هواء الكفرات

[ابوبشاير]

السلام عليكم مساكم الله بالخير انا معي جمس انفوي طويل سؤالي كم احط هواء بالكفرات واغلب الوقت السياره فاضيه انا لحالي ولا احمل بها عفش ثقيل سواء اغراض البيت غيرت الزيت وحط البنشري 35 في كل الاربع بس احس ان الكفر صار قاسي مع المطبات والحفر انقص شوي وكم يصير قدام والخلفي وشكرا

[ArMaDa1398]

الافضل هو 35 لكن اذا استخدامك داخل المدينه ممكن تخليه 30 واعمل حساب زياده استهلاك للبنزين

[You Like Me]

وعليكم السلام ورحمه الله

اذا انت راعي خطوط 35 حلو
اما اذا داخل الديرة 30 اشوف انها مناسبة

[مدمن فتك]

الافضل ماقررته الشركة الصانعه وتحصله اذا فتحت باب السواق تحصل ستيكر مكتوب عليه ضغط الكفرات الاماميه وضغط الكفرات الخلفيه
اما 35 الناس تناقلوها وهي غير صحيحه نسبيا

[عاشق السيل]

وعليكم السلام ورحمة الله وبركاته ،،

أنا أتفق مع أخوي ( يو لايك مي ) إذا كنت بالمدينة حط بالكفرات 30 ترتاح من عيون القطط والمطبات ،، وإذا بغيت تمسك خط بالشتاء عادي خليها 30 أما بالصيف لازم تخليها 35 أو 40 أفضل !!!

[mr_red]

مع احترامي للكل وارائهم

كلام الاخ مدمن فتك هو الصحيح وانا اتفق معاه

لكن من يوم عرفنا السيارات ونحط 32 قدام و30 ورا

بالتوفيق للجميع ,,

[مدمن فتك]

مع احترامي للكل وارائهم

كلام الاخ مدمن فتك هو الصحيح وانا اتفق معاه

لكن من يوم عرفنا السيارات ونحط 32 قدام و30 ورا

بالتوفيق للجميع ,,
هذا الكلام الصحيح شكرا لك عزيزي:good2:

[التعـ King ـديل]

انا بالكفرات العاديه ( النقشه ) احط 35 وعلى كفرات البالون 40 ولا شفت الا العافيه واذا تبي تجرب حياك معي فتك هواه 40 على كفرات بالون

[ابوصالح77]

عندي قاعدة : يهتري الكفر ولا يتفكك الموتر
ولا يخفى عليكم شوارعنا الجميلة لوتفتر الملكة من شرقها إلى غربها ومن شمالها إلى جنوبها ما تحصل حفرية ( والعكس صحيح )
لا يتعدى الهواء 30 إلا إذا كنت محمل واجد يمكن ترفع ضغط الهواء إلى 35 - 40
ومن وجهة نظري: الضغط اللي أشوفه مناسب في الديرة ولا يموج فيك الموتر ( 25 )
وانا الأن سفر وديرة وتانكي ماء وعزبة ما يتعدى 30 سواءً العادية أو البالون
تقبل مروري
تقبل مروري