- يا مل لعين ما هنت بالرقادي -

[ابو عمر اللاحم]

هذه القصيدة اعجبتني وحببت ان انقلها لكم راجياً ان تحوز على رضاكم وهي للشاعر /فهد الزمام

يامل عين ما هتنت بالرقادي=لا أقبل سواد الليل يزداد حره
يطري عليها اللي ترب المنادي=ماريته لاشفت بالقاع جره
ياما حلا لاداورت بالكتادي=لا جت بعين الطير وافتر فره
تل السبوق وراح حاديه حادي=لا شفت فعله قلت لله دره
جيناه ياكل مقدمي الثنادي=والقلب من بين المعاليق جره
في تلعةٍ يمت فروع الحمادي=أرضٍ خلاء راع الغنم ما يمره
مدهال برقا في غلبها سوادي=يا سعود حبه في ضميري مقره
لا شفتها لمس الفتيل الزنادي=ما أملك من الافكار مثقال ذره
والله ماطيع اللي يقولون غادي=ما أسمع كلام اللي بلاني بشره
انا هوي المقناص شربي وزادي=قلبي اليا لاحت بروق تسره
لا بكر الوسمي وهب البرادي=شمال من لينه لزومٍ نمره
أرض بها عرفج ورمث وعرادي=لا طبها القناص يحتار بامره
يقولها اللي ما يعرف النوادي=يسري على نور القمر طول عمره
تمت وصلى الله على خير هادي=نبينا اللي بالمدينة مقره

وسلامكم . وتقبلوا تحياتي ...

[الحزين]

نهــــــــــــــــــــــــار ,,,, الله يعطيك العافيه أختيار طيب بالحيل ,,,,,,,,,,

قصيده جميله جدا ,, وبيني وبينك اذا كانت القصيده قصيره مثل أختيارك المميز تكون خفيفه والكل يقراها ويتمتع ,, وان كان عندك زود زودنا بارك الله فيك ,,,,,,, الله يحفظك اخوي نهار وماقصرت


اخوك الحزين

[ابو عمر اللاحم]

شاكر وممنون ......... والله ياخوي يالحزين كله من غلاء هالموقع واعضاؤه اندور على الزين والله يقدرنا للي فيه الخير دائماً .
وتقبل تحياتي ،،

[بدوية متحضره]

كالعاده اخوي نهار تتميز بذائقه شعريه رائقه

والحقيقه اني استغرب

لماذا القصائد الغزليه هي الاجمل والارق دوما مع ان في اغراض الشعر الاخرى اهميه اكبر ‍‍‍‍؟؟

لعلنا نجد اجابه عند الاخوة الشعراء

[السرحان]

جهد تشكر عليه وذوق رفيع وعالي
مشكووووور على مشاركتك يا ابو عمر

[المسفهل]

اختيار الرجل قطعة من عقله..

اختيارك دائما يدل على ما تتمتع به من ذوق رفيع ، واختيار موفق إلى معرفة الجيد من الشعر..

وشعور مرهف ، وعاطفة جياشة ، وملكة جيدة ، وخبرة عميقة ، ونظرة فاحصة ...

..فلا تحرمنا من هذه الآلئ والدرر .. علق بين فترة وأخرى على نحورنا من هذه البضاعة ..

[ابو عمر اللاحم]

اختي : بدوية متحضرة .
شكراً اختي على الاطراء وعفواً لم اصل الى التميز ولاكن هذا كرم وطيبه منكي جزاكي الله كل خير .
وبالنسبه لسؤالك ما انا بشاعر كي وجيب ! ولاكن اقول اضن ان كل اغراض الشعر تكون عذبه ومحببه للنفس اذا خرجت القصيده من القلب وكان قائلها شاعر حقيقي ومنفعل مع ما يكتب انا وجدت في قصائد القنص عذوبه وفن رفيع لأن اغلبها خارجه من ولع حقيقي وحب صادق .

وتقبلي تحياتي وتقديري .

اخي : السرحان :
جزاك الله خيراً وبارك الله فيك دائماً تعطينا دافع بكلماتك التشجيعيه شاكر وممنون اخي والله يعطيك العافيه .
وتقبل تحياتي وتقديري

اخي : المسفهل
والله انك غرقتن الى اذاني شكلي ابي فرقت انقاذ من كلماتك ... والله ما استأهل ربع كلامك .. جزاك الله خير ..... والله يقدرنا للي فيه الخير
وتقبل تحياتي وتقديري