صور gmc يوكون 2007 الجديدة بالكامل ..

[anas]

السلام عليكم ورحمة الله وبركاته
أخواني الأعزاء في منتدى مكشات المحترمين أحببت أن اهدي لكم هذه الصور الجميلة لعلها تحوز على رضاكم ودعواتكم وحضوركم السريع والفعال وأرجو من الجميع أن يدلو بدلوه في الرد وتعطونا رايكم .. :)
وحقوق النقل محفوظة لمنتدى مكشات ( واحد مصدق نفسه ;) )
وسامحونا على وقت اللي بتاخذه في تحميل الصور :D
في الصورة الأولى لاحظ أن مقدمة السيارة تشبه الجمس انفوي
http://www.7r6.com/up/img/MOF7_10_2005_04_44_33_AM.jpg
في الصورة الثانية لاحظ الصدامات الأمامية والخلفية ربل ( بلاستيك ) بدل صدامات الحديد
http://www.7r6.com/up/img/MOF7_10_2005_04_49_11_AM.jpg
لاحظ الحساسات في الصدام وايضا الأنوار الخلفية تشبه جمس يوكون موديل 96
http://www.7r6.com/up/img/MOF7_10_2005_04_51_37_AM.jpg

http://www.7r6.com/up/img/MOF7_10_2005_04_54_24_AM.jpg
لاحظ في الصورة الأخيرة اتصال الكنسول الوسطي ( المكيف وملحقاته مع المتكى وملحقاته من محل اكواب الشاي )
http://www.7r6.com/up/img/MOF7_10_2005_04_57_20_AM.jpg

وبصراحة انا بانتظر حتى يجي الموديل واشتري واحد إن شاء الله وش رايكم ؟ وما هي أحسن صورة باعتقادكم ؟ أرجو من الجميع المشاركة .. وشكرا جزيلا لكم .

[بو خليفه]

هذا ليس الشكل النهائي الذي سينزل للسوق و احتمال يتغير الشكل و شكله شبيه بين البليزر و الكاديلاك

[دله وفنجال]

السلام عليكم...
مشاء الله عزالله انه اطلق من القديم بألف مرة لاكن شكل الـz7 ماتدري عنة وهل غيرو المحركات او وشلون ....

[داب الرمث]

حلو صراحة .........................

[صمانكو]

لا بالله مهو بحلو خصوصا خشته .. اما جنوبه فيها من الارمادا

[ابو شكاع]

وعليكم السلام ورحمة الله وبركاته

الصراحة رااااااااااااائع

anas تعال اشتر موتري 2002 :D

نعنبوه حاكرينه

<< بدأ يقرقع يبيه

وش الدبرة

خل عنك ازين صورة هي الداخلية ....

وينك يالعارض تشوف ... شرط ان يحط به مليون عذروب :D

بس يارب ان شاء الله 2009 يكون ازين .... يمكن اشري 2009 بعد عمر طويل :D

[بواسامه]

تسلم يانس
الحقيقه طلع القديم كنه هاياكس
بس كنهم مقلدين اسكايلد جيب الكدلك
ولا لا
بس الحقيقه كلهن زينات القديم والجديد
بس الداخلي دلع
سلمت اناملك ياأنس

[الـ ع ـارض]

افااااااااااااا وراهم خربوا الموتر؟؟؟؟؟؟؟؟؟؟

وين نحط الايكوم ؟؟؟ ما عاد له مكان ؟؟؟؟

كذا ما صار يوكون خوينا راعي البران .... صار موتر دلع ......

كنت احتريه وبشريه لين تغير شكله ... بس بعد هذا باخذ 2006 ....


ابو شكاع ....ما ينبغى الجديد يا العديل ... وخاصه يوم خلوا صداماته فيبر ...

ايه الله يعين ...

[مرصاد]

شكله موب صاحي يروووووووووووووووع والله شكله ينافس اطلق جيب من فئته ، واذا كان بحدود السعر الحالي فصراحة حظ الجميح ، شكل البر بعدين بيمتلي يوكونات

[دمعة موق]

سلم لي على كحيلان العز الأقعس ((((الشاص))))) ولا تهمك المصاخير هذي سيارات مدرسات تشريه للسواويق

[ماجد الشمري]

مشكور اخوي اناس ...
الا هذا اللي بياكل النيسان والتويوتا وهو يضحك ..
بينزل ب 3 مكاين وحده 5.3 و الثانية 6.0 و الاخيره 6.2 وكلها اقل استهلاك من اللاند كروزر والباترول بكثير ...
والجير بيكون اوتو 6 سرعات وتحتوي المحركات الجديدة على خاصية السعة حسب الطلب فمن الممكن ان تعمل فقط 4 سلندرات و 8 عند الحاجة وهكذا ...
وتعد الانسيابية لهذه السيارة اكثر من رائعة فهي 36. وهذا رقم رائع لسيارة بهذا الحجم ..








اخوكم ماجد الشمري

[محب الشمال]

صراحه ما عرفنا له اليوكون انا من محبين اليوكون بس والله اعلم في شكله هذا ما اظن يا ماجد الشمري ان هذا بياكل الباترول والاندكروزر
صحيح انه ماكينه قويه واحصنه اكثر واقل صرفيه بنزي بس شكله والله اعلم انه حق مدينه وبر قريب على المدينه بس وحق خطوط
اما مطامرنا حنا يالمكشاتيين في الصمان والدهناء وغيرها ما اضن ينفع والله اعلم يعني تحس انه يبي له مداراه اكثر من غيره

بس شكله من داخل ما شاء الله تبارك الله مره حلو وجميل بس اذا ماني غلطان هذي الداخلية ما تجي عندنا السعودية ما ادري ليش يعين اشوف صور السيارات من داخل في الانترنت والصحف مره جميله وحلوه وروعة ولما اروح للوكالة القها اقل منها في الجمال وليست شبيهه لصورتها في الانترنت يعني تحس انهم ماكلين علينا الوكالات كثير من المميزات الداخلية علينا ويحسبون السعر كامل المواصفات
يعني باختصار لو اروح ان شاء الله لشركة الجميح القا اليوكون من داخل زي هذي الصورة الجميلة ؟؟؟؟؟

اكرر اخوكم من محبي اليوكون