استفتاء يا اخوان هل السرعة الزايدة ( المتهورة) تضر السيارة ولا لا [الأرشيف]

مشاهدة النسخة كاملة : استفتاء يا اخوان هل السرعة الزايدة ( المتهورة) تضر السيارة ولا لا

حضري و افتخر

13/12/2010, 11:53 AM

السلام عليكم

يا اخوان نبي رايكم وخبرتكم في السيارات
هل السرعة المتهورة الزايدة تضر بالسيارة
من ناحية خرابات ؟؟؟؟
مع العلم ان السرعه الزايدة قد تؤدي بك الى الموت هذا معروف :D
ارجوا الافادة وشكرا:good2:

يريور عيمان

13/12/2010, 12:07 PM

لا اعرف ان كان يضر او لا
لكن اعلم انه ينقص من عمر المحرك و بشكل كبير و خاصة في الجيوب
لكن السيارات الرياضية فهذه مصممة للسرعة و لا اعتقد انها تظره اذا كان في حدود المعقول

ساكن المدينة

13/12/2010, 12:31 PM

اكيد تضر المحرك وتضعف من قوته :no2:.
ومن تجربتي الخاصة كلما كنت هادى على دواسة السرعة كلما كانت فرصة المحرك في الانطلاق اقوى وافضل :good2:.
وهذه تجربة مؤكدة 100%

حضري و افتخر

14/12/2010, 01:32 PM

الله يعافيك على المرور
وما قصرتوا بيض الله وجيهكم

العتيبي 88

14/12/2010, 01:36 PM

حسب معلوماتي .. لاتضر اذا كان الموتر شاد حيله وماشي مثلا انت ماشي مع طريق سريع وتمشي 140 بإمكانك تزوود الى توصل 160 عادي الوضع وثبته على 160 لان الموتر يكون مشدووود مو من اول ماتشغل على طول دعس على 160 .... والسرعه ياغالي مافيها خير ...

أبوغيث 2003

14/12/2010, 01:47 PM

ما ادري وش تقصد بالسرعة الزايدة !!

هل تقصد 160 - 180

ولا تقصد 240 - 260

المهم واحد راح من الرياض للشرقية معه كابرس 2008 ويمشي كل طبلونة

ثم يوم رجع للرياض من بكرى نفس الشي ماشي كل الطبلون بعد اسبوع المكينة خلطت الزيت مع الماء وخبطت المكينة

والسرعة الزايدة تضر الكارونة

الربذي

14/12/2010, 01:57 PM

مفخرة فورد

14/12/2010, 02:08 PM

عليكم السلام ورحمة الله
اخوي حضري وافتخر
خراب الاوادم أهم من خراب السيارة
دام فيها تعرض للمهالك هذا سبب كافي لتجنبها
والله يحفظنا واياكم

بن عبدالملك

14/12/2010, 02:19 PM

تؤثر بالسائق بإعصابة ( قبل السيارة )

الباثفندر 3.5

14/12/2010, 02:26 PM

و الله انا بعد اسئل نفس السؤال هل سرعة 150 و 160 تضر بالمكينه علما انه الموتر باثفندر 2004
تكفووووون يا اهل الاختصاص نبي الاجابه

volcano

14/12/2010, 05:34 PM

ما انصح بالسرعة العالية لكن مع الزمن من الطبيعي ان السرعة تسبب تآكل الشنابر والاسطوانات والراس والبلوف وتعجل من استهلاك الدنمو وطرمبة الماء وعلبة الدركسون وكل شي يدور او يتحرك

أبو نـآيف

14/12/2010, 05:49 PM

تؤثر بالسائق بإعصابة ( قبل السيارة )

قالها ومابعدها كلام من جد .. :D
والله فرق توصل وانت مروق ومرتاح
مامثل الـ 110 وماسك الاوسط تفتك من غثى هاللي يبلشونك بالزينون الله يغثهم :( >> حسيت اني شايب

ولد وايل..

14/12/2010, 08:30 PM

على حسب السيارة ...

المكاين الكبيره ما تأثر فيها

ممكن يتاثر الدفرنس وغيره لكن المكينه ما تدري عنك...

يعني عندك جمس ولانكروزر..

وكلهم 180

الجمس مريح واللاند المكينه تبي تفقع من الضغط...

مقلع الرمث

14/12/2010, 08:39 PM

اكيد هذي مايبيلها لا استفتاء ولا سؤال

أبوغيث 2003

15/12/2010, 01:28 AM

وعليكم السلام
ايه تضرك وتضر الاخرين خلك مع قاعدة لاضرر ولاضرار وخل الحديد الحديد لايرحم.
يابو غيث التوقيع صورة تكفي ولا محتار بينهم (وجهه ضاحك)
تصدق عاد اني مااكثر النظر لسيارتي اخاف املها انا ملول بشكل قوي وعنيف بسرعة امل بس واحد تصدق انه من عام 1418 وهو معي مررسيدس 89 ومامل منه للحين معه انا بعده كذا سيارة
واخر بس ذاك جلدة حتى قطة الفطور ام 20 ريال مايقط
معه لوريل نيسان240 موديل 88 فاكها وكاله يوم كان يستلم مكافئه من مكافاته ال1000 ريال ؟؟؟
شطحت فينا يابو غيث عسانا وعساك للغيث.

هههههههـ

هلا والله بالربذي

موب محتار لكن دام التوقيع يتسع لصورتين قلت خل أستغله :D :D

انا بالنسبه لي اذا الموتر يخلين أنسى مكان الصناعية أحبه لو ايش

وخويكم الجلده أتوقع تبي تجيه جلطة اذا لقطه ساهر (ما يدفع 20 حقت الفطور وشلون لو 300 لساهر )

ويازينك ويا زين شطحاتك اخوي الربذي تغير الجو الموضوع

وآمييييييين الله يجيب الغيث

كاشت وحداني

15/12/2010, 01:38 AM

السرعه العاليه اكيد بتضر ما فيها كلام
وتختلف من موتر لموتر حسب صناعته
فمثلا عندي كامري ولومينا وكلهم2005 يجيهم حقهم من الدعس
الكامري حتى الان مكينته ماشيه واسافر عليها وتجيب طبلونها طبعا تنقص زيت ما فيها كلام بس تتحمل الضغط
اللومينا اللي فيها الحين ثالث مكينه وممشاها اقل ب 100 الف عن الكامري

المهاجر انا

18/12/2010, 08:51 PM

بسيطه جرب على نفسك اي شي اريح لك المشي بهدواء او الركض وانت عض ثوبك