم اني ما اشتري باترول الى ادبل مساعد الدلركسيون
وارتاح جدا
يكون بدال المساعد مساعدين
اي استفسار 0551141114


تم الأتصال على الأخ ابو سوبر ويعلم الله كله فوائد ودرر

نفع الله بك اخي ابو سوبر وجزاك الله الف خير افكار نيره وادب وحسن تعامل

اشكرك اخي

[ابو سمر]

يا أخوان عندي بالباترول أنواع الرجات ..

قسمت الرجات لأقسام :

رجة إذا بغيت أمسك فرامل وتبدأ بزيادة الهزة يمينا ويسار وبعنف حتى أرفع رجلي عن الفرامل ..

ورجة إذا مشيت بسرعة 100 وفوق .

حاولت بالترصيص العادي ولا نفع ، رحت لمحل اليرموك بالصناعية القديمة قبل شهر تقريبا ، وأخبرني مديرهم أبو أحمد مصري الجنسية بأن الرجة اللي عند الفرامل :

1 - بسبب خشونة الهوب ولابد من خرطه ووزنه جيدا .

2 - إضافة إلى كبس الأذرعة بجهاز الكبس لديهم ، حيث أطلعني الفني على مسمار الذراع والفضاوة اللي فيه ، و اطلعني عليه بعد أن كبسه ، حيث من الصعوبة تحريك المسمار لأنه كبسه وقلل الفضاوة فيه ، وهذه ناتجة من كثرة اهتزاز السيارة بالبر والبطناج و حجم الكفر الكبير مما يجبر المسمار على الخلخلة ..

3 - مع تغيير ربلات ذراع الدفرنس الكبير المثبت بالشاص ، وعددها أربع ربلات كبيرة قيمة الوحدة 35 ريال و تكبس في الجهاز الكبير لديهم .

4 - ربط صامولة الرمان الأمامي اللي بعد الرمان وتشحم ، لكي تقلل الفضاوة بالكفر ، وهذه تعرف عن طريق رفع الكفر وهزه يمينا ويسار ومعرفة مقدار الفضاوة في الرمان أو بالصامولة ..

كلفني شغل اليد 450 ريال ، غير قيمة القطع .

5- سألتهم عن ذراع الدركسون العرضي الأمامي فأخبروني بأنه جيد ، وكررت ذلك للفني الفلبيني و قال جيد .. لأني خفت أن يكون فيه فضاوة وتخلي الكفر يرتج يمينا ويسارا ..

الحمد لله خفت كثيرا ، خاصة أني عدت لهم مباشرة وطلبت إعادة الترصيص بالميزان الأرضي ، لأني وجدت أن بعض العمال يريد الوزن بالجهاز ، يبدو أنه أسهل عليهم وأسرع ، لكنه لا ينفع بالكفرات الكبيرة ..
والآن أدخلتوا في مخي إني أروح وأركب مساعد بدل اللي بالسيارة لعل ينفع زيادة ( زيادة الخير خيرين ) ..

شكرا لكم أفدتونا كثيرا وكثر الله خيركم ..

[ابو سوبر]

السلام عليكم
احرجتني يا راعي الهدد
الف شكر على الاطرى ولو انه كثير علي

[اخو نورة]

http://www.mekshat.com/vb/showthread.php?t=24445

[سنجااار]

يسرني مشاركتكم في هذا الموضوع مع أني سبق وواجهت مشاكل من الباتورل لكن الرجه اللي تكلم عنا الاخ ( ابو سمر ) اذا مسكت فرامل ولا وصلت السرعة 100 هذا من ربلات شداد الدفرنس او من الجنوط بلاضافة للرمانات الدفرنس وللمعومه لأهل البالون اذا بدء تمسح الدعسه يرج مالها حل لو الموتر جديد تركب مساعد ولا تفكه انس ودمتم سالمين .

[Mr.Patrol]

ياشباب تسمحون لي اسال سؤال مختلف عن موضوع الرجه؟

[برق شقراء]

السلام عليكم
حبيبنا أحد المعارف كان عنده مثل ما عندك إذا مشى 100- 120 حس برجة في الموتر!!!
أخونا راح وركب مساعد للدركسون من الرماية (والله ما أذكر إسمه بس لونه أصفر)
من بعده والموتر تمااااااااااام.
أخوك / برق شقراء...