^^^ ابي رايكم بالقراند الماركيز ^^^

[الصقر الحربي]

بسم الله الرحمن الرحيم
السلام عليكم ورحمة الله وبركاته


افكر إني آخذ قراند ماركيز


http://www.edmunds.com/pictures/VEHICLE/2010/Mercury/2010.mercury.grand%20marquis.20316204-396x249.jpg


رايكم فيها ناس تسبها وناس تمدحها
كيفها من ناحية الراحة والقوة والقطع وهل خراباتها كثيرة زي ما أسمع
طبعا اللي با اخذها استيراد من 2007 وفوق
((شوركم علي يالربع))

[HAS5SAN]

ممتازة ولا فبها عيوب
وقطعها الآن مثل قطع الكراسيدا
وهي أنشط من الكراون الفكتوريا
توكل على الله وحاول يكون الموديل حديث
وعليك باللون السمني أو الحبري
والله يوفقك
انا ماجربتها لكن عند جيراني 2

[النسيم العليل]

سيارة ممتازة ومريحة ذات قوة ومتانة عالية وقطع غيارها متوفر وبسعر مناسب وبما أن الموديل من 2007 وأعلى فإن خراباتها قليلة .
((((((عن تجربة))))))) .
استخر أولا وبالتوفيق.

[عبدالعزيز-1]

السياره رائعه ومريحه جدا وعمليه وقويه وكل المميزات الزينه فيها ولا فيها اي عيوب

لكن احرص على النظيييييييييييييييييييييييييييف

وانتبه من السيارات الامريكيه ترى اغلبها ملعوب في عدادها او مرشوشه احرص انك تشيكها في اوتوتشيك او كارفاكس

[مدمن فتك]

لو مامعي فتك لاخذت الماركيز وانا مغمض

[ولدمظبر]

اتكل علي الله وخذها

انا معي 2007خليجي


واي استفسار ابشر

[حاتم العمر]

والله انه موتر يشد به الظهر .. خذه ولا تردد .. وسعره معقول جدا بالنسبة للسيارات اليابانية

[m3ax]

يسوى له 3 سيارات كابرس من الجديدة

[الصقر الحربي]

شاكر لكم التفاعل مع الموضوع
وبارك الله فيكم
والله يكتب اللي فيه خير

[بن سليمان]

لو وفقك الله بنظيف ما راح تتنازل عن غيرها بس مشكلتها ما تبي شوارع مكسرة ومحفرة يعني سيارة خطوط سريعة كأنك راكب إيرباص

[moooj]

اخر-طرب-وانا-مجربه
اقتصادي-وكد-ومد-وقطع-رخيصة
وراحة
الله-لا-يخلينا-منه
لكن-احرص-على-النظييييييييييف
لا-تتورط-في-شيء-مضروب-فتتبهذل

[أرمادا]

اذا تبي النصيحه خذها من الكويت ..

انا اخذتها من الكويت فل كااااااااااااامل جلد وهيدروليك وجناح واللون فضي ماشي 54 الف من وكالة المجموعه عندهم جديد ومستعمل بـ 64 الف ريال بس وانا قبل لا اروح للكويت فريت الحراج مدة حول اسبوعين ولا فيه نضيف وغالي


الموتر من شهر 5 هجري والحين ماشي معاي الموتر 100 الف وزود على كذا يستخدمونه ثلاث اشخاص كلن يكده وماشي الحمد لله .. ما غيرت فيه غير بوالين الهيدروليك بس ..

اتكل على الله موتر مريييييييييح فوق ما تتصور واقتصادي بالبنزين انا اعبيه 95 بـ 37 ريال تقريبا ويوصلني حول 530 كم مع انه 8 سلندر

[ابوصالح77]

أخوي خذها وأنت مغمض ، وإحرص على النظيف

[الصقر الحربي]

اذا تبي النصيحه خذها من الكويت ..

انا اخذتها من الكويت فل كااااااااااااامل جلد وهيدروليك وجناح واللون فضي ماشي 54 الف من وكالة المجموعه عندهم جديد ومستعمل بـ 64 الف ريال بس وانا قبل لا اروح للكويت فريت الحراج مدة حول اسبوعين ولا فيه نضيف وغالي


الموتر من شهر 5 هجري والحين ماشي معاي الموتر 100 الف وزود على كذا يستخدمونه ثلاث اشخاص كلن يكده وماشي الحمد لله .. ما غيرت فيه غير بوالين الهيدروليك بس ..

اتكل على الله موتر مريييييييييح فوق ما تتصور واقتصادي بالبنزين انا اعبيه 95 بـ 37 ريال تقريبا ويوصلني حول 530 كم مع انه 8 سلندر


شاكر للجميع المشاركة

ماشاء الله تبارك الله
الله يباركلك فيه
كم موديل السيارة اللي أخذتها

[أرمادا]

موديلها 2008 المعذره من الحماس نسيت اكتب الموديل

[عبدالرحمن1980]

عند عمي وحده مخمل ماودك تنزل منها:D

[(ابو عبدالله)]

توكل على الله

[Abo gssar]

سيارة خط بلا منازع وفيها نعومة ماتتوقها ومن ناحية المكدة ماشاء الله
عندي واحد موديل 2003 مااقول الا عيني عليه بارده عمره ماوهقني ولا قد تعطلت فيه ولله الحمد علما اني كنت اسافر عليه اسبوعيا حولي 2000 كيلو لمدة اربع سنوات على هالحال ومن بعدها اداوم عليه تقريبا 180 كيلو يوميا الى اليوم ..._ماشاء الله تبارك الرحمن _والله اني خايف اعطيه عين.........خذه وانت مغمض...ماراح تندم
والمعذرة على الاطالة

[الستانس]

اخوي ان كانك بتاخذ امريكي

فيه محل اسمه مزادي بعد خريص وانت متجه جنوب

تختار السيارة من النت من اي موقع يجيبونها لك بعموله 4500 ريال

بس انت اختر السياره ولا ان كاني تبي هم اللي يختارون يشغل لك شاشه على النت

وتتفرج وتختار