قصتي بالنفود الكبير

[عاشت القصيم]

بسم الله الرحمن الرحيم

السلام عليكم ورحمة الله وبركاته


قصتي بالنفود الكبير....
طلعنا انا وخالي واثنين من خواني واثنين من عيال خالي
وجدتي.
عاد مرينا البدايع وجدعنا جدتي ثمن اخذنا حدى عيال خالتي وانطلقنا وقفنا وتغدينا في منتزة في حايل ثمن ضفينا القش وتوكلنا على الله والساعة : (7) وحنى في النفود الكبير صلينا المغرب والاخير وزبطنا العشاء وحنى نتعشا الا ونسمع هاك الصراخ اللي يفقع الراس اول شيء انا سمعته ومحد انتبه ثاني شيء انا وخاالي وخاالي غمزلي ويوم جت الثالثة والجميع يسمعة عااد قلنا لخالي يا خال وراه ما نطلع ونروح قال لا لو نطلع مب واصلين الا الفجر اقرب ديرة تبعد 350 كيلو عااد قلنا ما فيه الا فل منامك ونم عااد اخوي الصغير نام تحت رجول اخوي الكبير ولد خالي الصغير رشة وهو نايم عااد انا نمت على طوول الحمدالله والله لا يوفقك يا محمد (ولد خاالي)قاال ابا انام معك ما في مكان قلتله تعال.

عااد تصدقون يوم حنى بالطريق كان كل واحد ماسك سماعاته وطربان والليلة كل واحد ما تسمع الا صوتة بالقرآن عااد قام ولد خالتي الكبير وتجه لم القبلة وقال الله اكبر وقال(( اعوذ من كلمات الله التامات ومن شري ما خلق)) ونمنا يوم قمنا الصبح شفنا مخيم حولنا اخذنا منه حليب نياق ولزم علينا الرجال الا نفطر عنده قال خالي لا والله مرتبطين وافطرنا وتوكلنا على الله......
الله الله بالردود

[ساحووق]

تسلم يارااعي القصيم

على القصه الراائعه

والحمد لله انها جت سلامات

وبعدين ليش ماخذت جدتكم معكم الله يطول عمرها وطعستم فيهها شوي هههههههههههه

لاهنت يالغالي

[ولد عياد]

قصة خطيرة تبين خطورة المكشات فالليل يعني الزم ارضك كشتو من الفجر للمغرب ثم تلها البيتك

[الربذي]

وعليكم السلام ورحمة الله وبركاته
الحمد لله على سلامتكم ماعليش مافهمت زين اخوي الله يوفقكم ويستر عليكم الصياح وشو؟؟؟ من ايش ؟؟ وليه مارحتوا له يمكن قريص ولا شي !! اهم شي بالقصه لانه هو الغريب
وانت تقدم شي على شي وتدخل مواضيع مالها علاقه بالقصة مثل جدتك الله يحفظها وياحبي لكبار السن الي على الفطره النقية .
اخوي ممكن تعيد كتابتها باسلوب اوضح شوي لاني فهمت انكم طلعتم وسمعت صوت صياح ونمتوا وواحد نام عند رجول واحد ورفشه وش صار يم رفشه
ماعليش قصها مره اخرى لكي افهما اعذرني انا مافهمت القصة

[سلطان 2010]

اتمنى من الادارة التدخل في المواضيع المطروحة

[ولد عياد]

وش فيها المواضيع المطروحة

[ساحووق]

وعليكم السلام ورحمة الله وبركاته
الحمد لله على سلامتكم ماعليش مافهمت زين اخوي الله يوفقكم ويستر عليكم الصياح وشو؟؟؟ من ايش ؟؟ وليه مارحتوا له يمكن قريص ولا شي !! اهم شي بالقصه لانه هو الغريب
وانت تقدم شي على شي وتدخل مواضيع مالها علاقه بالقصة مثل جدتك الله يحفظها وياحبي لكبار السن الي على الفطره النقية .
اخوي ممكن تعيد كتابتها باسلوب اوضح شوي لاني فهمت انكم طلعتم وسمعت صوت صياح ونمتوا وواحد نام عند رجول واحد ورفشه وش صار يم رفشه
ماعليش قصها مره اخرى لكي افهما اعذرني انا مافهمت القصة

سلللللللللللك يارجال :D:r:r:r:r:r:D:D:D:D:D

[الشقردي 999]

متا هذي القصه؟

[الباثفندر 3.5]

ههههههه ما فهمت شي

[faf o]

انا عندي سؤال هو اول خيوط الجريمه

البنزيم كم كان فيه؟:D

[viv999]

سلك وبسههههههههههههههه

[الربذي]

سلللللللللللك يارجال :D:r:r:r:r:r:D:D:D:D:D


ياهلا بساحوق راعي المصاغير سابقا
اخوي وش معنى سلك يمكن مشهوره بمنطقة معينه سلك لاني مااعرف وش تعني بالضبط

[صامولي]

وعليكم السلام ورحمة الله وبركاته
الحمد لله على سلامتكم ماعليش مافهمت زين اخوي الله يوفقكم ويستر عليكم الصياح وشو؟؟؟ من ايش ؟؟ وليه مارحتوا له يمكن قريص ولا شي !! اهم شي بالقصه لانه هو الغريب
وانت تقدم شي على شي وتدخل مواضيع مالها علاقه بالقصة مثل جدتك الله يحفظها وياحبي لكبار السن الي على الفطره النقية .
اخوي ممكن تعيد كتابتها باسلوب اوضح شوي لاني فهمت انكم طلعتم وسمعت صوت صياح ونمتوا وواحد نام عند رجول واحد ورفشه وش صار يم رفشه
ماعليش قصها مره اخرى لكي افهما اعذرني انا مافهمت القصة



ههههههههههههه
يا اخوان الرجال هذي اول مشاركه له المفروض اننا نشجعه

[ساحووق]

ياهلا بساحوق راعي المصاغير سابقا
اخوي وش معنى سلك يمكن مشهوره بمنطقة معينه سلك لاني مااعرف وش تعني بالضبط

هلا وغلا

سلك بمعنى جااااااامل يعني او مثل مايقولون مشهااا :D

[wrs3975]

الحمد لله على سلامتكم وإن سمحت لي بالتصحيح (( أعوذ بكلمات الله التامات من شر ماخلق ))

[قلب الرحلة]

اخوي عاشت القصيم ، ياهلا بك ومرحبا

قصتك ياخوي مانشك في صحتها بس انك دخلتنا في جو هالصرخة اللي سمعتوها اكثر من مره وصرنا نتسائل ونقول وش بتكون هالصرخة والله العالم ؟!

لكنك ماعطيتنا اجابة عن الصراخ اللي سمعتوه واللي هو اساس سالفتكم علشان كذا صارت القصه مبهمه !

عموماً بارك الله فيك وماقصرت .

[ذيب مجزل]

ماشا الله00000

[سوبر152]

اكشت الظهر وع الرصيف تسلمون من تنشير البطانيات

[ترجم بن حرب]

اعتقد والله اعلم ان محور القصه وشاهدها .. هو الصراخ اللي سمعوه بالليل ..

بس يالت وضحت لنا اكثر ..

تحياتي..

[عبدالله27]

السلام عليكم وراكم عاد تجدعون(جدعنا جدتنا) جدكم والله لو انها شيء من اغراض الكشته كان قلت نزلنا جدتنا وحبينا على راسها الله يحفظها لكم

[السنع كله]

((عاد مرينا البدايع وجدعنا جدتي))
حرام عليكم ليه ماانزلتوها وترفقتوا بها

[صاحب حي]

تدرون منه الي يصوت ويصارخ هذا راعي الحلال الي عطاهم الحليب يصيح الحلاله يبيي يعشيه

[راعي طفات]

هههههههههههههههه !!!

وعساكم أخذتو قرع معكم للعشاء ؟؟

على كل حال الله يغفر له ويرحمه <<<<<< يحب الاشاعات


الي فهمته من القصة إنهم ناموا وماطقوا خبر للي يصرخ وبعدين أمطرت عليهم وهم نايمين وواحد من الخوف نام مع الثاني وبس

[على رمشي تمشي]

يمكن اسد مغرز حولكم

[نجم الصداوي]

..
.. دودهـ دودهـ خلصت الحدودهـ
..
.. توقعت بــآخر شي ...تقول .. بعدين صحيت من النوم .. أثري ببيــتــنا...!!

[عبدالله المنصور]

صراحة مدري وش المقصود من القصة؟؟

وبعدين يعني اذا سمعتوا صراخ ؟؟

[النجم السراي]

الرجال اعطانا قصه ومافهمناها
تحطيم الرجال من الردود

اشوف ماله رد على الاعضاء
وشكله الغى العضويه ومشى


بس اذا كانت في خيمة السوالف الشعبيه
كان افضل

[1122334455]

الله يهديك كان كشتو باقرب حديقه هههههههههه

[درعا وي]

السلام عليكم وراكم عاد تجدعون(جدعنا جدتنا) جدكم والله لو انها شيء من اغراض الكشته كان قلت نزلنا جدتنا وحبينا على راسها الله يحفظها لكم

100%
وعلى العموم
الحمدلله على السلامه

[«نجم الخير»]

من سرد الكلام يقصد انهم سمعو اصوات للجن والله اعلم

[kshtat999]

صراخ ونوم وحليب نياق هذي العناصر ننتظر اكمال الموضوع كماوعدتنا(هع)
متى الجزء الثاني الاساسي والمحوري؟

[ام الدجيجات]

حرام بعض الناس ماله حظ ولايقدر يعبرر
قصتك غير مفهومه ليتك ماتعبت نفسك وكتبتهاا