وش سالفة جيب اللكزس اللي علقت فيه دعست البنزين [الأرشيف]

المغترب979

18/12/2010, 10:33 PM

اليوم جاب لنا واحد من الشباب شرواكم في العمل يقول فيه جيب لكزس علقت فيه دعسة البنزين وهو ماشي 200 كلم الظاهر انه على طريق سريع وكلم الشركة بالمشكلة قالو له ارم المفتاح من شان يطفي ورماه من الشباك ولا طفى المهم حاول انه يوقفه بالفرمل بس ما وقف بدل القير ما استجاب القير للتغيير واتصل على امن الطرق وعلمهم بالمشكلة وفتحوا له الطريق والظاهر ارسلوا له دوريتين تمسح له الخط حتى يوقف بس ما وقف وفي النهاية ارتطم في بترة او صبة المهم يقول انه ماتو اللي فيه ثلاث اشخاص الله يرحمهم
هل انتقلت مشاكل التويوتا في اللكزس والله هذه مصيبة
اذا فيه احد يعرف بالسالفة ويأكد لنا الخبر هل هو صدق

بدوي جنوبي

18/12/2010, 10:35 PM

سوالف يا المغترب
كلام غير صحيح

تايقر11

18/12/2010, 10:48 PM

هذا الكلام صحيح وصار
واثار بلبلة اعلامية... مدري ليه تدافعون عنها

واحد مبسوط

18/12/2010, 10:52 PM

يالربع مشكلتنا نصدق اي شي
هذي سيارة عالمية
وتخضع لاختبارات كثيرة وفحص وتشييك
ولو صاير فيها اي مشكلة ماتطلع من المصنع
ولو فيها شي
والله ان تطلع حتى في القنوات العالمية
هذي هرووووووووج ولم نسمع تاكيد على اي شي

رشيد4

18/12/2010, 10:54 PM

الاخ تايقر11 هل عندك دليل صور او فيديو اثبت كلامك ليش قلت صحيح وصار

ابوعابد1

18/12/2010, 10:55 PM

لية حكمتو على السالفة بسرعة السالفة صحيحة وحاصلة على طريق حايل والسالفة مبطية شوي وتكلمو فيها كثير من الناس

stranger

18/12/2010, 11:02 PM

ونسيتوا مشكلة اللكزس في امريكا الي مات فيها 4 بسبب دعسة البنزين علقت والموضوع موجود في اليوتيوب

vza

18/12/2010, 11:04 PM

صار حادث على طريق الجوف - حائل
في احد الاعياد

ولا ادري عن صحتها

ويا كم شركة رجعّت بعض السيارات
ياللي تقول ما تطلع الا بفحص

vxr99

18/12/2010, 11:07 PM

هذي قصه من حساد موتر الشيوخ
يارجال وش هالقصه لا صور وفيديو ولاحتى اسماء اللى فالحادث وكل من يقول الحادث صحيح يا يعطينا صور او فيديو او اسم للمتضرر من مصدر موثوق اما نقل كلام فعقولنا اكبر من هالشي
اللي يستر على جميع المسلمين

روزفلت

18/12/2010, 11:10 PM

كلام صحيح والعيب بدعسة البنزين تعلق بعد 160 وبكل العالم لكن الفرق ان امريكا واوروبا سحبوا السيارات لاصلاح العيب وابو جميل اخذ الدراهم وماعليه من يعيش او يموت

YUKON_GMC

18/12/2010, 11:21 PM

السالفه هذي نسمع بها من خمس سنين ..

مره لكزس ومره في اكس آر ومره فتك ومره يوكن ومره همر

وصارت بكل الخطوط - طريق القصيم وطريق حائل وطريق مكه - وطريق الدمام

يعني هذه سالفه مالها اصل ولاتعقل ولاتدخل المخ ..

صارت تعلق توقف مايشتغل - سبحان الله يمكن راكبين صاروخ تشالنجر وألاديسكفري

ليه وين راحت الفرامل ووين راح الجلنط وين راح المفتاح ماطفاااه ولا بعد مايطفي ..

ووين راح تعشيق القير بالان والا الار وين ووين كل هالامور خربت جميع ... سبحان الله

قال وش دلك على الكذبه قال كبرها

المغترب979

18/12/2010, 11:22 PM

الله يعطيكم العافية
يعني السالفة صح
والله كثرت المشاكل في سيارات تويوتا
ظهرت المشكلة اذكرها في الافلون وبريفيا والاوريون والسبب غير معلوم
يغيرون الثروتل كامل في امريكا اما هنا محد يدري وش يسوون

ملك الإحسآس

19/12/2010, 01:17 AM

ههههههههههه فلم هندي والله

روضة الافلاج

19/12/2010, 01:45 AM

انا سمعتها لاكن ابي اتاكد من صحتها

ولد وايل..

19/12/2010, 02:07 AM

Joker fj

19/12/2010, 03:31 AM

يالله لك الحمد والشكر على نعمة العقل هذا الي بيحاول يخرب سمعة مواتر الشيوخ ولاهوب عارف كيف
ياسبحان الله دق على الشركه وردو عليه ورما المفتاح طيب كيف عرفت انه رمى المفتاح
اها لقيتو المفتاح وهو يمشي 200 او قال لأمن الطرق صحيح وبالعقل مايصور هالحادث!!!!!!!
وامن الطرق يمشون قدامه يعني فوق الـ200 ممكن وصبه بطريق سفر ياسبحان الله!!!!!!!!!!!!!
تراه مصخت عاد الله يعينكم اقول حاااااااااااااااول مره اخرى يابعدي هههههههههه

عبدالعزيزف

19/12/2010, 03:57 AM

كل السالفه يمكن اصدقها الا "الصبه" بوسط الطريق <<قووويه

القوبعي

19/12/2010, 04:12 AM

sale7sss

19/12/2010, 06:19 AM

http://www.japantoday.com/category/business/view/lexus-crash-inspectors-point-to-possible-flaw-in-gas-pedal-la-times

يذكر بالخبر ان فيه لكزس سيدان في كالفورنيا 3 توفوا بسبب ان دعسة البنزين علقت وسحبت تويوتا 3.8 مليون سياره عشان الخلل

واحد مبسوط

19/12/2010, 01:11 PM

تعلق الدعسه يمكن يعلق يمكن
لكن السالفة تقول
ان الموتر ثبت السرعة على 200
والفرامل مارضيت تمسك
والجلنط مارضي يمسك
والقير مارضى يعشق
والقزاز ماينزل
والبنزين فل
والسيارة هرجت تقول ولا واحد يفتح فمه ههههههه
يالربع حدث العاقل بما يعقل

النجم القطبي

19/12/2010, 01:23 PM

احلى ما فيها انهم اتصلوا على ابو جميل ورد عليهم :)

((ابوملاك))

19/12/2010, 03:23 PM

صحيح رمى المفتاح من الشباك وانا اخبره ما يطلع لا بـ P

تسولف على بنقاليه انت ؟

شقاوي الديرة

19/12/2010, 04:43 PM

سمعت بالإشاعة
ولكن مثل ما قالوا
وش دلك على الكذبة ؟ قال كبرها

vxr99

19/12/2010, 04:49 PM

انا صار ت لي نفس سالفت الجيب اللكزس لكن بددسن 84 على طريق الخرج
لكن الله ستر طفيت الموتر ووقف هذي عيوب التكونولجيا ولا ازيدكم من الشعر بيت كان معي خروف فالصندوق
كنت بجني عليه ومن بعدها حلفت الف يمين ما اشتري لا ددسن ولا جيب لكزس ما دمت حي
ههههههههههههههههههههههههههههههههههههههههههههه

هايم بالعالمي

19/12/2010, 05:03 PM

ماشاء الله السالفه ذي مرة على جميع مناطق المملكه اذكر واحد يقول على طريق القصيم وان القزاز والفرامل والقير والجنط كلها معلقه ولا قدر يطفي السياره وكلموامن الطرق وطلب من امن الطرق انه يرمي الكفرات تخيلو لو رماهم وهم ماشين 200 صدقني ليدفنونهم بحديدهم وذكر الشخص ان اللي بالسياره شخصين وان واحد منهم توفى يوم درى ان مافيه حلول لايقاف السياره بعدين طلعو مع مخرج وتقلبو ومات الشخص الثاني

سوال من اللي سرد هالقصه بالتفصيل مادام ان الاثنين ماتو معقوله الجيب

كاتلوني

19/12/2010, 05:20 PM

مساكم بالخير
القصة والله اعلم غير صحيحة
هل المشكلة موجودة ؟
نعم
ومن كلام واحد من موظفين لكزس
لكن
يقول المشكلة هذي تبان بالمناطق الباردة وكانت واضحة في أمريكا
وعندنا يغيرو قطعه مدري وش اسمها وتكون السيارة تمام
والله اعلم

توفيق البلوي

19/12/2010, 05:31 PM

انا اشتغلت بتويوتا شهر

توقع اي شي
والله يااخوان سيارات جديده يصدمون فيها اثناء التنزيل
ويصلحوها ويبيعونها لك على انها وكاله
والله على مااقول شهيد
ونصيحه لوجه الله
اذا تبي تصلح سيارتك خذ القطع من تويوتا وركبها برا
اما سالفت اللكزس الله اعلم

العاذر

19/12/2010, 05:50 PM

اي كلام ماعليه اثبات مردود

YUKON_GMC

19/12/2010, 09:38 PM

سوال من اللي سرد هالقصه بالتفصيل مادام ان الاثنين ماتو معقوله الجيب

:D:good2::D والجيب انعدم ! ;)! بس الظاهر ان قص القصه الزفلت :eek:

التعـ King ـديل

19/12/2010, 10:10 PM

من جد فلم هندي خخخخخخخخخخخخ

اجل امداه يكلم الشركه والمرور والدفاع المدني وامن الطرق هههههههههه

المهم يبو الله عطانا عقل...إذا ما شغلناه مشكله...

ما فيه ازين من الفرامل لو إن الموتر داعس ...يحجر ام امه...

مع اني نيساني ولا احب التويوتا لكن انا اوافق رأي اخونا ولد وايل

وش هالطريق اللي عندنا وتقدر تمشي فيه 200 وتكلم الشركه وامن الطرق وتجيك دوريات امن الطرق بعد

وسع صدرك الدعوه سوالف مجالس

جساس5

19/12/2010, 10:16 PM

طيب يفضي الموتر وتنتهي المشكله يوقف على طول

ويخلي ابنصه على تعليقته

بعدين اذا الي في السياره ماتو من الي قص التفاصيل هذي

YUKON_GMC

20/12/2010, 01:24 PM

تلقى هاللي ولف القصه يبحث عنها بالمنتديات عنها وميت ضحك على دلاخه بعضنا وحبه لنقل الشائعات ..

انا بكره بسوي لي دعايه واكتبها بمنتدى وبعد ساعتين لو بحثت عنها بقوقل بلاقيها ب 100 منتدى

الشنه

20/12/2010, 01:50 PM

اما فلم هندي وبس

jasser

20/12/2010, 02:43 PM

طيب وش رايك باللي شاف شوف العين اوريون موديل 2010 خاشه بدوار قدامه والسبب تعلقت عليه الدعسه ولولا ستر الله كان راح الادمي لكن شوية رضوض
المشكله اننا نسمع ونشوف لكن نطنش ليه لان الموضوع ما يخصنا لو السالفه حصلت في موتر واحد منكم كان اقام الدنيا وما قعدها
وفيه سبب اخر هو تعصبنا الاعمى وراء السيارات والمشكله ما نقتنع بالراي الاخر او على الاقل نحاول نصدقه

وانا عن نفسي لو ظهر في موتري اي خلل تصنيعي باكون اول من ينشر هذا الخلل وباحاسب الشركه على تقصيرها بشتى الوسائل - هذا وانا من محبين شركة فورد- لكن حياتي اهم عندي

عبدالله614

20/12/2010, 04:48 PM

وانا سمعت من مصدر مسئول ان شركة تويوتا اليبانية ارسلت صاروخ فيه طاقم مهندسين مختصين بدواسة
البنزين لأجل ايقاف السيارة لاكن مالبيد حيلة ماقدرو يلحقونه لان الصاروخ يفصل على الـ190
وصاحب اللكزس ماشي 200 والشكوى لله صدم وراح من كيس اهله

الصارم 444

20/12/2010, 09:39 PM

كل يوم نسمع مثل هالسوالف

لكن الله يستر

مافيه حماية للمستهلك من جشع التجار

karim06

20/12/2010, 10:03 PM

يالربع لحد يزعل علي علي ولا يشره
أنا من أهل الرياض وإذا رحت لديرتنا 300 كم من الرياض (قرية صغيرة ) وأهلها قراوى
والله إني أجلس أضحك على سوالفهم العالم في واد وهم في وادي ثاني
من ظمن سباحينهم ذا القصة لا ويعرفون واحدن من الجماعة رايحن من شهرين يعزي أهلهم في وفاة الأربعة إلي بللكزس.
ومن ظمن السباحين أن أمن الطرق مسجلين كل الحوار الي دار بينهم وهم يصيحون ويتشهدون ( وين ذا المقطع الصوتي ) طيب وين صور الي صوروا الحادث وين وين وين
يالربع حنا في عصر النت والجوجل والعلم والثقافة .....الخ يعني لو يزلق قعس من علو ضلعن في نجد والله مانخذ نصف ساعة إلا والمقاطع نازلة في اليوتيوب والمجموعات والأيميلات والجروبات.
عموما سوالف أهل القرى توسع الصدر

احمد4.4

20/12/2010, 11:26 PM

الكلام صدق

سمعت فيها قبل سنه

وسبب وفاتهم اتصل على امن الطرق

وبتصرفهم الغبي عطو الحديد الي يشق الكفر وتقلبت السياره

الساهر2003

20/12/2010, 11:36 PM

الاخوة الكرام
نقول الله لا يقدر شر على جميع المسلمين
لكن من عرفنا السيارات والامريكي وبعض الياباني قيوره تماتيك
وتناقشني في المكانيكا لو تجيب كل المواتر وتدعس وتغير القير ويقبل التغيير
ليش في هالسالفة كل شي ما يقبل يتغير
السبب ان اللي مألف القصة ما يعرف شي عن السيارات وقيادة السيارات
يعني سوالف صغيرين

jasser

21/12/2010, 12:48 AM

ربع النسيان

21/12/2010, 12:53 AM

200 يمشي لا لالا انا سمعت انه يمشي 168 كليو متر بالساعه ودق عليهم ولا ردو اول مره الله يصلحهم

ياناس ترفعوا شوي

ولدمظبر

21/12/2010, 03:26 AM

المشكله اننا نعلق على اهل القرى ونقول متخلفين ؟؟!!

وهذي سوالف خرافات وناس مقهورين وماهم طايلين ويبغون يشوهون صورة الشركه

اعتقد اننا احنا المتخلفين اذا ما صدقنا بالحقيقه والواقع
شوف واحكم :

الكامري جديده في السعوديه
5lgQAQ3Evx4

والكامري 2005 في امريكا
http://www.youtube.com/watch?v=6u54eCvYeps
6u54eCvYeps

مشاكل تويوتا ولكزس في امريكا
7c1Dwoak9rI
l]

وهذي مشكله في اللكزس
http://www.youtube.com/watch?v=RrcSRmUo7sw
RrcSRmUo7sw

وهذا رئيس شركة تويوتا ( حفيد الموؤسس تويوتا )يعتذر من الشعب الامريكي بسبب الحوادث وضعف السلامه في سياراتهم امام مجلس الشيوخ
http://www.youtube.com/watch?v=qNm-h9F-bJg

qNm-h9F-bJg

يا ليت نخلي التعصب ونفكر في انفسنا وحياتنا وسلامتنا وسلامة اطفالنا بدل الدفاع عن الشركه اليابانيه او الاوروبيه او الامريكه وهم ووكلائهم ماحركوا ساكن
فعلا هناك عيوب في تويوتا وعيوبها ليس عاديه بل عيوب قاتله

ولايدرون ان تويوتا انتهت عمليا

ومشكله ان الشعب عندنا مو مقتنع بتاتا بتعليقة الدواسه مع ان فيه ناس في الديره

عندنا باعت سياراته التويوتا بسبب تعليقة الدواسه

والعالم كلها تحاكم تويوتا ومدير شركتهم ابو عيون راح لامريكا يبكي عندهم

بسبب عيوب تويوتا القاتله

YUKON_GMC

21/12/2010, 07:16 PM

المشكله اننا نعلق على اهل القرى ونقول متخلفين ؟؟!!

وهذي سوالف خرافات وناس مقهورين وماهم طايلين ويبغون يشوهون صورة الشركه

اعتقد اننا احنا المتخلفين اذا ما صدقنا بالحقيقه والواقع
شوف واحكم :

الكامري جديده في السعوديه
5lgQAQ3Evx4

اخوي ياليت تفهم حنا وش نقول ...

الكامري يوم حطها بالفاضي وقفت والا ,,, ويوم طفاها طفت وألا علقت ...

حنا مانتكلم عن تعليق الدعسه ... حنا نتكلم ونقول لك ماهو معقول ولايدخل المخ ان كل شيء علق ... الدعسه والقير والفرامل والجلنط ..

يارجال يقول حذف المفتاح مع الشباك ولاطفت ..؟؟ حدث العاقل بمالايعقل وأن صدق فلاعقل له ..

والفيديو اللي حطيته يويد كلامنا ... أن الرجال فضا التعشيق ووقفت السياره وطفاها وطفت والابنص معلق ..

تعليق الابنص عادي وحتى اللددسن 72 تعلق الدعسه

عريدان

21/12/2010, 07:41 PM

جميع شركات السيارات عندها بلاوي بس إسكت وإنطم وانا لي الاى شعرين مع هيونداي القير خرب مره وهي جديده صلحوه ثم خرب ثانيه.. ورفضوا يصلحونه... حسبي الله عليهم...

jasser

21/12/2010, 07:53 PM

اخوي ياليت تفهم حنا وش نقول ...

الكامري يوم حطها بالفاضي وقفت والا ,,, ويوم طفاها طفت وألا علقت ...

حنا مانتكلم عن تعليق الدعسه ... حنا نتكلم ونقول لك ماهو معقول ولايدخل المخ ان كل شيء علق ... الدعسه والقير والفرامل والجلنط ..

يارجال يقول حذف المفتاح مع الشباك ولاطفت ..؟؟ حدث العاقل بمالايعقل وأن صدق فلاعقل له ..

والفيديو اللي حطيته يويد كلامنا ... أن الرجال فضا التعشيق ووقفت السياره وطفاها وطفت والابنص معلق ..

تعليق الابنص عادي وحتى اللددسن 72 تعلق الدعسه

اخوي حياك الله
انا وضعت الرد للناس اللي تقول عمرها ما سمعت عن مشاكل في تويوتا ولا حتى صوره

اما شغلة ان تعليقة الدعسة صارت امر طبيعي فهذي اول مره اسمع بها
يعني الادمي اللي في الفيديو تصرف لانه يمكن ماهو مسرع والطريق فاضي ومستقيم لكن لو انه في منطقه جبليه وكلها لفات ووديان كيف بيتصرف ما يمديها السياره تهدي في الفاضي الا وهو في اسفل الوادي

والاخ اللي وضع الموضوع يقول انه بالسعوديه والسالفه فيها من الخطأ الكثير الموضوع صار في امريكا
يا اخوان انا والله ماني ضد تويوتا او متعصب لشركه ضد الاخرى والشركه اللي تجيد الصناعه وتهتم بالسلامه اشتري منها لو بمليون لكن ما بينفعني تاريخ الشركه او عراقتها في مثل هذي المواقف - ولا تلقوا بايديكم الى التهلكه -

((ابوملاك))

21/12/2010, 10:05 PM

جميع شركات السيارات عندها بلاوي بس إسكت وإنطم وانا لي الاى شعرين مع هيونداي القير خرب مره وهي جديده صلحوه ثم خرب ثانيه.. ورفضوا يصلحونه... حسبي الله عليهم...
والله من زين التربيه الرجال يحتسي عليك وتقوله انطم سد افمك بس احسن لك

انت من اللي شاري له ابوه هايلكس 2006 وعندك اطلق موتر بالعالم

صدق اللي قال القرد بعين امه غزال

YUKON_GMC

22/12/2010, 01:07 PM

اما شغلة ان تعليقة الدعسة صارت امر طبيعي فهذي اول مره اسمع بها
يعني الادمي اللي في الفيديو تصرف لانه يمكن ماهو مسرع والطريق فاضي ومستقيم لكن لو انه في منطقه جبليه وكلها لفات ووديان كيف بيتصرف ما يمديها السياره تهدي في الفاضي الا وهو في اسفل الوادي

معليش يمكن انت ماسمعت فيها ولكن غيرك صارت معه في سيارات كثيره وتصرف وصك الموتر بريك وهجد في محله

حط الموتر بالفاضي وحط رجلك على الفرامل وانتهت السالفه ولعلمك صاحب الفيدو ^^ ترى مالمس الفرامل ..

مجرد حط القير في الـ N وترك الموتر يهدي من كيفه ولو بغى يوقفه وقفه في ثواني ..

تعليق الدعسه له عدة اسباب .. منها تجرح سلك (الابنص ) الدعسه او دخول زيت وغبار او تراب ..

ودائماً السيارات تعلق لما تكون تمشي في عجه .. او منطقه صحراويه مغبره ..

والسبب الثاني ارتخاء السبرنق (ياي الدعسه ) اللي يرجع الدعسه او ارتخاء السبرنق من عند البخاخ

اودخول اتربه في غالق البخاخات او عطل بالكبيلتر او الباخاخات

احيانا مجرد تدبل للسياره مرتين ثلاثه يفك ويرجع الابنص من كيفه

لكن الاهم كل الانظمه عندك تعمل (فرامل وجير وجلنط ومفتاح التشغيل )

يعني هالسالفه تخالف كم القواعد المعروفه في السيارات .. ومثل ماذكرت في ردي الاول

هذي شكلها صاروخ تشالنجر اللي تفجر في الفضاء وماتوا كل رواده
http://4.bp.blogspot.com/_TPpP3tFDsv8/SYHxs3SdAbI/AAAAAAAAAVI/3oZpQlNO1-M/s320/space-shuttle-atlantis-sts-27-in-1972-xl.jpg

ابن بااارود

22/12/2010, 01:11 PM

ههههههههههه فلم هندي والله
صادق

هوايتي مكشات

22/12/2010, 01:32 PM

تاكد من سلك الدعسه

راشد الخير

22/12/2010, 01:43 PM

الله يستر من الحوادث

بر البراري

22/12/2010, 01:47 PM

شباب البارح على طريق القصب علق الدعسه >> البنص للداتسون غماره مديل 2010 المهم دقو على قسم الشرطه حق القصب وطلع قدامه موكب دوريات وفتحو له الخط ويقومن العسكر بس شغالين فتح خطوط لين وصل مكه المكرمه :) ووخلص البانزين وطفت

احلى شي انهم ماقبعو في صبه

هههههههههههههههههههههههههه
لو فيه واحد عقله ترللي قام يقصها ويقول هذا صديقي واعرفه
كبرو عقولكم ياعريبيا هههههه

انا صار ت لي نفس سالفت الجيب اللكزس لكن بددسن 84 على طريق الخرج
لكن الله ستر طفيت الموتر ووقف هذي عيوب التكونولجيا ولا ازيدكم من الشعر بيت كان معي خروف فالصندوق
كنت بجني عليه ومن بعدها حلفت الف يمين ما اشتري لا ددسن ولا جيب لكزس ما دمت حي
ههههههههههههههههههههههههههههههههههههههههههههه

وانا سمعت من مصدر مسئول ان شركة تويوتا اليبانية ارسلت صاروخ فيه طاقم مهندسين مختصين بدواسة
البنزين لأجل ايقاف السيارة لاكن مالبيد حيلة ماقدرو يلحقونه لان الصاروخ يفصل على الـ190
وصاحب اللكزس ماشي 200 والشكوى لله صدم وراح من كيس اهله

أهنيكم على الروح الرياضية !!!
:D:D:D

بدوي جنوبي

22/12/2010, 04:27 PM

اعتقد اكتفينا بالردود

والمشكله ان الموضوع غير صحيح
مجرد اشاعه ،، تسبب أثارة مشاكل بيننا كأعضاء

لكن من حرصي على الاهتمام بما يطرح من قبل الاعضاء تركت الموضوع
للمشاركه فيه وانتو شفتو النتيجه في الردود .

سواء هذا الموضوع او غيره مثل ( مواضيع المقارنه بين تويوتا ونيسان)

لا احد يعاتبني ويقول انى اقوم بأغلاق او نقل المواضيع .

تحيتي للجميع