باقة منوعة . بعدسة الازرق

[عبدالله العمير]

السلام عليكم

ومساكم الله بالخير

هذي باقة منوعة من الصور التي اتمنى ان تنال استحسانكم

ويهمي رائيكم ونقدكم


الأولى : طائر النورس حلق حلق:)

http://www.kashtah.com/4images/data/media/3/hm27.jpg

الثانية : شروق الصحراء يتخللة قليلا من الضباب المنعش

http://www.kashtah.com/4images/data/media/18/hm6.jpg

الثالثة : رمية الهديف

http://www.kashtah.com/4images/data/media/4/hm50.jpg

الرابعة : ابوغزال :good:

http://www.kashtah.com/4images/data/media/4/hm.5.jpg

الخامسة : فرخ القميري باطلالة بهية :)

http://www.kashtah.com/4images/data/media/3/hm14.jpg

ننتظر ارائكم

[#الفارس#]

السلام عليكم ورحمة الله وبركاته
يعطيك العافية اخوي الازرق وما قصرت..

صور رووووووووعة.........

شكراً ..........

[بـران]

يعطيك العافية صور جميلة

[صقر]

رائع اخي الازرق

اختيار موفق لصياد ماهر .

كل صورة يبغى لها موضوع مستقل ..... اجمل الصور طبعا هههههه معروفة

لكن ( حلق حلق ) حلوة جدا.

تسلم اخي الازرق على امتاعنا بهذه الصور.

وبارك الله فيك.

[أبــوريـــان]

مشاء الله مبدع ..اخوي ابو لينة
كل صورة تقول انا احلا يعطيك العافية

اخوك ابوريان

[عبدالله العمير]

الفارس

بران

الله يعافيكم ويخليكم وشهادتكم وسام على صدري

-------------------------------------

صقر:)

هلا والله وغلا وكل عام وانت بخير

:<وترا ذولي تسخينة بسيطة ههههههههههههههههههههههه

تسلم يابعدي على الاطراء

والقادم احلا واحلا ان شالله وانتم اول منتدى تم انزال الصور فيها لان معروفكم سابق والله

وننتظر النقد لكي يتم التطور اكثر بأذن الله

[عبدالله العمير]

هلا باخوي وحبيبي ابوريان

وكل عام وانت بخير واعد الله رمضان عليك وعلى كل من يقرا بالمن والمسارات ان شالله

والاحلا منهن كلهن حجاجك والله

والزود عندي ان شالله بس تراي عجاااااااااااااااااااااز ياعني ارفقو علي شوي

[نفل]

وعليكم السلام ورحمة الله وبركاته


هلا اخوي الازرق

ماشاءالله اثرك اقشر بالتصوير :D
صور رائعة جدا خاصة الثانية والاخيرة
وبالنسبة للصورة الاولى ياليت خليت الفراغ الاكبر امام الطائر :)
ومشكور وبانتظار ما بعد التسخين :)

ومشكور على امتاعنا بمثل هذه الدرر .

[غيّام]

ماشاء الله عليك والله انك محترف الله لايضرك وش نوع الكميرا

[فاهم]

والله حلو يا الازرق .
ما شاء الله تبارك الله على هالصور .
بالنسبة للصورة الأولى مع نفل ، أما الصورة الثانية : يا هي إبداع ما بعده بس لو إن الطلحة كاملة كان :good:
أعتقد أنني متطفل على نقد أستاذ مثلك أخي الأزرق ، ولكن صورة فرخ القميرية وقفت عندها طويلاً ، بس من وين جبت هالفرخ ، يعني هل هو مهاجر مع أهله ؟ :D وخلاك تقرب ؟؟ أو معك عدسة تصور الشي لو هو بعيد ؟؟ ( مع الاعتذار للخياط ) .

شكراً أخي الأزرق على مشاركتنا هذه الباقة وننتظر المزيد .

تحيتي

[*القبطان*]

أخي الغالي الازرق
السلام عليكم ورحمة الله وبركاته

ماشاء الله عليك صور قمة في الروعة
هذا التسخين اذا نزلت للملعب وش بيصير

كل صورة تقول انا ازين .. اكثر صورة اعجبتني الاخيرة

ونحن في انتظار جديدك

[عبدالله العمير]

نفل

هلا وغلا وتراي اقشر انتبهلي :)

وان جاء الصدق مانصف شي عندك وترا علومك كلة تجينا من الا الله يخلي لنا فرلوجيا ههههههههههههههههههه

وشهادة اعتز بها وترا مايسدن ابي نقد لكل صورة منك

ومن ناحية النورس والله تمنيت التقط لهة لقطة مناسبة جدا بس ماسعفني الوقت < معي ناسن بغو يرمون(ن) لاني ضيعت وقتهم الثمين

هههههههههههههههههههه وانا الاحق النوارس وشبوا علي شب وكانت هذي من ضمن ثلاث الاجمل فقط

بيض الله وجهك يابو محمد على تكرمك وتوضيحك

-------------------------------------

غيام

تسلم على الاطراء:) بس تراي هاوي فقط

والكاميرا هذي سلمك الله نيكون d70s

------------------------------------------

فاهم

عزالله انك اسم على مسمى

صورة الطليحة سلمك الله كانت باليوم الاول وانا اقنص القميري <توة متحمس للصيد +زاد الكاميرا =جت الصورة على عجالة

وجازت لي وقررت ان الله اراد ان وافقتة بمثل هالوقت ابعيد التجربة وعلى ركااااااااااااادة , ولكن مالله اراد اني امرة بتوقيت مناسب

وبعدين الفرخ الله يسلمك هههههههههههههههههههههههههههههههههههههههههههههههههه ه<ميت من الضحك على تعليقك

اولا اذكر الله لاني احس ان ركبي بدن يتصافقن هههههههههههههههههههههههههه

عاد تصدق , ان اغلب او ربما 75% من قميري هالموسم فروووووووووووووووووووووووووووووخ

اغرب موسم مر علي بحياتي كثر التراب ويروح النهار ماصدت وحدة تحس انة مرة :)

وترا القميري اذا جيتة بهدوء ودحمتة يهدووووء مايتذير الي يتذير انت هههههههههههه

واسل مجرب الي هو انا تكيت على هالفرخ يجي ربع ساعة وصورة مع كل جهه ولا نشد عن ابد

ويوم قضيت وانا ادق ريوس < واصورة بالخرازة بالمذبح :)

وهلا وغلا فيك يابعدي وتراي مافهمت سالفت الخياط

[عبدالله العمير]

القبطااان

هلا والله وغلا فيـــــــــــــــــــــــــــــــــــــك

وعاد تصدق : بغيت ماحط الاخيرة معهن لاني عارفكم مشافيح هههههههههههههههههه<امزح +امون


بس ماطاعن خاطري اخلية وخصوصا ان الصور واجد وحبيت اخفف شوي شوي

ولا تصدق التسخين والطب

بس هذا اسلوب دعائي بحت علشان اجذبكم وارغبكم :)

واهم شي ان الصور جازن لك وابي رايك باحسن وحدة من غير الحدر

[سيف الرعد]

رووووووووووووووعه

يعطيييييييييط العافيه

يالازرق

[عبدالله العمير]

الروعة حجاجك ومرورك يابومحمد

وابشر بالجديد

[حديث الفرعون]

ما شاء الله الصور جميله ربنا يزيدك من فضله و دايما تجيب لنا مواضيع جميله مثل هذه و شكرا

[عبدالله العمير]

هلا وغلا باهل الكنانة

ولي الشرف ان مواضيعي تعجك والله

وان شالله القادم يعجبك يارب


تشرفت بمرورك هنا

[عجمي]

السلام عليكم ورحمة الله وبركاته


مبدع +محترف =اكيدصور احترافية ولايعلى عليها...


ماشاالله عليك يالأزرق كفيت وفيت ...وسلملي على البواردي كثير السلام ....


وننتظر الصور الحامية الوطيس ..


والف شكر من عجمي,,

[رسلان]

بارك الله فيك أخي : الأزرق ...
أمتعتنا بهه الصور ...
وتميزت لدي :) الرابعة والخامسة ....
عافاكم الله ...
وبانتظار مابعد التسخين :) .....
لكم أجمل تحية من أخوك ...
.... رســـلان .....

[عبدالله العمير]

الله يبيض وجهك يالعجمي والله

والبواردي ياصلة السلام ان شالله

والف شكر على اطرائك وان شالله القادم احلا

[عبدالله العمير]

الله يبارك فيك اخوي رسلان

وصدقت بالاختيار لانهن مميزات بالنسبة لي

وابشر بالي يسرك بس خلن اقضي من <خسايري وافضالهن :)

[ذو الرمه]

بسم الله الرحمن الرحيم

السلام عليكم ورحمة الله وبركاته

أخي العزيز الازرق خلف كل عدسة رجل عظيم ، الحقيقة صور في قمة الروعة سلمت من كل مكروه.


أبو عبد العزيز

[عليان الليل]

قسم بالله ابداع في ابداع
خصوصا ابو غزال خيال ..
ولو زانت علومك يالازرق .. ايه من قدك
عليان بعيد عن التصوير ..استغل الفرصة ياعم
ننتظر المزيد من الابداعات.

[تلاب الشمال]

مشاء الله صور حلوه

[عبدالله العمير]

ذو الرمة

هلا فيك وغلااا والله يوسع صدرك مثل ماوسعت صدري بردك :)

---------------------------------

عليااااااااااااااااان ههههههههههههههههههههههههههههههههههههههههه

احتريك بلنمبة واثرة اليوم الربوع يعني وقت الانفكاك :)

هلا وغلا وماننسى مدربنى ومعلمنى الاول وحقت الفشقة ماهب هذي الي تمنيت بس ابعيد التجربة وان شالله تعجبك

--------------------------------------

تلاب الشمال

نور الموضوع بحجاجك والله والحلو هالطير الي بتوقيعك ولا تهون انت:)

[جمران]

الازرق:دائما مميزماشاء الله في التصوير.... سلمت وسلمت الأيادي
على هذا الابداع ..صور لاتخرج إلا من فنان
الله يعطيك ألف عافية
شكرا وماقصرت
--------
أخوك جمران

[عبدالله العمير]

هلا بالغالي جمران

والله يسلمك على هالاطراء

ومبروك عليك الاشراف وان شالله تقطعة بالعافية

[ابو شكاع]

ما أصدق
الأزرق هين أوريك
يعني لازم الواحد يحجرك عشان تورينا هالروائع
ياااااااااااخي انت مانن بروحك ياااااااااااخي
قسم انك رهيب غصبن عنك
اول صورة طائر النورس
تصدق من زينه اني قعدت أدور لينا خويتك ياعدنان
الا ابنشدك ماشفته بالساحل ؟ ترى جده راعي مقناص ولا يحب ياكل الا الرهو والخضاري
عشان تسذا اصابع رجلينه ويدينه لونهن أخضر من كثر أكله

الصورة الثانية
الشروق حق الغروب حق الشجرة اللي به شوك ... ياخي انت مبدع

الصورة الثالثة
تنم عن صياد بارع ومحنك ... يدل عليه دوبحة الظهر على شكل قوس وذلك لزيادة التركيز وعدم اهتزاز السلاح وأيضا للتعود على الصيد تحت الجسر الثالث لأنه منخفض شوي وأيضا الصيد من خلال غمارة الموتر ... اذا الدوبحة + تغميض العين اليسرى = صيد أكيد بأقل خسائر من الذخيرة

الصورة الثالثة
الفشقة
يطلق بين الناس عرف الفشقة كدلالة على الشي الجميل ... مثلا أن تقول لك أمك
والله ياوليدي ياليوم لقيت لك وحدة بالعرس فشقة وش زينه ...
أو تقول لك النيرس ... مبروك جاءك ولد فشقة وش ملحه
ولكن هنا لها مدلول آخر ...مدلول أجمل ...مدلول هو الآخر ولكنه الأصح
اذا تعبر عن الفشق وهو الذخيرة فيدت السلاح ....وتختلف اسماءها واسعارها بإختلاف السلاح
وأرخص الفشق هو الحصا ...وهو ذخيرة سلاح النباطة ...وهو متوفر في كل مكان تساوي الدسته منه بلاش

الصورة الرابعة
فرخ القميري
وش اقول بس
ماذا أقول لأفراخ بذي مرخ ..... شوس الجبابر من عرب ومن عجم
هذي الصورة تعبر عن نفسها


الصورة الخامسة
دورية نورس تطارد نورس يسوي خمسات فوق البحر

عاد تبي الصدق
رهيب انت
وروعة خل عنك
ياخي ماتخبر لي مثل كاميرتك تتباع ببلاش
ماشاء الله تبارك الله
تسوى القروش اللي اندفعت به
ياناس ترى الأزرق شاريه بـ 5000 ريال مع الملحقات <<< حروش :D

بالنسبة للصورة الأخيرة .... زراق البحر به شي مهوب طبيعي رهيب جدا جدا

قط انتم حاطين بالبحر نيلة ؟ :D

اعترف ...عشانك هلالي كابين به وايتين نيلة :D

ما أقول الا .... والله اني احبك

http://www.dpreview.com/reviews/specs/Nikon/nikon_d70s.asp

هالرابط بوه كاميرة الأزرق وكل شي عنه

[عبدالله العمير]

تو مانور مكشات والنموضوع بحجاجك والله

وبعدين ترا تفسير فشقة عندك انت لاني انا مغير :)< رنق

هههههههههههههههههههههههههههههههههههههههههه


والفرخ تراه يحتريك بالفريزر تسان تبي تلقي علية النظرة الاخيرة فقط.

والدورية حقات النوارس تعرف عند المرسى واجد الي يتجهولن ويبيلهن تنظيم

هههههههههههههههههههههههههههههههه

يعلم الله كم اثلجني مرورك وتعليقك وابشر بالازين بس خلن اجي من العارض واتفرغلك

هلا ثم هلا

[ريف النشاما]

أزرق أزرق أزرق ...................أزرق

رائع جدا

حلق حلق طائر النووووووووووووووورس

[عبدالله العمير]

الاروع ردك المهستر هههههههههههههههههههههههههههه

مابقا الا تقول الازرق حلق حلق :)

تسلم والله على مرورك وتعليقك الظريف

[قاهر الفري]

يعطيك العافية اخوي الازرق وما قصرت

[عبدالله العمير]

الله يسلمك من كل شر

ومشكور على مرورك

[دهران]

رائع , جداً والله يعطيك الف عافية

[عبدالله العمير]

الرائع هو احجاجك وردك ومرورك

الله يعطيك العافية

[كشات]

http://www.geocities.com/hraaar_1/1100218787_starting_word.gif

ماشاء الله تبارك الله

اخيي الازرق
صور غايه في الابداع
تصوير محترف

وواضح من الصوره اللي تحت انك من زمان راعي تصوير


http://www.mekshat.com/pix/upload/images11/mk485_188_[1].jpg

تاريخ الصوره 92 والموتر اتوقع موديل 97 ;)

الف شكر اخوي الازرق على مشاركاتك الرائعه

[عبدالله العمير]

هههههههههههههههههههههههههههههههههههههههههههههههههه هههههه


ماشالله عليك

والله انك ونستن بهالصورة جدا جدا جدا بس ياخي لا يدري به احد

يدرون اني منول فسقاااااااااااااااااان صيد

لاني ماخذ على نفسي عهد اترك الصيد الجاير واذا شافوها راعين مكشات اشرهو علي :)


المهم من ناحيت التاريخ :) هذي سلمك الله كاميرا من نوع كانون وكانت اغلا كاميرا بهاك الزمان

بس المشكلة انه اذا قضن حجاراتها وغيرتهن رجعت لتاريخ وقت التصنيع

ومن كثر مانب ابرمجها مليت فطلعت الي قدامك :)

عموما الف شكر لك على اهتمامك وهذا شي يرفع الراس

والله يبيض وجهك

[محب البر]

بسم الله الرحمن الرحيم
السلام عليكم ورحمة الله وبركاته

الغالي الازرق

سلمت اليد التي طلعت لنا بهذه الصور الجميلة

وجزاك الله خير

أبو مروان

[عبدالله العمير]

ومن قال بعد يابومروان

وسلمك الله من كل مكروه

ومن لنا غيركم :)

[بدر القاسم]

تنشيط الموضوع للهمية الصور الجميل من مصور قوي جدا
مشاء الله عليك اخوي عبد الله العمير