كيف يضحكون علينا أصحاب معارض السيارات وحنا نشوف ؟؟!!!

[teer1002]

أخواني
السلام عليكم
كلنا يعرف دور الدعاية في عملية التسويق ...
وكلنا يعرف أن المداومة على رؤية علامة تجارية معينة تجعل من هذه العلامة محل ثقة عندك .
الموضوع
أن أغلب السيارات أن لم يكن الكل نلاحظ فيها تعمد أصحاب الوكالات ومعارض السيارات في أتخاذ خلفية سيارتك دعاية له دون أن يدفع ريال واحد مع العلم أنه لم يتنازل عن ريال واحد من القيمة المعلنة للسيارة عند الشراء !!!!:mad:
فلماذا أسمح له بوضع ملصق دعائي لمعرضه أتنقل به أينما ذهبت ؟؟؟؟
فلنفكر بالأمر .. مع علمي أن هناك من الأخوة الأعضاء سيرد على هذا الموضوع بقوله ( وش المشكلة ؟؟)
وأنا أقول ( وش المشكلة لو كانت السيارة بدون ملصق )
وأقول ( وش المشكلة لو خصم لك صاحب المعرض قيمة الملصق طيلت بقائه في سيارتك )
وتقبلوا مني التحية

[vxr99]

كلام مزبوط
والدعايه والاعلان هاليومين شي اساسي في عملية التسويق ايظا شي مكلف

[أبو نـآيف]

ستكر الجميح جخ ان تسان تبي الصدز ههههه

بس اذا قصدك المعارض لا والله اشيله قدامه مع اني ماقد شريت من معرض حاط ستكره

[Abu Mryea]

يالحبيب ...... اي شركة تبي تنجح في أي مجال

يجب أنها ( تبني ) لها (((((((( ماركة ))))))))

تكون محل ثقة المستهلك ..... ويكون المستهلك مسوق لهذي الماركة

بمعرفته و عمدا منه ..... ليش ؟؟؟

لأنه يفاخر بين الناس أنه يملك السلعة الفلانية ذات ( الماركة العالمية )

فكيف تبيه يشتري من هذي الماركة ... وهو يعرف أنه دفع مبلغ زيادة عن القيمة الحقيقية

مقابل هذي الماركة .... ثم يزيلها ؟!!!

طيب على كلامك ليش مانشيل التماثيل اللي في السيارات والاكسسوارات الي تحمل شعار الشركات

مثل : تويوتا ونيسان وجي ام سي و بي ام دبليو ومرسيدس ... الخ ؟

حنا كذا نسوق لهم غصبا عنا

اضرب لك مثال : عندك الشماغ

انحصل شماغ بـــ 10 ريال .......... وفي المقابل نحصل أنواع أسعارها فوق 500 ريال

ويجيك الواحد يترزز بالماركة اللي لابسها ويحطها ( فوق راسه ) ... وهو يقدر يزيل الماركة بكل بساطه

هذا مجرد مثال وكل شئ تحصل فيه الردئ .... وتحصل الغالي اللي متعوب عليه ويستحق الماركة

اللي يتنافسون عليها الناس


عندك مثلا : وكالات السيارات ... فيه وكالات عندنا أو معارض يحرص اغلب الناس انهم يشترون

من عندهم ( علشان هذي الماركة )أو الشعار ... أو انه يشتريها ويعلقها على موتره

عندك على سبيل المثال لا الحصر ( الجميح - البازعي - اليحيى - معرض الأختيار - معرض الشورى -

.... الخ

[Abu Mryea]

واللي يبي يشيل الشعار

بسيطه ..........
1- يجيب الاستشوار ( حق الشعر ) .
2- يسخن الشعار أو الاستكر .
3- انزع الشعار بكل سهوله .


بالنسبة لي أنا شلت شعار المعرض من موتر الوالد أول ما أشتراه

لأن الشعار مايستاهل أنك تخليه في موترك ... لكن الشكوى لله ما حصلنا طلبنا الا عنده

[ربيع الشتاء]

طبعا اذا كان وكيل يختلف الوضع ,, اما اذا كان معرض من معارض الحراج وغيرها شيله قدام عينه ومثل ماقلت ياخوك هو مااستأذنك ولا نزل ريال واحد مقابل انك تعمل له دعايه في كل مكان تروح له..
مثله مثل مراكز تلميع وتنظيف السيارات وغيرها

[teer1002]

كل الشكر للأخوة المشاركين في هذا الطرح

[مقطع العروق]

انا اعتقد انها حرية شخصية

وبالنسبة للدعاية فنحن في كل شيء نملكة فيه دعاية القلم البوك الجوال

فراح تتعب لو كنت بتزيل كل شيء
حتى القلم بتمحي شعار الشركة وا الى اخره اعتقد انها حرية شخصية + انها صعبة
ومشكور اخوي على الطرح وياليت تعذرني على تعليقي فهي وجهة نظر شخصية

[ولد وايل..]

الإستكر ما ينفك ؟

إذا شريتها فكه...


بعض المهبل يشترون إستكرات ع شان يبزون به ههههههههههههههههههه

[التعـ King ـديل]

كله كوم واللي يركب شعار معرض غير اللي شرا منه كوم ثاني

اعطيك مثال يعني مطلع شاص من ابو جميل وحاط شعار اليحيى ولا البازعي علشان يقال موتره خليجي

[هوايتي مكشات]

كلامك صحيح 100%

[teer1002]

انا اعتقد انها حرية شخصية

وبالنسبة للدعاية فنحن في كل شيء نملكة فيه دعاية القلم البوك الجوال

فراح تتعب لو كنت بتزيل كل شيء
حتى القلم بتمحي شعار الشركة وا الى اخره اعتقد انها حرية شخصية + انها صعبة
ومشكور اخوي على الطرح وياليت تعذرني على تعليقي فهي وجهة نظر شخصية


الله يبارك فيك على المشاركة وعلى الصراحة في النقد

[راعي الرائد]

فعلا نروج لهم ببلاش

[trailblazer04]

هههههههههههههههههه ليش زعلان طيب

المعرض حاط استكر على مواتره يوم كانت معروضه عنده .... واذا شريت الموتر ان شاء الله تحرق الاستكر محد بيعارضك

بس احيانا يكون الاستكر منظره حلو عالسياره ... او مثل ماقالوا الاخوان يشتري من ابوجميل ويحط استكر اليحيى عشان يقولون خليجي

يعني هي حريه شخصيه ماحد ضحك على الثاني

[مخاوي نحله]

أن أغلب السيارات أن لم يكن الكل نلاحظ فيها تعمد أصحاب الوكالات ومعارض السيارات في أتخاذ خلفية سيارتك دعاية له دون أن يدفع ريال واحد مع العلم أنه لم يتنازل عن ريال واحد من القيمة المعلنة للسيارة عند الشراء !!!!:mad:

كلام سليم 100/100
واتمنى ان الجميع يفكرون بالموضوع بجدية وعدم عمل دعاية مجانية لمعارض السيارات فهم فقط المستفيد الاول والاخير ، وسبق ان الجميع وقفوا مع شعار خلوهاااا تصدي والان يعملون دعاية لاصحاب المعارض دون علم منهم وهذا يناقض الحمله فارجو الانتباه لهذا ايها المكشاتيه.

[عبدالله27]

الدعايه عند الغرب تمثل مانسبته 99 بالميه من راس المال وعندنا الدعايه 0بالميه

[ابن بااارود]

انا اعتقد انها حرية شخصية

[الشمس المقمره]

كله كوم واللي يركب شعار معرض غير اللي شرا منه كوم ثاني





اعطيك مثال يعني مطلع شاص من ابو جميل وحاط شعار اليحيى ولا البازعي علشان يقال موتره خليجي

:good2:
....................................

[فيزا]

اذا تبي الحق
انا ماقاهرني غير الشعارات حقت التظليل
في كول وطقتها
بأي حق يضع اسم المنتج على زجاج سيارتي

علماً اني ماضللت لا عندهم ولا عند غيرهم
لكن يوم اشوفها بالسيارات يرتفع ضغطي بصراحة
احس قمة الاستغفال بصراحة دعاية واعلان غير مدفوعة الاجر .

لو يحسبها لي بنصف ثمنها مقابل الاعلان ماعندي مانع لكن بلوشي يفتح الله .

[مرور الكرام]

انا اعتقد انها حرية شخصية

وبالنسبة للدعاية فنحن في كل شيء نملكة فيه دعاية القلم البوك الجوال

فراح تتعب لو كنت بتزيل كل شيء
حتى القلم بتمحي شعار الشركة وا الى اخره اعتقد انها حرية شخصية + انها صعبة
ومشكور اخوي على الطرح وياليت تعذرني على تعليقي فهي وجهة نظر شخصية


أخي الكريم القلم أو الجوال يكون عليها شعار المصنع أو الشركة الأصلية .. .

يعني لو قلم عليه شعار مونت بلانك مستحيل أشيله ..

لكن معرض مغمور بمعارض النسيم وللأسف أكثر الي فيه شريطية مايخافون الله ..

ويجيهم واحد يوقف سيارته عندهم علشان يبيعونه له ..

يعني السيارة توقف عندهم يومين ويحطون أستيكر فيه أسم المعرض ورقم التلفون أو الجوال ..

يعني بالله وش دورك يالمعرض لأ أنت وكيل ولا أنت مصنع السيارة ..

مجرد وقفت السيارة عندك يومين وأخذت عليها 1000 وزيادة مبايعة ... وفوق هذا أسويلك دعاية مجانية !!

انا أتفق مع صاحب الموضوع 100 %

[حاتم العمر]

كلامك صحيح يااخوي ..

[((ابوملاك))]

والله ثم والله اني افكر بها من مبطي ذا الفكرة

بس في اشياء ماتحتاج دعاية يا اخوان هو يتكلم عن المعارض ولا قلم ولا وكاله عااااادي كلن يعرفه

[teer1002]

كلامك صحيح يااخوي ..


والله ثم والله اني افكر بها من مبطي ذا الفكرة

بس في اشياء ماتحتاج دعاية يا اخوان هو يتكلم عن المعارض ولا قلم ولا وكاله عااااادي كلن يعرفه


أخي الكريم القلم أو الجوال يكون عليها شعار المصنع أو الشركة الأصلية .. .

يعني لو قلم عليه شعار مونت بلانك مستحيل أشيله ..

لكن معرض مغمور بمعارض النسيم وللأسف أكثر الي فيه شريطية مايخافون الله ..

ويجيهم واحد يوقف سيارته عندهم علشان يبيعونه له ..

يعني السيارة توقف عندهم يومين ويحطون أستيكر فيه أسم المعرض ورقم التلفون أو الجوال ..

يعني بالله وش دورك يالمعرض لأ أنت وكيل ولا أنت مصنع السيارة ..

مجرد وقفت السيارة عندك يومين وأخذت عليها 1000 وزيادة مبايعة ... وفوق هذا أسويلك دعاية مجانية !!

انا أتفق مع صاحب الموضوع 100 %


اذا تبي الحق
انا ماقاهرني غير الشعارات حقت التظليل
في كول وطقتها
بأي حق يضع اسم المنتج على زجاج سيارتي

علماً اني ماضللت لا عندهم ولا عند غيرهم
لكن يوم اشوفها بالسيارات يرتفع ضغطي بصراحة
احس قمة الاستغفال بصراحة دعاية واعلان غير مدفوعة الاجر .

لو يحسبها لي بنصف ثمنها مقابل الاعلان ماعندي مانع لكن بلوشي يفتح الله .


:good2:
....................................
شكراً لكم أخواني على المشاركة وتأييد الفكرة

[سليل الطيبين]

واله لو الله يفكنا من الشريطية اكون بخير

[YUKON_GMC]

كلها لزقه - تقدر تشيلها بس احيانا بعض الاستكرات يكون شكلها حليو على السياره " خاصة اذا لها لمعه في الليل "
انا اغلب الاستكرات اللي القاها على الموتر اتركها الا إذا كانت استكرات انديه كالهلال والنصر .. اشيلها حتى مايجي بزر حاقد على النادي ويحك السياره او يكسر احدى الزجاج

[الخادم]

من وجهة نظري ما فيها شئ
يحط الوكيل اسمة و لكن هاذي ليس دعاية

[حطاب الرويضه]

السلام عليكم والله انك صادق واحنا ماندري حتى حقين تضليل السيارات مسوينها لكن وانت صادق من يوم ماتشتري اجدعه عنده ولوتبي ريال مانزلك من قيمة السياره ....... وتقبل مروري

[قائد السريه]

المشكله ببعض الاستكرات اذا حاولت تشيلها تكون صعبه

مثلا بعد ماتقشع الاستكر يلزق بالبدي السمغ ويشوه البدي ومايروح الا بالتلميع

لاحظت هذا الشي فقط بمعارض السيارات

اتوقعهم يتعمدون هالشي

انا قبلي الزق استكرات واقشع استكرات ولا قد صارت معي الا لما اقشع استكر معرض

[قائد السريه]

الله يرزقهم اصحاب المعارض انا والله ماحسدتهم بس لو ينقون استكر عليه القيمه وشكله حلو ماعندي مانع اخليه

وبعدين حنا نسوق لشركات السيارات ووكلاء السيارات وشركات التظليل...ووو .....الخ

فالاقربون اولا بالمعروف

بس في نفس الوقت مهو كل المعارض تستاهل الدعايه