أفضل ميزان في الرياض

[غضنفر]

السلام عليكم ورحمة الله وبركاته
مبروك علينا وعليكم الشهر الكريم والله يعينا على الطاعة والعبادة
ما أطول عليكم انا ابيكم توصفولي افضل ميزان في الرياض لترصيص الكفرات و وزن الأذرعة
لأن غالبية الورشة طريقتهم في وزن الأذرعة انه يجيب حديدة ويحطها بين الكفرين الأماميين من قدام وورى
واذا كان الطول نفسه قالك الأذرعة سليمة (وما في امل لين رفع السيارة يقول هالكلام) اما اذا كان الطول مختلف
قام يفر في الأذرعة لين يتساوى الطول وهذي طرقة بدائية فاذا في احد يعرف ورشة عندهم ميزان الكتروني للأذرعة
او على الأقل واحد عنده خبرة يدلنا عليه وله منا الدعاء

[بو خليفه]

عزيزي black path تحية طيبة و بعد
يوجد في الصناعية محلات متخصصة للميزان و للأسف متخصصين لكن الميزان يدوي و إذا الدركسون يميل يمين أو يسار لا يمكن ضبطه فقط يوزن تواكل الكفرات و فقط الأمامي و يدعون أن الخلفي لا يمكن وزنه و هذا كذب لابد الكفر الخلفي له ميزان لكن لايعرفون فيقول لاميزان للخلف
الشئ الجيد عندهم فقط ترصيص الكفرات ترصيص أرضي والباقي كله يدوي و اجتهاد
أما الميزان الإلكتروني يكون عند أربع كفرات و وجود أربع عدسات كي يلاحظ الشاصي والبدي إذا كان مايل و يوزن أربع كفرات و موجود في يوكوهاما أو بريللي أو جوديير و إذا لم تجد فعليك بالوكالة حتى لو كان غالي لكن تأخذ اليقين
و لكم تحياتي و تقديري

[ابوحماد]

ميزوان المجد و اليرموك و العضيب

شارع بلقيس (المنتزه)

الصناعيه القديمه

[حـاتـم]

اخوي بلاك باث

ميزان المجد وبس

انا رحت لللعظيب بس والله ماعنهم سالفه

بس كثر اللمبات وهالورشه الزينه بس من جمبها في الشغل

المجد وبس فالميزان وعندهم ترصيص ارضي 100%

وشكرا

اخوكم / حاتم

[غضنفر]

بو خليفه :
مشكور على مرورك ونصائحك

----------

ابوحماد & حاتم:
جزيتما خيرا ويا ليت وصف ميزان المجد من الدائري الشرقي

[ع.ف.الدرويش]

ميزوان المجد و اليرموك و العضيب

شارع بلقيس (المنتزه)

الصناعيه القديمه

:p .. مثل ما كتب أبو حماد

[غضنفر]

الدرويش وش دعوا يعني ما اعرف اقرا
شارع بلقيس (احسبه في اليمن) ذا وين اطلعله معه مع مخرج 16 ولا 17 لأن الصناعية القديمة كبيرة وانا بصراحة اضيع فيها

[ع.ف.الدرويش]

الدرويش وش دعوا يعني ما اعرف اقرا
شارع بلقيس (احسبه في اليمن) ذا وين اطلعله معه مع مخرج 16 ولا 17 لأن الصناعية القديمة كبيرة وانا بصراحة اضيع فيها

:p
هلا والله وغلا باخوي.. صدقني ما أقصد اللي ببالك.. ومحشوووم عن كل نقص وانا اخوك
أما الورش فمخرج 17 تلف معاه يمين وتمشي سيدا أول إشارة واللي بعدها تعديهن بعد كذا النفق بعد كذا الاشارة اللي تجيك تدخل معها يسار اول لفة على اليمين اتركها ثاني لفها امش معها وبتحصل ورشة اليرموك على يسارك والمجد ماهي بعيده عنها وحولها

هذا كل مالدي واعتذر وبشدة على الرد السابق..
وانا بالخدمة.. أبو فـــهد..

[غضنفر]

ما قصرت وبيض الله وجهك

[تركي الضرغام]

فيه محل بالغرابي ( أكيد بتقول الغرابي مافيه إلا محلات الزينه ) لا فيه محل عنده ميزان أكتروني يركب أربع عدسات على الكفرات وشغله ممتز ورخيص بعد

[الفهد-08]

مساء الخير على الشباب ..
(بعد اذن ان صاحب الموضوع)
اخوي تركي الضرغام وش اسم المحل الي بالغرابي واذا امكن وصفه الله لا يهينك .
تحياتي للجميع ..

[كديان]

يالله يا تركي الموضوع له 6 سنوات

[تركي الضرغام]

أخوي الفهد
المحل وأنت ماشي بشارع الغرابي الرئيسي من الجنوب إلى الشمال تجيك أشاره خذ مع الأشارة يمين أبتل بيجيك محل أسمه الشارع شف المحل بجنبه على طول العامل فلبيني و المسؤول عن المحل أرتيري أو سوداني

اخوي كديان والله أني مدري أن المشاركة لها 6 سنوات بس كنت أبحث ولفت أنتباهي هالموضوع قلت أخل أدلي بدلوي يمكن ينفع أحد بس هذ ي السالفه

[التعـ King ـديل]

موضوع قديم بس مفيد للجميع

[ملك الفكتوريا]

تركي بيض الله وجهك



والله اني ادور

[اشهب .]

الله يعافيك ياتركي

[كاشت وحداني]

اليرموك افضل ميزان تم التعامل معه. ثم المجد. اما العضيب انحش منه