جيب الرنجلر اربع ابواب نبي نصيحتكم

[Mohammed99]

بسم الله الرحمن الرحيم

السلام عليكم ورحمة الله وبركاته

ارجوا من الاخوان المجربين اتحافنا بنصيحتكم وتجربتكم و مشورتكم بجيب الرنجلر اربع ابواب . الله لايحرمكم الآجر

http://image.motortrend.com/f/auto-shows/2009-sema-chrysler-releases-info-on-upgraded-rams-jeeps-and-challenger/25717631+w750/jeep-wrangler-four-door.jpg

http://www.caranddriver.com/var/ezwebin_site/storage/images/news/car_news/2007_jeep_wrangler_unlimited_car_news/2007_jeep_wrangler_unlimited_4_door/2007_jeep_wrangler_unlimited_4_door_image_001/845260-1-eng-US/2007_jeep_wrangler_unlimited_4_door_image_0011_cd_ gallery.jpg

[Mohammed99]

عطونا العلم يالنشاما ٦٢ ولا احد رد !!!!

[الدبل الثقيل]

وعليكم السلام ورحمة الله وبركاته
ماجربته لكن وجهة نظري انحش عنه وشوف الاكستيرا الناس تمدحه
بالنسبه للرانجلر قريت انه اقرب للسيء وذلك في مجله امريكيه لتقييم السلع
وهذا الموقع لكنه بفلوس
http://www.consumerreports.org/cro/index.htm

[الباثفندر 3.5]

انحششششششششششششش و الله بتأذيك خرابات القير و حتى المكينه بعد سنه راح تبيدي مشكلة الحراره معاك
لكن هو المركز الاول بين كل الجيوب للطرق الوعره و الطعوس بس عيبه خراباته الكثيره

[ن م ر]

الموتر قوي ويطربك

لكن !

ما أنصح فيه أبداً

[صيادالجبيل]

اطول طعس يطلع بدون دبل بس نسم في الكفرات ويطلع واتوقع ان اخذتة جديدبيمشيك مدة يمكن سنة او ازودوبيطلع لك خراباتة لأنة حسب ماسمعت يقولون كثيرة

[HW80]

اخوي انصحك تستفسر عنه في رابطة الشروكي عن مميزاته وعيوبه واكيد بتلقى من مجربة

[هوايتي مكشات]

كثير خرابات وقطع غيار ماهو قليل
خذ لك تايوتا او نسيان ولعب فيه لعب وقطع غيارة موجوده لو بالتشليح

[أطلال نجد]

حقيقة أنا ما جربت السيارة ولا أعلم عنها
لكن أتذكر أحد الشباب كان معه رانجلر 2 باب قديم موديل 1995 وكان يمدحه ويقول عنه قوي بالحيل
إذا بتأخذ السيارة جديدة أرى أنها بتمشيك أقل شيء 5 سنوات حسب استعمالك ولا تنسى أيضاً أن السيارة بتكون على الضمان
وإذا ما تهمك الخسارة عند البيع توكل على الله لأنه ينزل من سعره كثير بس نصيحتي لك أطلب قيادة السيارة من الوكيل قبل الشراء والله يكتب لنا ولك الخير

موفق ،،،

[ابو حسان الجنوبي]

رجعنا لمولات >>>>إنحش وإنحش وإنحش
يإخوان السياره الي ما جربتوها لا تتكلمون فيها فالمستشار مؤتمن
انا لدى مجموعه من الزملاء مجموعه رنجلر أنليمتد ورنجلر صحارى والله اني مجربها انها سيارات لا يعلى عليها بي عيبها الوحيد صوت الهوى في السرعات العالية لأنها غير مخصصه لها
بعدين انا سبق وجربت سيارة واحد موديل 2008لفتره طويله بسبب المونه الزايده على بعض وربي انه ما يعلى عليه بس عيبه الوحيد ما ينفع للعائله