الددسن بعد الجنوط_موترنا

[حـاتـم]

السلام عليكم ورحمة الله وبركاته

هاذا الددسن حقنا

2005 الي قبل صورته بالتوقيع المهم

ركبت عليه كفرات وجنوط الباترول الاوله وشوفوا شكله

بس صار يجك بالرفرف يبيله رفعه

اخليك مع الصور

بالبيت اول ماركبناهن
http://www.mekshat.com/pix/upload/images11/mk17635_20051005(008).jpg

http://www.mekshat.com/pix/upload/images11/mk17635_20051005(009).jpg

وهاذي بالنفد

http://www.mekshat.com/pix/upload/images11/mk17635_20051006(019).jpg


يتبع

[حـاتـم]

http://www.mekshat.com/pix/upload/images11/mk17635_20051006(015).jpg

http://www.mekshat.com/pix/upload/images11/mk17635_20051006(017).jpg

هاه وش رايكم به


وشكرا

اخوكم /حاتم

[طخيمان]

والله شكله كذا :good: لا واذا حطيت عليه طربال أشهب على حد التنده كان علوم والله يطلع شكله هبال
بس وش لون ممشاه في النفود بعد الجنوط تحطه على يمناك ولالا وألف مبروك على الجنوط والله يعطيك خيرها ويكفيك شرها . :cool:

[حـاتـم]

اهلا اخوي ابو الطواري الموتر تحطه على يمناك من قبل الجنوط

بس الجنط بغيره بركب 15 لانه يحك بالرفرف ومثقل على الموتر بس ماشاء الله

طرحنا جي اكس ار عليه


ولو على الطربال اصبر تونا شارينه مامشى الاحول ال3000 الاف

وجايك كلش
وشكرا

اخوك/حاتم

[طخيمان]

يقولون كلتش الددسن ماش يبيلك تغيره بكلتش ثاني واذا كانك تبي معلومات اضافية ترا العضو (الأشهب) ما يقصر وعنده معلومات مهيب بسيطة عن الددسن.

[الكونترولCONTROL]

والله شكله كذا :good: لا واذا حطيت عليه طربال أشهب على حد التنده كان علوم والله يطلع شكله هبال
بس وش لون ممشاه في النفود بعد الجنوط تحطه على يمناك ولالا وألف مبروك على الجنوط والله يعطيك خيرها ويكفيك شرها . :cool:

================================================== =====
أرجو من المشرف الانتباه الى استغلال اسمي (( هبال )) !!!! وش قصدكم ؟؟؟؟
============================
امزح !!!!!!! لا تقعد تمسح شي يا المشرف اثقل شوي ....
==============================================

[راع الونيت]

أخوي حاتم حياك الله بقولك التجهيزات التي سويتها في سيارتي الدفرنسين 2005 الداتسون
فيبر من السليماني 350 ريال
جنوط باثفندر ألمنيوم مقاس 16 ب 1100 ريال وهي أفظل جنوط للداتسون الدفرنسين
كفرات دنلوب مقاس 245/70/16 ب 1400 ريال
وبما أنها تهوي مع المطبات ركبت طقم مساعدات مونورو ولا تهوي نهائيا ب 330 ريال
تلبيسة مراتب ب 150 ريال
توانك مويه وشد وطبق ب 1000 ريال وباقي الشراع بعد رمضان ان شاء الله
طبعا ركبت الكنود وهو موجود عندي من أول لكن جبت له درج 2002 جي ال أبو غطاء وركبته فوق المسجل وطلع شكله ولا أحلا منه
طبعا النسافات الأمامية والخلفية طوال قمت قصيتهن وطلع شكلها مره حلو
على فكرة تراي طامرت عليها أجرب ولا تحك الكفرات نهائيا
أرجو أن تستفيد من هذه التجهيزات وبالنسبة للصور ما أدري كيف أحملها تراني غشيم شوي بالجهاز
وتقبل تحياتي

[اسيزو 4x4]

السلام عليكم ورحمة الله وبركاته

ما شاء الله تبارك الرحمن

الله يعطيك خيرة ويكفيك شرة

ما شاء الله الجنوط طلعت علية ممتازة

وإذا تبي نصيحتي ركب كفرات تويو ياباني مقاس 245 \ 70 \16 تجي 100%

أنا مركبهن على السيزو وممتازة جداً

وتقبل تحياتي

أبو حمود
...
..
.

[حرباش]

صراحه طالع شكلها فضيع


جميله جدا

وخاصه الصوره الثالثه قمه في الإخراج :good:


الله يعطيكم خيرها ويكفيكم شرها ان شالله :)


ابو حمود .......... ياحبك للتويو :D




تحياتي لكم ;)

[حـاتـم]

مشكورين اخواني على الردود

اخوي راعي الونيت الف شكر للنصائح

الفيبر وركبناه والنسافات وشلناها باقي مساعدات

والشد والشراع وكم شغله بس توه الموتر جديد وشوي شوي

وشكرا

اخوكم / حاتم

[أبـ [مطلق] ـو]

مشاء الله تبارك الله ..

يعطيك العافيه على الصور


مضبوووووط .. وعساكم أستانستو ؟

.

[عابد]

الخ حاتم
السلام عليكم ورحمة الله

مبارك عليك الشهر الكريم

الله يعطيك خيره ويكفيكم شره ويجعل هالموتر عون لكم على طاعة الله

الصراحة الموتر حلو ماشاء الله تبارك الله لكن أظن انه بيكون أحلى لو كانت الجنوط لبترول 2004 شكلها أجمل .

اخوك عابد

[داب الرمث]

ما شاء الله يعطيك خيره ويكفيك شره......................

[ناصح]

ما شاء الله طلع شكله مسكت

بس اهم شيء لا يكون في الملفات تحك الكفرات في الرفارف

[b3b3]

ماشاء الله تبارك الله

شوهيدا

يخزي عين العدو

ماشاء الله تبارك الله بجد شكلها عبووووووووووود


عبود يعني مسكت

[(الأشهب)]

أخوي حاتم على البركه الجنوط

ونصيحه اخويه غيرها شكلها حلو بس والله ان تعدم عليك الددسن واسأل مجرب

ركب جنوط اخف منها واظاهر انك مركب كفرات دنلوب كنها هي غيرها

تعدم عليك العمود وغير كذا يبدا يرج الكفر مع الجنط يعني بعد ماتغيرها

يبيلك وزن اذرعه ودركسون ومقصات وتبي تبتل ترج يعني انا نصحتك

وانت ابخص .

تحياتي........

[(الأشهب)]

يا شباب ياهوه ياحقي الجنوط لايغركم الشكل الا ماجاك شد بلاده ولا لاتدور غيره الا ان كان حديد خفيف يعني زي ثقل جنط بلاده او اثقل شوي اسألو مجرب انا ركبت في موتري 9 جنوط اشكال وانواع الباثفايندر والباترول والجنوط السوح انواع والله ماتفيدكم ان مضرتها اكثر من نفعها وهاه الي يبي جنوطي الي على الددسن الي في التوقيع يرسلي رساله خاص وغير كذا لاتتوهمون في ممشاها في الطعوس لايغركم الشكل ولا والله ما عندك احد المهم الي بيركبها بيلاحظ الرجه الي ذكرتها في المشاركه الي قبل واسف على الاطال والي يقول ان ممشاها في الطعوس احسن انا اتحداه وقد كلامي وانا اقول ان جنوط بلاده ولا الجنوط الباترول القديم الي تجي فيها مثلثات الحديد انها احسن من ممشاها بووووووووووووواجد

تحياتي.......

[أبو يوسف]

ما شاء الله تبارك الله

شكله حلو مرررة

بس جنوط 16 ما تضر العكوس ؟؟؟
انتبه لا توهق

الله يطرح لكم به البركة

مع التحية

[غيّام]

ماشاء الله والله الحقيقه شغل شيوخ الله يبارك لك فيه
وابنشدك التلبيسه اللي على استبنة الجيب من وين مفصلها والا شاريها

[حـاتـم]

هلا بأخواني ومشكورين على الردود

اخوي الاشهب الجنوط والكفرات للباترول الي معي بس مركبها اجربه بس والله زي ماقلت فيه رجه
خفيفه والموتر ثقل شوي ويجك بالرفرف

بس تقول جنوط الباترول السلقه الي على الباترول بتنفع له ولا لا

اخوي غيام انا مفصلها شريت القماش من البطحاء المتر ب30 ريال ويكفيك مترين وشغل يد خياطه بخمسين ريال

يعني كلها كلفتني 110 ريال بس خل يحطلم مغاط من وراء لايحط حبل لان الي قبلها طارت وهاذي ثانيه


وشكرا اخوكم /حاتم

[(الأشهب)]

هلا والله أخوي حاتم شف جنوط الباترول السلقه تنفع بس شكلها عادي وغير كذا ميب عريضه ركب اي الجنوط الي تعجبك من الغرابي بس تكون حديد وخفيفه وعرضها بين 7 انش إلى 8 انش والكفرات بعد اذا كانت دنلوب غيرها افضل لك لانها حقة لاند وسفاري ماتصلح على الددسنن الي هيه اظاهر 275 على 70 كبيره ولا تصلح وبالتوفيق

تحياتي........

[طخيمان]

الله يعطيكم العافية يا شباب بس ماتعتقد يا (الأشهب) ان جنوط الغرابي اللي خفيف وزنها تنكسر أو تنعفط اذابنشر الكفر أو اذا طحت في جرف أنا والله ما أدري بس يقولون انها تخرب العكوس وتتعفط وتنكسر (الجنوط) أرجوا تصحيح معلوماتي اذا كانت خاطئة.

[(الأشهب)]

هلا والله وغلا بأبو الطواري

شف يابيي انت معك حق في الكلام الي قلته وانا معك فيه ولكن أغلب الخرابات الي تجي في االجنوط تقريبا تجي في الجنوط الكروم

لانها تجي تجاريه يعني يجي فيها شي مغشوش وانا الي تكلمت عنه جنوط الحديد وهي قليل ماتلقى جنط حديد مغشوش الا ان كانه

ملحم يبين اما الكروم يقدر يلحم بسهوله ويصبغ من جديد وانت ماتدري يعني مايبين شكله انه ملحم ومصبوغ عشان كذا انا نصحت

أخوي حاتم بالجنوط الحديد
أخوي أبو الطوراي انا اقصد في الجنوط الحديد الخفيفه تصير زي ثقل جنوط الوكاله او اثقل شوي يعني ما قصدت جنوط خفيفه مره

لانها تعفط

اخي استفسار انا حاضر

تحياتي........

[حـاتـم]

اخوي الاشهبب جنط الباترول السلقه 7انش وليش 6انش

والظاهر اني بركبها على الددسن او بركب زي الي على موترك بالتوقيع بس هي ماتحك

ووشي الكفرات الي عليها وكيفها زينه بالرمل

وشكرا

اخوكم /حاتم

[CRUISE**كروز]

ماشاء الله تبارك الرحمن
الاخوان حاتم والاشهب الله يبارك لكم في الددسن
وعندي استفسار للجميع اللي عنده خبره

انا عندي ددسن غمارة دفرنس واحد اشتريته جديد موديل 2005 ولكنه عقدني بحاجتين:
1- صرف البنزين فوق الخيال اعبي التانكي اعبيه بحول 60ريال ولايوصل 400 يعني 360 او 380 بالكثير مع اني اسير دائما بسرعات فوق العالية
2- وهذي اللي ابي الفزعه فيها بشيمه والا بقيمه :) الا وهي الفاصل
لانها اذا وصلت السرعة الى 180 ك/س تفصل وحاولت القا الفاصل بدون فائدة
وحصلت الفيوز وفصلته فتوقف الفاصل ولكن يجي فيها تفتفه وتقطيع وتلهم البنزين في هذه الحاله اكثر من الاول كما ان جميع العدادات في الطبلون متوقفه
ساعدونا الله يساعدكم

[nahham]

الله يبارك لكم في سياراتكم جميعا

لكن انت ياحاتم منت سهل ذوقك عالي مرررره

الاشهب ماشاء الله عليك خبره الله يزيدك

تسلمون جميعا