الفزعة ياأهلنا في الرياض وياأهلنا في الأمارات

[شمســـان]

السلام عليكم ورحمة الله وبركاته
اخوكم محتاج (ايرباك باجيرو موديل99 المثبت على الدركسون لونه اسود) لأنه غالي بالوكالة والمشكله انه ماهو خربان لكن البوري معلق ويقولون لازم تغير الأيرباك كامل..وهذا اللي باط كبدي على شان البوري اشتري ايرباك بمبلغ(2200ريال) ومالنا قبيل...والله المستعان

[b3b3]

نصيحة اخوي

لا تغير الآيرباق

افصل البوري من مكانه الأساسي

وأعمل لك زر خاص للبوري في أي مكان يناسبك بالسيارة


وبالتوفيق

[محب الشمال]

فكرة الاخ بي 3 بي 3 جيده

[شمســـان]

اخي b3b3 جزاك الله خير على اجتهادك.
وهذه الفكرة طرحها على احد الكهربائيين لكن المشكلة كثرة الأذرع والأزارير حول الدركسيون تجعل من الفكرة غير يسيرة خصوصا وانا ارغب ببيع السيارة وقد لاتناسب المشتري..

[بن نويشر]

أشتر والله يخلف عليك ، أو حاول أن تبحث على فني آخر عسى الله أن يجعل فيه الفائدة ..

محاكيك عنده المجموعة تبع النوافذ تعمل عدا السائق فلما سألت الوكالة قالوا ما لك ألا تغيره وقيمته حوالي 1100 وبعد الخصم 850 ريال ، قلت معصي ورحت به إلى كهربائي عريق وللأسف قال خل السيارة عندي يوم كامل أتقعد عليها وذهبت بها إلى آخر وقالي نفس الأول وقلت خليني أشوف التشليح وبعد الغثى حصلت بـ 600 مستعمل وغير مضمون وقديم . المهم

قلت يا ولد ليش ما أفكه وأشوف وش علته وبالفعل تقعدت عليه نصف ساعة ، قمت بفكه وتنظيفه من الغبار والأتربه وصار أحسن ما يكون ولله الحمد .

المغزى شف لك صرفه لعلل وعسى ..

تحياتني للجميع ،،،،،،،،،،،،،،،،،،

[b3b3]

طيب اخوي حاول تشوف لك بالتشليح

[بواسامه]

اخوي الباجيرو

اريح حل افصل البوري
وحط له فاصل خارجي غير الطاره
مادامك تقول ان الايرباق مافيه شي

عود لخويك الكهربائي وخل يسوي اللي قلتلك
ووفرررررررررررررررر850 ريال

[المستوي 1]

نفس المشكلة كانت عندي من زمان في جيب شروكي
المهم
الجيب بعد الحادث انفقع الاير باق
و رحت وصلحته عند حقين الفيبر جلاس طبعا ترقيع مخفي
و حطيت من الداخل زرار زي زرار الجرس (ضغاط) تحصلة عند قطع الغيار التجاري مع وزنه يماصورة بلاستك صغيرة حتى يتاسب ويكون هناك اتصال عند الضغط
و الله يعينك

[المهنـدس]

السلام عليكم
اخوي اذا انت متأكد ان الايرباك سليم وما فيه شي معناه المشكله جايز ما تكون منه!!
تأكد الخلل اول وين فيه ثانيا انا ما اعتقد ان فيه علاقه بين الايرباك والبوري لانه كان اول ما شريته كويس وخرب من تالي..
اتوقع ان العله في البوري ملتمس ولا شي.
تأكد وانا اخوك ولا يلعبون عليك ذا الهنود والبنقاليه تراهم يتعلمون في سياراتنا والله..والله يوفقك.

تحياتي
أخوك المهنـدس

[شمســـان]

اخواني الأعزاء شكر الله لكم حرصكم وتواصلكم وهذ والله هو العشم بكم.
اخي المهندس كلامك صحيح الأيرباك سليم والمشكلة التماس بالبوري.لكن اللي معقد الأمور ان البوري والأيرباك مكبوسين مع بعض كبس ولايمكن الوصول للبوري الا من خلال الأيرباك.
وسلمتم لأخيكم

[شمســـان]

يااخواني اذا فيه أحد له معرفة بالتشليح خاصة اهل الرياض ارجو مساعدته فلعه يعثر لي على ايرباك يكون سعره معقول
ومنتظر تواصلكم على الخاص
والسلام عليكم