هل تواجه صعـوبة عندما تتحول بين صنف لآخــر بين هذه السيارات..تفضل***

[_دربيل_999]

http://www.mekshat.com/pix/upload04/images191/mk67496_df.jpg
يقول المثل (لولا اختلاف الأذواق لبارت السلع) فلكل سلعة محبيها ومؤيديها..
في عالم السيارات هناكَ عدة أصناف لها ولكل صنف استخداماته ..
نبي نختار صنفين من هذه الأصناف للسيارات بسبب كثرة مستخدميها ومحبيها..
وبطرح سـؤال مهــم حولها..؟


الصنف الأول
سيارات الدفع الرباعي وبكل أشكالها..كـ اللاند والباترول وليوكون وغيرها..


الصنف الثاني
السيارات العادية مثل سيارات السيدان والسيارات الأخرى الغير مجهزة بالدبل كـ الكابرس الفورد الجمس والسيارات الأخرى من هذه الأصناف..


الســؤال
أيهمَ أسهل وأيهمَ أصعب..؟
أن تتحول من سيارات السيدان لسيارات الدفع الرباعي..
أم التحول من سيارات الدفع الرباعي للسيارات العادية الغير مجهزة بدبل...؟


بالنسبة لي أنا ما واجهت أي صعوبة عند تحولي من السيارات العادية لسيارات الدفع الرباعي..


ولكن أرى أنه من الصعب علي التحول من سيارات الدفع الرباعي للسيارات العادية الأخرى..

أبي أعرف أرائكم إخواني الكرام ..!
هل تواجهون صعوبة في تحولاتكم بين أصناف هذه السيارات أم الوضع طبيعي..!
***


لكم مني أجمل تحية


الروقي

[غاوي رومانس]

أنا معك قلبا وقالبا

بصراحة صعبة انك تحول من دفع رباعي تطلع فيه اي مكان

إلى سيارة محدودة في الشوارع فقط....

ميزة الدفع الرباعي انك تطلع فيه اي مكان وماتتعطل لما تشوف الشارع مغلق بسبب حادث

لاقدر الله انك تنزل جلد وتعديه لما توصل بعده
هذي هي ميزته

غير الوناسة في النفوذ والشعبان وغيرها

[الهرم]

والله يالغالي


بالنسبه لي


صعب اني اغير من الدفع الرباعي

بصراحه الدفع الرباعي


يبرد قلبك في اي مكان
.......................


موفقين

[_دربيل_999]

حياكم الله اخواني الكرام..
اشكركم على هذا الحضور الرائع..
بالفعل كما ذكرتم من الصعب العودة من الدفع الرباعي للصنف الآخر..

بارك الله فيكم..

الروقي

[مدمن فتك]

من سيدان الى رباعي >> سهله لكن بتفقد راحة السيدان
من دفع رباعي الى سيدان>> الله لايحيجنا لها

[خالد777]

الموضوع يرجع لتعود الشخص على نمط معين

لكن اللي يركب الجيب مثل اللي لابس بشت بين الناس

[عشق الشمال]

بالفعل كما ذكرتم من الصعب العودة من الدفع الرباعي للصنف الآخر

:good2:

[((ابوملاك))]

انا صراحتن مدري وش اقولك معي وانيت بدون دبل يعني وش يصنف ^_^

لكن صعب انك تترك الدبل وتروح للسيدان

[الشهابة]

سيارتي لاندكروزر .. و اشترى اخوي جمس و اخذت منه سيارته القديمه (( صني )) ابستعملها في الرياض و للمشاوير القريبه .. بعد فتره لقيت إني ما احركها كثير .. بالعكس اغلب مشاويري اروح على الجيب .. رجعتها له .. و حتى هو صار يستخدم السوبربان اكثر منها .. و الحين هي واقفه ما احد يستخدمها إلى قليل

النتيجه .. صعب تتحول من الدفع الرباعي او سياره كبيره إلى سياره سيدان او صغيره .. و لكن العكس ممكن ..

[سديرآوي]

الصراحة يالغالي كلها صعبة ,, سواء من سيارة صغيره لكبيره او من كبيره لصغيره ,,

مثلا قبل 20 سنة كان معي كابرس 88 وكالة ,,

وبعدها شريت باترول 93 وكالة ,,

ففقدت راحة الكابرس ومرتبتها المريحه ,, لان مرتبة الباترول قاسية ,,

لكن كسبت قوة الباترول وماكان يعوقني شي لا بر ولا بحر ماشاء الله بعكس الكابرس ,,

مع انها والله ماقصرت ,,

لكني جلست فترة عشان اتأقلم على وزنية الجيب ولفته ,,

وجلس معي 15 سنة وبعته قبل 3 سنين للحاجة المآسه ,,

وبعده شريت لي سوبربان طويل ,, وبين الباترول والسوبر فرق بالراحة والوزن ,,

واذا جيت ابكشت فيه علبالي اني اسوق الباترول لذلك بالبداية غرزت وتورطت كم مرة ,,

ونفس الشي فقدت قوة الباترول وخفته ,,

لكن كسبت راحة السوبربان وسرعته ,,

والله يوفق الجميع لما فيه خير وصلاح ,, :D

[volcano]

انا تحولت من السيدان الى الدفع الرباعي وكان صعب علي التأقلم كاني راكب جبل ولا طعس وبعد 6 سنوات من الدفع الرباعي بغيت كم مرة اشتري سيدان واغير رايي لقيت الاصعب انك تغير من الرباعي للسيدان ويمكن اللي عزز الشي هذا طرقاتنا الغير المعبدة بشكل سليم واللي خلاني احيانا استخدم الدبل لتغيير المسار لما يصير حادث او زحام غير معروف السبب وكل ما تجاوزت العقبات هذي قلت الحمدلله ان موتري رباعي ولا هو سيدان

شكرا

[عمر مقبل]

انا معاي ددسن ولاند كروزر كلهن نفس الشي
لاكن فيه اختلافات
مثل_
الاند رفيع والددسن رفيع شوي
الاند4500والددسن2400
وغيرها من الاختلافات التي لايسعني ذكرها




استغفر الله واتوب اليه
استغفر الله العظيم

[بيك اب 4X4]

والله انا سيارتي السيدان اكلها الغبار
بعد ما شريت لي جمس وانيت

[سارق الكحل]

انا معي فورد ماركيز وباترول ربع


بالعربي مسميهم سيارة الشتاء والصيف

الفورد له شهرين ماتحرك متر من يوم تعدل الجو بس اشغله كله اسبوع وهو واقف عشان البطارية
حتى من كثر الغبار عليه طلع تقول وكاله

بس افكر ابيعهم كلهم واخذ جيب لاند جديد

ومره اقول يالولد تعوذ من الشيطان هذا الباترول عطية الله مايقصر اسافر فيه واجي واداوم وبالبر انواع المطامر
والفورد بس للسفر مع العائلة

ا

[moooj]

حسب-الحاجة-وما-تمليه-الظروف
لكن-اتوقع-صعب-تغير-من-الدفع-الرباعي
ماجربت-لكن-افكر-في-سيارة-صغيرة
واحيانا-اقول-سلمات-وشهو-له-اجمع-حديد

[القناص]

لا والله
من الرباعي الى الصغيره= الله لا يحيجنا من غير شر
الرباعي ولا بلاش
خصوصا مع عنجهية السواقه عندنا
:)

[ليل الدجا]

صعب التحول من دبل الى عادي من وجهة نظري البسيطه

[ولد وايل..]

وانا اخوك...

من صغير لكبير أهون من كبير لصغير...


ما تختلف معي لو أسوق تريله بس لا تعطيني صغيره ...أنجلط!!

يا أنا اتوهق لا أخذت موتر أحد وكان سيدان ...

وبكل حال الإختلاف يحتاج شي من التعود ولو بسيط ( يومين ثلاثه) همن يكون طبعي جدا...