طلب مشورة: أريد شراء سيارة جديدة وقوية .. اتمنى منكم ابداء رأيكم بالسيارات بالموضوع !

[سديرآوي]

السلام عليكم ورحمة الله وبركاته ..

مساكم الله بالخير يا أخوان ..

ودي أشتري لي سيارة جديدة ومتوسطة الحجم ..

وماودي بسيارة غالية وكبيرة وفيها مواصفات خيالية لان عندي سيارة رئيسية ..

لكنها ثقيلة وماتنفع للبر .. وهالسيارة الجديدة بخليها للمشاوير والبر والتمشيات ..

وتكون للولد الله يصلحه .. وانا افكر في عدة سيارات ..

وياليت تعطوني رأيكم فيها وأيها أفضل وكم سعرها لاني ماعندي خلفية عن السعر..

ولا ودي تزيد السيارة عن 85 ألف ريال بالكثير ..

السيارة الأولى ( هايلكس بابين ) :
. (http://www.up-00.com/)

الي اشوفه انها سيارة متوسطة القوة والصندوق قد ينفعني احط في العزبة والخيام وقت الكشتات :D ..


السيارة الثانية ( جيب سوزوكي صغير 4 أبواب)
http://mubawab-media.com/pictures/227865/s/%D9%84%D9%84%D8%A8%D9%8A%D8%B9-%D8%AC%D9%8A%D8%A8-%D8%B3%D9%88%D8%B2%D9%88%D9%83%D9%8A-%D8%AC%D8%B1%D8%A7%D9%86%D8%AF-%D9%81%D9%8A%D8%AA%D8%A7%D8%B1%D8%A7-2010-%D8%A7%D8%A8%D9%8A%D8%B6-%D9%84%D8%A4%D9%84%D8%A4%D9%8A-v6_106074.jpg

جيب جيد ويمشي نفسه واستأجرته مرة واعجبني صراحة لكن ما اعلم هل لديه سلبيات او مشاكل ؟؟!!

السيارة الثالثة ( وانيت أربع أبواب )
اخر ونيت ركبته موديل 88 لكن يمكن نرجع له :D


ولا وش رايكم اشتري لي سيارة مستعملة نظيفة مثل شفر حوض بابين او باب ونص من موديل 2000 وفوق ؟؟

أو شيرو علي بسيارة أخرى ترونها مناسبة .. لاني محتار والله ..

وياليت تزويدي بسعر احدى هالسيارات وميزاتها وسلبياتها وأيهم افضل برايك ..

والله يوفقكم يالغالين ويجزاكم ألف ألف خير ..

ويهمني رأي كل واحد فيكم ..

اخوكم ابو ابراهيم

[عاشق السيل]

وعليكم السلام ورحمة الله وبركاته ،،

بين السيارات اللي قلتها خذ الهايلكس ولا تشااااااااااااااااور بس أهم شي دفع رباعي !!

والله يوفقك للي فيه الخير والصلاح ...

[الستانس]

بفلوسك تجيب اطلق هايلوكس دفرنسن جديد

ولا فورشنر مستعمل او اف جي مستعل

افضل لك من السزوكي ولاهوب عيب في السزوكي ولكن السزوكي

لا له قطع غيار في كل مكان وعند البيع بـ15 الف

والله يخلي لك ولدك

[كاشخ 24 ساعه]

۸٥ الف تجيب لك جمس غماره ونص شبه جديد موديل ۲۰۰۹ او ۲۰۱۰

وهو ممتاز للبر والمدينه والله يوفقك في ما تختار

[hgrkhw]

عليك باهايلوكس بنزين مريح وزين باخط والبر والتطعيس
اسال مجرب

[سديرآوي]

وعليكم السلام ورحمة الله وبركاته ،،

بين السيارات اللي قلتها خذ الهايلكس ولا تشااااااااااااااااور بس أهم شي دفع رباعي !!

والله يوفقك للي فيه الخير والصلاح ...
بس انا سمعت ان الدفع الرباعي ثقيل ومايفرق عن العادي واجد ..
بس ياليت تعطيني كم الفرق بالسعر بين الرباعي وغير الرباعي
وشاكر لك مرورك وتفاعلك اخي عاشق السيل ..
وجزاك الله الف خير ..


بفلوسك تجيب اطلق هايلوكس دفرنسن جديد

ولا فورشنر مستعمل او اف جي مستعل

افضل لك من السزوكي ولاهوب عيب في السزوكي ولكن السزوكي

لا له قطع غيار في كل مكان وعند البيع بـ15 الف

والله يخلي لك ولدك
الله يسلمك ويجزاك خير والله يخليك عيالك كانك متزوج وان كانك ماتزوجت فالله يسر لك ويرزقك الزوجة والذرية الصالحة ..


۸٥ الف تجيب لك جمس غماره ونص شبه جديد موديل ۲۰۰۹ او ۲۰۱۰

وهو ممتاز للبر والمدينه والله يوفقك في ما تختار

ماشاء الله والله انا تعجبني هالسيارة ونصحني بها احد الاخوة ..
وجزاك الله خير اخي الكريم على تفاعلك وردك حفظك الله ..



عليك باهايلوكس بنزين مريح وزين باخط والبر والتطعيس
اسال مجرب
الله يجزاك خير ماقصرت .. شاكر لك مرورك وردك الكريم ياعزيزي ..

[السلمان2010]

هايلكس دفع رباعي
والله يختارلك الخير ومافيه

[أبوجهاد التبوكي]

خذ لك هايلكس ولاتشاور قوة وفائدة ماشاء الله تبارك الله واسأل مجرب...

[مواسي الطعوس]

تبغى شور مجرب وفاهم بالشباب :

**ان اشتريت له هايلكس مثل كلام بعض الشباب فأنت ضيعت ابنك بنفسك ....كيف؟؟؟؟؟؟؟؟؟؟؟؟؟؟؟؟؟؟؟؟؟؟؟

رايح يلحق الشباب اصحاب الهايلكسات وكل يوم مركب شي ....وتلميع ....وتغير ........الخ من حركات الشباب اللي ماتنتهي ..............

** اشتر له موتر رسمي وخله يحس انه صار رجال ولا يقعد يلعب لعب الشباب ......نصحت فيها ناس واشترى واحد منهم لولده يوكن والان يقول جزاك الله خير ....لايلعب ...لايفحط ....مايفكر بحركات الشباب ...اللي مع الوقت بس تضيعه .

[Ra3i.mekshat]

تبي نصيحتي خذلك هايلكس جديد دفع رباعي عز الله انه موتر :

خط اذا صار ولدك الله يحفظه مب راعي سرعة
وبر مايحتاج واسأل اللي مجربين مثلي
و حجمه بالمدينه ممتاز
..
سعر الدبل غمارتين في الـ 85 الف
وسعر العادي غمارتين في الـ 74 الف
..
ولا تنسى تستخير قبل كل شي



تقبل مروري
ولدك : فتى الخوالد

[Ra3i.mekshat]

ارجو حذف هذا الرد

[الجني العبد]

تبغى شور مجرب وفاهم بالشباب :

**ان اشتريت له هايلكس مثل كلام بعض الشباب فأنت ضيعت ابنك بنفسك ....كيف؟؟؟؟؟؟؟؟؟؟؟؟؟؟؟؟؟؟؟؟؟؟؟

رايح يلحق الشباب اصحاب الهايلكسات وكل يوم مركب شي ....وتلميع ....وتغير ........الخ من حركات الشباب اللي ماتنتهي ..............

** اشتر له موتر رسمي وخله يحس انه صار رجال ولا يقعد يلعب لعب الشباب ......نصحت فيها ناس واشترى واحد منهم لولده يوكن والان يقول جزاك الله خير ....لايلعب ...لايفحط ....مايفكر بحركات الشباب ...اللي مع الوقت بس تضيعه .


معليش أخوي ،، اللي ينصب هذا لو معه تيرسل نصبها ولمعها وصارت سيارته أكبر همه
ماتفرق معه هايلوكس ، تيرسل ، ربع ، يوكون أو أي سيارة ثانيه
نصيحه لك خذ هايلوكس دفرنس واحد آخر موديل وخليه يستانس فيها
ولو ركب جنوط عراض شويات تكمل الحفله ،، وتصلح لك أنت والولد والعيله الكريمه الله يحفظهم لك يارب

[هلي ديزل]

هايلوووووكس دفع رباعي وبس

[بيق مان]

شوف النفارا من نيسان يمكن يعجبك

[عبدالرحمن1980]

ياهلا والله بولد الديره عساك طيب

وبنسبه لاستفسارك شف وانا اخوك انصحك بالهايلكس نصيحه اخو لااخوه السزوكي ماينفع لانه ناعم في البر وانصحك ماتبعد عن الهايلكس ابد لك وللزمن ولك وللولد الله يصلحه وسعره بمخباتك متى مابغيت تبيعه ماراح تخسر واجد وش الحراج والله يهنيك

[ريثان القصيم]

هايلكس غمارتين دفرنس واحد 2005 وتحت افضل من اللي ذكروهن كلهن وقارن اسعارهن كم كان جديد وسعرهن الان

كلا من
السوزوكي2005

والجمس غماره ونص 2005

الهايلكس 2005 غمارتين

والسوق هو الحكم الافضل
__________________

ريثان القصيم

[ابوفهد 1]

أخي الكريم

من واقع تجربة

أنا أرشح الهايلوكس دفع رباعي غمارتين

جديد + شيك في مخباتك

[وارد منصور]

http://sub5.rofof.com/img3/012kmxht13.gif

[أبو هشام راشد]

وش رغبة الولد الله يحفظه

[أبوالمثنى]

نصيحتي لك

يا أكستيرا

يا فورتشنر

يا هايلكس أو ددسن كلها دفرنسين

أو جمس حوض غماره ونص بشرط جديد

[عصام 861]

يامرحبا أخى العزيز سديراوى
جربت كل السيارات
ما رتحت ألا للسوزكى 6 سلندر لانة يابانى
3 سنوات استعملتة ومريحنى سفر وبر
ولا يصرف بانزين ومكيف ممتاز وسريع
والله يوفقك

[أطلال نجد]

وعليكم السلام ورحمة الله وبركاته

حي الله راعي سدير ومساك الله بالنور والعافية
الهايلكس والددسن والأيسوزو ديماكس غمارتين دفع رباعي كلهن طيبات وقويات وبتستفيد من الحوض بما أنك تبيه للكشتات عكس الجيب
بس لا تأخذ إلا جديد إذا أنت وصلت لـ 85 ألف ما شاء الله
الجمس غمارتين أو غمارة ونص طيب بس عيبه من وجهة نظري ما ينفع للولد الله يصلحه ولا ينفع استعمال داخل المدينة لطوله وكبر حجمه
ولا هو موتر بر ما يحتاج .
والله ييسر لك أمورك ويكتب لنا ولك الخير

موفق ،،،