بــرق الشمال
10/10/2005, 06:33 AM
السلام عليكم ورحمة الله وبركاته:
شهر مبارك عليكم جميعا..والله يعيننا على صيامه وقيامه....
في الأمس وعند تصفحي لأحدى الصحف قرأت هذه القصيدة..
للشاعر:سهل العتيبي...
وأرجو ان تنال اعجابكم...
سهيل بعرض السما شيف=وراع الولع عانه يجهز طيوره
ياما حلا مقناص ذيك الشفاشيف=في غربي الصمان باطراف قوره
وخوة رجال كلبوهم على الكيف=مايركبون الابعزم ومشوره
فوق الجيوب مبعدات المحاريف=حذف الحصى بدروبهن حذف كوره
ناصل الى حزم الجلاميد وطريف=ونرجع وناخذ في سواحيق دوره
نسلي الخاطر ولامن تكاليف=وبعض الأودام بالقصور محشوره
يازين شبه نارنا والسواليف=والبن الأشقرللناشما تدوره
سوالف ماسمجوها الملاقيف=اللي يعصد السالفه في حضوره
عسى السحاب اللي مزونه مراديف=يعم سيله من تبوك للشروره
وعساه من جده يحدر على السيف=ويسيل الوادي ويحيي بذوره
يسقي مداهيل البكار المشاعيف=وتربع الفاطر وترعى قفوره
تقطف زماليق الشقارا تقاطيف=وريح الخزامى مثل ريحة بخوره
والبدو ينسون العلف والمعاليف=سوق العلف ماتاجد احد يزوره
وكل يربع في مكانه الى الصيف=والعشب في الروضة تشابك زهوره
في ديرة سكانها تكرم الضيف=الهم فعول للجميع مخبوره
عندي تراها مثل باريس وجنيف=لو انها برد شديد وحروره
احبها حب القلوب المواليف=يالله عساها بالصلاة معموره
والرزق عند مصرف الكون تصريف=اللي رزق حوت البحر في بحوره
ماني على الدنيا كثير التحاسيف=الآدمي عمره ليال محصوره
وصلاة ربي عد مل ذعذع الطيف=على رسول الحق والنور نوره
تحياتي للجميع
برق الشمال
شهر مبارك عليكم جميعا..والله يعيننا على صيامه وقيامه....
في الأمس وعند تصفحي لأحدى الصحف قرأت هذه القصيدة..
للشاعر:سهل العتيبي...
وأرجو ان تنال اعجابكم...
سهيل بعرض السما شيف=وراع الولع عانه يجهز طيوره
ياما حلا مقناص ذيك الشفاشيف=في غربي الصمان باطراف قوره
وخوة رجال كلبوهم على الكيف=مايركبون الابعزم ومشوره
فوق الجيوب مبعدات المحاريف=حذف الحصى بدروبهن حذف كوره
ناصل الى حزم الجلاميد وطريف=ونرجع وناخذ في سواحيق دوره
نسلي الخاطر ولامن تكاليف=وبعض الأودام بالقصور محشوره
يازين شبه نارنا والسواليف=والبن الأشقرللناشما تدوره
سوالف ماسمجوها الملاقيف=اللي يعصد السالفه في حضوره
عسى السحاب اللي مزونه مراديف=يعم سيله من تبوك للشروره
وعساه من جده يحدر على السيف=ويسيل الوادي ويحيي بذوره
يسقي مداهيل البكار المشاعيف=وتربع الفاطر وترعى قفوره
تقطف زماليق الشقارا تقاطيف=وريح الخزامى مثل ريحة بخوره
والبدو ينسون العلف والمعاليف=سوق العلف ماتاجد احد يزوره
وكل يربع في مكانه الى الصيف=والعشب في الروضة تشابك زهوره
في ديرة سكانها تكرم الضيف=الهم فعول للجميع مخبوره
عندي تراها مثل باريس وجنيف=لو انها برد شديد وحروره
احبها حب القلوب المواليف=يالله عساها بالصلاة معموره
والرزق عند مصرف الكون تصريف=اللي رزق حوت البحر في بحوره
ماني على الدنيا كثير التحاسيف=الآدمي عمره ليال محصوره
وصلاة ربي عد مل ذعذع الطيف=على رسول الحق والنور نوره
تحياتي للجميع
برق الشمال