صــــــــــــــــور للموتر وابي اجهزه !!!! ممكن تساعدوني

[مزاااجي300]

السلام عليكم 000

ابي اجهز الموتر لصحاري والقفااااااااار :D


ما المطلوب للموتر حتى يكون جاااااهز بعد العيد ان شاء الله


وهذه صور الموتر قولوا مشاء الله تبارك الله :)


http://m300331.jeeran.com/dsc0020688.jpg

http://m300331.jeeran.com/dsc001998.jpg

[مزاااجي300]

مشاء الله تبارك الله

[الـمـطـيـري]

وعليكم السلام ورحمة الله وبركاته
مشالله الله يعطيك خيره ويكفيك شـره
تبي تجهزه للـقـنـص أم للـتـطـعـيـس ؟

[مزاااجي300]

والله يالغالي ابي اجهزه لتطعيس وابي اشق فيه النفووووووووود انا واربعه من اخوياي

[هبوب]

الله يعطيك من خيره ويكفيك شره وموفق ان شالله حط جهاز كنود وقارمن معك وعزبه والبر مايبيلها شي ولا تنسى الذبيحه وتروح وترجع بالسلامه هههه

[عاشق صمت]

[b]الله يطعمك خيره ويكفيك شره
(ماشاء الله تبارك الله )

[الـمـطـيـري]

الي اعرفه انا
ركب تواير بالون وســــــــــــــــــــــــــــــق
وممكن في اشياء ثانيه الشباب يفيدونك مايقصرون

[ع.ف.الدرويش]

السلام عليكم ورحمة الله وبركاته

وصبحكم الله بالخير جميعاً

أخوي مزاجي .. ما شاء الله تبارك الله الموتر جميل جداً والله يطعمك خيره ويكفيك شره.. بالنسبة للـتجهيز الخاص برحلات النفود والتطعيس فهي كالتالي..

* التجهيزات الداخلية..

- شنطة توضع في الخلف ( مثل العزبة الكبيره ) تحمل كل أدوات الرحلة
- قارمن
- بوصلة ( للضرورة )
- كينوود
- تانكي ماء يثبت في الداخل ( 120 ليتر )

* التجهيزات الخارجية..

- تغيير المساعدات أو بالأصح رفع السيارة..! ( يمكن هالعملية ما تكون ضرورية بدرجة كبيرة )
- كفرات بالون ( سيام أو دنلوب ) بالإضافة إلى جنوط شنبر عدد 6 جنط ( إستبنتين )
- دعامية أمامية مع مسحاة وكامل العدة
- كثير من هواة رحلات النفود يستخدمون ( صاجة حديد تعينهم في حالة التغريز )

* * * وإن كان لك نية تزويد ولعب بالموتر علشان العزم.. فعندك الهيدرز + بواجي أسلاك بواجي + فلتر + مراوح كهربائية.. ( فقط )

هذا كل مالدي.. والعذر والسموحة على القصور :)
أبو فهـــد..

[بــرق الشمال]

الاخ: مزاااجي300...ايه ممكن نساعدك ليش لا...

وكل ماعليك هو انك تفتح جهازك وتتصل على النت...وتخش موقع مكشات...وبعدها

تفرك الشاشه...ودايركت يطلع لك احد المشرفين او الأعضاء ويقولك آآآمر وش تبي بس... :D (امزح معك يالغالي)

طيب الأخ:ع.ف.الدرويش سبقني وماقصر..ولكن عندي بعض الأضافات...

=====================
الطلبات ياأخي العزيز أو بالأصح (التكاميل) كثيره...ومنها اشياء اساسيه ومهمه..وأخرى ثانويه(تكاميل زائده

ولكن قد تكون مهمه)...

وراح اذكر لك الثانويه..اما الأساسيه تجده بالرابط في الأسفل(خش عليه وتحصل موضوع طلبات الرحله المتكامله

للمشرف ايمن_الله يجزاه خير_ وتجد في الموضوع - الملفات المرفقه خش عليه وراح تجد غايتك في الطلبات

الأساسيه جميعها..)..

http://www.mekshat.com/vb/showthread.php?t=20203&page=1

***
وهذه بعض بعض التكاميل ان كن تريدها:
1_ مروحه كهرب...

والفائده منها..(تخفف الموتر قليلا...وتقلل من صرفيه البنزين قليلا وصوت مروحه شد البلد اذا شبكت معك)

2_ياي خلفي(استرالي وموجود في الرمايه..الرياض طريق التخصصي...) وهو مفيد جدا لنزول الموتر من الخلف
عند تحميل اغراضك للرحله وتعبيه البنزين وتانكي الماء..
ويوجد ايضا كعكات(وهي عباره عن ربلات ترفع السياره)...وتجدها ايضا عند (الرمايه) ويوجد منها ارتفاع نصف سم و 1 سم و 1,5 سم و2 سم

3_كهرب 220 داخل السياره...وفيه طريقه رائعه(خصوصا للباترول) للتركيبه مخفي...واضافها العضو

غيام..._ الله يجزاه

خير_ وهذا الرابط...

http://www.mekshat.com/vb/showthread.php?t=36299&page=1

4_ عزل تانكي الماء(بعازل_بطانه_ وتجده عند بعض محلات الرحلات مثل السندي) وتلبيسه بشراع تنزاني اوياباني
...والفائده من العازل(يكون التانكي دافئ قليلا في الشتاء...ويحميك من بعض الحراره صيفا)..غير انه يحمي تانكيك..ويقيك من ازعاج صوت الماء عند خروجك من الأسفلت ودخولك مناطق بريه) بالأصح بطانيج :p ..

5_بطاريه اضافيه...في الكبوت...ويوجد محل متخصص (يركب لك البطاريه...ويشيل اي سلك من البطاريه الأساسيه ويضعها جميعا على البطاريه الأضافيه...يعني مايبقا لك الى سلك السلف على البطاريه الأساسيه...
غير انه يضع لك علبه فيوز كامله لو حصل اي التماس لاسمح الله..بنقطع الفيوز وتستبدله وتنتهي المشكله...
وهذا تجده عند(4*4) الرياض العليا...
_والفائده من هذه البطاريه الأساسيه_(بعض الأشخاص يطلع للمقانص او المكشات ولمده طويله ويقتصر على سياره واحده فقط...وقد يقطع مسافات طويله ويبعد عن الأنظار...ويكون مركب مراوح كهرب ومحول..ولمبه كبوت..وشاحن للمصباح..(التريك او الضوايه) ..وسلك كنود...و..و الخ..واذا جاء يجلس في الليل يشغل اللمبه ..وقد تفضى البطاريه وهو ماانتبه...بهالحاله..يكون مركب البطاريه الأضافيه ومجرد مايدق سلف تعبي البطاريه الأساسيه البطاريه الأضافيه..وماعليك خوف بأذن الله.)..

وان شاء الله راح اضيف موضوع خاص بهذه الفقره(البطاريه الأضافيه)...

***
الأغراض كثيره جدا...والاساسيه موجوده في الرابط فوق...اما ماذكرت بعض التكاميل التي خطرت في بالي عند كتابه هذا الرد وقد تكون مهمه لدى البعض..والبعض الآخر مجرد تكاميل...
ولكن اردت ان افيدك انت ومن يقرأ هذا الموضوع بها...
***

لعلك تجد غايتك في هذا الرد اخوي:مزاااجي300
وان نقصك شيأ ما فالأعضاء والمشرفين مايقصرون...


تحياتي لك
برق الشمال

[دله وفنجال]

السلام عليكم...
اخوي الغالي مزاجي والله الشباب ماقصرو والله يعطيهم العافية وانا عندي اضافات وعلى قولتهم زيادة الخير خيرين ...
1: كفرات بالون حجم900 يكون النوع سيام تير تايلندي او ماكسس كوري وهذولي احسن البالون على الاطلاق .
2: اذا كان موترك طامن ركبلك يايات استرالية تلقاه عند الرماية بتخصصي ومساعدات اولدمان أسترالية من نفس المحل بس يبي يطلعن عليك غالي...
وفية راي ثاني وهو أتركب كعكات المنيوم وتفصلة من عند المخارط بصناعية القديمة...
3: ركب تانكي مويه (أذا كان داخلي لك الاختيار اما على طول المرتبة الوسطية يعني واقف التانكي او يكون على الارضية يعني مفروش على مساحت الشنطة وانصك بلالمنيوم تراة ممتاز ولايتغير الطعم فية اما اذا كان خارجي فركب ستل ستيل ازيلك لانه يتحمل الصدمات والحكحكه ولاتنسى القواطع الداخلية لجل ارتداد الماء مايكون قوي ولا يزعجك اذا كان داخلي. وقبل كذا مر على اقرب محل لوازم الرحلات وشتر او فصل تنزاني يكون حافض للشنطة من الاوشاخ والمخوش والاتربة وكذالك من تهريب التانكي اذا نسيت اتسكر غطا الماء...
4: ركب جهاز الايكوم وهذا ظروري جداً وكذالك لاتنسى القارمن اذا كان مكانك بعيد ولازم دلولة.
هذا والله اعلم وأسفين على الاطالة والقصور ...
لاكن على فكرة ترى كل هلكلام يبي يكلفك مابين 2500 الى 3000 او أكثر او أقل وعلى حسب مزاجك والي تبي تركب...
اي خدمة حنا حاضرين...

[حـاتـم]

السلام عليكم اخوي مزاجي

ماشاء الله وش هالزين

اخوي ولاهانوا الاعضاء كلن كفا ووفا

بس حبيت الخصلك

1) ياي استرالي قيمه الاربع 990 والتركيب 150 ريال_خذ النوع 200 لاتقرب ال400

2)اذا شفتى الموتر يبي يرفع زود كفرات بالون 900_او825_علشان مايرفع ال900 مره_
البالون انصحك بالدنلوب الجديد اندونيسي قمته _340 الواحد_او الي ذكروه الاخوان

ملاحظه اذا بتركب بالون اذا جت رجه غير عامود الدركسون
http://www.n0f.net/uploads/10-11-05~20051011_001_.jpg
3)دعامه بالوجه شوف الي على موتري ولو انها صغيره_بس المقاس على حسب رغبتك
http://www.n0f.net/uploads/10-11-05~20051011.jpg
4)مساعدات اولد مان او نايترو كلها واحد استراليه وهاذي صورتها
http://www.n0f.net/uploads/10-11-05~20051011_002_.jpg
هاذي تجهز التطعيس
اما للبر فهاذا شي ثاني

وأنصحك اخوي بالرفق فالتطعيس والانتباه

وآسف على الاطاله

وشكرا

اخوك / حاتم

[محب الشمال]

اول شي اسأل الله التوفيق وتساله ان يسهل لكم الطريق ولا يوريكم مكروه ودعاء السفر ثم رح ووالديك راضين عنك

ثاني شي اهم شي يكون معكم الكثير من الماء كثير جداً لانهم اساس الحياة

تروح لساكو عندهم جهاز شاحن بطارية (يقوم بشحن بطارية السيارة اذا فضت ) طبعاً هذا يستخدم عند الضرورة فقط

عدة بنشر مثل عدة رقع الكفرات وكم لستك احتياط

الاخوان ما قصروا قبلي وخصوصاً الاخ ع ف الدرويش والاخ برق الشمال

والله يحفظك ويرعاك

[حرباش]

الله يعطيك خيره ويكفيك شره

زي ماقالو الاخوان
شيك الموتر زين قبل ماتتحرك

خذ معك سيور اضافيه ، منفاخ هوى ، رقعه يدويه ، قلص ، وان حصل بطاريه اضافيه ، غير المساعدات وركب استرالي ، شنطه عده كامله

واجهزه الأتصال ايكوم وجهاز قارمن لتحديد المواقع .

وان كان تبي تزيد من عزم الموتر وتجهيزه للتطعيس
فلتر هوا ، بواجي ، اسلاك بواجي ، هدرزز وكفرات بالون وانصح ( بالسيم تاير ) الدنلوب سبق ان استخدمته وما كمل 6 شهور .


توكل على الله ورحله موفقه ان شالله



تحياتي لك اخوك حرباش ;)

[مزاااجي300]

عزالله ما قصرتوووووووووووا كفيتم ووفيتم يالغالين

وابصراحه دخولكم ومشاركتكم مهمه جداً واكيد راح استفيد منا كثيررررررر

ولي عوده

[salehhd]

ما شاء الله تبارك الله

الله يعطيك خيرة ويكفيك شرة

[مزاااجي300]

اخوي حاتم ولا يهون الربع

وين احصل مثل الدعامه اللي مركبها ؟؟

وهل هي راكبه بالشاص مباشره ام في الصدام ؟؟

انتظرك 000

[بــرق الشمال]

الأخ: مزاااجي300

بالنسبه للدعامه...تجدها في مدينه الرياض _الصناعيه(المواهب -أو-المميز)...

وبالنسبة للتركيب..(أو التثبيت) على الشاصي...

[حـاتـم]

نعم ولا يهون اخوي برق الشمال

الدعامه تلقاها بالمواهب او المميز انا مركبها بالمواهب وركبوها لي بس تركيبهم لك عليه لذلك بعد ماركبتها عندهم

طلعت لورشه خويي حداده وخليتهم يركبونها لي

صح وبطريقه ممتازه تخليها ماترجع ابد على الوجه

واذا تبي الطريقه قلي وانا اوريك وشلون بالصور

وشكرا

اخوك /حاتم

[القصبي]

جزاك الله خير يحاتم وياربع كلكم فرحتوني ولو مامعي جيب بس لانكم خدمتو الرجال
اخوكم/ القصبي

[مزاااجي300]

ياليت اخوي حاتم ولا يهونون الربع

توضح الطريقه 00

وياليت موقع الورشه والسعر والانواع اذا امكن ؟؟

كل التحايا

[اسيزو 4x4]

ما شاء الله تبارك الرحمن

الأخوان ما شاء الله ما قصروا أبد الله يبارك فيهم ....

..

[حـاتـم]

اخوي المحل المواهب الصناعيه القديمه ادخل مع طريق الملك فهد مع اسواق مكه
ثم رح بعد الاشاره يسار _ وابتل مره مره الين يجيك كبري _ بعد الكبري
ثالث اشاره يمين _وابتل الين يجيك شارع زي حرف الـT تجيك الورشه على اليسار على الشارع

وبالعلامه فوقها دعامه عملاقه منظر__واذا وصفي مافهمته اسال عنها يدلونك

اما الطريقه ياخوي هاذي هي هم بالعاده مايركبون هالمسمار انا الي سويت فتحه بالدعامه

وركبت هالمسمار بالشاص ولا هم بس يحطونه حط بدون مسمار كما بالصوره بالمسمار
http://www.n0f.net/uploads/10-14-05~20051014_004_.jpg

http://www.n0f.net/uploads/10-14-05~20051014_005_.jpg

وهاذي راح يسونها لك هاذي علشان ماترتفع الدعامه على الوجه
http://www.n0f.net/uploads/10-14-05~20051014_006_.jpg
انتبه خلهم يسونها مضبوط على شان لو ماضبوط تركيبها يمكن اي قبعه بسيطه ترجع على الوجه


وقيمتها من 400 الى 450 مع العده شاكوش ومعلاق ذبيحه وغيره

وشكرا

اخوك / حاتم

اي اسفتسار ترانا بالخدمه

[محمد حمد]

مابقى إلا السواق والخويا !

[nahham]

ماشاء الله تبارك الله

الله يعطيك خيره ويكفيك شره

مبروك يالغالي

[abdulrahmanfd]

ملاحظه اذا بتركب بالون اذا جت رجه غير عامود الدركسون اخوك / حاتم

أخوي حاتم الرجه موجوده الآن وقوية بعد
لأني الجنوط شنابر والكفرات 900
العمود اللي اغيره وش اركب وكاله والا استرالي
ووش أسوي بعد غير كذا علشان تختفي الرجه
بودي تعطيني نصائح للباترول من ناحية تجهيز وغيره
على الخاص او هنا

ودمتم سالمين