(( الدبل الكهرب )) ماله.............. وما عليه...............4×4

[((أبو أسامة))]

المشاهد أن السيارات الجديدة بدأت بالتنافس على هذه التقنية بشكل سريع

مثل السوزو ديماكس + يوكون + درانجو + فورد + هونداي + ريكستون ..... وغيرها كثير

الحقيقة معلوماتي في هالجانب غير نابعة من خبرة ولكن من تجارب الآخرين أمثالكم

أبدأ بالسلبيات يقال :

1- يفصل في النفود ؟ ..
2- غير عملي .....
3- غير مرغوب في البيع عند الشريطية تذكرون الشاص الخليجي نزل منه على ما أذكر قديما موديل الخفيف كهرب والثقيل تعشيق ومع ذلك يتحاشاه الشريطية .
4- أن الزر ممكن يعشقه الواحد بالغلط .
5- أن السيارات اللي عليها الكلام وعملية ما تحط كهرب .
وكثير مما قالوا

أما الايجابيات فقالوا :
1- سهل الاستخدام .
2- تكون السيارة أسرع وأخف.
3- أقل في استهلاك الوقود .
4- أنك تستطيع السير به لسرعة 100 كيلو وهو معشق .
وغيرها كثير مما قالوا

ولكن نحب نسمع منكم وأتمنى الحياد والصراحة بون مبالغة في مدح أو ذم وأن تكون من تجربة شخصية وأن لا يمدح الانسان الشيء لأنه يستعمله فقد يتورط بعض اخوانك بسببك

تفضلوا

[اسيزو 4x4]

السلام عليكم ورحمة الله وبركاته

الغالي فتى الحريق مشكور على اثارة موضوع مهم جدا

أنا بأتكلم عن اللي أعرفة و مجربة شخصيا وهو السيزو الديماكس 2004 دبل كهرب

تبين لي الأتي :

1- الكهرب فقط في التشغيل ولكن الأجزاء السفلية مثل دبل القير تماماً - يعني الكهرب في الطبلون فقط
( يعني بدل ما تعشق بنفسك يدوي أظغط الزر وهو يعشق بدالك هذا التغيير فقط )

2- وجود دفرنس أمامي مثل دبل القير

3- عملي وقد ينافس دبل القير

4- صيانتة سهلة جداً جدا ً

5- قوة تحملة

6- نشيط جدا ً

7- مايفصل أبد ( اللي أنا مجربة كنا ندخل نفود أنا بموتري وهو بموترة الديمكس ومعنا باترول ربع ونمشي بالنفود حول 4 الى 5 ساعات ولا فصل أبد ومشغل المكيف لانة كنا حول البحر وكان رطوبة ) ما شاء الله

8- تقدر تعشق الدبل ونت ماشي 100 كلم

عيبة الأزرار مكشوفة ولكن يوجد حل تفصيل غطا لة ومتى ما تبغى تشغل الدبل فك الغطا ( والغطا يكون لة مفصلات ) الطريقة مجربة وناجحة 100 % ( يكون غطا بلاستيك ويتولف على الطبلون )

والصراحة الدبل اللي بالديماكس الأسيزو ممتاز وعملي جدا ً .... ماشاء الله ...

أبو حمود .....

[((أبو أسامة))]

أنت يا بو حمود شهادتك مجروحة في السوزو ................ الحقيقة مخلص لموترك بشكل لا يضاهى

وأكبر دليل شف التوقيع

لكن على كل حال أمزح معك كلامك على العين والرأس.................

مشكور على النصيحة ولكن ممكن تبرز لنا عيوب الديماكس لأنه متوفر بكثرة في المعارض مستعمل .......... الناس ما جاز لهم الظاهر

[اسيزو 4x4]

السلام عليكم ورحمة الله وبركاته

الله يبارك فيك يا بعدي :D

العيب الوحيد بــ السيزو الديمكس هو أن الدبل مكشوف على الطبلون فقط لا غير ...:type:

و كتبت بردي الأول الحل :type: :good2:

ومشكور يالغالي ( فتى الحريق ) :good2:

أخوك ومحبك في الله ( أبو حمود )....

[هوى]

صباح الخير
انا الصراحه لي كم يوم وانا ادور لاندكروزر Gxr 2006 فل كامل وشرطي الوحيد هو إن الدبل الصغير مايكون زرر ولا لقيت لحد الحين *** حسبي الله عليهم ورطونا بذالزررر اللي ماله داعي !!! بس شكلي باخذ جكس ( هدد ) كامل المواصفات وبوديه الوكاله اضيف له شوية مواصفات خارجيه وسلامتكم.

[هوى]

مممممممممم

[اسيزو 4x4]

أخوي هوى الــ Gx أزين لك وأخف وأفضل .... نصيحة لا تدور غيرة ....

[هوى]

هلاا والله اسيزو تراني غشيم في المنتديات واول مره ادخل واشارك**

[هوى]

طيب وش تنصحني به وارد اليحيا ولا وارد قطر !!!

[Mohammad]

استخدمت زر الدبل الخفيف كثيرا فى طلعات البر وفى الجبال من اكثر من ست سنوات ولا زال يعمل ولم يخرب ولو مرّه واحده والحمد لله ما شاء الله ما شاء الله...السّياره قير عادى والدبل الثقيل عادى.

سبحان الله وبحمده سبحان الله العظيم

[هوى]

اخ محمد وش سيارتك؟وهل هي دفع رباعي مستمر؟

[salehhd]

السلام عليكم

اعتقد الي فقرك عن الدبل العادي والتماتيك التشغيل فقط مثل ما قال الاخ ايسوزو

واكثر الجيوب الجديدة وبالذات الامريكية دبلها زر وما في مشاكل

[اسيزو 4x4]

صدقوني الدبل الكهرب عملي جدا ً

لكن الناس خوافين


أخوي الغالي هوى

وارد اليحيا ممتاز جداً


أخوي الغالي salehhd

مثل ما قلت التشغيل فقط والحمد لله الكثير من اللي يستخدمون دبل الكهرب ما أشتكو أبد ..

....

[البرحه]

سلام عليكم

اخوي .. الجي اكس اصرف لك 100% ونصيحه اذا ما تهتم بالشكل خذذذه

والبريمي مع واحد من ربعي والله توب !

وشكرا

[غيّام]

اولا اشكر مشرفنا العزيز فتى الحريق على طرح مثل هذا الموضوع المهم جدا وجزاه الله خير

ثانيا : انا عندي فكس ار 2004 قير تماتيك والحقيقه الزر ما عليه خلاف معي لكن ما يخلي الواحد يعتمد عليه يعني بالعربي ماتسطي تروح به للرمله وتقطه 1500 كيلو نفود وما اخبر احد جرب الزر في الرمله

ابوحمود : اتمنى اذا لم اشق عليك ممكن تزودنا صور للغطاء اللي يركب على ازرار الدبل واحد من الربع معاني من المشكله وشكرا للجميع

[هوى]

السلام عليكم وصباح الخير
باركولي يالربع حجزت اثنين يعني موترين يعني سيارتين وحده لأبوي والثانيه لي من عند اليحيى والنوع ( Gx ) كامل المواصفات واحد ابيض تماتيك والثاني ذهبي قير عادي*
وإذا طلع الذهبي انشالله بوديه للوكاله على طول عشان اركب جناح واغير الصدامات بخليه Gxr*
بس دلوني على الجنوط الكروم موديل 2003 حجم 16 الأصليه وين ألقاها !؟؟
**************يعطيكم مليوووووووووووووون عافيه*************

[salehhd]

مبروك والله يعطيك خيرها ويكفيك شرها

[بواسامه]

الحقيقه ياجماعة
الكثير مايبي زر كهرب
ولا قد سمعنا احد اشتكى منه
صح ان العملي اكثر اللي هو مكنيكي ويدوي وممكن لو ما لقم بالبر تعرف تتفاهم معه اكثر
بس الكهرب لو قدر الله وخرب او فصل فالمسأله كلها فيوز غيره وكلش بيرجع مثل اول
ولو ماعرفته له امش بالثقيل اللى اقرب عزا والباقي ماتحتاج لا خفيف ولا ثقيل

الحقيقه العلم في تطور وتقدم ولوه يضعف من السياره ولا مهوب عملي صدقوني ماحطوه تويوتا ولا ايسوزو ولا الامريكي عامه
وصدقوني هم يجرون تجارب اشد من اللي عندنا ويهمهم انتاجهم اكثر من شراك واستخدامك يالمستهلك
عموما كثير نعرفهم جرب الثنين كهرب والقديم القير القزم وكلها ماشي حالها

شف اللي يعجبك واشتر ولا تتردد ابد
هم شي خذ اللي بخاطرك لانها سيارتك الشخصية
موفق