اسباب انقطاع فشق البراونج..؟؟؟؟

[طويل الخطام]

بصراحة انا من اشد المعجبين بفشق البراونج 6/36 ولاحظت من قبل فترة انقطاعة عن السوق وذكر لي



بعض تجار السلاح ان سبب انقطاعة هو من فترة صودرت كمية هائلة منه وكانت قادمة من احد البلدان



الخليجية......وهذا السبب هو اللي أدى لإنقطاعه..



وانا احب استفسر عن صحة هذا السبب.واللي عندة معلومة يعطينا;) ;) ;) ;) ;) ;) ;)




rys1@hotmail.com

[رحال]

ياهلا اخوي طويل الخطام ومساك الله بالخير

اولاً تشكر على طرح مثل هذا المضوع لأنه يهم كل المقانيص وخاصةً اذا كان الفشق هو البراوننج والبراوننج معروف وبالنسبه لي عندي اللي يغطي عليه لكن ما انكر ان البراوننج فشق طيب وزين بالحيل .

لكن سؤالك عن انقطاع البراوننج والله ماعندي خبر وانا بعد ابي اعرف ليه تم الانقطاع الله يعين الشباب يعطونا المعلومات الصحيحه .

وبالتوفيق اخوي طويل الخطام
وتقبل تحياتي
اخووووووووك الرحاااااااااال


http://pix.mekshat.com/imagesupload/images/RAHAAL.jpg

[طويل الخطام]

مشكور أخوي الرحال على الرد لكن ذكرت ان عندك بديل للبراونج ودي اعرف وش البديل و مثلك عارف وقت القميري قرب......وشكرا

[رحال]

ياهلا اخوي(( طويل الخطام)) وعساك على القوه .
بالنسبه للفشق نعم عندي البديل وانا ذكرته من قبل ورديت على كم عضو على نفس الموضوع واسم هذا الفشق (( الليقا )) وهو رقم 6 ضغط 36 وانا جربت النوعين البراوننج والليقا لكن شفت الفرق بينهم والشباب عندنا يمدحونه بعد ماجربوووووووه ومثل ماقلت لك البراوننج مافيه اي شي يعني ممتاز .

انت تقول ان وقت القميري قرب الله يجيبه وحنا ننتظر متى يهل علينا لكن ما انصحك تستخدم معاه هذا النوع من الفشق اللي هو الليقا صدقني مراح تلقى في القميريه شي للأكل اذا جاتك من مسافه حلوه يعني بتروح تلقط في القميريه جناح وفخذ و رقبه وصدر من على الارض لأنه قوي ويعادل رقم 1 .

انا استغرب لما يجيني رد يقول انه ماسمع في هذا النوع من قبل !!!!!!!!!:eek:

وهذي السنه بعد شكله انقطع لأني ماشفته ابد واللي عندي الحين نوع واسمه (( FOP )) رقم 6 ضغط 36 وهو ممتاز يمكن جربته واذا ماجربته جربه وراح تدعيلي .

تقبل تحياتي اخوي طويل الخطام

اخوووووووووك الرحاااااااااال

http://www.mekshat.com/pix/gallary/data/images/rahaaal.jpg

[الهواوي305]

هلا بالجميع البديل للفشق أخوي رحال لاكن يختلف من شخص لشخص
أنا كنت أجي بشتري فشق من سوق القصيم ولقيت كذا نوع من الفوب لقيت الأسود ولأخضر فامدري وش أخذ منهن لاكن أنا جربت الباتريوت الأحمر والله حلو وممتاز أما عن فشق البراونج أخذته من الكويت السنه الى فاتت بشهر 7 هجري أخذت من محل البوري وهو محل معروف وكيل براونج بالكويت بس مشكلته مايبيعك الا بتصريح وكلمت واحد من الشباب وجاب تصريحه والحمدالله أخذت منه صندوقين الواحد طلع علي تقريباً 1000 ريال وأخذته قبل فتره طويله من الكويت سنة 1423هـ الصندوق طلع على بـ550 ريال لاحظ الفرق بتقول ليش لأن كان الفشق عندهم رخيص وأرتفع بسببنا حنا والحمدالله طلعت الأمور تمام من ناحية الى خبري خبرك

[سسته]

شف ياحبيبي ... بالنسبة لانقطاع الفشق ... هو على حسب التاجر اللي يجيبة . يعني السنه اكثر نوع منتشر هو الكاكا ... بكثرة جداً حول مايبيعونة في المحطات اللي على الخطوط . والسبب لان التاجر جاب كمية منه السنه هذي ... والسنه اللي بعدها يبي يجيب نوع اخر ويبيعه بالسوق مع وجود القليل من الكاكا حق العام ... والسنة اللي بعدها اللي هي السنة الثالثة راح ينقطع الكاكا كلياً لان التاجر ماجابة .... لانك لو تلاحظ كل سنتين نوع وبعدين ينقطع ولا البراونق ما انقطع موجود بالكويت وعلى قفى من يشيل . وبالنسبة للقميري .. انا استخدم 6/32 هو انسب شي برائي ... وبعد فية الكاكا 6/36 لكن ابعد شوي لايقطعها ... وبالتوفيق .

[يدوي الشرق]

عليكم بلكاكا فو الحين المتوفر وزين

[بواردي الروضة]

هلا بالجميع البديل للفشق أخوي رحال لاكن يختلف من شخص لشخص
أنا كنت أجي بشتري فشق من سوق القصيم ولقيت كذا نوع من الفوب لقيت الأسود ولأخضر فامدري وش أخذ منهن لاكن أنا جربت الباتريوت الأحمر والله حلو وممتاز أما عن فشق البراونج أخذته من الكويت السنه الى فاتت بشهر 7 هجري أخذت من محل البوري وهو محل معروف وكيل براونج بالكويت بس مشكلته مايبيعك الا بتصريح وكلمت واحد من الشباب وجاب تصريحه والحمدالله أخذت منه صندوقين الواحد طلع علي تقريباً 1000 ريال وأخذته قبل فتره طويله من الكويت سنة 1423هـ الصندوق طلع على بـ550 ريال لاحظ الفرق بتقول ليش لأن كان الفشق عندهم رخيص وأرتفع بسببنا حنا والحمدالله طلعت الأمور تمام من ناحية الى خبري خبرك


الموضوع من عام 2002

[ابوحمزة 2009]

خذ العلم وانا اخوووك تصادر 8500 دسته في الحدود قبل 6 اشهر