التطعيس قبل التفكير ( هذه النتيجة بالصور )

[عاشق الجبل]

السلام عليكم ورحمة الله وبركاته


التطعيس والحماس الخالي من التفكير والتريث خاصة في الليل هذه نتيجته اضافة الى الغشامه .


((( فإذا كنت تثق بسيارتك وقيادتك فلا تثق بالأرض التي لاتراها )))


http://www.swalif.net/sforum1/attachment.php?attachmentid=1320&stc=1


http://www.swalif.net/sforum1/attachment.php?attachmentid=1321&stc=1


http://www.swalif.net/sforum1/attachment.php?attachmentid=1322&stc=1

http://www.swalif.net/sforum1/attachment.php?attachmentid=1323&stc=1

http://www.swalif.net/sforum1/attachment.php?attachmentid=1325&stc=1

http://www.swalif.net/sforum1/attachment.php?attachmentid=1324&stc=1

http://www.swalif.net/sforum1/attachment.php?attachmentid=1326&stc=1

http://www.swalif.net/sforum1/attachment.php?attachmentid=1319&stc=1

[a7la>1]

مشكووووووووووور على الصور
واللي ما يعرف الصقر يشويه

[غيّام]

مشكور ابو منصور على الصور وجزاك الله خير

[رحال الزبير]

الله لايبلانا ...............صدق اخوي a7la>1 اللي مايعرف الصقر يشويه

بس كأن ذولي اجانب .....او انا غلطان

واتوقع انهم يا بالشرقية او الامارات

وشكرا لك ياعاشق الجبل على الصور الرائعة

[بواسامه]

الرابط المشترك بينهم جميعا هو

الغشامه

هم جايين سياحه ويسمعون بالتطعيس
قالو نجرب عشان كذا قاعدين يصورون :D
ياسفى والله بالمواتر عليهم

الف شكر لاخوي عاشق على النقل

[عاشق الجبل]

الأخ : احلا ...... فعلآ اللي مايعرف للصقر يشويه .


آمين وإياك أخوي غيام


لاهنت أخوي رحال الزبير وهذه الصور من الإمارات العربية وكما هو واضح من لوحات السيارات .


الشكر موصول لك أخوي بوأسامه على مرورك .

[krar]

اي والله الغشامه مشكله

بس ترى الطعوس يبيلها سواق طاره فنان وسريع البديهه

الله يعين
نهابد من راس الى راس ولا ندري وش وراها لكن ربك ستاااااار

[ع.ف.الدرويش]

والله ورطه ما بعدها ورطه ــ:)
ولا أشد منها بعد بالذات إن كان الموتر واحد.. وش السواة..؟
وصدقت يا عاشق الواحد ما يثق بالارض اللي يمشي عليها أبد.. أبد
لكن ..
أبسألك في هالحالة وش الحل..؟
فرضـــاً إضطر الواحد إنه يسوق بالليل.. وش السواة..؟
وش النصائح اللي ممكن توجه له..؟ (( لك وللقراء ))
.
.
شكــــراً لك يا عاشق على الموضوع والصور.. وبارك الله فيك
.
.
أبو فهــد..

[رسلان]

نسأل الله العفو والعافية ..

شر البلية مايضحك ...
يبدو أن صاحب السيارة في مشكلة والشباب في لهو منبسطين :) ...
تفنن بالصور ؟!!!


عافاكم الله ...

[المطرطع]

مشكور وما قصرت على الصور الحلوه

وانا اقول اللي ما ياخذ حذره يلقى شي ما يرضيه

[عاشق الجبل]

الأخ : كرار .... هذي هي مشكلة بعض الشباب .



الأخ : ع.ف.الدرويش ..... سواقة الليل في الرمال وخاصة قطع العروق يبي لها واحد يعرف مذابح العروق وهي عبارة

عن أضعف منطقة في العرق يمكن الخروج منها .

ولابد من شخص يعرف الأرض أو شخص راكد عنده خلفية سابقة بالرمال .



لاهنت أخوي : رسلان



صدقت أخوي المطرطع

[path_poth]

السلام عليكم

ابو منصور لاهنت على الصور، الشرهه على اللي عطاهم مواتر



إيش الحركات التوقيع الجديد

عزالله أن البيـج للبـر نوماس *** من حارشه شاف القهر والمذله

[منتعش]

مهب كل من شراء جيب أو موتر للبر سواق .
يعطيك العافية على الصور الجميلة . بس فضحت خويك .

[هبوب]

مشكورصور حلووووة

[عابد]

الأخ عاشق الجبل
السلام عليكم ورحمة الله وبركاته

مشكور على هذا الموضوع كما تعودنا منك موضوع طيب مثل كاتبه وصور قمة في الروعة والله يستر علينا عسى مانورط مثل القوم لأني أحياناً أغامر وانا غشيم في في التطعيس بس مغامرتي بحذر .

اخوك عابد

[مرقاب الشرق]

عاشق الجبل مشكور صور رائعه خوش نصائح .

بس يقولون البحر غدار وهذا بحر رمال اللعب فيه ممتع ولاكن خطر .

بس يأخوان وشلون يطلع الواحد منا اذا صار لحاله وطاح بمثل هاذي ؟؟

ارجو من الاخوان المشاركة .

[الفشق المتوووسع]

السلام عليكم ورحمة الله وبركاته
اخوي عاشق الجبل صور حلوه ومواعض تشكر عليها
لكن تصدق شوقتنا للتطعيس :D :j
جزاك الله خير واقبل تحية اخوك الفشق المتوووسع. :good:

[**( تلمي )**]

قمـــــــــــــــــــــــــــــــــــة الغشامة ................................

[اسيزو 4x4]

مشكور يا أبو منصور دايم مفاجئاتك شي فتاك

ويا حسافة هالمواتر على هاللعب

.

[الوشاح]

هذة من اخطر الاماكن بالنفود...........وأذا توهقت مثل الي بالصور ......فرغ الكفرات من الهواء (خل هو الكفرات صفر) وبأذن الله تطلع .

شكراً عاشق الجبل

اخوك ... ابو صالح

[عاشق الجبل]

الله لايهينكم يالربع على الردود


والموضوع منقول من أحد المواقع الإماراتية للفائدة

[حـاتـم]

واله ياهم مطافيق يعني تشوف المشكله قدامك وتطب فيها ؟

زي راعي الاند الفضي والباترول الفضي يعني الدعوه غشامه ولا غباء

بسة شكلهم يذبونها علشان يصورونها

ولا

وشكرا ا0خوي عاشق الجبل

اخوكم / حاتم

[عاشق الجبل]

على ماقالوا :

غشيم ومتعافي :)

لاهنت أخوي حاتم

[العاني]

السلام عليكم ورحمه الله وبركاته


تسلم اخوي عاشق الجبل على هالصور


عزالله انك صدقت ان وثقت بسواقك ماوثقت بالارض وهذا دليل ان الواحد من لايغامر بأرض مايعرفها

[أبو يوسف]

الله يحمانا
والله بالليل ما تقدر توهق
اقضب ارضك ولا تحرك الا مع جواد وعساك تسلم

مشكور اخوي عاشق الجبل
مع التحية

[عاشق الجبل]

لاهنت أخوي العاني والله لايعنيك لمكروه


حياك الله يبويوسف

[حرباش]

صور في قمه الروعه
وتنبيه ونصيحه تشكر عليها :)

قصه ذكرها لي احد الزملاء لجيب شاص من حقات حرس الحدود ضربولهم شي على سرعه وصار عله بالدبل ، شوي وطبو في في مثل ذي ، والكلام ذا على المغرب ، والفضل لله ثم لأجهزه الإتصال ولا جاهم اخوياهم الى على مشراق الشمس لان المحل كان بعد 450 كيلو تقريبا عن المركز، وتم انقاذهم ، اما الموتر فجلس ثلاث ايام الين تم اصلاحه وبعد ذلك تمكنو من اخراجه .

يعطيك العافيه يابو منصور وبيض الله وجهك ;)

[عاشق الجبل]

لاهنت يالشيخ حرباش على المرور

[الساجي1]

تسلم اخوي عاشق الجبل على الصور

وهذي سيارات ايجار لسياح الاجانب في الامارات من عمره مشاف نفود وبزعمه ان محدن قده وسيارته 4x4

[بواسامه]

ايه ياشبا
اتوقع بعد فتره
بنشوف هالمواتر المطعس بها
بمعارض الشفا والنسيم
جايبينها غشمانا
اللي يحسبون لازم وواجب من راح لدار زايد يجيب موتر

وبتذكرون كلامي
تصدقون اني شايف في الرياض ليموزينات دبي كامريات جايبها غشيم :D
وانه ارتاع يوم قلت له ان سيارتك ليموزين بدبي والظاهر اني زد ركبتها بعد :D

يالله ارزاق يوزعها الرحماااااااااااااااااااااان سبحانه

[بو خليفه]

آنا عندي مثل و سبق حدثت لي
أي خطأ يكلفك إذا كنت لوحدك فأخذ الحذر و أخذ أدوات معك و الماء الكثير و غيره
و اتبع طريق المسلمين إذا كنت لوحدك فلا تخترع طرق جديدة لأن أي خطأ سيكلفك الكثير إذا كنت لوحدة

[شـهـاب]

اعوووذ بالله


هذي المشكله والله

شلون لو انت بعد لحالك والله ماتطلع هههههههههه
مشكور على الموضوع

[magid]

ممكن إنهم مسرعين وموشايفين

[الشاص]

الله يعطيك العافيه اخوي

بس مثل ماتشوف بأاغلب الصور تلاحظ قلة المهاره باتفادي السيوف وعدم معرفه متى يهدي ومتى يسرع

وكبف تفدي تعلق الموتر وعدم التروي قبل النزول من فوق روس الطعوس واهم شي معرفة كبف قص العرق والنوازي بأقل جهد من السياره مع اسهل الطرق ومعرفه قيادة السياره يعني قيادة الربع تختلف عن قياده الشاص عن قيادة الصالون لان كل سياره لها
ميزاته وعيوبه بالقيادة والقوه وقصر الشاصي ....

[أبوفهد]

هههههههههه

من يوم شفت الشاص أحمر وأنا غاسلن يدي

وما أقول إلا
.
.
.
.
اللي مايعرف للصقر يشويه

[عاشق الجبل]

صدقت أخوي الساجي ... وجلد ٍ مهمب جلدك جره على الشوك :)


أزراق يبوأسامه أزراق والله من واحد ٍ راح للإمارات يدربي رأسه وتورط بموتر خابور :)


نعم أخوي بوخليفه والسعيد من أتعض بغيره :)



تسلم أخوي شهاب



الأخ : ماجد ..... اللي يوصل هالأماكن لازم يفتح زين




صدقت أخوي الشاص لكل سيارة مميزتها وقيادتها .




الله يرج أبليسك يبوفهد ..... تصدك أني قبلك ضحكت على لون الشاص ( أحمر وأطراف الرفارف رصاصي ) :)

[خيال الغلبا]

من يوم شفت الشاص عنابي وانا حايمت كبدي

[محب البر]

بسم الله الرحمن الرحيم
السلام عليكم ورحمة الله وبركاته

الغالي عاشق الجبل

مشكور على هذا الموضوع والصور المعبرة التي أحسنت إختيار نقلها والتعليق عليها

فعلا وراء الأكمة ما ورها لو ما أخذنا الحذر والحيطة

وجزاك الله خير

أبو مروان

[عاشق الجبل]

الأخ خيال الغلبا ........ كلنا حايمة كبودنا من ذا اللون :)


لاشكر على واجب أخوي الغالي أبومروان

ولي شرف خدمة كل مشرف وعضو مكشاتي في مكشات :)

[محب الشمال]

مشكور على الصور بس في بعض الصور صراحه تحس ان السيارة ما رايح تطلع حتى لو تسحبها

كلام الاخ بو خليفة سليم
لازم الواحد يحسب حسابه وين ما يروح ولاي مكان ياخذ معة كمية كبيره من الماء وكبيره جداً وكذلك الطعام
وذلك بعد توفيق الله والتوكل عليه

[salehhd]

نصيحة تمام وراح اخذ فيها في المستقبل

والله لايحطنا بمثل هذي المواقف