ارجوا من ادراة مكشات تثبيت المزايده داخل الموقع

[vxr99]

السلام عليكم ورحمة الله

ارجو من ادارة الموقع تثبيت او الالزام بالمزايده داخل الموقع
نشوف عارض الموتر كل شوي كاتب وصل الموتر السومه الفلانيه عن طريق الجوال
وما ندري عن مدى المصداقيه والعجيب سومات خياليه ولا احد يزيد من داخل الموقع
اقترح انه ما يذكر السومات اللي خارج الموقع الدعوه ماهي تجميع سومات من الموقع ومن الحراج ومن الشارع
مثال صاحب باترول موديل 92 وماشي 400الف تقريبا والصور تشهد على ان الموتر مكدود العافيه ويقول صاحبه الموتر مسيوم من شخص صامل وفحص الموتر ب 34000 الف هل يعقل هالكلام اخوانه 97 ياله توصل هالسعر

ارجو النظر في هالموضوع لاني اشوف الموقع كل يوم يفسد خاصه قسم البيع والشراء

[ثلبوتي]

حتى لو كذب ما احد مشتريه الناس تنزل المعارض ويشوفون الاسعار يعني كسب اثم
لا هو اللي استفاد من كذبته

اقتراحك جميل .. يعرض الموتر وبدون ذكر اي سومه خارج المنتدى السوم هناء فقط....

انا عرضت جيب شاص هناء وسامه واحد صراحه سومه ممتازه واخذ رقمي عن طريق الخاص بالطبع الرجال كان صامل وقال انا جياك بكره قلت له بكره لاتجي لاني موعد الوالد بروح اجيب له شحنةحطب قال الا بكره قلت خلها بعد بكره ورفض الرجال لأنه صابه شكوك وبعد انسحب .. يعني الارزاق بيد الله واللي يجيبه النصيب جاي جاي وما فيه داعي للكذب يمكن ينقز واحد له بسومه تكسب وانت لاكذبت ولا غشيت
مجبور لا الشاري والا البائع

[برهان1]

كلام سليم لا وكله كوم و اللي يعرض ويقول ماسيم ثم يجيلك احد يفتح بابه وينقز لك راعي السيارة يقول له وين يبوي الموتر مسيوم بكذا طيب يخوي يومه مسيوم ليش ما حطيت السومه ؟؟؟؟؟؟؟
مدري بس قسم الحراج فعلا فيه ملاحظات غريبه الاغرب بعض الاعلانات اللي تقعد يشيخ 9شهور وكل ما سامه احد قال اطلب من الله زود يخوي لوك بتبيع ما قعدت لي معلن 9شهور يعني بالعربي يبي سعر اعلى من المعقول انا اخبر السيارة اذا استخدمت ترخص وهذا يبيها تزود المفروض يعاد النظر في شروط الاعلان بصراحه
واللا والله يا بعض الناس ان موضوووعه يطق 12 صفحه وهو موسع الصدر