أسمعوا قصيتي ،، يأهل الخير

[جساس]

السلام عليكم ورحمة الله وبركاته .
بإختصار ..
كلمت رجال يوم من الإيام أبي شوزن أم خمس ( بنللي سوبر بلاك إيغل ) ويوم جيته وأستفرد بي ، حاول يغيير رايي إلى أم خمس ( براوننغ قولد هنتر ) وصار يذم في البنللي ويمدح في البراوننغ ، حتى شبه أقتنعت برايه .
ما أدري يا أخوان وش رايكم في الموضوع
تكفون أبي الشور في الموضوع ، وأي وحده منهن أفضل مع ذكر مميزات كل وحده وعيوبها .

[عليان الليل]

ولا فرق البروننغ احسن صناعته بلجيكية
وزين الي لقيته مقطوعة هذي من السوق
اخوي تبي الشور خذه ولا تفكر وصدقن رخيصة بعد



اخوك عليان الليل

[طويل الخطام]

السعر مناسب جدا وخصوصا هالايام لأنة وقت موسم
اما البراونج فخذها ولا تشاور على قولت عليان بس تأكد من ان عدتها كاملة ومن أنها بلجييييييكية.
وأتمنى لك التوفيق في الشراء....:cool: :cool: :cool: :cool:

[جساس]

السلام عليكم ورحمة الله وبركاته
مشكور يا عليان الليل وأنت طويل الخطام .
بس حبيت أسأل عن عدتها وش هي لانه وراني معاها 3شوكات مع مفكها وكتلوجها وقفل أمان للزناد .
وعندي سؤال ثاني : كيف أعرف البلجيكية منها مع أن الكثيرين يمدحون اليابانية منها .
تكفون أبي الرد بسرعة قبل ما تروح مني .

[قـلب الذيب]

مساك الله باخير ياخوي جساس...
بالنسبه للبندق الي ذكرت( قولد هنتر) مدحها لي واحد من الشباب بلجيكيه مكتوب عليهاMADE IN BELGIUM
وعلى ماسمعت أنها تجي سوبر3 أنش وعاديه..
ورميت بها على حمام من 80 خطوه تقريباً ولاباس..
واذا بغيت أستفسار أكثر على عندك الماسنجر أوعلى الأيميل..

[السرحان]

كل ما ذكرت ممتاز واثبت وجوده يبقى موضوع السعر هو الفيصل
والتاكد من النوعيه اصليه ..... ويعطيك خيرهم ويكفيك شرهم
ثم هناك ملاحظه الرجال الي مدحلك هو اخ ثقه ولا تاجر !!!

[رامي فهد]

الاولى لا باس بهاا

[شعب السرب3]

يفيدونك اهل العلم

[جربوع 200]

شوزن ام خمس لقيته 5500 اشترية ولا

[حسين2002]

هههه الموضوع من عام ٢٠٠٢