هل تخاف من القير الاتوماتيك في البر ؟؟ [الأرشيف]

مشغول

09/10/2005, 10:57 AM

السلام عليكم ورحمة الله وبركاته

حي الله الشقردية ..

الحقيقة كان معي لاند كروزر gxr2001 قير عادي .. وكنت اسوقه في الدهنا والصمان والثمامة ولا كنت اخاف من شيء بالموتر .. والحين معي gxr2002 قير أتوماتيك والحقيقة اني خايف من القير يتعطل علي لأني سمعت إنه يفصل إذا ارتفعت حرارت القير خاصة في الطعوس ... وهذه والله مشكلة .. لدرجة إني فكرة أبيعه .. وادور قير عادي..

المهم .. هل فعلا القير الاتوماتيك عليه مشاكل وممكن يوهق ؟؟

وين اهل التجارب و الخبرة والميكانيكيين .. ؟؟

منتعش

09/10/2005, 11:19 PM

يابوعبدالله خل عنك كثرة الكلام .
وخل موترك معك .

وإلا تبي تقهرني !!!!

المنبسط

10/10/2005, 12:41 AM

السلام عليكم ورحمة الله وبركاته
مساك الله بالخير أخوي مشغول (الله لا يشغلنا وياك إلا في طاعته)
الشهر مبارك ,أنا معي جيب توماتيك وأطرق عليه , أقول أنت أدرى بنفسك فهل دخولك للنفود كثير ؟ وهل أنت تجر على الموتر وتتعمق في النفود؟إن كان الجواب نعم فالعايدي أفضل وإن كنت من سكان مدينة مثل مدينة الرياض وتدور الراحة فالتماتيك زين.
أخوك المنبسط

الـمـطـيـري

10/10/2005, 12:56 AM

وعليكم السلام ورحمة الله وبركاته
الله يحييك أخوي
نـــــــعــــــــم نـــــخـــــــاف مــــــــن الـــــــــــقــــــــيـــــــــــر الــــتــمــاتــيـــك
الاسباب
1- لا سمح الله خنست بطاريت السياره ماتقدر تشغله
2- في التخاريز ماتقدر تستايس الموتر
3- ماتقدر تتحكم في السياره اذا كنت تطرد زرف او شي
4- اذا احتر القير في السيارات الجديده يقولون السياره ماتمشي

وحنا صارت معنا سالفت البطاريه كان معنا جيب تماتيك والله قعدنا يوم متعطلين في البر ماكان في تلفون ولا ستيشن ايام 1988 والبر خـلـي ومن السالفه هذه كرهت التماتيك :)

اما الحين انا اقولك عادي خلك على موترك والله يعطيك خيره ويكفيك شره عادي لان
اذا الله قدرت وخرب (تلفون) موجود :)

بواسامه

10/10/2005, 01:21 AM

اشارك اخوي المطيري الرأي

عيب التماتيك اذا نسيت الثلاجه ولا الايكوم شغال وسحب البطاريه وانت صاد في مكان ما
ولا معك خوي
تشرب هواء

شمســـان

10/10/2005, 01:26 AM

السلام عليكم ورحمة الله وبركاته
اخي العزيز
القير الأوتوماتك ليس بهذا السوء لكن تحتاج الى مايلي
1- تغيير فلتر القير كل 15000كم
2-اضافة بطارية احتياطيه وتنفع لتشغيل الكبوس والثلاجة واي اجهزه اضافية آخرى.كما انها تكون مصدر تأمين للبطارية الأساس
3-لاتدع احدا يقود سيارتك ذات القير الأوتوماتك في المناطق الرملية وخاصة صغار السن فانهم لايكترثون لشي بسبب رغبتهم باثبات قدراتهم
4-اذا كنت في منطقة رملية متواصله فيلزمك ان تثبت القير على الغيار الثاني. وهذه لها فوائد منها عدم تمكين القير من تبديل النمر بكثرة مما يجعله يسخن. وكذلك لكي تحافظ على قوة عزم السيارة.لكن لاتكن سرعتك فوق قدرة النمرة
5- اذا غرزت السيارة فلا تكثر من دفعها للأمام ثم للخلف لمحاولت اخراجها لآن ذلك قد يتسبب في تلف الجير لاسمح الله..لكن اذا رأيتها في منطقة وعرة فبادر بتفريغ هواء الأطارات الى المستوى الذي يسهل على السيارة الخروج من مأزقها
هذا ماحضرني في هذه العجالة ولعلك أخي اكثر خبرة مني لكني احببت المشاركة وابداء النصح.
واستودعك الله

مشغول

10/10/2005, 11:54 AM

هلا أخوي المنتعش

جعلك تنتعش دايم مثل أخر مرة في الثمامة ..
اقول الشكوى لله أحس ان الاتوماتيك خكري ومدلع ما يصلح لي ..

.................................................. .....

أخي المنبسط
الله يتقبل منا ومنكم الصيام والقيام..
الحقيقة أحب اطلع للنفود كثير واحب العب فيها بس بركاده وعقل .
شكرا لك .

.................................................. .....

مراحب اخوي المطيري
اما عن البطارية والموتر ما اشتغل فهذه مو مشكلة لأن اطرف واحد يمر جنبك يعطيك اشتراك .. لكن البلى في القير الله يستر
واشكرك على تفاعلك واهتمامك .

ذكرت في مقالك :
3- ماتقدر تتحكم في السياره اذا كنت تطرد زرف او شي .
وش معنى ((زرف)).

............................................

مرحبتين ابو اسامه

يا حبيبي البطارية حلها بسيط .. ركب احتياطية وتنتهي المشكلة

شكرا لك مرورك .

.................................................. ......

هلا وغلا بالباجيرو

الحقيقة نصايحك في محلها .. ومحتاج مثلها .. ولابد اخذ الاحتياط
بالنسبة للفقرة الرابعة .. ليش ما احط القير من البداية على الرقم 2 وافتك .. وهل فيه مشكلة اذا مشيت به فترة طويلة .

اشكرك على النصايح يا بعدهم

...............................................

حتى الان خايف من القير هل فيه احد يمكن يطمأني ... ارجوا ذلك

بو خليفه

10/10/2005, 12:21 PM

ياعزيزي
الجير الأتوماتيك جداً ممتاز بس المشكلة عندنا سوء الاستخدام فيجب عليك تغير زيت الجير عند 40000 ألف كم مع الفلتر إذا كان موجود
و يكون عندك بصفة دائمة اشتراك أما الرمل جداً ممتاز حاله حال العادي و يقلل من تفحيط الكفر و يوجد شاحنات تحمل 30 طن و هي جير اوتوماتيك و تعمل فوق 50 سنة لحد الآن و تستخدمها شركة الكهرباء و أرامكو و لم تتعطل و يوجد الباصات من سنة ثمانين هي أوتوماتيك و لم يتعطل الجير يوم
فكن قنوع بالأتوماتيك

وين يبون بنا

10/10/2005, 12:31 PM

حيالله العم مشغول .. وشلونك وكل عام وانت بخير وجميع القراء ..

انا الحقيقه معي VXR 2001 والحقيقه يا ما رحت وجيت عليه بر وحصيان ونفود .. والموتر ما مثله الحمد لله صيفاً وشتاءاً .. ولكن لازم انك تحرص على موضوع تغيير زيته أولاً ولاتحرص انك تسحب احد مغرز ثانياً .. ومثل ما ذكروا الشباب خله بالثاني اذا دخلت النفود الين يستوي بك الخط وبعدين خله يريح .. والله يطعمك خيره ويكفيك شره ويجعله مركوب العافيه والسلامه .. تحياتي :D

مشغول

10/10/2005, 12:50 PM

الله يعطيك العافية أخوي ابو خليفه
الصراحة ان الاوتوماتيك مريح وجربته في النفود ممتاز
والحقيقة بديت ارتاح

وشكرا لك مرورك الطيب

.................................................. .....

مسيك بالخير وين يبون بنا ... والله يا اسمك طويل ومدري وش يبي .. امزح

اولا وينك من زمان يا القطوع ما شفنا لك مواضيع .

ثانيا .. اما مسألت السحب والله كنت مهبول سحب بالجيب الأول القير العادي .. لكن الحين اظاهر بهون .

ثالثا .. وضع القير على الرقم 2 ما جربته ابد .. وسيكون تحت التجربة

شكرا لك .. ولا تقاطعنا ..

.................................................. ..

جاء في بالي سؤال .. هل كثر تغيير القير الاوتوماتيك يرفع درجة حرارته .. يعني مثلا طلعات الكبيرة في جنوب المملكة يبدأ القير في تبديل النمر من والى فهل هذه ترفع درجة الحرارة وبالتالي يؤدي إلى تلف القير .. ارجوا الافادة ..

شكرا لكم

الشقردي

10/10/2005, 01:10 PM

السلام عليكم ورحمة الله وبركاته

مثل ماقال الاخ وين يبون بنا ونصايحه في محلها

انا الحقيقه معي VXR 2001 والحقيقه يا ما رحت وجيت عليه بر وحصيان ونفود .. والموتر ما مثله الحمد لله صيفاً وشتاءاً .. ولكن لازم انك تحرص على موضوع تغيير زيته أولاً ولاتحرص انك تسحب احد مغرز ثانياً .. ومثل ما ذكروا الشباب خله بالثاني اذا دخلت النفود الين يستوي بك الخط وبعدين خله يريح .. والله يطعمك خيره ويكفيك شره ويجعله مركوب العافيه والسلامه .. تحياتي

أنا معي VXR98 توماتيك طبعا وطبيت فيه كل المحلات

وزيادة على كذا ما عندي مشكلة بالسحب وأحد التجارب جمس دفرنسين مغرز بالنفود وعلى الشاص ولا هوب وقت مطر بس تعال بركاده ونسم الى 15 ومهد لك طريق قبل تسحب وتوكل على الله

واسلم وسلم

الكونترولCONTROL

10/10/2005, 01:46 PM

أنا معي Vxr98 توماتيك طبعا وطبيت فيه كل المحلات و هو افضل من العادي في التخلص السريع من التغريز المفاجيء حيث تتمكن من الدعس فورا ... دون الحاجة الى ارخاء القوة بواسطة الكلتش
و هذا اعتبره عيب في العادي حيث انه يزيد الطين بلة عند التغريز المفاجيء .
============================================
اما السحب فإنهم يحذرون منه كثيرا بالنسبة للقير الأوتوماتيك !!!
و انا بصراحة مع ذلك ما اترك احد يحتاج سحب الا اسحبه !!! و ما شفت مشكلة .
============================================
يعني الاوتوماتيك افضل و لا فرق شوي !!!
و لكن الكلام هذا ينطبق فقط على سيارات تويوتا و نيسان ... فقط ... فقط ... فقط

مشغول

10/10/2005, 01:47 PM

هلا والله بالشقردي

الحمد لله القناعة عندي الان بدت تزود بردود الاخوان الله يعطيهم العافيه

شكرا لك

مشغول

10/10/2005, 01:51 PM

مرحبتين كبار أخوي ابو هبال

كلامك صحيح في النقطة الاولى .. في سرعة التخلص من الغراز

وودي اقول الان .. اتوماتيك وبس

شكرا لك تفاعلك

osda

10/10/2005, 02:38 PM

السلام عليكم ورحمة الله وبركاته

هل الكلام عن التماتيك للتويوتا و النيسان فقط أو الأمريكي بعد؟؟

و كل عام وأنتم بخير

منتعش

10/10/2005, 09:50 PM

خلاص بابوعبدالله لا تبيييييييييع .
خلنا نروح عليه لــ ( حائل )
ودمت في رعاية الله .

الكونترولCONTROL

11/10/2005, 01:38 AM

وينكم يا اهل الامريكي ... أجيبوا خوينا

شمســـان

11/10/2005, 03:42 PM

بالنسبة للقير الأوتوماتك الأمريكي افضل واضمن واكثرتحمل من الياباني والله اعلم

osda

12/10/2005, 12:37 PM

مشكوووووور على ردك اخوي باجيرو

salehhd

12/10/2005, 01:59 PM

السلام عليكم

الشاباب ما قصرو والتماتيك اثبت قوته وقدرته على التحمل واكثر الجيوب الجديدة تجي تماتيك

بالنسبة لي عندي باث 2004 تماتيك ومريحني في التطعيس ومافي مشاكل ولا يحتاج تبدل وترجع نمر حطة على d2 وخلاص

مشغول

12/10/2005, 02:13 PM

الله يعطيكم العافية

والله ما قصرتو .. والواحد الحين يروح البرو هو مطمأن

تسلمون يالغالين

ابوفهد2378

12/10/2005, 03:18 PM

بالنسبة للقير التماتيك يااخوان مايتحمل الا المككينة الكبيرة يعني مع vxr حلو لانه ثمانية سرندل يكون المجهود على المكينة اكثر من على القير

الكونترولCONTROL

12/10/2005, 03:44 PM

ايه هين يا الي تقول الاوتوماتيك الامريكي افضل من الياباني !!!!!!!!11
==================================
ما فيه شي احسن في الامريكي الا المراتب و مساحات القزاز !!!!!!!!!!!!!! ايه هين

خيال الغلبا

13/10/2005, 01:14 AM

انا معي في اكس ار تماتيك ومن احلى مايكون

الببر

13/10/2005, 12:52 PM

مشكورين بس التماتيك اريح وكان عندي Gxr 2\2003المطور تماتيك والله كان قوي ومريح ولفينا به البر على حدود العراق ولاعليه
وان سافرت قل يابعدي صراحه اذاسافرت مريح ماتشعر به الله يذكره بالخير كان سندي
وبعته لماعمرت بيت والله يعوض
خلك مع التماتيك وبس الا ان كنت تطول بر صعب التضاريس ودائم تروح اشتر قير عادي غمارتين والا ونيت وفلها بالتوفيق

nti22

13/10/2005, 01:19 PM

انا معاك يا ابو هبال فعلا اللي اشوفه ويعني كم واحد اسمعه يقول ان القير الياباني افضل من الامريكي

مشغول

15/10/2005, 10:31 AM

حي الله ابو فهد 2378
الله يهديك الحين الواحد ما صدق يطمأن شوي .. تجي وتقول الاتوماتيك يتحمل الماكينة الكبيرة ..أممم

شكرا لمشاركتك .

..........................................

مراحب ابو هبال .. وانت الصادق ما فيه ازين من صدام الامريكي ..

................................................

هلا بك خيال الغلبا ..

الله يستر عليك وعلى جيبك
شكرا لمشاركتك

.......................................

مرحبتين كبار يال الببر

كلامك زين وفي محله .. مرييييح مرررة ..
أسأل الله ان يعوضك خير من اللي بعته ..

...............................................

nti22 حياك الله

مشاركتك شرفتنا

..

وهلا بكم جميعا

ابراهيم

15/10/2005, 11:16 AM

السلام عليكم جميعا
الأخ مشغول اولا على البركه السيارة والله يعطيك خيرها ويكفيك شرها بالنسبة للقير التماتيك ممتاز جدا ولامنه مشاكل الا في حال سوء الاستخدام كعدم تغيير زيته والفلتر وخلافه مع انه جديد على الياباني لاكن اثبت جدارتة وبالنسبه للأمريكي من طلعت سياراتهم ويجي فيها تماتيك موديلات في السبعين والستين فاعتقد الخبرة الطويلة كفيلة بأن تجعل قيورها ذات جودة. وسيارتك ريح فيها الله يطرحلك فيها البركة

محب الشمال

31/10/2005, 08:45 AM

اخوي عندي بس نقطة وتعقيب على بعض الردود
وهي ان البعض قالوا اذا ما تروح للبر والطعوس كثير خلك على التماتيك طيب ماشي بس فيه شي ابي اقوله
وهو الموضوع انك لو تطلع مره وحده في السنه اسمك طلعت يعني لو تعرز لا سمح الله لازم تحسب حسابك في هذا الشي يعني انت طلعت مره وحده وغرزت كانك طالع عشرين مره الغراز هو الغراز ونفس الموقف ونفس العملية باحتاج مساعده
اقصد حتى لو تطلع قليل نفس الشي لازم تستعد
بعدين العادي ممكن (_ تنتعه _)

الله يحفظك ويرعاك

ربيع الشمال

31/10/2005, 01:26 PM

اذكر ان مجموعة من الاصدقاء ارادو الذهاب الى حائل من منطقة الجوف عبر النفود في الصيف الماضي وكان لدى احدهم جيب Gxr2003اتوماتيك وبعدما تشاور قرروا الذهاب بواسطة جيب قير عادي نفس النوع والموديل تحسباً وخوفاً من التماتيك وكل شخص له وجه نظر .علماً بانني لست من مؤدي التماتيك

مارشال

31/10/2005, 01:32 PM

السلام عليكم
السته سرندل ماينفع توماتيك الافي الديره
والثمانيه سرندل ما عندك مشكله حتى لو في النفود

هذه خلاصة تجربتي .....

سقيا.....

31/10/2005, 01:42 PM

السلام عليكم .....
افضل ان كان هناك كلام علمى بحت عن التماتيك وليس رجم بالغيب علما ان اليابانين حريصين اشد الحرص على سمعت منتوجاتهم لاسيما تويوتا

SilverSniper

01/11/2005, 02:15 AM

في رأيي أن القير الأوتوماتيك عيب في سيارات البر..
سيارة البر يجب أن تكون سيارة يعتمد عليها في الظروف الصعبة وتكون عملية تحت أقسى الظروف بدون الالتفات إلى الكماليات الأخرى مثل الراحة والأنظمة وغيرها مما لا يفيد راعي البر..
القير العادي يعطيك تحكم أفضل بالسيارة ومرونة أكبر مثل مد النمرة وردها دون تدخل خارج عن ارادة السائق.. كما أن القير العادي قليل الخلل مقارنة بالأوتوماتيك.. ويعطيك ميزة النتع.. التي لا غنى عنها في خراب السلف أو البطارية..
الحمد لله..
سياراتي.. فكسار 93.. ونيت شفر 77.. بليزر90.. كلها قير عادي

قناص الليل

01/11/2005, 02:23 PM

القير العادي يعطيك تحكم أفضل بالسيارة ومرونة أكبر مثل مد النمرة وردها دون تدخل خارج عن ارادة السائق.. كما أن القير العادي قليل الخلل مقارنة بالأوتوماتيك.. ويعطيك ميزة النتع.. التي لا غنى عنها في خراب السلف أو البطارية..

الـمـطـيري

01/11/2005, 06:03 PM

السلام عليكم ياصاحبي خذ نصيحه لا صار عندك لاندكروزر وانت راعي طلعات مقانيص ومكاشيت وتطعيسمافيه اطلق من العادي واحسن منه لاتحاول واتوماتيكي الصراحه ماجربته لكن العادي شي اي نوع في اللاند والعادي يصير لك القدره على التحكم في الموتر اكثروتحس فيه ان الموتر كله صار بين يدينك وحده على الدركسون والثانيه على القير

ابوذيب

01/11/2005, 09:09 PM

الا بعه واشتر قير عادي مادام انك طير بر ، ولا تشغل بالك بالقير اذا احتر ، او بالطاريه اذا فضت والسير عيا يفتر ،ن عليك بالعادي في جرعا والا بوسط الانفادي ،، وتحياتي لك يامشغول ، واحذرتاكل بالبر الفول

تحياتي للجميع

مقـداد

01/11/2005, 09:19 PM

الغالي - مشغول تحية لك وللزملاء (( وكل عام وانتم بخير ))
وين جبت هالموضوع .......... والله انه هاجس اخوك كل ماشديت على الموتر ابي البر , لأني اخاف من التماتيك وخاصة (الجمس ) ولكن ردود بعض الزملاء طمنتني شوي
وشكراً لك على الطرح

نيفادا

02/11/2005, 07:17 AM

[B :D مرحبا اخوي مشغول أنا معى gxr2001 قيراتماتيك وهو مع ممتاز اطلع بة للبر وماعليه خلاف نسم الكفر على15
يكون على نمره 2dوأذا استوى الطريق اريحه على النمره dوعادي تغير بين النمرات وهو يمشي بين dوd2
واذا غرس الموتر وطاح ! مالك الا نمره L
الله يعطيك خيره ويكفيك شر :good:
وكل عام ونت بخير عيد سعيد :redcar:[/B]