هذي نهاية الحربثه في كهرباء السيارة

[خشم الحصان]

الاخوه الغالين
السلام عليكم
احد الاخوان جزه الله خير ارسل لي صور سياره شبة عند بيته و السبه حربثة كهربائي غشيم تعلم الحلاقه في راسه والنتيجه احتراق السياره
المقصد ياخوان انه مهوب كل واحد يجيد الكهرباء وتصليحها لا انتبهو ترا الصناعيات مليانه من هالنمونه
والنتيجه حراق السياره الله يخلف علي راعيها بالجنه
الصور تراها مبطيه يمكن لها 3 او 4 اشهر الله اعلم واجل
عموم حطيت هالموضوع للتذكير لئن الوقت بدا لتجهيز السيارات والعده
واترككم مع الصور.
الصوره الاولي
http://www.mekshat.com/pix/upload/images11/mk2673_f1.gif
الصوره الثانيه
http://www.mekshat.com/pix/upload/images11/mk2673_f2.gif
الصوره الثالثه
http://www.mekshat.com/pix/upload/images11/mk2673_f3.jpg
الصوره الرابعه
http://www.mekshat.com/pix/upload/images11/mk2673_f4.gif
الصوره الخامسه
http://www.mekshat.com/pix/upload/images11/mk2673_f6.gif
الصوره السادسه
http://www.mekshat.com/pix/upload/images11/mk2673_f5.gif
الصوره السابعه
هذي صورة البطل لي جاب لاي الماء حق الخزان وشغل الدينمو ومده وطفو به السياره الله يجزه عنا كل خير
http://www.mekshat.com/pix/upload/images11/mk2673_f9.jpg
اخواني ترا الامور بنسبه لمثل هالشي تبي ركاده يعني هالوحات (كهربائي فني تحت اشراق (نقنق بن شنق ينق)
تشق السبد والمخبات
ولا لو انها السياره شبة عند محطه ولا حولها احد تهقون وش بيصير العواقب الله يكافينا وياكم الشر
اخوكم
خشم الحصان

[المترو]

السلام عليكم ورحمة الله وبركاته

ماشالله على التحذير والله يكفينا الشر ويحفظ حلالنا وحلال المسلمين من العبث وفعلا الكهرباء من ادق الاعمال بالسياره وغيرها ولا كلن يتعبث فيه ونصيحه اخويه من حكيم مكشات خشم الحصان الله يحفظه من كل شر

ولو انك خربت الدعايه اللي انا مسوي لتركيب البطاريه الاحتياطيه :mad: (منول ودي افتح وريشة كهرباء عند الباب :D ) لكن بموضوعك هذا ابريت ذمتي وجبت الغائبه يا ابو محمد جزاك الله خير على هالتنبيه المناسب سوى لمن يقوم بالعمل بنفسه او عند غشيم بورشه واكرر اهمية هذا الكلام مره اخرى :good:

وتسلم للموضوع يا عمي خشم الحصان الله يثيبك ويرحمنا ويرحم والدينا ووالديك من النار

المترو ابو ناصر

[دله وفنجال]

السلام عليكم...
اخوي العزيز والغالي خشم الحصان هنمونة ياكثرهم وهم الي ترسو البر والبحر اذا صح التعبير والصناعية تنغش منهم والواحد يجي من ديرتة ويتعلم على مواترنا المكنيكا وياغافلين لكم الله ماتدري وش ايسوونبهن ...
المهم هذي سالفة احصلتلي شخصين كنت باحد اعياد الفطر قبل 8 او 9 سنين متجة لم الشرقية ديرة بعد حيي رحال الخبر والطبيب ولايهونون الباقين المراد الموتر مايتعدى الـ100 كيلو بساعة ون دعست تسمع صوت المكينة بس ماتمشي يعني كنك ياخشم الحصان تشفط من شفاط عصير والشفاط منسد وشلون يبي يصير وجهك امتغيرة اعلومة طبعن----(مع العلم ان الجد خشم الحصان مايعرف وشو العصير لانه ماكانت من جيلة)المراد مالكم بطويلة ونوقف ابمحطة على الطريق ولم الحفرة علطول وحنى انتفحص الموتر الا ويطلعلنا هاك الواحد الي الله العالم ماغسل وجة ابد كله ازيوت وسود غادي (ونا اقول للشباب الله العالم انه يتدهن بزيت مكاين محروق لجل يوهم الزبون انه بطران وشغيل وفاهم).
المهم نزل بلحفرة وقام يتفحص وبلاخير وش استنتج الاخ قال نبي انزل القير يمكن يبيلة توضيب ونا التفت له وقول يبيلة توضيب والله انك ماعندك معند جدتي امشو ياشباب ونروح ونتمشى ونفلة بشرقية ونستانس لنا كم يوم ونرجع لم الرياض ولا الورشة مفتوحة وهي تبع واحد من الشباب ويناضر الموتر ويقول جب فلتر بانزين بس ونشاء الله يبي يزين وعلى كلامة ابن الحلال رجع الموتر زي اول مافية اخلاف والموتر جمس 93 صالون...
لاكن الشاهد شف وشلون النصاب وش يقول بلول لو انه طايحن بواحد حبيب ولعب علية كان وش يصير خرب موترة وبلاخير يبي يقولة ادفع شغل اليد وجب صطحة وضف موترك الله لايهينك صح ولا انا غلطان ...
اسف على الاطاله ابو محمد ....

[مشغول]

حي الله ابو محمد

الله المستعان وين الناس .. وش ذا الغيبه .. الله يغفر لي ولك زلجميع المكشاتيين .

ماشاء الله على البركة الموتر الجديد الله يعطيك خيره ويكفيك شره .. ولو انه محترق لكن على الاقل ازين من موترك اللي كله صرصره تقول واحد يسولف معك طول الخط ..وبعدين قلي هذا محمد اللي في الصورة ..
لا تخلينا هالسنة لازم نشوفك ..


وهلا بك يا بعدهم

[الحسكولي]

صدقت ياخشم الحصان ... والله انهم مالين الصناعية واحب اضيف على كلامك وكلامك على متمه نصيحة لللاخوان انهم لايصلحون عند اول ورشة يفحصون عندها ولكن يروحون لاكثر من ورشه وياخذون كلام الاغلبية وهذا حسب تجربتي يوفر الكثير من الوقت والمال وتطيح بورشة ممتازة . وحصل لي العديد من القصص من ضمنها كان عندي صوت حنين عند سرعة 70 وصاعد وذهبت الى ورشة من كبار ورش الصناعية وقالولي توضيب قير ومن باب الثقه وانها ورشة كبيرة ومتخصصة ذهبت لاحضار القطع لاكن صاحب محل القطع جزاه الله خيرا نصحني بان اذهب الى ورشه اخرى وثالثة وفعلا لما ذهبت الى تلك الورشتين اتفقو على ان العيب ليس بالقير ولاكن بالدفرنس ووضبت الدفرنس وضبط الموتر . ... واسف على الاطاله

على فكره اعجبتي الصورة اللي بتوقيعك اذا بالامكان تقولي مشكورا اين هذا المكان ؟ واذا ماعددك مانع ترسلها لي لاهنت .

[حرباش]

يعطيك العافيه على النصيحه والتذكير


والله يجزاك خير


تحياتي لك ;)

[مزاااجي300]

الله يجزاك الف خير على النصيحه

[salehhd]

لاحول ولا قوة الا بالله

الله يعوض عليه