القير التماتيك يرجف هل هذي مشكلة .... وش الحل

[أبو يوسف]

السلام عليكم ورحمة الله وبركاته

عندي القير حق السيارة يرجف اذا حطيته بالدي رجفة مهب مثل رجفة السيارات العادية
يعني رجفة قوية
هل هذي مشكلة مع اني سمعت ان قوة الرجفة تدل على قوة القير ،، بس هذا ما دخل مزاجي

وفيه سؤال على الطاير
هل خروج الماء من الشكمان عند احماء السيارة يعد عيبا في المكينة

ومع السلامة

[عاشق الجبل]

وعليكم السلام ورحمة الله وبركاته


الأخ : أبويوسف


يفضل التشييك على الزيت اولآ وكذلك التأكد من أن الفلتر سليم وكذلك وزن الهواء غير مرتفع فإذا ذهبت الرجفة فالحمدلله


وإن لم تذهب الرجفة فيظهر والله أعلم أنها من الطنجره ( قطعة تشبه الرحى بداخل القير ) .



وبالنسبة لنزول الماء من الشكمان فهذا ماشاء الله دليل على نظافة المكينة :)


أبويوسف توقيعك ذبحني وأنا صايم ( بيالة الشاهي ) ليتك تشيله برمضان ( أمزح ) :)

[بواسامه]

بالنسبه للرجفه اتوقع ان المكينه اقوى من القير مثل الشروكي لهذا دايم كرونا الشروكي تخرب وتطلع بها ونه
او كرسي القير عندك منتهي وشيك على الفرامل ان جيت تعشق اضغط البريك صح وشف هو يرجف ولا لا


اما الشكمان وتندية الماء من الشكمان طبيعي جدا ونظافة الشكمان والماطور يعطيك ندى صافي ممكن تشرب منه لو بغيت :D :D تراي امزح مامعنا زعل
واذا الموتر مكربن والشكمان محلي يخف الندى والقطرات وسخه بالتأكيد

[ابراهيم]

هلا اخوي ابو يوسف ما اتوقع طبيعية !! وش نوع موترك وهلحاجة جديدة عليك ولا لا

[أبو يوسف]

اشكركم على الرد السريع

اخوي عاشق الجبل
انا ما كتبت الموضوع الا بعد تعيير زيت القير والفلتر

لكن ما فهمت وش قصدك بوزن الهواء
فيه هواء للقير ؟؟ ولا تقصد هواء الكفرات

وطمنتني بالنسبة للماء لأن الوالد امس ضحك علي يقول وش هالكسرة تنقط ماء شف سيارتي ما تنقط :)

مشكور


اخوي بو اسامة
صدقت الموتر شروكي
يعني عادي الرجفة فيه ؟؟؟
كرسي القير توي مشيك عليه ومغير مساميره ولا فيه مشكلة
اذا ضغطت بريك بقوة ما يرجف بس يطلع صوت اذا تركت الفرامل ،،، يعني تحس انك كبست على الفحمات بقوة

ومشكور على تطمينك بالنسبة للموية
لكن سؤالي من وين الماء يجي
الشكمان يطلع دخان احتراق الوقود
ولا فيه ماء بالمكينة
من وين الماء ؟؟؟ سؤال محير


ومشكورين مرة ثانية على الرد

مع التحية

[أبو يوسف]

هلا اخوي ابراهيم

مرحبا بك في مكشات بين اهلك واخوانك

الموتر توني شاريه مستعمل
سألت الميكانيكي يقول ما فيه مشكلة تروح مع الوقت ... كلامه ما يقنع
الموتر شروكي

مشكور ويا هلا فيك

[عاشق الجبل]

أبويوسف المقصود هواء المكينة فإذا كان مرتفع يرجف القير .

[ابراهيم]

اولا الله يعطيك من خيره ويكفيك شرة والشروكي سيارة ممتازة والرجفة اغلبهن كذا كل الي اعرفهم معهم شروكي نفس الشي

[الفوازي]

السلام عليكم ورحمة الله وبركاته

أبو يوسف الى الحين ماوضح عندي متى يرجف الجير إذا السيارة واقفة ( ماسك بريك ولا لا ) ولا ماشية ( تمش بالأبنص ولا مسرع )
والما اللي يطلع من الشكمان هذا يدل على أن المكينه نظيفة أو بتعبير إدق ( خليط مثالي للوقود والهواء ) و هذا ينتج عنه بخار ماء يتكثف عند خروجة من القزوز ( يعني القزوز باردة وجاها بخار ماء فيصير البخار سائل ) ولا تغير في وزنية الهواء حق المكينة شي .
وبالنسبة للجيرهل يجية والهواء؟ الجير مشبوك بالكربريتر أو بمجمع سحب الهواء بهوز بطريقة ( فكيوم ) أو تخلخل ( يعني نفس الباكم حق البريك ) ويمكن الهوز مقطوع بالمرة أو فيه قطع صغير ولا زم تشيك عليه .

أسمح لي إن كان طولت عيك شوي

أخوك الفوازي

[بواسامه]

ابو يوسف
اذا ضغطت الفرامل وعشق الى دي ورجف وسمعت صوت غير صوت الفرامل
فا شيك على الصلبان سلمك الله تبع عمود الكردان

وكل الشروكيات كذا لازم تطق :no:
بس اذا طاح العقال فتراه زايد عن حده :D
والميكانيكي اللي يقولك بيروح بعد فتره ما صدقك
الشروكي 2001 واقل كله ترجف من زود النشاط اللهم بارك :eek:
اما الجدد فاخفت قوة المحرك ولا صار يطق

عموما وسع صدرك اقبل الخير باذن الله :good:

[الكونترولCONTROL]

خروج الماء يدل على أصفى وضع للمحرك !!!!
========= ============
ما شاء الله
=============
هزة القير ما تخوف كثير
المهم التعشيق وانت ماشي بين سرعات 30 و 50 و 80 ؟؟؟ اذا كان فيه (( نتلة )) قوية غير فلتر القير
================================================== =

[بو خليفه]

عزيز بو يوسف
احتمال يكون عندك كراسي الماكينا و كراسي الجير تأكد منهم و إذا لم يظهر فأتوقع هذا طبيعي و أعطنا كم كيلو ماشية السيارة كي أفصل لك إذا كانت ماشيه أكثر من 150 ألف ميل فهذا طبيعي

[عاشق المزون]

السلام عليكم

اخوي انا موتري 2005 جديد (gx) وتطلع هزه بسيطة تفرق عن هزه السيارات الصغيره مثل الكراون والكابرس كثير اذا نقلت من الـn الى الـd واعنقد انشاء الله مافيها مشكلة مثل ماقال اخوي ابو اسامه المكينة اقوى من القير يمكن بس كم موديل السيارة وهل هي لاند ام باترول ؟

[دله وفنجال]

السلام عليكم...
ابو هديل وينك ياخوي من زمان ونا اسئل عنك الشباب ويقولون ماندري عنه واثرك مغير الاسم ونا مدري...
المهم مبروك الموتر والله يعطيك خيرة ويكفيك شرة وعلى حسب علمي انه 99 استخدام امريكي وماشي 105000 ميل ماهو بلكيلو بلميل...
المهم ونا اخوك انت تسرعت وشريتة ونا اقولك بعه لاياكلك ويكلكلك ويفضي مابجيوبك هلمواتر مامنهن فايدة الله يقطعهن خربات وقلت حيا...
المهم متى تبي نحط المندي لجل نشوفك....

[عاشق المزون]

السلام عليكم اخوي انا احسب سيارتك يباني طلع امريكي احمد ربك الى يمشيك الى الحين انا اكره شي اسمة امريكي في السيارات ماتجرنا الى يوم بعناه هو هم هو غم عرفت ورش الرياض كلها واذا مريت الحين من عندهم اتقهوا معهم وامشي مهب مثل منول يدوروني تحت السيارة !!!!!!

[المهنـدس]

سلام عليكم

ابسط شي انك تتأكد ان المكينه مهيب مسرعه اكثر من المفروض (الصلنصيل) كلها مسمار ينشد وينرخي هذا اول شي تتأكد منه.
وبالتوفيق..

[المكنيكي]

السلام عليكم .
اخوي اوبو يوسف .
اذا كان القير اول ماتعشق بالدي يعشق بقوة بدون الضغط على دواسة البنزين يكون الابنص زايد خفف علية شوية .
اذا كان بعد التعشيق وانت ضاغط على دواسة الفرامل يرج يدل على ان المحرك غير صافي .
اذا كان بعد التعشيق وانت ضاغط دواسة الفرامل يطق دل على الصليبات يجب فحصها .