المري
18/08/2002, 09:21 AM
ياجعل ياسقى لكمل ريشه اذياب=اللي بقلبه لابرق الريش تله
اللى الى طارت تصافق بالانكاب=سبقه من التكيه عليها يتله
ان وقعت جاءها من القاع ماهاب=وان دبرت حوالها عادةٍ له
له تبعٍ يضربها ضرب محراب=منها ابرق الجنحان ياتيه خله
اليا ضرب يفتح على قلبها باب=من كثر ماقد صاد قد هو يدله
له تابعٍ سمه كما غاسق الداب=واحد من سيفٍ لكسرى يسله
لدوى على الحفال ثم طقه انصاب=يومي بجنحانه وهو في محله
مثل الشجاع اللي على كلح الانياب=لطاح قامت تنعته عزوةٍ له
جابوه من شيراز عطران الاشناب=اللي خطر الايام ماهي تذله
شيراز له مربى ومدهل ومرقاب=وامن الشجاعه غاديٍ مرقبٍ له
جابوه من عبر البحر فوق الاخشاب=اللي عتيم الليل تسريه كله
وشراه ابن هوبش على رووس الاشباب=وجابه من الفرضه بكفه يشله
وشراه من هو راسه ابيض وهو شاب=من ريشته من وسرته صالحٍ له
هده وهو فرخٍ ويدعى بالاسباب=صاد الفصيله وقعدت في سجله
صاد الفصايل كلها عطب الاضراب=والصيد قد هو كل عامٍ بقله
وخذناه بكرٍ عاريٍ كنه غراب=بقيمةٍ ياجعلها فدوةٍ له
الساق هجر والثنادي لها اقطاب=وروس المناكب مثل روس الاخله
ظنيت ظنٍ فيه والظن ماخاب=ظنيت لي ظنٍ غدى في محله
شراه منهو للمواجيب كساب=وعطاني الموتر عساني افدله
اللي معي يارد على حزم كلاب=واليا ارتخى متني من الحمل شله
ناصر كما سيفٍ صقيلٍ له انصاب=لا احتجته اسله و ارده محله
جارالله بن على الغيثاني المري
اللى الى طارت تصافق بالانكاب=سبقه من التكيه عليها يتله
ان وقعت جاءها من القاع ماهاب=وان دبرت حوالها عادةٍ له
له تبعٍ يضربها ضرب محراب=منها ابرق الجنحان ياتيه خله
اليا ضرب يفتح على قلبها باب=من كثر ماقد صاد قد هو يدله
له تابعٍ سمه كما غاسق الداب=واحد من سيفٍ لكسرى يسله
لدوى على الحفال ثم طقه انصاب=يومي بجنحانه وهو في محله
مثل الشجاع اللي على كلح الانياب=لطاح قامت تنعته عزوةٍ له
جابوه من شيراز عطران الاشناب=اللي خطر الايام ماهي تذله
شيراز له مربى ومدهل ومرقاب=وامن الشجاعه غاديٍ مرقبٍ له
جابوه من عبر البحر فوق الاخشاب=اللي عتيم الليل تسريه كله
وشراه ابن هوبش على رووس الاشباب=وجابه من الفرضه بكفه يشله
وشراه من هو راسه ابيض وهو شاب=من ريشته من وسرته صالحٍ له
هده وهو فرخٍ ويدعى بالاسباب=صاد الفصيله وقعدت في سجله
صاد الفصايل كلها عطب الاضراب=والصيد قد هو كل عامٍ بقله
وخذناه بكرٍ عاريٍ كنه غراب=بقيمةٍ ياجعلها فدوةٍ له
الساق هجر والثنادي لها اقطاب=وروس المناكب مثل روس الاخله
ظنيت ظنٍ فيه والظن ماخاب=ظنيت لي ظنٍ غدى في محله
شراه منهو للمواجيب كساب=وعطاني الموتر عساني افدله
اللي معي يارد على حزم كلاب=واليا ارتخى متني من الحمل شله
ناصر كما سيفٍ صقيلٍ له انصاب=لا احتجته اسله و ارده محله
جارالله بن على الغيثاني المري