ناوي اشتري سنارة و احتاج مشورتكم

[pleura]

السلام عليكم و رحمة الله و بركاته

طبعا هذي اول مشاركة لي في المنتدى فبالبداية احب اشكركم على هذا المنتدى الرائع و على المعلومات المفيدة جدا جدا و بارك الله فيكم على مجهودكم.

انا هاوي صيد سمك من البحرين بس ما عمري استعملت السنارة ( القصبة) بس الحين ناوي اشتري سنارة و اجربها بس عندي استفسارات و اتمنى اتساعدوني فيها.. طبعا انا قريت العديد من المواضيع في المنتدى و منتديات اخرى بس ما توصلت الى نتيجة.. استفساراتي هي :

1- ايهما افضل للصيد من السيف السنارة الفايبركلاس و لا الكاربون؟؟ و اذا من الشاطئ الرملي ايهما افضل؟ و هل طول 2 متر او 2.4 متر تعتبر كافية بالنسبة لي كا مبتدئ ام يجب ان اشتري سنارة 4.5 متر و طالع؟؟ الصراحة انا رحت محل بيع ادوات صيد السمك في منطقة جدعلي بس اللي عنده اطول سنارة هي 2.4 متر و كاربون سعرها 7 دينار (يعني حوالي 70 ريال) و في عنده سنارة فايبر بس 2 متر و سعرها 10 دينار!!! انا ما ابي اشتري شي سعره عالي من البداية!!!

2- اين تقع افضل الاماكن لصيد السمك من السيف في البحرين و المسموح الصيد فيها؟ انا حاليا اصيد في منطقة الحد في منطقة ميناء سلمان بس السمك كله صغير يعني وزنه اقل من كيلو و معظمه فسكر بس انا ابي اصيد سمك اكبر من جذي هل ممكن من السيف و لا لازم اطلع اب بوت؟؟؟

3- هل في بوتات للتاجير في البحرين حك رحلة صيد سمك و اب كم الساعة؟؟ و من وين تطلع؟؟

طبعا اي معلومة او رابط موقع (حتى لو كان بالانكليزي) اقدر استفاد منه اكون شاكر لكم
و السلام عليكم و رحمة الله و بركاته

[hussam1755]

هلا بيك اخوي

نورت الخيمة

انا جديد مثلك ما اقدر افيدك كثير بس الاخوان ان شاء الله فيهم الخير والبركه وراح يفيدونك

تحياتي لك

[أحبك يا بحر]

حياااك اخوي ونورت مكشات ... وانا ما ابي افتي لانو في اللي اعلم مني بكثير في الخيمة وايضا انا جديد على القصبات اشتريت اول قصبة قبل شهر وكانت كاربون فايبر 3.6 متر واشوف انها جدا ممتازة لكن حط في بالك اذا انت مو خبير سبحان الله ما تدري ايش يضرب واذا كانت مرنه بزياده يبيلك شوية فن في التسحيب من تجربتي فا تحتاج شي جامد .... بانكس من تجربتي البسيطه هي مكينه جدا ممتازه رغم او سار عندي خراب بسيط

بالنسبة لصيد البحرين ما عندي عنه اي خلفية وانشاء الله بتلاقى من اخوانك من يفيدك .. تحياتي

[hussam1755]

انا اخذت قصبة دايو 3.5 متر وماكينة بانكس 7000

الحقيقه اني ندمت وتمنيت اني اخذت اطول يعني مثلا 5متر لانها ترمي ابعد

لكن كوني مبتدئ قلت خليني اتعلم الان على هذي لكن مثل ما قال الاخ / احبك يابحر ماتدري ايش يضرب معك

وانا فعلا قبل كم يوم ضرب معي شي كبير وما قدرت اطلعو يمكن بسبب القصبة او بسبب مقاس الميدار او بسبب نقص الخبرة

واتمني لك التوفيق

[pleura]

مشكورين على مروركم الكريم و الترحيب.. الخيمة منورة ابناسها .. يعطيكم الف عافية

االي افهمه من كلامكم انه القصبة الطويلة افضل من ناحية انها ترمي مسافات بعيدة و انها افضل في حالت الصيد الكبير بس مشكلتها انها تحتاج خبرة في التعامل معها لان السيطرة عليها اصعب!!!؟
انا اليوم رحت مكان ثاني حك بيع السنانير و لقيت عندهم قصبتين 4.2 متر بس وحده متينة و سعرها 10 دينار صينية بدون المكينة و الثانية يكول صاحب المحل انها ايطالية بس مكتوب عليها مصصممة في ايطاليا ( designed in Italy ) و سعرها 20 دينار كمان بدون المكينة و المكاين عنده تتراوح اسعارها من 5 دينار الى 70 دينار و احجام مختلفة .. الصراحة عنده وايد مكاين بس ما لقيت عنده بانكس .. حيرني و مو عارف وش اشتري!!!!

[أحبك يا بحر]

أخوي القصبة الأطول ترمي أبعد كلام سليييم 100% بس افضل في حالة صيد كبير ليس تماما انا اقصد متينه و صلبه لانه في قصبات مرنه جداااا وخفيفه شوف انا اللي اسمعه هنا من الشباب في الشرقية والخليج في نوعية جداااا ممتازه اسمها GMC بس دير بالك مو تروح تشتري Yukon :p

الأسعار عندكم المفروض تكون ارخص وبدون مكينه لاتأخذي شي يزيد عن 15 دينار واذا مالقيت بانكس شوف الدايو انا ماجربتها بس معتها طيبه وفي انواع والله ناسي اساميهم ان شاء الله معلميين القصبات يفيدوك وفالك السبيطي ان شاء الله :)

[MR_MJROR]

اخوي القصبات انواع
وافضل قصبات نزلت وانتشرت بشكل كبير هذه الايام
وانا شخصيا استخدمها
اسمها رويال ..... 4 متر ونص
والمكينه 7000 بينكس
وبعدها اقدر اقلك ان هالقصبات رح تخدم معاك العمر كله
لسهولة حملها لانها (( كربونيه )) وقويه في السحب
وتساعدك في الرمي لمسافات بعيده جدا فقط (( استخدم الثقال 4 و 3 مع الضفاير اللي هي السنانير ))
وفالك اللي كنت تحلم فيه اكيد الكبير الكبير
وبالتوفيق لك

[hussam1755]

تعال للخبر واشتري اللي تبيه اذا مافي بالبحرين

كل شي هنا موجود ومتوفر الجمسي والدايو والباكس بجميع المقاسات والاحجام وانا اشوف ان الاسعار هنا افضل حس تسعيراتكم

تحياتي لك وصيد طيب ان شاء الله

[محمد آل يتيم]

أخوي إذا كنت من البحرين أقدر أساعدك..

[عجيبان]

حياك الله بين اخوانك واحبابك
وادي افيدك بس ماني من سكان البحرين

[accentkool]

خذ الجي ام سي 5.5
والبانكس 7000اس تي
حق شواطي ولا اروع

[pleura]

السلام عليكم و رحمة الله ..
الاخوة الاعزاء شاكر لكم مروركم الكريم و ردوودكم و تفاعلكم و ربي يوفقكم جميعا

شكلي ان شاء الله راح ادور على جي ام سي 5.5 متر و ماكينة بانكس 7000 لاني لقيت معظم الاخوان يمدحون فيها و ان شاء الله تمشي الامور تمام.. كل شي في بدايته صعب بس الواحد يتعلم ان شاء الله.

الاخ محمد ال يتيم / نعم انا من سكان البحرين صارلي 4 سنين في البحرين و يا ريت ادلني على اماكن بيع عدة صيد السمك و احسن اماكن الصيد بالقصبة او اي معلومة ممكن تفيدني فيها اكون شاكر لك.

تمنياتي للجميع الاخوة بصيد طيب ان شاء الله

[صياد متهور]

وعليكم السلام ورحمة الله وبركاته
اخوي انا عن تجربة في عصي 4.5 تروح ابعد من عصي 5.5 وهيك هي على تعود الواحد ومتى يفك صبعة ومرونة السنارة وصحيح المرنة مو زي القاسية القاسية يمديك تجيب السمكة على عينها اما اللينة مسايس انت وخبرتك انا من رايي لاتاخد سنارة طويلة خود من بين 3 متر الين 4.5 تعود عليها واوزنها عدل بعدين خوود اللطوييل والمكينة ادا بتاخد متل ماقل لك من 3 الين 4.5 خود بانكس اس تي 7000 والطويلة ادا اخدتها عندك البانكس اس اي او . اس اي 7000 دي اكس .. ولاا الدايوا ممتازة ... ولاا المتشل ..
وبالنسبة لانواع السنانير .. الدايوا المتشل والوايت رابت والجي ام سي وفي انواع تانية بس هدولا ممتازين
اتمنى افدتك
واعدرني على طول الرد

[قرقفان]

جربت سنارات كثير

زي gmc ماشفت خفة ومرونه وترمي مسافات طويلة

والمكينة banex ممتازة وقوية في السحب وسهلة بالاستخدام

وفالك السبيطي والكنعد

[pleura]

ممكن اعرف كم سعر المكينة البانكس 7000 و القصبة ال جي ام سي في الخبر؟؟ و عند اي محل موجوده ؟؟؟ و عنوان المحل اذا امكن؟؟؟ و شاكر لكم مروركم و تفاعلكم

[صياد متهور]

الجي ام سي 270 الين 250 الظاهر ادا بتلاقيها عند عرفة
والبانكس انواع
اس تي 7000 _150 ريال
اي اس او 7000 _ تقريبا 210 ريال
اس اي 7000 دي اكس _ 260 ريال الربان البحر في الدمام وموجودة بالخبر وتختلف الاسعار
اتمنى اكون افدتك
بالتوفيق

[ابن بااارود]

الله يعطيك العافبه

[pleura]

الجي ام سي 270 الين 250 الظاهر ادا بتلاقيها عند عرفة
والبانكس انواع
اس تي 7000 _150 ريال
اي اس او 7000 _ تقريبا 210 ريال
اس اي 7000 دي اكس _ 260 ريال الربان البحر في الدمام وموجودة بالخبر وتختلف الاسعار
اتمنى اكون افدتك
بالتوفيق


مشكووور و بارك الله فيك اخوي ... يعطيك الف عافية كفيييت و ووفيييت

[nasser a]

شف حبيبي جي ام سي حلوه وفي الرمي مو شرط انك تاخذ طويله اهم شي تكون المرونه موجوده في السناره
انتو في البحرين العمق قريب من الشاطئ يعني جزيره ولا يحتاج المسافه البعيده اهم شي المكان يكون زين
في سناره انا الصراحه فقدتها واسئل عنها ممكن تكون عندكم في البحرين واذا كانت موجوده قولي ابي اجي اخذها هي مصنوعه من القصب ممتازه جدا ومرنه وقويه

انشاء الله اني افدتك بشي

[SNIPER07]

بين اهلك و ناسك يا غالي

و لخوان ما قصروا

القصبات كلها ممتازه
GMC
دايوا
وايت روبن
شيما
سي كابتن
آبو
abc
انصحك اذا جيت تشتري القصبه
جرب احدى هذه الانواع
و اللي تحس ان رميتها معاك ممتازه توكل على الله
و المكينه بونكس طبعا
من 5000 الى 7000 رقمها
و تأكد انها اصليه من كوريا
و خذ خيط بق قيم 40 أل بي مطغوط

و توكل على الله ،،، و احدق في محدق طيب

و عقبال ما نشوف صيدك يا غالي

[pleura]

شف حبيبي جي ام سي حلوه وفي الرمي مو شرط انك تاخذ طويله اهم شي تكون المرونه موجوده في السناره
انتو في البحرين العمق قريب من الشاطئ يعني جزيره ولا يحتاج المسافه البعيده اهم شي المكان يكون زين
في سناره انا الصراحه فقدتها واسئل عنها ممكن تكون عندكم في البحرين واذا كانت موجوده قولي ابي اجي اخذها هي مصنوعه من القصب ممتازه جدا ومرنه وقويه

انشاء الله اني افدتك بشي

مشكور اخوي على مورورك و مداخلتك الطيبة .. و بالنسبة للقصبة اللي تبغاها يا ريت تعطيني معلومات اكثر علشان ادورلك عليها و ان شاء الله ما اقصر

اخوي SNIPER07
شاكرلك مرورك الكريم و مداخلتك اللي كلها ذوق ... يعطيك الف عافية

[ناجل سمار]

وعليكم السلام اتمني من الله ان يوفقك بالمطلوب والمناسب

[أبوجهاد التبوكي]

يفيدونك الاخوان....